شينجياڭدا ساز جەر اۋدانى 3 ميلليون 900 مىڭ گەكتاردان استى
2022.01.04 10:15 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ساۋ حۋا 12 - ايدىڭ 30 - كۇنى ۇرىمجىدەن حابارلايدى. اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىمىزشا، قازىرگە دەيىن رايونىمىزداعى ساز جەر اۋدانى 3 ميلليون 948 مىڭ 200 گەكتارعا جەتىپ، ساز جاراتىلىستىق قورىعى مەن مەملەكەتتىك ساز باقشاسىن نەگىز ەتكەن سازدىقتى قورعاۋ جۇيەسى باستاپقى قادامدا قالىپتاسقان. ساز شينجياڭنىڭ كوركەم ەكولوگيالىق تانىسقىسىنا اينالۋدا.
12 - اي كىرىسىمەن، ماناس مەملەكەتتىك ساز باقشاسىنا اققۋ، تىرنا، اق قۇتان، كوك مويىن ۇيرەك سياقتى 200 نەشە ءتۇرلى قۇس ىركەس - تىركەس ورالدى، ولار كەيدە سۋدا سايران سالسا، كەيدە اسپاندا اينالا ۇشىپ، قيقۋ سالىپ، ەكولوگيانىڭ جاراسىمدى، كوركەم كورىنىسىن قالىپتاستىرىپ، قۇس قۇمار جانداردى كەلىپ تاماشالاۋعا باۋرادى. جۋىق جىلداردان بەرى ماناس اۋدانى ىركەس - تىركەس 300 ميلليون يۋاننان استام قارجى قوسىپ، ەگىستىك جەردى سازدىققا اينالدىرۋ، جايلىمدى سازدىققا اينالدىرۋ، كولشىكتەردى سازدىققا اينالدىرۋ سياقتى ەكولوگيالىق قۇرىلىس جۇرگىزىپ، سازداردىڭ تابيعي ەكولوگيالىق ورتاسىن ۇزدىكسىز جاقسارتتى. قازىرگە دەيىن ماناس مەملەكەتتىك ساز باقشاسىندا وسىمدىكتەردىڭ 211 ءتۇرى، قۇستاردىڭ 279 ءتۇرى ەستەلىككە الىنىپ، 2014 - جىلعىمەن سالىستىرعاندا، جەكە - جەكە 11 ءتۇر جانە 7 ءتۇر كوبەيىپ، سازدىڭ ەكولوگيالىق ورتاسى بارعان سايىن جاقسارا تۇسكەن.
سوڭعى جىلداردان بەرى رايونىمىز زاڭ ەرەجە شىعارۋ ارقىلى سازدى قورعاۋ مەن باسقارۋدى كۇشەيتىپ، «شينجياڭ ۇيعۇر اۆتونوميالى رايونىنىڭ ساز جەرلەردى قورعاۋ ەرەجەسى»، «شينجياڭ ۇيعۇر اۆتونوميالى رايونىنىڭ ماڭىزدى ساز جەرلەردى تۇراقتاندىرۋ ءادىسى»، «شينجياڭ ۇيعۇر اۆتونوميالى رايونىنىڭ ساز باقشالارىن باسقارۋ ءادىسى» سياقتىلاردى جاريالاپ، ساز بايلىعىن قورعاۋعا ءتۇزىم جانە زاڭدىق دايەك ازىرلەدى. سونىمەن قاتار جەر - جەر ەگىستىك جەردى سازعا اينالدىرۋ، سازعا ەكولوگيالىق سۋ تولىقتاۋ، زياندى ورگانيزمدەردەن ساقتانۋ - تىزگىندەۋ، مەكەندەيتىن جەردى قالپىنا كەلتىرۋ، ساز وسىمدىك جامىلعىلارىن قالپىنا كەلتىرۋ سياقتى شارالار قولدانىپ، ساز جەر اۋدانىن كەڭەيتىپ، شۇرايسىزدانعان ءبىر توپ ساز جەرلەردى قالپىنا كەلتىرىپ، ءىشىنارا ساز جەرلەردىڭ ەكولوگيالىق جاعدايىن جاقسارتتى. شينجياڭ ساز ەكولوگيالىق ونىمدىلىگى تولىقتاما تولەمىن تۇيىندەردە سىناق ەتىپ، ساز جەرلەردى قورعاۋعا قاتىستى مۇددە قاتىناسىن سايكەستىرىپ، تۇتاس قوعامدا ساز جەرلەردى قورعاۋدى قولدايتىن تاماشا راي قالىپتاستىردى.
ساز جەرلەردى قورعاۋ جانە باسقارۋ تەبىنىن ۇزدىكسىز ارتتىرۋ ارقىلى رايونىمىزدىڭ ساز جەرلەردى قورعاۋ دەڭگەيى ۇزدىكسىز جوعارىلاپ، ساز جەرلەردى قورعاۋ قابىلەتى ۇزدىكسىز كۇشەيدى. قازىر 2 جەردەن ساز تۇرىندەگى مەملەكەت دارەجەلى جاراتىلىستىق قورىق، 4 جەردەن ساز تۇرىندەگى اۆتونوميالى رايون دارەجەلى جاراتىلىستىق قورىق، 51 جەردەن مەملەكەتتىك ساز باقشاسىن قۇرىپ، ساز جەرلەردى قورعاۋ سالىستىرماسىن ％51.29كە جەتكىزدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
