مۇلدە جول بەرىلمەيدى! ماڭگىلىك نەگىزدىك ەگىستىك جەردەن 5 مۋدان استام جەردى زاڭسىز يەلەپ العاندار قىلمىستىق ءىس بويىنشا جازالانۋى مۇمكىن
2022.01.06 13:10 كەلۋ قاينارى : حالىق تورابى
جۇڭگو اقپارات تورابىنىڭ ءتىلشىسى پاڭ ۋجي 1 – ايدىڭ 5 – كۇنى بەيجيڭنەن حابارلايدى. 2021 – جىلدىڭ سوڭىندا تابيعي بايلىق مينيسترلىگى جەرگە قاتىستى قىلمىستىق ءىس دەلوسىنان 100 دەلو جونىندە اشىق حابارلاندىرۋ جاريالادى. بۇل دەلولار جونىندە تابيعي بايلىق مينيسترلىگى زاڭ اتقارۋ مەكەمەسىنىڭ باستىعى سۇي يىڭ1 – ايدىڭ 5 – كۇنى اقپارات قۇرالدارىنا مىنانى بىلدىرگەن: بۇل تيپتىك دەلولاردىڭ ەسكەرتۋ رولى مەن قىلمىستىق ءىس جازاسىنىڭ سەسكەندىرۋ رولىن ساۋلەلەندىرىپ، زاڭدى قاتاڭ اتقارۋ، ءادىل اتقارۋدى كورنەكتىلەندىرۋمەن بىرگە، بۇكىل حالىق بولىپ زاڭعا بويسۇنۋدى ىلگەرىلەتىپ، زاڭعا قايشى كەلگەندەردى سەسكەندىرىپ، ارەكەتىن توقتاتۋعا قۋزاۋ، ەگىستىك جەردى قورعاۋ قىزىل سىزىعىنان اتتاماۋعا كەپىلدىك ەتۋ ءۇشىن اتقارىلعان شارا.
تابيعي بايلىق مينيسترلىگى وسىنىڭ الدىندا اشىق حابارلاندىرۋ شىعارعان جەرگە قاتىستى 100 قىلمىستىق دەلو 31 ولكەگە (اۆتونوميالى رايون، توتە قاراستى قالا) سايادى، بارلىعى دا جەرگىلىكتى تابيعي بايلىقتى باسقارۋ تاراۋلارى قىلمىستىق ءىس كۇمانىن بايقاپ، زاڭ بويىنشا ءادىليا ورگاندارىنا جوتكەپ بەرگەن سوڭ، 2018 – جىلدان بەرى جەر – جەردەگى سوت مەكەمەلەرى ۇكىم شىعارىپ، قىلمىستىق ىستەر جاۋاپكەرشىلىگىن قۋزاستىرعان جەرگە قاتىستى زاڭعا قايشىلىق ىستەلگەن دەلولار. مۇندا 97 دەلو اۋىل شارۋاشىلىعىنا پايدالاناتىن جەردى زاڭعا قايشى تۇردە يەلەپ الۋ قىلمىسىنا جاتادى، 2 دەلو جەردى پايدالانۋ ۇقىعىن زاڭعا قايشى وتكەرمەلەۋگە سايادى، ءبىر دەلو جەر ەكولوگيالىق ورتاسىن لاستاۋ قىلمىسىنا قاتىستى.
تانىستىرۋعا قاراعاندا، 100 رەتكى دەلو باستىسى بەكىتۋدەن وتكىزبەي تۇرىپ ەگىستىك جەردى قالاعانىنشا يەلەپ الۋعا، وتە – موتە، ماڭگىلىك نەگىزدىك ەگىستىك جەرگە ءۇي سالۋ، زاۆود سالۋ، ودان كولشىك قازۋ، قۇم قازۋ، توپىراعىن الۋ، توپىراق تولتىرۋ، جاراقسىز زاتتاردى ءۇيۋ قاتارلى ەگىستىك جەردىڭ شارت – جاعدايىن ءبۇلدىرۋ ارەكەتتەرىنە سايادى، ون نەشە ورىن، سونىمەن بىرگە كاسىپورىنداردىڭ زاڭدىق ۋاكىلى، قارجى قوسۋشىلار قاتارلىلاردى قامتىعان 160 تان استام تابيعي تۇلعانىڭ قىلمىستىق ءىس جاۋاپكەرشىلىگى قۋزاستىرىلىپ، قولدا ۇستاۋ، مەرزىمدى قاماق جازاسىنا ۇكىم ەتۋ جانە اقشالاي ايىپ سالۋ، مال – مۇلكىن ءمۇسادىرالاۋ قاتارلى جازالار ۇكىم ەتىلگەن. سۇي يىڭ: «زاڭعا قايشى كەلگەن بۇل مەكەمەلەر مەن جەكەلەر اۋىر بوداۋ بەرىپ، تەرەڭ ساباق الدى دەپ ايتۋعا بولادى»، — دەدى.
اۋىل شارۋاشىلىعىنا پايدالاناتىن جەردى زاڭعا قايشى يەلەپ الۋشىلار قىلمىستىق ءىس بويىنشا جازالانادى، قىلمىستىق ىستەر زاڭىندا بۇل جايلى ايقىن بەلگىلەمە بار. قىلمىستىق ىستەر زاڭىنىڭ 342 – تارماعىندا بىلاي دەپ بەلگىلەنگەن: جەر باسقارۋ جونىندەگى زاڭ – تۇزىمدەرگە قايشىلىق جاساپ، ەگىستىك جەر قاتارلى اۋىل شارۋاشىلىعىنا پايدالاناتىن نەداۋىر مول جەردى زاڭسىز تۇردە باسقاعا پايدالانىپ، ەگىستىك جەر قاتارلى اۋىل شارۋاشىلىعىنا پايدالاناتىن جەردى كوپ مولشەردە بۇلدىرسە، 5 جىلدان تومەن مەرزىمدى قاماق جازاسىنا نەمەسە قولدا ۇستاپ تۇرۋ جازاسىنا ۇكىم ەتىلەدى، وعان قوسا نەمەسە جەكەلەي اقشالاي ايىپ تارتتىرۋ جازاسى كەسىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
