شي جينپيڭ قىرعىزستاننىڭ زۇڭتۇڭى جاپاروۆپەن جۇڭگو مەن قىرعىزستاننىڭ ديپلوماتيالىق قاتىناس ورناتقانىنىڭ 30 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى
2022.01.06 16:39 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 5 - كۇنى، بەيجيڭ. 2022 - جىلى 1 - ايدىڭ 5 - كۇنى مەملەكەت ءتوراعاسى شي جينپيڭ قىرعىزستاننىڭ زۇڭتۇڭى جاپاروۆپەن ءوزارا قۇتتىقتاۋ تەلەگرامماسىن جولداپ، 2 ەلدىڭ ديپلوماتيالىق قاتىناس ورناتقانىنىڭ 30 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: ديپلوماتيالىق قاتىناس ورناتقان 30 جىلدان بەرى جۇڭگو مەن قىرعىزستان باستان - اياق ءوزارا قۇرمەت ەتۋ، تەڭدىك، ءوزارا تيىمدىلىك، سەلبەسىپ تەڭ يگىلىككە كەنەلۋ پرينسيبىندە تاباندى بولىپ، ەكى ەل قاتىناسىنىڭ قارىشتاپ دامۋىن ىلگەرىلەتىپ، جاپپاي ستراتەگيالىق سەرىكتەستىك قاتىناستىڭ جاڭا بيىگىنە جەتىپ، حالىقارالىق قوعامنىڭ جاڭاشا حالىقارالىق قاتىناس ورناتۋىنا ۇلگى بولدى. جۇڭگو - قىرعىزستان قاتىناسىنىڭ دامۋى ەكى ەلدى جانە ەكى ەل حالىقتارىن يگىلىككە كەنەلتۋمەن بىرگە، ورتا ازيا ءوڭىرىنىڭ بەيبىتشىلىگى مەن ورنىقتىلىعىن جەبەۋگە دە ۇلەس قوسادى.
شي جينپيڭ بىلاي دەپ دارىپتەدى: مەن جۇڭگو - قىرعىزستان قاتىناسىنىڭ دامۋىنا ايرىقشا ءمان بەرەمىن، جاپاروۆ زۇڭتۇڭمەن تىعىز بايلانىستى جالعاستىرىپ، ەكى ەلدىڭ ديپلوماتيالىق قاتىناس ورناتقانىنىڭ 30 جىلدىعىن جاڭا باستاما ەتىپ، ەكى ەلدىڭ ستراتەگيالىق ءوزارا سەنىمدىلىگىن جوعارىلاتىپ، «ءبىر بەلدەۋ، ءبىر جولدى» بىرگە قۇرۋ سەلبەستىگىن تەرەڭدەتىپ، جۇڭگو مەن قىرعىزستاننىڭ جان - جاقتى ستراتەگيالىق سەرىكتەستىك قاتىناسىنىڭ تاعى دا تىڭ ساتىعا كوتەرىلۋىن ىلگەرىلەتۋگە پەيىلمىن.
جاپاروۆ مىنانى ءبىلدىردى: ديپلوماتيالىق قاتىناس ورناتقان 30 جىلدان بەرى قىرعىزستان مەن جۇڭگو جالپى بەتتىك ستراتەگيالىق سەرىكتەستىك قاتىناس ورناتىپ، ەكى ەلدىڭ ءار سالاداعى سەلبەستىگىندە دۇنيەنى جالت قاراتقان تابىستارعا قول جەتكىزىلدى. جۇڭگو ۇكىمەتى قىرعىزستاننىڭ جاڭا تيپتى ايدارشا ۆيرۋس وكپە قابىنۋ ىندەتىنە جانە ونىڭ ىقپالىنا ءونىمدى توتەپ بەرۋىنە ماڭىزدى قولداۋ كورسەتتى. جاپاروۆ ءتوراعا شي جينپيڭنىڭ قىرعىزستان مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنىڭ دامۋىنا تىكەلەي كوڭىل بولگەنىنە العىس ايتىپ، جۇڭگومەن بىرگە ەكى ەل قاتىناسىن ونان ارى تەرەڭدەتىپ، ەكى جاقتى سەلبەستىكتى بار كۇشپەن بەكەمدەۋگە جانە كەڭەيتۋگە پەيىل ەكەنىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
