يادرولىق قارۋ - جاراق سوعىسىنىڭ تۋىلۋىنان ساقتانايىق! يادرولىق قارۋى بار بەس مەملەكەت بىرلەسكەن مالىمدەمە جاريالادى
2022.01.04 15:16 كەلۋ قاينارى : حالىق تورابى
يادرولىق قارۋى بار بەس مەملەكەتتىڭ باسشىلارىنىڭ يادرولىق قارۋ - جاراق سوعىسىنىڭ تۋىلۋىنان جانە اسكەري قارۋ – جاراق باسەكەسىنەن ساقتانۋ جونىندەگى بىرلەسكەن مالىمدەمەسى
جۇڭحۋا حالىق رەسپۋبليكاسى، فرانسيا رەسپۋبليكاسى، رەسەي فەدەراتسياسى، ۇلى بريتانيا جانە سولتۇستىك يرلانديا بىرلەسكەن كورولدىعى جانە امەريكا قۇراما شتاتتارى بىلاي دەپ قارايدى: يادرولىق قارۋى بار مەملەكەتتەر اراسىندا سوعىس تۋىلۋىنان ساقتانۋ جانە ستراتەگيالىق حاۋىپ – قاتەرلەردى ازايتۋ — ءبىزدىڭ باستى جاۋاپكەرشىلىگىمىز.
ءبىز يادرولىق قارۋ - جاراق سوعىسىندا ەشكىمنىڭ دە جەڭىسكە جەتپەيتىنىن، يادرولىق سوعىستى تۋدىرماۋ كەرەك ەكەنىن دارىپتەيمىز. يادرولىق قارۋدى پايدالانۋدىڭ زور زارداپ تۋدىراتىنى سەبەپتى، ءبىز تەك يادرولىق قارۋ – جاراق ۇزدىكسىز ساقتالاتىن بولسا، ونى تەك قورعانىس ماقساتىندا، شاپقىنشىلارعا سەس كورسەتۋ جانە سوعىستىڭ تۋىلۋىنان ساقتانۋ ماقساتىندا پايدالانۋىمىز كەرەك ەكەنىن دە دارىپتەيمىز. ءبىز يادرولىق قارۋ – جاراقتىڭ ونان ارى كەڭەيۋىنەن، ءسوزسىز، ساقتانۋىمىز كەرەك ەكەنىنە كامىل سەنەمىز.
ءبىز يادرولىق قارۋ - جاراقتىڭ توندىرەتىن حاۋىپ – قاتەرىنە توتەپ بەرۋدىڭ ماڭىزدىلىعىن قايتالاي دارىپتەيمىز ءارى ءبىزدىڭ يادرولىق قارۋ – جاراقتى كەڭەيتپەۋ، اسكەر سانىن ازايتۋ جانە اسكەري دايىندىقتى مەڭگەرۋ جاقتارىنداعى ەكى جاقتى ءارى كوپ جاقتى كەلىسىمشارتتار مەن ۋادەلەردى قورعاۋىمىزدىڭ جانە وعان بويسۇنۋىمىزدىڭ ماڭىزدىلىعىن باسا دارىپتەيمىز. ءبىز «يادرولىق قارۋ – جاراقتى كەڭەيتپەۋ شارتىنداعى» ءتۇرلى بورىشتارىمىزعا ۇزدىكسىز بويسۇنامىز، مۇندا التىنشى تارماقتاعى بورىش قامتىلادى: «يادرولىق سوعىسقا ازىرلەنۋ باسەكەسىن ەرتەرەك توقتاتۋ مەن يادرولىق قارۋ – جاراقتاردى ازايتۋدا ءونىمدى شارا قولدانۋ جونىندە، سونداي – اق قاتاڭ ءارى ءونىمدى حالىقارالىق باقىلاۋ العى شارتىندا اسكەردى ازايتۋ جاعىندا جان – جاقتى، تۇبەگەيلى شارت جاساسۋ جونىندە شىنايى كەلىسسوز وتكىزەمىز».
ءبىز ءارقايسى مەملەكەت ءوز مەملەكەتىمىزدىڭ شارالارىن ساقتاۋ ءارى اناعۇرلىم كۇشەيتۋ ارقىلى يادرولىق قارۋ – جاراقتىڭ ۇقىق بەرۋدەن وتپەي تۇرىپ نەمەسە ابايسىزدا پايدالانىلۋىنان ساقتانۋدى قالايمىز. ءبىز وسىدان بۇرىنعى ەشكىمدى نىساناعا الماۋ مالىمدەمەسىنىڭ ءالى دە كۇشىنە يە ەكەنىن دارىپتەيمىز، ءبىز يادرولىق قارۋ – جاراق ارقىلى ءبىر – ءبىرىمىزدى نەمەسە باسقا مەملەكەتتەردى نىساناعا الماۋدى قايتالاي دارىپتەيمىز.
ءبىز ءار ەلمەن بىرگە اسكەردى ازايتۋعا اناعۇرلىم ءتيىمدى بولعان حاۋىپسىز ورتانى جاراتۋعا قۇلشىنۋدى قالايتىنىمىزدى باسا دارىپتەيمىز، ەڭ سوڭعى ماقساتىمىز — ءار ەلدىڭ حاۋىپسىزدىگىنىڭ زيانعا ۇشىراماۋى سىندى پرينسيپ نەگىزىندە يادرولىق قارۋسىز الەمدى قۇرىپ شىعۋ. ءبىز ەكى جاقتى، كوپ جاقتى ديپلوماتيالىق تاسىلدەردى قاراستىرىپ، اسكەري ىستەر جاعىنداعى قارسىلاسۋدان ساقتانىپ، ورنىقتىلىق پەن بولجامدىلىقتى كۇشەيتىپ، ءوزارا تۇسىنىستىك پەن سەنىمدىلىكتى ارتتىرامىز ءارى ەشقانداي پايداسى جوق، ونىڭ ۇستىنە ءارقايسى جاقتاردى حاۋىپكە ۇشىراتاتىن اسكەري دايىندىق باسەكەسىنەن ساقتانامىز. ءبىز ءوزارا قۇرمەت ەتۋ جانە ءبىر – ءبىرىمىزدىڭ حاۋىپسىزدىك مۇددەمىز بەن نازار اۋداراتىن ماسەلەلەرىمىزدى مويىنداۋ نەگىزىندە ناتيجەلى كەڭەس ورىستەتۋگە بەل بۋدىق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
