سەنىمدى بەكەمدەپ، كۇش ۇستىنە كۇش قوسىپ، ءتۇرلى دايىندىق قىزمەتتەرىن ويداعىداي يگەرىپ، بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ تابىستى وتكىزىلۋىنە كەپىلدىك ەتۋ كەرەك

حان جىڭ تەكسەرۋدە بىرگە بولدى

2022.01.06 16:43 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

1 – ايدىڭ 4 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە 2022 - جىلعى قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ دايىندىعى جانە جارىسقا قاتىناسۋعا ازىرلەنۋ قىزمەتىن تەكسەردى. سۋرەتتە: 1 - ايدىڭ 4 - كۇنى تۇستەن بۇرىن شي جينپيڭ مەملەكەتتىك تەز سىرعاناۋ سارايىندا قىزمەت تەكسەرۋدە. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

　　■ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن جاقسى وتكىزۋ − ءبىزدىڭ حالىقارالىق قوعامعا بەرگەن ايبىندى ۋادەمىز. بىرنەشە جىل قۇلشىنۋ ارقىلى ءتۇرلى دايىندىق قىزمەتتەرى نەگىزىنەن ورىندالىپ بولدى، ءبىزدىڭ دۇنيە جۇزىنە تارتىمدى، وزگەشە، عالامات وليمپيادا سپورت جارىسىن تارتۋ ەتۋگە سەنىمىمىز كامىل، قۋاتىمىز قاپتال جەتەدى. سەنىمدى بەكەمدەپ، رۋحتى سەرپىلتىپ، كۇش ۇستىنە كۇش قوسىپ، جارىستى ۇنەمشىلدىكپەن، حاۋىپسىز، تارتىمدى وتكىزۋ تالابىن جاپپاي تياناقتاندىرىپ، ەڭ سوڭعى كەزەڭدەگى ءتۇرلى جارىستى ۇيىمداستىرۋ، جارىسقا قىزمەت وتەۋ، قولباسشىلىق ەتۋ، ورنالاستىرۋ سياقتى دايىندىق قىزمەتتەرىن مىقتى يگەرىپ، بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ تابىستى وتكىزىلۋىنە كەپىلدىك ەتۋ كەرەك

　　■ جاسىل بولۋ، بىرگە يگىلىكتەنۋ، اشىق، پاك بولۋ سىندى وليمپيادا سپورت جارىسىن وتكىزۋ ۇستانىمىندا تاباندى بولىپ، عىلىم – تەحنيكاعا، اقىل – پاراساتقا دەن قويۋ، جاسىل، ۇنەمشىل بولۋ ەرەكشەلىگىن كورنەكتىلەندىرۋ كەرەك. مەيلى جاڭادان سالىنعان الاڭ - سارايلار بولسىن، الدە الاڭ - سارايلاردى جاڭالاۋ بولسىن، بارلىعىندا جان - جاقتى پايدالانۋعا جانە تومەن كومىرتەكتى پايدالانۋعا ءمان بەرىپ، سپورت جارىسى، بۇقارالىق دەنە شىنىقتىرۋ، مادەنيەت - تىنىعۋ، كورمەگە قويۋ، قوعامدىق الەۋمەتتىك يگىلىك سياقتى كوپ ءتۇرلى فۋنكتسيالاردى توپتاۋ كەرەك. «مۇز لەنتاسىن» جوبالاۋ مەن سالۋدا وسىنداي كوزقاراس وتە جاقسى دايەكتىلەندىرىلگەن. جۇمىس جۇرگىزۋدى باسقارۋ بارىسىندا اناعۇرلىم كوپ جۇڭگو ەلەمەنتىمەن توعىستىرىپ، ونى جۇڭگو مادەنيەتىنىڭ وزگەشە تارتىمدىلىعىن ايگىلەيتىن ماڭىزدى تەرەزەگە، ەلىمىزدىڭ قار - مۇز سپورتىنىڭ دامۋىن ايگىلەيتىن تاماشا تانىسقىعا اينالدىرۋ كەرەك

