بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭگو مەن تاجىكستاننىڭ ديپلوماتيالىق قاتىناس ورناتقانىنىڭ 30 جىلدىعى بايلانىسىمەن شي جينپيڭ تاجىكستاننىڭ زۇڭتۇڭى راحمونمەن ءوزارا قۇتتىقتاۋ تەلەگرامماسىن جولدادى

2022.01.05 15:30     كەلۋ قاينارى : حالىق تورابى

  شينحۋا اگەنتتىگى، 1 - ايدىڭ 4 - كۇنى، بەيجيڭ. 2022 - جىلى 1 - ايدىڭ 4 - كۇنى مەملەكەت ءتوراعاسى شي جينپيڭ تاجىكستاننىڭ زۇڭتۇڭى راحمونمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقانىنىڭ 30 جىلدىعىن قۇتتىقتادى.

  شي جينپيڭ بىلاي دەپ اتاپ كورسەتتى: ديپلوماتيالىق قاتىناس ورناتقان 30 جىلدان بەرى جۇڭگو - تاجىكستان قاتىناسى قارىشتاپ دامۋدى جۇزەگە اسىرىپ، تاريحتاعى ەڭ جاقسى دەڭگەيگە جەتتى. اسىرەسە، تاياۋ جىلداردان بەرى ەكى ەل دامۋ ورتاق تۇلعاسى مەن حاۋىپسىزدىك ورتاق تۇلعاسىن الدىمەن قۇرىپ، ادامزاتتىڭ تاعدىرلاس ورتاق تۇلعاسىن بىرگە قۇرۋدىڭ ۇلگىسىن ورناتتى. ەكى جاقتىڭ ستراتەگيالىق ءوزارا سەنىمدىلىگى كۇن سايىن تەرەڭدەپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى باتىل قولداپ، ءار سالاداعى سەلبەستىگى قارىشتاپ دامىپ، «ءبىر بەلدەۋ، ءبىر جولدى» جوعارى ساپامەن بىرگە قۇرۋدا سۇبەلى تابىستارعا قول جەتكىزدى. جاڭا تيپتى ايدارشا ۆيرۋس وكپە قابىنۋ ىندەتى الدىندا ەكى ەل حالىقتارى ءبىر جاعادان باس، ءبىر جەڭنەن قول شىعارىپ، ءبىر - بىرىنە قارايلاسىپ، تار جول، تايعاق كەشۋلەردى بىرگە وتكەرگەن تۋىسقاندىق سۇيىسپەنشىلىكتى ايگىلەدى.

  شي جينپيڭ بىلاي دەپ دارىپتەدى: مەن جۇڭگو - تاجىكستان قاتىناسىنىڭ دامۋىنا ايرىقشا ءمان بەرەمىن، راحمون زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقانىنىڭ 30 جىلدىعىن وراي ەتىپ، جۇڭگو مەن تاجىكستاننىڭ جان - جاقتى ستراتەگيالىق سەرىكتەستىك قاتىناسىنىڭ ۇزدىكسىز تىڭ جەتىستىكتەرگە قول جەتكىزۋىن ىلگەرىلەتىپ، جۇڭگو مەن تاجىكستاننىڭ اناعۇرلىم تىعىز تاعدىرلاس ورتاق تۇلعاسىن قالىپتاستىرىپ، ەكى ەلدى جانە ەكى ەل حالىقتارىن باقىتقا كەنەلتۋدى قالايمىن.

  راحمون مىنانى ءبىلدىردى: ەكى ەل قاتىناسى تاريحىنداعى وسى ماڭىزدى ساتتە مەن سىزگە جانە دوس جۇڭگو حالقىنا شىن جۇرەكتەن قۇتتى بولسىن ايتامىن جانە ەڭ تاماشا تىلەك بىلدىرەمىن. قازىر تاجىكستان مەن جۇڭگونىڭ دوستىعى جانە ءار سالاداعى ءوزارا ءتيىمدى سەلبەستىگى ۇزدىكسىز دامىپ، جالپى بەتتىك ستراتەگيالىق سەرىكتەستىك قاتىناستىڭ جوعارى دەڭگەيىنە جەتتى ءارى جاسامپاز تاجىريبەلەر توپتالدى. تاجىكستان مەن جۇڭگونىڭ قاتىناسى ءوزارا تيىمدىلىك جاساپ، ءوزارا پايدا جەتكىزۋ، تاتۋ كورشىلىك دوستىق، ءوزارا قۇرمەت ەتۋ، ءوزارا سەنىم ارتۋ نەگىزىندە ورناعان، ساپالى جاڭاشا مەملەكەتتەر قاتىناسى. ءبىز ەكى ەل قاتىناسىنىڭ قازىرگى دامۋ جاعدايىنا ءدان ريزامىز، تاجىكستان - جۇڭگو قاتىناسىنىڭ اناعۇرلىم ۇزاق بولاشاققا قادام تاستايتىنىنا كامىل سەنەمىز.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

ابدۇجاپپار (سولدان ءبىرىنشى) حالىق ساقشىلارىمەن بىرگە شارلاۋعا شىقتى. ماتەريالدىق سۋرەت

ابدۇجاپپار ساياحاتشىلارعا ءوزىنىڭ پارتيا ىزناگىن كورسەتتى. بەينەجازبادان قيىپ الىنعان سۋرەت