مەملەكەتتىك ساياسي كەڭەس جاڭا جىل شاي ءماجىلىسىن وتكىزدى
2022.01.04 16:23 كەلۋ قاينارى : حالىق تورابى
 |
12 - ايدىڭ 31 - كۇنى مەملەكەتتىك ساياسي كەڭەس بەيجيڭدە جاڭا جىل شاي ءماجىلىسىن وتكىزدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاي ماجىلىسىندە ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن
|
مەملەكەتتىك ساياسي كەڭەس جاڭا جىل شاي ءماجىلىسىن وتكىزدى
شي جينپيڭ ماڭىزدى ءسوز سويلەدى
لي كىچياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى، ۋاڭ ياڭ باسقاردى
شينحۋا اگەنتتىگى، 12 - ايدىڭ 31 - كۇنى، بەيجيڭ. جۇڭگو حالىق ساياسي ءماسليحات كەڭەسى مەملەكەتتىك كوميتەتى 12 - ايدىڭ 31 - كۇنى تۇستەن بۇرىن مەملەكەتتىك ساياسي كەڭەس زالىندا جاڭا جىل شاي ءماجىلىسىن وتكىزدى. پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءارقايسى دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن، ورتالىق پەن مەملەكەت ورگاندارىنىڭ قاتىستى جاقتارىنداعى جاۋاپتىلارىمەن، سونداي - اق استاناداعى ءار ۇلت، ءار سالا قايراتكەرلەرىنىڭ ۋاكىلدەرىمەن ءبىر ارادا شاتتىقپەن باس قوسىپ، 2022 - جىلعى جاڭا جىل مەرەكەسىن بىرگە قارسى الدى.
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاي ماجىلىسىندە ماڭىزدى ءسوز سويلەدى. ول بىلاي دەپ دارىپتەدى: 2022 - جىلى جۇڭگو كوممۋنيستىك پارتياسى مەملەكەتتىك 20 - قۇرىلتايىن اشادى. بۇل − پارتيا مەن مەملەكەتتىڭ ساياسي ومىرىندەگى ءىرى ءىس. ءبىز تاريحي ىرىقتىلىق رۋحىن ۇزدىكسىز ساۋلەلەندىرىپ، قولايلى جاعدايدان ۇتىمدى پايدالانىپ، قايراتتانا ىلگەرىلەپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ەمتيحان تاپسىرۋ جولىمەن ويداعىداي ءجۇرىپ ءارى وسى ءۇشىن اناعۇرلىم اۋىر، اناعۇرلىم جاپالى قۇلشىنىستار جاساۋعا دايىندالىپ، ورنىقتى دا اقاۋسىز ەكونوميكالىق ورتانى، ستيلى پاك، سالتى دۇرىس ساياسي ورتانى، ەل امان، جۇرت تىنىش قوعامدىق ورتانى كۇش سالا ساقتاپ، ءىس جۇزىندىك ارەكەت ارقىلى جۇڭگو كوممۋنيستىك پارتياسى 20 - قۇرىلتايىنىڭ تابىسپەن اشىلۋىن قارسى الۋىمىز كەرەك.
شي جينپيڭ ج كك پ ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، حالىقتىق ۇيىمدارعا، بۇكىل ەلدەگى قالىڭ جۇمىسشىلارعا، شارۋالارعا، زيالىلارعا، كادرلارعا جانە ءار سالاداعى قايراتكەرلەرگە، حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى ءبولىمىنىڭ وفيتسەر - اسكەرلەرىنە، قوعام حاۋىپسىزدىگى كادر - ساقشىلارىنا جانە ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قىزمەتكەرلەرىنە، شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋاندىق باۋىرلاستارعا جانە شەتەلدەردەگى مۇھاجىر باۋىرلاستارعا، جۇڭگونىڭ وسىزاماندانۋ قۇرىلىسىنا كوڭىل بولگەن، قولداۋ كورسەتكەن ءار ەلدەگى دوستارعا مەرەكەلىك سالەم جولدادى جانە ىزگى تىلەك تىلەدى، كوپشىلىكتىڭ جاڭا جىلىن قۇتتىقتادى.
شي جينپيڭ بىلاي دەپ اتاپ كورسەتتى: 2021 - جىل مەيلى جۇڭگو كوممۋنيستىك پارتياسىنىڭ تاريحىندا بولسىن، الدە جۇڭحۋا ۇلتىنىڭ تاريحىندا بولسىن، بەلەستىك ماڭىزعا يە ءبىر جىل بولدى. جۇڭگو كوممۋنيستىك پارتياسى 100 جىلدىق مەرەي تويىن اتاپ ءوتتى، ج ك پ 19 - كەزەكتى ورتالىق كوميتەتىنىڭ التىنشى جالپى ءماجىلىسى جۇڭگو كوممۋنيستىك پارتياسىنىڭ ءۇشىنشى تاريحي قارارىن ماقۇلدادى، ءبىرىنشى 100 جىلدىق كۇرەس نىساناسى جەڭىسپەن جۇزەگە استى، جۇڭحۋانىڭ بايتاق وڭىرىندە جاپپاي دوڭگەلەك داۋلەتتى قوعام ورناتىلىپ، مۇلدەم كەدەيلىك ماسەلەسى تاريحي تۇردە شەشىلدى، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعى باستالدى.
شي جينپيڭ بىلاي دەپ دارىپتەدى: 2021 - جىلى كۇردەلى دە قاتاڭ حالىقارالىق جاعداي مەن ەل ىشىندەگى قيىن دا اۋىر رەفورما، دامۋ، ورنىقتىلىق مىندەتتەرى الدىندا، ج ك پ ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ، باستاپ، 100 جىلدىق وزگەرىس پەن عاسىرلىق ىندەتكە بايسالدىلىقپەن توتەپ بەرىپ، جاڭا دامۋ ارناسىن قالىپتاستىرۋدا تىڭ قادام تاستاپ، ساپالى دامۋدا جاڭا ناتيجەلەرگە قول جەتكىزدى، مەملەكەتتىڭ ستراتەگيالىق عىلىم - تەحنيكا كۇش - قۋاتى جەدەل زورايدى، حالىق تۇرمىسىن قامتاماسىز ەتۋ پارمەندى دە ءونىمدى بولدى، ەكولوگيالىق وركەنيەت قۇرىلىسى ۇزدىكسىز ىلگەرىلەپ، تاسقىننان ساقتانىپ، اپاتتان قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋ قىزمەتى قۋاتتى دا پارمەندى بولدى، مەملەكەت قورعانىسى مەن ارميانى وسىزامانداندىرۋ قۇرىلىسى جەدەل ىلگەرىلەدى، جالپى بارىستىق حالىق دەموكراتياسى ۇزدىكسىز دامىدى، پارتيا تاريحىن ۇيرەنۋ تاربيەسىنىڭ ناتيجەسى كورنەكتى بولدى، پارتيانى جاپپاي قاتاڭ باسقارۋ ۇزدىكسىز تەرەڭدەدى، ەلىمىزدىڭ ەكونوميكالىق دامۋى مەن ىندەتتەن ساقتانۋى - تىزگىندەۋى الەمدەگى الدىڭعى ورىندى ساقتاپ، «14 – بەسجىلدىقتىڭ» جاقسى باستاماسى جۇزەگە استى. ءبىز رەفورمانى جاپپاي تەرەڭدەتۋدى ۇزدىكسىز ىلگەرىلەتتىك، ورتالىق رەفورمانى جاپپاي تەرەڭدەتۋ كوميتەتى ورنالاستىرعان 50 ءتۇيىندى رەفورما مىندەتى مەن باسقا 61 رەفورما مىندەتى نەگىزىنەن ورىندالدى، ورتالىق پەن مەملەكەت ورگاندارىنىڭ قاتىستى تاراۋلارى تاعى 105 رەفورما مىندەتىن ورىندادى، ءارقايسى جاقتار 216 رەفورما جوباسىن العا قويدى، پارتيامىزدىڭ قۇرىلعانىنىڭ 100 جىلدىعى كەزىندە ءارقايسى جاقتارداعى ءتۇزىمدى اناعۇرلىم كەمەلدەندىرۋ، اناعۇرلىم تۇلعالاندىرۋ جاعىندا كورنەكتى ناتيجەگە قول جەتكىزۋ نىساناسى جۇزەگە استى.