　　■ بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى جونىنەن العاندا، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن جاقسى ىستەۋ ەڭ ۇلكەن سىناق سانالادى. ىندەتتىڭ اسەرىنەن بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ناق مايداندا تاماشالاۋ زور شەكتەمەگە ۇشىرادى، اقپارات تاراتۋ بۇرىنعى كەزەكتەردەگىدەن دە ماڭىزدى بولا ءتۇستى. نەگىزگى مەديا ورتالىعى ءتۇرلى اينالىم، قىزمەت وتەۋ، قامتاماسىزداندىرۋ قىزمەتىن جاقسى ىستەۋى، ءارى ءتۇرلى اقپاراتتىق حابارلار مەن جالعاپ تاراتۋ فۋنكتسياسىنىڭ حاۋىپسىز اينالىمىن ويداعىداي قامتاماسىزداندىرۋى، ءارى ىندەتتەن ساقتانۋ - تىزگىندەۋ حاۋىپسىزدىگىنە كەپىلدىك ەتۋى كەرەك

　　■ ەل ءىشى - سىرتىنداعى اقپارات قۇرالدارى مەن تىلشىلەردىڭ ىشكەرىلەي حابارلاۋىن، ءار ەلدىڭ وليمپيادا ساڭلاقتارىنىڭ ەرلىكپەن سايىسۋ حيكاياسىن، جۇڭگونىڭ بەيجيڭ قىسقى وليمپيادا سپورت جارىسىن، مۇگەدەكتەر وليمپيادا سپورت جارىسىن وتكىزۋگە دايىندىق كورۋ حيكاياسىن، جۇڭگو حالقىنىڭ مەيماندوستىق حيكاياسىن ويداعىداي بايانداپ، بەيجيڭ قىسقى وليمپيادا سپورت جارىسىن دۇنيە جۇزىنە جاپپاي، سترەولدى، جاندى تۇردە جەتكىزۋىن ءۇمىت ەتەمىن

　　■ سپورتشىلاردىڭ، جاتتىقتىرۋشىلاردىڭ تاماق، جاتىن ورىن، ءجۇرىس - تۇرىس، ەمدەلۋ، ساۋىقتىرۋ، كوڭىل كوتەرۋ سياقتى قىزمەت وتەۋىن قامتاماسىزداندىرۋ قىزمەتى توتەنشە كۇشتى ناقتىلىق سيپاتقا يە. سپورتشىلاردىڭ ويلاعانىن ويلاپ، سپورتشىلاردىڭ قاجەتىنە قاراي جۇمىس ىستەپ، سپورتشىلارعا قولايلى، تەز، دالمە - ءدال، ەگجەي - تەگجەيلى قىزمەت وتەۋ، اسىرەسە، مۇگەدەك سپورتشىلاردىڭ ەرەكشە قاجەتىنە مەڭزەس، قاتىستى بوگەتسىز قۇرىلعىلاردى كوبەيتۋ كەرەك. باسقارۋ جوباسىن ۇزدىكسىز ويداعىداي ورىنداپ، قىزمەت وتەۋ ءتارتىبىن ساپالىلاندىرىپ، شۇعىل جاعدايعا توتەپ بەرۋ جوباسىن اقاۋسىزداندىرىپ، دالمە - ءدال، ەگجەي - تەگجەيلى باسقارۋ جانە قىزمەت وتەۋ دەڭگەيىن جوعارىلاتىپ، حاۋىپسىز، شۋاقتى، جايلى «سپورتشىلار وتاۋىن» قۇرۋ كەرەك. رايوندارعا ءبولىپ، تۇرگە ءبولىپ، جابىق باسقارۋدىڭ ءتۇرلى شارالارىن قاتاڭ تياناقتاندىرىپ، ىندەتتەن ساقتانۋ - تىزگىندەۋدى كۇشەيتۋ كەرەك

