بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ءۇرىمجى قورعامالى باجى ونىمدەر كورمەسى ساۋدا ورتالىعى رەسمي ىسكە قوسىلدى

2022.01.04 10:21     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ ءتىلشىسى چىن چياڭۋي 1 - ايدىڭ 2 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، 1 - ايدىڭ 1 - كۇنى بۇكىل شينجياڭداعى تۇڭعىش قورعامالى باجى ونىمدەر كورمەسى ساۋدا ورتالىعى ءۇرىمجى كەشەندى قورعامالى باجى اۋماعىندا رەسمي ىسكە قوسىلعان. بۇل شينجياڭنىڭ شەكارا اتتاعان ەلەكتروندى ساۋدا بولشەك ساتۋ يمپورت تاۋارلارىن ينتەرنەت جەلىسىنەن سىرت كورمەگە قويىپ سەزىنۋ دۇكەندەرىنىڭ رەسمي جارىققا شىققاندىعىن بىلدىرەدى، شينجياڭداعى تۇتىنۋشىلار مەملەكەت قاقپاسىنان اتتاپ شىقپاي - اق شەكارا اتتاعان ونىمدەردى سەزىنە الاتىن، ساتىپ الاتىن بولدى.

  ءۇرىمجى قورعامالى باجى ونىمدەر كورمەسى ساۋدا ورتالىعىندا ساندىك بەزەنۋ، ازىق - تۇلىك، اراق ونىمدەرىن نەگىز ەتكەن 577 تۇردەگى تاۋارلار شوعىرلى كورسەتىلدى. وسى ارادا الارماندار تەك تەلەفوندا ەكىلىك كودتى جايمالاپ عانا ساۋدا جاساعاننان كەيىن، تاۋار 48 ساعات ىشىندە توتە پوچتامەن الارمانداردىڭ ۇيىنە جەتەدى. بۇل ءۇرىمجى كەدەنىنىڭ الدىڭعى مەرزىمدىك كەدەن سىناق تۇيىنىندەگى وزىق تاجىريبەلەردەن تولىق ۇلگى الۋ نەگىزىندە شينجياڭداعى تۇتىنۋشىلار ءۇشىن ارنايى بەلگىلەگەن ”قورعامالى باجى ونىمدەر كورمەسى + ۇيىنە جىبەرىپ بەرۋ“ باقىلاۋ - باسقارۋ ۇلگىسى بولىپ تابىلادى.

  ”بارلىق تاۋارىمىز شەتەلدەن تىكە ساتىپ اكەلىنەدى ءارى تىكەلەي كەدەننىڭ باقىلاۋىندا بولادى دا، تاۋاردىڭ ساپاسىنا تۋ باسىنان كەپىلدىك ەتىلىپ، تۇتىنۋشىلاردى ينتەرنەتتە ساتىپ الۋ بارىسىندا كوزبەن كورىپ، قولمەن ۇستاي الماۋدان تۋاتىن الاڭداۋشىلىقتان ارىلتتى“، - دەدى ءۇرىمجى قورعامالى باجى ونىمدەر كورمەسى ساۋدا ورتالىعىنىڭ جاۋاپتىسى حۋاڭ ۋىنچياڭ.

  شەكارا اتتاعان ەلەكتروندى ساۋدا يمپورتى قورعامالى باجى زاپاس زات دايىنداۋ ۇلگىسىندە شەتەل تاۋارلارى يمپورت ارقىلى ءۇرىمجى كەشەندى قورعامالى باجى اۋماعىنداعى شەكارا اتتاعان ەلەكتروندى ساۋدا باقىلاۋ - باسقارۋ ورتالىعى قورعامالى باجى قامباسىندا زاپاس ساقتالىپ تۇرادى، تۇتىنۋشىلار شينجياڭداعى جەرگىلىكتى شەكارا اتتاعان ەلەكتروندى ساۋدا سايتىندا زاكاز بەرگەن سوڭ، زات قورعامالى باجى قامباسىنان جىكتەلىپ قوراپتالىپ كەدەننەن وتەدى، ودان ارى جەدەل جولداما ارقىلى تۇتىنۋشىلاردىڭ قولىنا جەتكىزىلەدى. ”قورعامالى باجى ونىمدەر كورمەسى + ۇيىنە جىبەرىپ بەرۋ“ باقىلاۋ - باسقارۋ ۇلگىسىندە شەكارا اتتاعان تاۋارلار ءۇرىمجى قورعامالى باجى ونىمدەر كورمەسى ساۋدا ورتالىعىندا كورمەگە قويىلادى، الارمان ساتىپ الىپ زاكاز بەرگەن سوڭ، ارى قاراي قورعامالى باجى اۋماعىنان زات سالىنادى.