شي جينپيڭ بىلاي دەپ اتاپ كورسەتتى: 2021 - جىلى ءبىز «ءبىر ەل، ەكى ءتۇزىم» باعىتىندا تاباندى بولىپ، «شياڭگاڭدى وتانشىلدار باسقارۋ»، «اۋمىندى وتانشىلدار باسقارۋ» ءتۇبىرلى پرينسيبىن دايەكتىلەندىرىپ، تياناقتاندىرىپ، شياڭگاڭ مەن اۋمىننىڭ ەكونوميكانى دامىتۋىنا، حالىق تۇرمىسىن جاقسارتۋىنا قولداۋ كورسەتتىك، شياڭگاڭنىڭ بىلىقپالىقتان جونگە سالۋعا ءوتۋىن، قالىپتى ارناعا قايتا ورالۋىن قولدادىق جانە ىلگەرىلەتتىك، اۋمىننىڭ گۇلدەنۋىن، ورنىقتىلىعىن ساقتادىق. ءبىز ءبىر جۇڭگو پرينسيبى مەن «92 - جىلعى ورتاق تانىمدا» تاباندى بولىپ، «دەربەستەنۋگە» قارسى تۇرۋ، بىرلىككە كەلۋدى جەبەۋ زور اۋقىمىن كۇشەيتىپ، سىرتقى سىن - سايىسقا پارمەندى توتەپ بەرىپ، ەكى جاعالاۋ قاتىناسىنىڭ بەيبىت دامۋىن ىلگەرىلەتتىك. ءبىز ادامزات تاعدىرلاس ورتاق تۇلعا ۇستانىمىنان جازباي، ناعىز كوپ جاقتىلىقتى باستاماشىلدىقپەن دارىپتەپ، «ءبىر بەلدەۋ، ءبىر جولدى» بىرگە قۇرۋدى تىڭعىلىقتى ىلگەرىلەتتىك، ۆاكسينانى دۇنيە جۇزىلىك الەۋمەتتىك ونىمگە اينالدىرۋ جونىندەگى ۋادەمىزدى ورىندادىق، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن پارمەندى قورعاپ، دۇنيە ءجۇزىنىڭ بەيبىتشىلىگى مەن دامۋىن جەبەۋگە بەلسەندى ۇلەس قوستىق!
شي جينپيڭ بىلاي دەپ دارىپتەدى: 2021 - جىلى حالىق ساياسي كەڭەسى ج ك پ ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپتا تاباندى بولىپ، ارناۋلى كەڭەس قۇرىلىمىنىڭ ءار سالا قۇرىلىستارىن ىلگەرىلەتىپ، يدەيا - ساياسي جاقتان جەتەكتەۋدى كۇشەيتىپ، ج ك پ - نىڭ تاريحىن ماڭىزدى ءتۇيىن ەتكەن «ءتورت تاريح» تاربيەسىن مۇقيات ورىستەتىپ، «14 – بەسجىلدىقتىڭ» تاماشا باستاماسىن جۇزەگە اسىرۋ توڭىرەگىندە ۇكىمەت ءىسىن كەڭەسۋ مەن دەموكراتيالىق باقىلاۋدى تەرەڭدەتىپ، قوعام جاعدايىن، ەل رايىن بەلسەنە اڭىس ەتىپ، مىندەت اتقارۋ فورماسىندا جاڭالىق اشىپ، شينحاي توڭكەرىسىنىڭ 110 جىلدىعىن ەسكە ءتۇسىرۋ قيمىلىن وتكىزىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى. جاڭا ءبىر جىلدا ءبىز جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى جانە ساياسي كەڭەس تۇزىمىندە تاباندى بولىپ جانە ونى كەمەلدەندىرىپ، ەڭ كەڭ وتانشىلدىق بىرلىكساپتى بەكەمدەپ جانە دامىتىپ، ج ك پ 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنىپ، دايەكتىلەندىرىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن تياناقتاندىرىپ، كەلەلى جاعداي توڭىرەگىندە ۇسىنىس قويىپ، كەڭەس بەرىپ، حالىق تىلەگىن، حالىق رايىن يگەرىپ، ورتاق تانىمدى اناعۇرلىم ويداعىداي ۇيىستىرىپ، پارتيا مەن مەملەكەتتىڭ نىسانالارى مەن مىندەتتەرىن جۇزەگە اسىرۋ ءۇشىن كەڭ كولەمدە اقىل - پاراسات جانە كۇش - قۋات توپتاۋعا قۇلشىنۋىمىز كەرەك.
