لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2022.01.05 15:32 كەلۋ قاينارى : حالىق تورابى
اكىمشىلىك رۇقسات بەرۋ ىستەرىنىڭ تىزىمدىگىن باسقارۋ شارالارىن جاپپاي اتقارىپ، ۇقىق جۇرگىزۋدى ارناعا ءتۇسىرۋ ارقىلى اناعۇرلىم زور دارەجەدە كاسىپورىندارعا تيىمدىلىك، حالىققا قولايلىلىق جاراتۋدى ورنالاستىردى؛ كاسىپورىنداردىڭ سەنىمدىلىك حاۋىپ - قاتەرىن تۇرگە ءبولىپ باسقارۋدى اتقارىپ، باقىلاۋ - باسقارۋدىڭ اناعۇرلىم ءادىل، ءونىمدى بولۋىن ىلگەرىلەتۋدى ۇيعاردى
شينحۋا اگەنتتىگى، 1 - ايدىڭ 4 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 1 - ايدىڭ 4 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، اكىمشىلىك رۇقسات بەرۋ ىستەرىنىڭ تىزىمدىگىن باسقارۋ شارالارىن جاپپاي اتقارىپ، ۇقىق جۇرگىزۋدى ارناعا ءتۇسىرۋ ارقىلى اناعۇرلىم زور دارەجەدە كاسىپورىندارعا تيىمدىلىك، حالىققا قولايلىلىق جاراتۋدى ورنالاستىردى؛ كاسىپورىنداردىڭ سەنىمدىلىك حاۋىپ - قاتەرىن تۇرگە ءبولىپ باسقارۋدى اتقارىپ، باقىلاۋ - باسقارۋدىڭ اناعۇرلىم ءادىل، ءونىمدى بولۋىن ىلگەرىلەتۋدى ۇيعاردى.
ءماجىلىس بىلاي دەپ اتاپ كورسەتتى: ج ك پ ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، ۇتىمدى بازار مەن تىندىرىدى ۇكىمەتتىڭ اناعۇرلىم ويداعىداي ۇشتاسۋىن ىلگەرىلەتىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ۇزدىكسىز تەرەڭدەتىپ، بارلىق اكىمشىلىك رۇقسات بەرۋ ىستەرىن تىزىمدىك بويىنشا باسقارۋعا ەنگىزۋ تۇزىمدىك ساۋدانىڭ وزىندىك قۇنىن ازايتىپ، بازار سەنىمىن كۇشەيتىپ، بازارلانعان، زاڭمەن باسقارىلاتىن، حالىقارالانعان تيجارات - ساۋدا ورتاسىن قالىپتاستىرىپ، بازاردىڭ ومىرشەڭدىك كۇشى مەن قوعامنىڭ جاسامپازدىق قۋاتىن اناعۇرلىم ارتتىرۋعا ءتيىمدى. ءماجىلىس «زاڭداردىڭ، اكىمشىلىك زاڭ - ەرەجەلەردىڭ، مەملەكەتتىك كەڭەس بەلگىلەگەن اكىمشىلىك رۇقسات تۇرلەرىنىڭ تىزىمدىگىن (2022 - جىلعى نۇسقاسى)» ماقۇلدادى. ءماجىلىس مىنالاردى تالاپ ەتتى: ءبىرىنشى، ولكە، قالا، اۋداندار بيىل جىل سوڭىنان بۇرىن دارەجەلەس اكىمشىلىك رۇقسات بەرۋ ىستەرى تىزىمدىگىن جاساپ بولۋى كەرەك، زاڭ بويىنشا بەلگىلەنگەن اكىمشىلىك رۇقسات بەرۋ ىستەرى تۇگەلدەي سونىڭ ىشىنە ەنگىزىلەدى. جەر - جەردىڭ تىزىمدىك جاساۋداعى نەگىزگى فاكتورلارىن سالىستىرمالى تۇردە بىرلىككە كەلتىرىپ، ۇقساس ءبىر ءىستى تۇرلىشە رايونداردا فاكتورمەن باسقارۋدى، ۇقساس ولشەممەن باسقارۋدى جۇزەگە اسىرۋدى ىلگەرىلەتۋ كەرەك. جوعارى ورىن بەلگىلەگەن، ءوز رايونى اتقارعان ىستەردى جانە ونىڭ نەگىزگى فاكتورلارىن جەر - جەر سول دارەجەلى تىزىمدىكتى جاساعان كەزدە ءبىر دارەجە جوعارى تىزىمدىك كولەمىنەن اسىرىپ جىبەرمەۋى كەرەك. ەكىنشى، ءار دارەجەلى ۇكىمەتتەر مەن ونىڭ تاراۋلارى اكىمشىلىك رۇقساتتى تىزىمدىك بويىنشا قاتاڭ اتقارىپ، ءتارتىپتى اشىق، جاريا ەتىپ، كاسىپورىنداردىڭ ايقىن مەجە قالىپتاستىرۋىنا مۇمكىندىك جاساۋى كەرەك. تىزىمدىكتەگى اكىمشىلىك رۇقساتتى تۇرلەر بويىنشا جاساپ، ارناعا ءتۇسىرىپ، رۇقسات ەتۋ شارتى، ءوتىنىش ماتەريالى، تەكسەرىپ بەكىتۋ ءتارتىبى، اقى الۋ ولشەمى سياقتىلاردى ايقىنداۋ ءارى ونى قوعامعا جاريالاۋ كەرەك، اتقارۋ بارىسىندا قوسىمشا شارت نەمەسە شەكتەمە قوسۋعا بولمايدى. تىزىمدىكتەن سىرت اكىمشىلىك رۇقساتتى زاڭعا قايشى بەلگىلەۋگە جانە اتقارۋعا بولمايدى. ءتۇرلى اتپەن ءتۇسىن وزگەرتىپ قۇرىلعان اكىمشىلىك رۇقساتتى تۇگەلدەي اداقتاۋ ءارى قاتىستى جاۋاپتى ادامداردىڭ جاۋاپكەرلىگىن قاتاڭ قۋزاۋ كەرەك. ءۇشىنشى، باقىلاۋ - باسقارۋدى زاڭ - ەرەجە بويىنشا كۇشەيتۋ كەرەك. تىزىمدىككە ەنگىزىلگەن ىستەر جونىندە باقىلاۋ - باسقارۋ تۇلعاسى، ءتۇيىندى بۋىندار، باقىلاۋ - باسقارۋ ەرەجەسى جانە ولشەمى سياقتىلاردى ءبىر - بىرلەپ ايقىنداۋ كەرەك. الەۋمەتتىك حاۋىپسىزدىككە، بۇقارانىڭ دەنساۋلىعىنا تىكەلەي ساياتىن، سونداي - اق كومەسكى حاۋىپ - قاتەرى زور سالالارعا ءتۇيىندى باقىلاۋ - باسقارۋ جۇرگىزۋ كەرەك. ءتورتىنشى، قىزمەت وتەۋ ونىمدىلىگىن جوعارىلاتۋ كەرەك. اكىمشىلىك رۇقساتتى اتقارۋ بارىسىندا حابارلاندىرۋ، ۋادە بەرۋ، شوعىرلى قىزمەت وتەۋ، ءبىر توراپتا ءبىر تۇتاس ءبىتىرۋ سياقتى تاسىلدەردى اتقارىپ، كاسىپورىندار مەن بۇقارانىڭ ءىس بىتىرۋىنە اناعۇرلىم كوپ قولايلىلىق جاراتۋ كەرەك.
ءماجىلىس مىنالاردى اتاپ كورسەتتى: سەنىمدىلىك − بازار شارۋاشىلىعىنىڭ نەگىزى. ادال، سەنىمدى، ءادىل باسەكەلى بازار ورتاسىن قالىپتاستىرۋ ءۇشىن، كاسىپورىنداردىڭ سەنىمدىلىك حاۋىپ - قاتەرىن تۇرگە ءبولىپ باسقارۋدى زاڭ، بەلگىلەمە بويىنشا ىلگەرىلەتىپ، سايكەستى تۇردە «ەكىنى كەزدەيسوق تەكسەرۋ، ءبىردى جاريا ۇستاۋ» سياقتى عىلمي، دالمە - ءدال باقىلاۋ - باسقارۋ شارالارىن قولدانىپ، باقىلاۋ - باسقارۋدىڭ سەنىمدى تيجاراتشىلاردى «ەشقاشان مازالاماۋىنا»، زاڭعا قايشىلىق جاساپ، سەنىمنەن ايرىلعانداردى «قاي – قاشان دا قاداعالاپ تۇرۋىنا» مۇمكىندىك جاساۋ كەرەك. ءبىرىنشى، كاسىپورىنداردىڭ سەنىمدىلىك حاۋىپ - قاتەرىن تۇرگە ايىرۋ كورسەتكىش جۇيەسىن عىلمي ورناتىپ، كاسىپورىنداردى تىزىمگە الۋ، ەستەلىككە الۋ، اكىمشىلىك رۇقسات بەرۋ، اكىمشىلىك جازا بەرۋ، تيجاراتتاعى قالىپسىزدىق تىزىمدىگىنە جانە اۋىر سەنىمسىزدىك تۋدىرعان تۇلعالار تىزىمدىگىنە ەنگىزۋ سياقتى ينفورماتسيالاردى دەر كەزىندە جيناقتاپ، وسى نەگىزدە، ءبارىن بىردەي كورۋ تالابى بويىنشا، ءتۇرلى مەنشىكتەگى كاسىپورىنداردىڭ سەنىمدىلىك حاۋىپ - قاتەرىن تۇرگە ايىرۋ كەرەك. ەكىنشى، تۇرگە ايىرۋ ناتيجەسىنەن پايدالانىپ باقىلاۋ - باسقارۋ ونىمدىلىگىن جوعارىلاتىپ، بەتالدى جۇمىس ىستەۋدەن، ءوز بەتىمەن زاڭ اتقارۋدان ساقتانۋ كەرەك. قاتەرى تومەن كاسىپورىندارعا قاراتا زاڭ بويىنشا باقىلاپ – باسقارۋ، ۇلگى الىپ تەكسەرۋ سالىستىرماسى مەن رەت سانىن ۇيلەسىمدى تومەندەتىپ، حاۋىپ – قاتەرى جوعارى نەمەسە ناشار ىستەرى ەستەلىككە الىنعان كاسىپورىندارعا قاراتا زاڭ بويىنشا باعىتتامالى ۇلگى الىپ تەكسەرۋ، ناق مايداندا تەكسەرۋ جۇرگىزۋ تەبىنىن ارتتىرۋ كەرەك. قاتىستى تاراۋلاردىڭ سەلبەستىگىن كۇشەيتىپ، حالىق بۇقاراسىنىڭ ءومىرى مەن دەنساۋلىعىنا جانە حاۋىپسىزدىگىنە ساياتىن ازىق - تۇلىك، ءدارى - دارمەك، ەرەكشە جابدىقتار سياقتى سالالاردا ءتۇيىندى باقىلاۋ - باسقارۋ، تۇتاس تىزبەكتى باقىلاۋ - باسقارۋ كەرەك. جاڭا كاسىپ سالاسى، جاڭا كاسىپ كۇيى، جاڭا ۇلگى جونىندە عىلمي، ءونىمدى باقىلاۋ - باسقارۋ جۇرگىزۋ جونىندە ىزدەنىس جاساپ، حاۋىپسىزدىكتىڭ تومەنگى شەگىن قاتاڭ ساقتاۋ العى شارتىندا دامۋ كەڭىستىگىن قالدىرۋ كەرەك. ءۇشىنشى، حاۋىپ - قاتەردى باقىلاۋ - تەكسەرۋدى جانە ساقتاندىرۋدى كۇشەيتۋ كەرەك. ءىرى ساندى مالىمەتتەرگە تالداۋ جاساۋ، ءتۇيىندى كورسەتكىشتەردى باقىلاۋ - تەكسەرۋ، ت. ب. ارقىلى كاسىپورىنداردىڭ قالىپسىز جاعدايى مەن حاۋىپ - قاتەرىن ەرتە بايقاپ، كاسىپورىندارعا دەر كەزىندە ەسكەرتۋ بەرىپ، باقىلاۋ - باسقارۋ وتكەلىن الدىعا جىلجىتىپ، حاۋىپ - قاتەر كومەسكى قاتەرىن جويۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