  2020 - جىلى ءۇرىمجى قالاسىنىڭ شەكارا اتتاعان ەلەكتروندى ساۋدا كەشەندى سىناق اۋماعىن قۇرۋ ءوتىنىشى بەكىتىلگەننەن بەرى، ءۇرىمجى - سانجى كەدەنى ءۇرىمجى كەشەندى قورعامالى باجى اۋماعىندا شەكارا اتتاعان ەلەكتروندى ساۋدا ىستەرىن جۇرگىزۋدى بەلسەندىلىكپەن ىلگەرىلەتتى، قازىر وسى قورعامالى باجى اۋماعىندا قورعامالى باجى شەكارا اتتاعان ساۋدا ەلەكتروندى ساۋدا ىستەرى (كەدەن باقىلاۋ - باسقارۋ ۋاكىلدىك ءنومىرى 1210) ۇلگىسى، شەكارا اتتاعان ساۋدا ەلەكتروندى ساۋدا ىستەرى تىكە ساتىپ الۋ B2C (كەدەن باقىلاۋ - باسقارۋ ۋاكىلدىك ءنومىرى 9610) ۇلگىسى، شەكارا اتتاعان ەلەكتروندى ساۋدا B2B تىكە ەكسپورت باقىلاۋ - باسقارۋ (كەدەن باقىلاۋ - باسقارۋ ۋاكىلدىك ءنومىرى 9710) ۇلگىسى ىسكە قوسىلدى.

  ءۇرىمجى - سانجى كەدەنى پارتكومىنىڭ مۇشەسى، ورىنباسار كەدەن باستىعى دوۋ لۋشين مىنالاردى ءبىلدىردى: كەدەن ات سالىسۋ تىلەگى كۇشتى، ساندىق مالىمەت ءوتىنىش ينفورماتسيالارىنىڭ ولشەمدەنۋ دارەجەسى جوعارى شەكارا اتتاعان ەلەكتروندى ساۋدامەن شۇعىلدانۋشى ساۋداگەرلەردىڭ، قورعامالى باجى زات اينالىمى كاسىپورىندارىنىڭ ”قورعامالى باجى ونىمدەر كورمەسى + ۇيىنە جىبەرىپ بەرۋ“ كاسىبىن ورىستەتۋىن بەلسەنە جەتىلدىردى، سونداي - اق كاسىپورىندارعا ساندىق مالىمەتتى ءتۇيىلىستىرۋ، ەسەپ داپتەرىن ەستەلىككە الدىرۋ، ءوتىنىش ەتۋ سياقتى تۇتاس بارىستا جەتەكشىلىك ەتۋ بويىنشا قىزمەت وتەپ، تاماشا كورمە ساۋدا ورتاسىن كۇش سالا قالىپتاستىرىپ، كەدەن باقىلاۋ - باسقارۋىنىڭ تىڭعىلىقتى، كاسىپورىن ارناسىنىڭ ىركىلىسسىز بولىپ، تۇتىنۋشىلاردىڭ الاڭسىز زات ساتىپ الۋىن جۇزەگە اسىردى. كەلەسى قادامدا كەدەن كاسىپورىنداردىڭ كەشەندى قورعامالى باجى اۋماعىنىڭ ساياساتتىق قاباتتاسۋ باسىمدىعىن جان - جاقتى، ويداعىداي پايدالانۋعا تولىق جەتەكتەپ، كاسىپورىنداردى ءونىم تۇرلەرىن ۇزدىكسىز كوبەيتۋگە ىنتالاندىرىپ، قالىڭ تۇتىنۋشىلارعا اناعۇرلىم كوپ يمپورتتىق ساپالى تاۋار ازىرلەپ، تاماشا كورمە ساۋدا ورتاسىن كۇش سالا قالىپتاستىرىپ، شەكارا اتتاعان ەلەكتروندى ساۋدا كاسىپ سالاسىنىڭ بىرلەسىپ ارەكەتتەنىپ دامۋىن جۇزەگە اسىرادى.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار