بەيجيڭ پەداگوگيكا ۋنيۆەرسيتەتى پارتكومىنىڭ بۇرىنعى شۋجيى ليۋ چۋانشىڭ تارتىپكە، زاڭعا اۋىر دارەجەدە قايشىلىق جاساعاندىقتان پارتيادان شىعارىلدى
2022.01.02 11:43 كەلۋ قاينارى : حالىق تورابى
ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى تورابىنىڭ حابارى. تاياۋدا ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى بەيجيڭ پەداگوگيكا ۋنيۆەرسيتەتى پارتكومىنىڭ بۇرىنعى شۋجيى ليۋ چۋانشىڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ تەكسەرۋ جۇرگىزدى.
تەكسەرۋگە قاراعاندا، ليۋ چۋانشىڭنىڭ مۇرات - سەنىمى كەمشىل بولىپ، ساياسي تانىمى سولعىنداپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن تياناقتاندىرۋدا جاۋاپكەرشىلىك ارقالاماعان، مىندەتىن وتەمەگەن، پارتيانى جاپپاي قاتاڭ باسقارۋدى، اسىرەسە، يدەولوگيا قىزمەتىنىڭ نەگىزگى تۇلعالىق جاۋاپكەرشىلىگىن مۇقيات اتقارماعان؛ ورتالىقتىڭ سەگىز تارماقتى بەلگىلەمەسىنىڭ رۋحىن ەلەپ - ەسكەرمەي، بەلگىلەمەگە قايشىلىق جاساپ ۇكىمەت اقشاسىمەن بەرىلگەن قوناعاسىعا بارعان، قىزمەت ءۇيىن ولشەمنەن اسىرىپ ورنالاستىرعان، پايدالانعان؛ مىندەت وتەپ جاتقان جوعارى مەكتەبىنىڭ الەۋمەتتىك بايلىعىنان پايدالانىپ، تۋىس - تۋعاندارىنا پايدا جەتكىزىپ، بايلىق جيناعان، قىزمەت ۇقىعىنان نەمەسە قىزمەت ىقپالىنان پايدالانىپ، باسقالاردىڭ وقۋعا ءتۇسۋ، قىزمەتكە كىرۋ سياقتى جاقتارىندا پايدا جەتكىزىپ، تۇرعىن ءۇي ساتىپ الۋ بارىسىندا مەملەكەتتىڭ، كوللەكتيۆتىڭ مۇددەسىنە قول سۇققان.
ليۋ چۋانشىڭ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە جانە قىزمەت تارتىبىنە اۋىر قايشىلىق جاساعان، سونداي ـ اق، قىزمەت مىندەتى جاعىندا زاڭعا قايشى كەلگەن، ونىڭ ۇستىنە، پارتيا 18 ـ قۇرىلتايىنان كەيىن تىزگىنىن تارتپاعان، تيىلماعان، سيپاتى اۋىر، ىقپالى ناشار، ونى قاتاڭ ءبىر جاقتى ەتۋ كەرەك. ليۋ چۋانشىڭ ىرىقتىلىقپەن ٶزىن مالىمدەگەننەن كەيىن، ءوزىنىڭ ماسەلەسىن قاز - قالپىندا تاپسىرىپ، تارتىپكە، زاڭعا قايشى بارلىق تابىسىن ىرىقتىلىقپەن جوعارىعا تاپسىرعان، وتكەندەگىدەن ساباق الىپ، كەيىنگىگە عيبىرات ەتۋ، اۋرۋدى ەمدەپ، ادامدى قۇتقارۋ پرينسيبى بويىنشا، ونى جازاسىن جەڭىلدەتىپ ءبىر جاقتى ەتۋگە بولادى. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ ـ تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنە اكىمشىلىك جازا بەرۋ زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ جانە ج ك پ ورتالىق كوميتەتىنە بەكىتتىرۋ ارقىلى ليۋ چۋانشىڭعا پارتيادان شىعارۋ جازاسىن بەرۋدى، 6 – دارەجەلى قىزمەتكەر بويىنشا زەينەتكە شىعۋ مامىلەسىن رەتتەۋدى ۇيعاردى؛ تارتىپكە، زاڭعا قايشى تابىسىن تاركىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