　　■ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ءساتتى وتكىزۋ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سەنىمىمىزدى ارتتىرىپ قانا قالماستان، مەملەكەتىمىز بەن ۇلتىمىزدىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە قۇلشىناتىن، شۋاقتى، باي، قۇدىرەتتى، اشىق تاماشا وبرازىن ايگىلەپ، ءار ەل حالقىنىڭ جۇڭگو جونىندەگى تۇسىنىگى مەن تانىمىن كۇشەيتۋگە دە ءتيىمدى

　　■ وسى جىلدارى ءار جاقتىڭ بىرگە قۇلشىنۋىندا، بارعان سايىن كوپتەگەن ادام قار - مۇز سپورتىنا قىزىقتى، «300 ميلليون ادامدى قار - مۇز سپورتىنا ات سالىسۋعا جەتەكتەۋ» نىساناسى كۇنى بۇرىن جۇزەگە اسىرىلدى. دەنەتاربيەدە قۋاتتى ەل، سالاماتتى جۇڭگو قۇرۋدا، ەڭ ءتۇبىرلىسى، حالىقتىڭ دەنە قۋاتىن كۇشەيتۋ، حالىقتىڭ سالاماتتىعىن قامتاماسىز ەتۋ كەرەك. بۇل − جاپپاي سوتسياليستىك وسىزاماندانعان مەملەكەت قۇرۋدىڭ ماڭىزدى ءبىر جاعى. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋدە قالىپتاسقان ورلەۋدەن تولىق پايدالانىپ، باسەكەلىك سپورت پەن بۇقارالىق سپورتتى ءبىر تۇلعالاندىرىپ ىلگەرىلەتۋدە تاباندى بولىپ، ەلىمىزدىڭ قار - مۇز سپورتىنىڭ باياندى دامۋىن ىلگەرىلەتۋ كەرەك

　　■ كوپشىلىكتىڭ وتانعا داڭق اپەرۋ جىگەرى مەن باتىلدىعىن كۇشەيتىپ، سايكەسۋدى ماڭداي الدى ورىنعا قويۋدان جازباي، باتىلدىقپەن، شەبەرلىكپەن كۇرەس جۇرگىزىپ، وليمپيادا جارىس الاڭىندا جاڭا داۋىردەگى جۇڭگو سپورتشىلارىنىڭ رۋحاني بەت - بەينەسى مەن باسەكەلىك ورەسىن ايگىلەپ، باسەكە، ءمورال، ستيل جاقتارىندا ەڭ جاقسى سيلىق الۋعا قۇلشىنۋىن ءۇمىت ەتەمىن

　　«حالىق گازەتى»، 1 - ايدىڭ 5 – كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا بەيجيڭدە 2022 - جىلعى قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ دايىندىعى جانە جارىسقا قاتىناسۋعا ازىرلەنۋ قىزمەتىن تەكسەرگەندە مىنانى دارىپتەدى: بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن جاقسى وتكىزۋ − ءبىزدىڭ حالىقارالىق قوعامعا بەرگەن ايبىندى ۋادەمىز. بىرنەشە جىل قۇلشىنۋ ارقىلى ءتۇرلى دايىندىق قىزمەتتەرى نەگىزىنەن ورىندالىپ بولدى، ءبىزدىڭ دۇنيە جۇزىنە تارتىمدى، وزگەشە، عالامات وليمپيادا سپورت جارىسىن تارتۋ ەتۋگە سەنىمىمىز كامىل، قۋاتىمىز قاپتال جەتەدى. سەنىمدى بەكەمدەپ، رۋحتى سەرپىلتىپ، كۇش ۇستىنە كۇش قوسىپ، جارىستى ۇنەمشىلدىكپەن، حاۋىپسىز، تارتىمدى وتكىزۋ تالابىن جاپپاي تياناقتاندىرىپ، ەڭ سوڭعى كەزەڭدەگى ءتۇرلى جارىستى ۇيىمداستىرۋ، جارىسقا قىزمەت وتەۋ، قولباسشىلىق ەتۋ، ورنالاستىرۋ سياقتى دايىندىق قىزمەتتەرىن مىقتى يگەرىپ، بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ تابىستى وتكىزىلۋىنە كەپىلدىك ەتۋ كەرەك.

　　ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ قىزمەت تەكسەرۋدە بىرگە بولدى.

　　1 – ايدىڭ 4 – كۇنى شي جينپيڭ ج ك پ ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چي مەن قالا باستىعى چىن جينيڭنىڭ سەرىك بولۋىندا دەنەتاربيە الاڭ - سارايلارى، مەديا ورتالىعى، جاتتىعۋ بازاسى سياقتىلاردى ارالاپ، جارىستى وتكىزۋگە دايىندالۋ جانە جارىسقا قاتىناسۋعا ازىرلەنۋ جاعدايىن ناقتاپ ۇعىستى.

　　1 - ايدىڭ 4 - كۇنى تۇستەن بۇرىن شي جينپيڭ الدىمەن مەملەكەتتىك تەز سىرعاناۋ سارايىنا كەلىپ، ۇلكەن ەكرانمەن ۇشتاستىرىپ الاڭ - سارايلاردى جوبالاۋ ۇستانىمى، قۇرىلىس بارىسى، اينالىم جاعدايى جونىندەگى تانىستىرۋدى تىڭدادى. مەملەكەتتىك تەز سىرعاناۋ سارايى «مۇز لەنتاسى» دەپ تە اتالادى، بەيجيڭ جارىس رايونىنىڭ بوگەنايلىق سارايى جانە بىردەن - ءبىر جاڭادان سالىنعان مۇز ءۇستى جارىس الاڭى، ازياداعى ەڭ ۇلكەن مۇز بەتى جوباسىنا يە، قىسقى وليمپيادا جارىسى كەزىندە داڭعىل جولدا تەز سىرعاناۋ جارىسى مىندەتىن ۇستىنە الادى. ءتوراعالار مىنبەسى رايونىندا شي جينپيڭ الاڭ - سارايلاردىڭ ىشكى بولىگىن جانە جارىس جولىن زەر سالا كورىپ، الاڭ - سارايلاردىڭ جارىس كەزىندەگى اينالىم جوباسى مەن جارىس ىستەرىنە قىزمەت وتەۋدى قامتاماسىز ەتۋدىڭ دايىندىق جاعدايىن ۇعىستى. شي جينپيڭ مىنالاردى اتاپ كورسەتتى: جاسىل بولۋ، بىرگە يگىلىكتەنۋ، اشىق، پاك بولۋ سىندى وليمپيادا سپورت جارىسىن وتكىزۋ ۇستانىمىندا تاباندى بولىپ، عىلىم – تەحنيكاعا، اقىل – پاراساتقا دەن قويۋ، جاسىل، ۇنەمشىل بولۋ ەرەكشەلىگىن كورنەكتىلەندىرۋ كەرەك. مەيلى جاڭادان سالىنعان الاڭ - سارايلار بولسىن، الدە الاڭ - سارايلاردى جاڭالاۋ بولسىن، بارلىعىندا جان - جاقتى پايدالانۋعا جانە تومەن كومىرتەكتى پايدالانۋعا ءمان بەرىپ، سپورت جارىسى، بۇقارالىق دەنە شىنىقتىرۋ، مادەنيەت - تىنىعۋ، كورمەگە قويۋ، قوعامدىق الەۋمەتتىك يگىلىك سياقتى كوپ ءتۇرلى فۋنكتسيالاردى توپتاۋ كەرەك. «مۇز لەنتاسىن» جوبالاۋ مەن سالۋدا وسىنداي كوزقاراس وتە جاقسى دايەكتىلەندىرىلگەن. جۇمىس جۇرگىزۋدى باسقارۋ بارىسىندا اناعۇرلىم كوپ جۇڭگو ەلەمەنتىمەن توعىستىرىپ، ونى جۇڭگو مادەنيەتىنىڭ وزگەشە تارتىمدىلىعىن ايگىلەيتىن ماڭىزدى تەرەزەگە، ەلىمىزدىڭ قار - مۇز سپورتىنىڭ دامۋىن ايگىلەيتىن تاماشا تانىسقىعا اينالدىرۋ كەرەك.

　　الاڭ ىشىندە تەحنيكتەر مەن مۇز جاسايتىن قىزمەتكەرلەر جارىس جولىنا سىناق جاساۋدا. شي جينپيڭ ەكران ارقىلى سىناق جاعدايىن كورىپ، مۇز جاساۋ بارىسى مەن جارىس جولىنداعى مۇز بەتىنىڭ تەمپەراتۋراسى سياقتىلاردى ەگجەي - تەگجەيلى ۇعىستى. ول مىنالاردى دارىپتەدى: مۇز ءۇستى نىسانى قۇرىلعىلارىنىڭ مۇز جاساۋ تەحنيكاسىنا بولعان تالابى وتە جوعارى. مەملەكەتتىك تەز سىرعاناۋ سارايىنىڭ قاتتى بولشەكتەرى دۇنيە ءجۇزى بويىنشا الدىڭعى قاتاردا بولىپ قالماستان، مۇز جاساۋ تەحنيكاسى دا دۇنيە ءجۇزى بويىنشا الدىڭعى قاتاردا بولىپ، تومەن كومىرتەكتى بولۋدى، لاس زاتتاردى از شىعارۋدى جۇزەگە اسىردى. وسى نىساننىڭ تەحنيكانى جيناقتاۋ، ۇلگى كورسەتۋ اسەرىن ويداعىداي ساۋلەلەندىرىپ، تەحنيكانى كادەگە جاراتۋ جانە جالپىلاستىرۋ، قولدانۋ تەبىنىن ارتتىرىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋدىن ىلگەرىلەتۋگە، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋعا ۇلەس قوسۋ كەرەك.

　　بەيجيڭ قىسقى وليمپيادا سپورت جارىسىنىڭ، قىسقى مۇگەدەكتەر وليمپيادا سپورت جارىسىنىڭ نەگىزگى مەديا ورتالىعى مەملەكەتتىك تەز سىرعاناۋ سارايىنا ىرگەلەس، جارىس كەزىندە بۇكىل دۇنيە جۇزىنەن تىركەلگەن جازىقتىق اقپارات قۇرالدارى مەن جالعاپ تاراتۋشىلاردىڭ قىزمەت باس شتابى بولادى. شي جينپيڭ ىلگەرىندى - كەيىندى نەگىزگى اقپارات جاريالاۋ زالىنا، اقپارات قۇرالدارى قىزمەت بولمەسىنە، زەردەلى اسحاناعا بارىپ، ورتالىقتىڭ قۇرىلىس جۇرگىزۋ، ىندەتتەن ساقتانۋ شارالارىن كەمەلدەندىرۋ، تۇتاس بارىستاعى قىزمەت وتەۋ ۇلگىسىن قالىپتاستىرۋ، سونداي - اق جارىس كەزىندەگى ينفورماتسيالاردى جاريالاۋ، اقپارات قۇرالدارىنىڭ اينالىمى، اس - سۋ قىزمەت وتەۋى سياقتى جاعدايلاردى ۇعىستى. اقپارات قۇرالدارى قىزمەتى بولمەسىندە شي جينپيڭ دايىندالىپ جاتقان اقپارات قۇرالدارى تىلشىلەرىمەن ىقىلاسپەن اڭگىمەلەستى. زەردەلى اسحانادا شي جينپيڭ زەردەلى اس - سۋ جابدىقتارىنىڭ اينالىم جاعدايىن تەكسەرىپ، ورتالىقتىڭ ازىق - تۇلىك حاۋىپسىزدىگىن باقىلاۋ - باسقارۋدى كۇشەيتۋ جاعدايىن ۇعىستى. ول مىنالاردى دارىپتەدى: بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ نەگىزگى مەديا ورتالىعى نەگىزگى اقپارات ورتالىعى مەن حالىقارالىق راديو ورتالىعىن بىرىكتىرىپ، جارىس كەزىندەگى قىزمەت وتەۋ يقۋاتى مەن جارىستان كەيىنگى كورمە فۋنكتسياسىن ءبىر تۇتاس جوسپارلاپ، وليمپيادا سپورت جارىسىن جاسىل، ۇنەمشىل وتكىزۋدى جۇزەگە اسىردى. ول مىنالاردى اتاپ كورسەتتى: بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى جونىنەن العاندا، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن جاقسى ىستەۋ ەڭ ۇلكەن سىناق سانالادى. ىندەتتىڭ اسەرىنەن بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ناق مايداندا تاماشالاۋ زور شەكتەمەگە ۇشىرادى، اقپارات تاراتۋ بۇرىنعى كەزەكتەردەگىدەن دە ماڭىزدى بولا ءتۇستى. نەگىزگى مەديا ورتالىعى ءتۇرلى اينالىم، قىزمەت وتەۋ، قامتاماسىزداندىرۋ قىزمەتىن جاقسى ىستەۋى، ءارى ءتۇرلى اقپاراتتىق حابارلار مەن جالعاپ تاراتۋ فۋنكتسياسىنىڭ حاۋىپسىز اينالىمىن ويداعىداي قامتاماسىزداندىرۋى، ءارى ىندەتتەن ساقتانۋ - تىزگىندەۋ حاۋىپسىزدىگىنە كەپىلدىك ەتۋى كەرەك. «قوس جابىق ساقينا بويىنشا» باسقارۋدى قاتاڭ تياناقتاندىرىپ، الاڭ - سارايلاردىڭ ىندەتتەن ساقتانۋ شارالارىن كەمەلدەندىرىپ، ىندەتتىڭ تۋىلۋىنان مۇمكىندىكتىڭ بارىنشا ساقتانۋ كەرەك. ازىق - تۇلىك حاۋىپسىزدىگىن ءبىرىنشى ورىنعا قويىپ، زەردەلىلەنگەن سايىن، تۋ باستان تىزگىندەۋگە ءمان بەرىپ، تيتتەي دە اعاتتىق جىبەرمەۋگە كەپىلدىك ەتۋ كەرەك. ول ەل ءىشى - سىرتىنداعى اقپارات قۇرالدارى مەن تىلشىلەردىڭ ىشكەرىلەي حابارلاۋىن، ءار ەلدىڭ وليمپيادا ساڭلاقتارىنىڭ ەرلىكپەن سايىسۋ حيكاياسىن، جۇڭگونىڭ بەيجيڭ قىسقى وليمپيادا سپورت جارىسىن، مۇگەدەكتەر وليمپيادا سپورت جارىسىن وتكىزۋگە دايىندىق كورۋ حيكاياسىن، جۇڭگو حالقىنىڭ مەيماندوستىق حيكاياسىن ويداعىداي بايانداپ، بەيجيڭ قىسقى وليمپيادا سپورت جارىسىن دۇنيە جۇزىنە جاپپاي، سترەولدى، جاندى تۇردە جەتكىزۋىن ءۇمىت ەتتى.

　　وسىدان كەيىن شي جينپيڭ بەيجيڭ قىسقى وليمپيادا قىستاعىندا (قىسقى مۇگەدەكتەر وليمپياداسى قىستاعى) قىزمەت تەكسەردى. بەيجيڭ قىسقى وليمپيادا قىستاعى (قىسقى مۇگەدەكتەر وليمپياداسى قىستاعى) قونىس رايونى، الاڭ رايونى، اينالىم رايونى سىندى 3 وڭىرگە بولىنگەن، جارىس كەزىندە ءار ەل سپورتشىلارىن جانە سپورتشىلارمەن بىرگە جۇرگەن ءمانساپتىلاردى 3 مىڭنان نان استام توسەك ورنىمەن جانە ساۋدالىق قىزمەت وتەۋمەن قامدايدى. الاڭ رايونىندا شي جينپيڭ قىسقى وليمپيادا قىستاعىنىڭ (قىسقى مۇگەدەكتەر وليمپياداسى قىستاعى) قۇرىلىس بارىسى، اينالىم جاعدايى، ىندەتتەن ساقتانۋ - تىزگىندەۋ سياقتى جاعدايلارى جونىندەگى تانىستىرۋدى تىڭدادى، جول بويى گازەت - جۋرنال دۇكەنى جانە ۇكىمەتتىك ەرەكشە رۇقسات ەتىلگەن تاۋارلاردى بولشەك ساتۋ دۇكەنى سياقتىلاردى كوزدەن كەشىرىپ، ءتۇرلى ساۋدالىق قىزمەت وتەۋ قۇرىلعىلارىنىڭ اينالىم جاعدايىن ۇعىستى. شي جينپيڭ مىنالاردى اتاپ كورسەتتى: قىسقى وليمپيادا قىستاعى − قىسقى وليمپيادا سپورت جارىسىنىڭ ماڭىزدى ورنى جانە ماڭىزدى مۇراسى. سىزدەر جارىستى ءبىر تۇتاس جوسپارلاعان كەزدەرىڭىزدە جارىستان كەيىن پايدالانىپ، قىسقى وليمپيادا قىستاعىن ماڭگىلىك قۇرىلعى ەتىپ قۇرىپ شىعىڭىزدار، جارىستان كەيىن دارىندىلار جاتاعىنا اينالدىرىڭىزدار، بۇل − وتە جاقسى ءادىس، بەيجيڭنىڭ «قوس وليمپيادا قالاسىنىڭ» مادەنيەت مازمۇنىن بايىتۋىنا ءتيىمدى. سىزدەر تورتكىل اۋلا ۇستانىمىمەن قىسقى وليمپيادا قىستاعىن جوبالاپ قۇردىڭىزدار، بۇل مىڭ جىلدىق بايىرعى استانا بەيجيڭنىڭ ءارى بايىرعى، ءارى وسى زامانعى قالا بولۋ سىندى وزگەشە باۋراۋ قۋاتىن ايگىلەدى.

　　قونىس رايونىندا شي جينپيڭ امبەباپ ەمدەۋ ورنىن، مۇگەدەك سپورتشىلارىنىڭ باسپانا ۇلگىسىن كوزدەن كەشىرىپ، قىسقى وليمپيادا قىستاعىنىڭ (قىسقى مۇگەدەكتەر وليمپياداسى قىستاعى) نەگىزگى ەمدەۋ قىزمەتىن ورىستەتۋ، ەمدەۋ بويىنشا شۇعىل جاعدايعا توتەپ بەرۋ، ءبىر جاقتى ەتۋ قابىلەتىن جوعارىلاتۋ، ەگجەي - تەگجەيلى قىزمەت وتەۋ، قامتاماسىز ەتۋ دەڭگەيىن جوعارىلاتۋ، «سپورتشىلار وتاۋىن» قۇرۋ سياقتى جاعدايلاردى ۇعىستى. شي جينپيڭ مىنالاردى دارىپتەدى: سپورتشىلاردىڭ، جاتتىقتىرۋشىلاردىڭ تاماق، جاتىن ورىن، ءجۇرىس - تۇرىس، ەمدەلۋ، ساۋىقتىرۋ، كوڭىل كوتەرۋ سياقتى قىزمەت وتەۋىن قامتاماسىزداندىرۋ قىزمەتى توتەنشە كۇشتى ناقتىلىق سيپاتقا يە. سپورتشىلاردىڭ ويلاعانىن ويلاپ، سپورتشىلاردىڭ قاجەتىنە قاراي جۇمىس ىستەپ، سپورتشىلارعا قولايلى، تەز، دالمە - ءدال، ەگجەي - تەگجەيلى قىزمەت وتەۋ، اسىرەسە، مۇگەدەك سپورتشىلاردىڭ ەرەكشە قاجەتىنە مەڭزەس، قاتىستى بوگەتسىز قۇرىلعىلاردى كوبەيتۋ كەرەك. باسقارۋ جوباسىن ۇزدىكسىز ويداعىداي ورىنداپ، قىزمەت وتەۋ ءتارتىبىن ساپالىلاندىرىپ، شۇعىل جاعدايعا توتەپ بەرۋ جوباسىن اقاۋسىزداندىرىپ، دالمە - ءدال، ەگجەي - تەگجەيلى باسقارۋ جانە قىزمەت وتەۋ دەڭگەيىن جوعارىلاتىپ، حاۋىپسىز، شۋاقتى، جايلى «سپورتشىلار وتاۋىن» قۇرۋ كەرەك. رايوندارعا ءبولىپ، تۇرگە ءبولىپ، جابىق باسقارۋدىڭ ءتۇرلى شارالارىن قاتاڭ تياناقتاندىرىپ، ىندەتتەن ساقتانۋ - تىزگىندەۋدى كۇشەيتۋ كەرەك .

