مەملەكەتتىك ينتەرنەت ينفورماتسياسى كەڭسەسى مىناداي بەلگىلەمە شىعارماقشى:
ناشار ينفورماتسيالار ارقىلى تۇتىنۋشىلاردى قولدانىلمالى باعدارلامانى تۇسىرۋگە شىرعالاۋعا بولمايدى
2022.01.06 15:20 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ۋاڭ سىبەي 1 – ايدىڭ 5 – كۇنى بەيجيڭنەن حابارلايدى. جىلجىمالى ينتەرنەتتەگى قولدانىلمالى باعدارلامالاردىڭ ينفورماتسيالىق قىزمەت وتەۋىن باسقارۋدى اناعۇرلىم كەمەلدەندىرۋ ءۇشىن، مەملەكەتتىك ينتەرنەت ينفورماتسياسى كەڭسەسى 1 – ايدىڭ 5 – كۇنى «جىلجىمالى ينتەرنەتتەگى قولدانىلمالى باعدارلامالاردىڭ ينفورماتسيالىق قىزمەت وتەۋىن باسقارۋ بەلگىلەمەسىن (پىكىر الىناتىن نۇسقا)» تاراتىپ، قوعامنان اشىق تۇردە پىكىر قابىلدايدى. پىكىر الىناتىن نۇسقادا مىنالار اتاپ كورسەتىلگەن: قولدانىلمالى باعدارلامالارمەن قامداۋشىلاردىڭ جالعان ۇگىتتەۋ، تۇسىرەتىن باعدارلامالاردى ءبىر – بىرىنە ماتاۋ قاتارلى ارەكەتتەردى ىستەۋىنە بولمايدى، نەمەسە زاڭعا قايشى، ناشار ينفورماتسيالار ارقىلى قولدانۋشىلاردى باعدارلامانى تۇسىرۋگە شىرعالاۋىنا بولمايدى.
پىكىر الىناتىن نۇسقادا مىنالار اتاپ كورسەتىلگەن: قولدانىلمالى باعدارلامالار قولدانۋشىلارعا ينفورماتسيا جاريالاۋ، لەزدىك حابارلاسۋ قاتارلى جاقتاردا قىزمەت وتەيتىن بولسا، تىركەلۋدى ءوتىنىش ەتكەن قولدانۋشىلاردى جىلجىمالى قولفون ءنومىرى، ازاماتتىق كۋالىك ءنومىرى نەمەسە ءبىرتۇتاس قوعامدىق سەنىمدىلىك شارتتى ءنومىرى قاتارلى شىن سالاۋاتىن بىلدىرەتىن ينفورماتسيالار نەگىزىندە كۋالاندىرۋى كەرەك. قولدانۋشىلار شىن سالاۋاتتىق ينفورماتسياسىن بەرمەسە، نەمەسە ۇيىمدىق قۇرىلىمداردىڭ اتىن، باسقالاردىڭ ينفورماتسياسىن پايدالانىپ، جالعاننان تىركەلسە، ولاردى قاتىستى قىزمەت وتەۋ تۇرلەرىمەن قامداۋعا بولمايدى.
جەكەلىك ينفورماتسيانى قورعاۋ جاعىندا، پىكىر الىناتىن نۇسقادا قولدانىلمالى باعدارلامالار ارقىلى جەكەلىك ينفورماتسيانى ءبىرجاقتى ەتۋ ارەكەتىمەن شۇعىلداناتىنداردان زاڭدى، ۇيلەسىمدى، قاجەتتى جانە سەنىمدى بولۋ پرينسيپىنە بويسۇنىپ، قاجەتتى شارالاردى قولدانىپ، جەكەلەردىڭ ينفورماتسياسىنىڭ حاۋىپسىزدىگىنە كەپىلدىك ەتۋدى تالاپ ەتكەن، ءارقانداي سەبەپپەن قولدانۋشىلاردان قاجەتسىز جەكەلىك ينفورماتسيانى ءبىرجاقتى ەتۋ ارەكەتىنە ماقۇل بولۋدى ءماجبۇرلى تۇردە تالاپ ەتۋگە بولمايدى، قولدانۋشىلاردىڭ قاجەتسىز جەكەلىك ينفورماتسيانى بەرۋگە ماقۇل بولماۋى سەبەپتى، ولاردىڭ قولدانىلمالى باعدارلامانىڭ نەگىزدىك رولدارى مەن قىزمەت وتەۋ تۇرلەرىنەن پايدالانۋىنا تويتارىس جاساۋعا بولمايدى.
سونىمەن بىرگە، پىكىر الىناتىن نۇسقاعا نەگىزدەلگەندە، قولدانىلمالى باعدارلامامەن قامداۋشىلار ازامات جاسىنا تولماعاندارعا ەڭ ءتيىمدى بولۋ پرينسيپىنە تاباندى بولۋى، ازامات جاسىنا تولماعانداردىڭ اقاۋسىز ءوسىپ – ەرجەتۋىنە ءمان بەرۋى، ازامات جاسىنا تولماعانداردىڭ ينتەرنەتكە شىعۋىن قورعاۋداعى ءتۇرلى بورىشتارىن اتقارۋى، ازامات جاسىنا تولماعان پايدالانۋشىلاردىڭ شىن اتىمەن تىزىمدەلۋ جانە تىركەلۋ تالابىن قاتاڭ اتقارۋى كەرەك، ءارقانداي فورمامەن ازامات جاسىنا تولماعان قولدانۋشىلاردى قۇمارتۋعا شىرعالايتىن قاتىستى ونىمدەرمەن، قىزمەت وتەۋ تۇرلەرىمەن قامداۋىنا بولمايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
