حالىق تورابىنىڭ «اقيقات» باعدارلاماسى
شانشيدە ءبىر اۋدان قالاشىعىندا ىندەتتەن ساقتانۋ بۇيىمدارىن اتپەن تاسىمالداعانى قالاي؟ ۇكىمەت جاق جاۋاپ قايتاردى: بۇل تۇرعىنداردىڭ ءوز ەرىكتەرىمەن جىلۋعا اتاعان زاتتارى
2022.01.05 15:22 كەلۋ قاينارى : حالىق تورابى
حالىق تورابىنىڭ 1 – ايدىڭ 4 – كۇنى بەيجيڭنەن بەرگەن حابارى (جوۋ جيڭيۋان) 1 – ايدىڭ 3 – كۇنى شانشي ولكەسى شاڭلو قالاسى دانفىڭ اۋدانىنىڭ كوشەسىندە ىندەتتەن ساقتانۋ بۇيىمدارىن اتپەن تاسىمالداپ بارا جاتقان بەينەجازبا ينتەرنەتتە تاراپ، جۇرتتىڭ نازارىن اۋداردى. شانشي ولكەسى شاڭلو قالاسى دانفىڭ اۋداندىق حالىق ۇكىمەتى تورابىنىڭ 1 – ايدىڭ 3 – كۇنى حابارلاۋىنشا، دانفىڭ اۋداندىق حالىق ۇكىمەتىنىڭ اقپارات كەڭسەسى جاعداي جونىندە تۇسىندىرمە جاريالاپ، بۇل ءىس جونىندە جاۋاپ قايتارعان، بۇل تۇرعىنداردىڭ ءوز ەرىكتەرىمەن جىلۋعا اتاعان زاتتارى ەكەن.
جاعدايدى تۇسىندىرۋدە بىلاي دەلىنگەن: 1 – ايدىڭ 3 – كۇنى قىسقا بەينەجازبالار تەكشەسىندەگى بەلگىلى تىركەلگى «شاڭلو قالاسى دانفىڭ اۋدانىندا ىندەتكە بايلانىستى اۆتوموبيلدەردىڭ جولعا شىعۋىنا شەكتەمە قويىلعاندىقتان، ىندەتتەن ساقتانۋ بۇيىمدارىن قاشىرمەن، اتپەن تاسىمالدادى» دەگەن مازمۇنداعى بەينەجازبا تارادى. تەكسەرۋ ارقىلى اتالعان بەينەجازباداعى قاشىرمەن، اتپەن تاسىمالداۋ توبىنىڭ لۇڭفىڭ اۋدانى لۇڭگوۋجاي ءمالى باسقارماسى فىڭلۋ الەۋمەتتىك اۋماعى 10 – گرۋپپاسىنىڭ تۇرعىنى جاۋ X دىڭ 8 قاشىرى مەن اتى ەكەنىن بىلدىك، ول ادەتتە جىلجىمالى حابارلاسۋ، تەلەگراف قۇرىلعىلارى، سۋ يگىلىگى قۇرىلعىلارىنىڭ جابدىقتارى قاتارلىلاردى بيىك جەرگە تاسىمالداپ بەرۋدى مىندەتىنە العان. 2022 – جىلى 1 – ايدىڭ 2 – كۇنى جاۋ X قاتارلى 3 ادام وزدىكتەرىنەن ۇيىمداسىپ، لۇڭگوۋجاي ءمالى باسقارماسى فىڭلۋ الەۋمەتتىك اۋماعىنىڭ ىندەتتەن ساقتانۋ – تەكسەرۋ پۋنكتىنە 5600 يۋاندىق مەيىر باعىشتاۋ بۇيىمدارىن جىلۋعا اتاعان.
دانفىڭ اۋداندىق حالىق ۇكىمەتى اقپارات كەڭسەسىنىڭ ايتۋىنشا، دانفىڭ اۋدانى ىندەتتەن ساقتانۋ – تىزگىندەۋ مەزگىلىندە تەكسەرۋ بەكەتى ارقىلى ىندەتتەن ساقتانۋ –تىزگىندەۋدى كۇشەيتىپ، اۆتوموبيلدەردىڭ قالىپتى قاتىناۋىنا كەپىلدىك ەتكەن، ءتۇرلى تۇرمىستىق بۇيىمداردى تاسىمالداۋ مەن تۇرعىنداردىڭ ءوندىرىسى، تۇرمىسى ىقپالعا ۇشىراماعان. ينتەرنەتتەگى بەينەجازباعا قوسىلعان تۇسىندىرمە جازۋدىڭ مازمۇنى وتىرىك، بارشا توراپتاستاردىڭ وتىرىك – وسەك تاراتپاۋىن، وسەك – اياڭعا سەنبەۋىن وتىنەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