شي جينپيڭ سوڭىندا بىلاي دەپ دارىپتەدى: كۇش ىنتىماقتان تۋادى، باقىت كۇرەستەن كەلەدى. ىنتىماقتاسا كۇرەس جۇرگىزۋ − 100 جىلدان بەرى جۇڭگو كوممۋنيستەرى، جۇڭگو حالقى، جۇڭحۋا ۇلتى شىڭداپ سومداعان قاستەرلى رۋحاني قاسيەت. مۇرات - سەنىم تۋىن بيىك جەلبىرەتىپ، جۇڭحۋا پەرزەنتتەرىنىڭ ۇلى ىنتىماعىن نىعايتىپ، جۇدىرىقتاي جۇمىلاتىن ۇلى كۇش ۇيىستىرىپ، ەرلىكپەن شىنايى ىستەيتىن باتىلدىقتى ساقتاپ، بارىستاي ايباتتى بەينەنى ايگىلەپ، جاڭا، اناعۇرلىم ۇلى جەڭىستەر مەن داڭقتارعا قۇلشىنا قول جەتكىزەيىك!
شاي ءماجىلىسىن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ باسقاردى. ول بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىندە تاباندى بولىپ جانە ونى كەمەلدەندىرىپ، ەڭ كەڭ وتانشىلدىق بىرلىكساپتى بەكەمدەپ جانە دامىتىپ، پارتيا مەن مەملەكەتتىڭ نىسانا - مىندەتتەرىن جۇزەگە اسىرۋ توڭىرەگىندە ءونىمدى ۇسىنىس قويىپ، اقىل - كەڭەس بەرىپ، ورتاق تانىمدى اناعۇرلىم ويداعىداي ۇيىستىرىپ، ءبىر تىلەك، ءبىر نيەتپەن، قايراتتانا ءىس تىندىرىپ، حالىق ساياسي كەڭەسىنىڭ ارناۋلى كەڭەس قۇرىلىمى رەتىندە، مەملەكەتتى جونگە سالۋ جۇيەسىندەگى رولى مەن قۋاتىن تولىق ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋ كەرەك.
مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر اتىنان ءسوز سويلەپ، شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا داۋىردە كۇش بىرىكتىرىپ، جاڭا جورىقتا قول ۇستاسىپ، جاڭا دامۋدى بىرگە جەبەپ، حالىقتىڭ اناعۇرلىم باقىتتى دا تاماشا تۇرمىس كەشىرۋى ءۇشىن، جاڭا داۋىردەگى جۇڭگوشا سوتسياليزمنىڭ ۇلى جەڭىستەرىنە قول جەتكىزۋ ءۇشىن اناعۇرلىم زور ۇلەس قوساتىندىقتارىن ءبىلدىردى.
شاي ماجىلىسىندە مەملەكەتتىك ساياسي كەڭەس مۇشەلەرى جانە ادەبيەت - كوركەمونەر قىزمەتكەرلەرى تارتىمدى كونسەرت قويىپ، ءماجىلىس الاڭىنان قۋانىشتى دا جالىندى لەپ ەستى.
بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى ءبىر ءبولىم باسشى جولداستار، مەملەكەتتىك ساياسي كەڭەستەگى باسشى جولداستار جانە بۇرىن مەملەكەتتىك ساياسي كەڭەس ءتوراعاسىنىڭ ورىنباسارى مىندەتىن اتقارعان بەيجيڭدە تۇراتىن ساقا جولداستار شاي ماجىلىسىنە قاتىناستى.
كەلۋ قاينارى: حالىق تورابى
 |
12 - ايدىڭ 31 - كۇنى مەملەكەتتىك ساياسي كەڭەس بەيجيڭدە جاڭا جىل شاي ءماجىلىسىن وتكىزدى. پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان شاي ماجىلىسىنە قاتىناستى ءارى كونسەرتتى تاماشالادى. سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