　　شي جينپيڭ اينالىمدى باسقارۋمەن، قىزمەت وتەۋدى قامتاماسىزداندىرۋشىلارمەن جانە ەرىكتىلەرمەن ىقىلاسپەن اڭگىمەلەسىپ، كوپشىلىكتىڭ قاجىرلى ەڭبەگىنە العىس ايتتى. ول مىنالاردى دارىپتەدى: بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ءساتتى وتكىزۋ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سەنىمىمىزدى ارتتىرىپ قانا قالماستان، مەملەكەتىمىز بەن ۇلتىمىزدىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە قۇلشىناتىن، شۋاقتى، باي، قۇدىرەتتى، اشىق تاماشا وبرازىن ايگىلەپ، ءار ەل حالقىنىڭ جۇڭگو جونىندەگى تۇسىنىگى مەن تانىمىن كۇشەيتۋگە دە ءتيىمدى. ول مىنالاردى اتاپ كورسەتتى: بەيجيڭ قىسقى وليمپياداسىنا، مۇگەدەكتەر قىسقى وليمپياداسىنا ەرىكتى قىزمەت وتەۋگە قاتىناسۋ − ادام ومىرىندەگى تاپتىرماس وراي، كوپشىلىكتىڭ رۋحتى سەرپىلتىپ، قايراتتى تاسقىنداتىپ، ىنتىماقتاسا سەلبەسىپ، بىرگە قۇلشىنىپ، قىسقى وليمپيادا سپورت جارىسى كەزىندەگى ءتۇرلى قىزمەت وتەۋ، قامتاماسىزداندىرۋ قىزمەتىنىڭ ءساتتى بولۋىنا كەپىلدىك ەتىپ، ءار ەلدىڭ جارىسقا قاتىناسۋشىلارىنا جۇڭگو حالقىنىڭ ىستىق ىقىلاستى، مەيماندوس، وركەنيەتتى، ادەپتى ەكەنىن، كوكتەمنىڭ شۋاعىنداي مەيىرىن سەزىندىرۋىن ءۇمىت ەتەمىن.

　　سول كۇنى تۇستەن كەيىن شي جينپيڭ بەيجيڭ قىسقى وليمپيادا سپورت جارىسى قولباسشىلىق شتابىنىڭ سايكەستىرۋ ورتالىعىنا كەلىپ، بەيجيڭنىڭ جارىس كەزىندەگى قولباسشىلىق ەتۋ، ورنالاستىرۋ جانە قالا اينالىمىن قامتاماسىز ەتۋ، سايكەستىرۋ مەحانيزمىن كەمەلدەندىرۋ جاعدايى جونىندەگى تانىستىرۋىن تىڭدادى ءارى ناق مايدانداعى قىزمەتكەرلەردەن توسىن وقيعالارعا شۇعىل توتەپ بەرۋ، ءبىر جاقتى ەتۋ جوباسى سياقتى مازمۇنداردى ۇعىستى. شي جينپيڭ مىنالاردى اتاپ كورسەتتى: ءبىر تۇتاس قولباسشىلىق ەتۋدى، ورنالاستىرۋدى كۇشەيتۋ − بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ ءساتتى بولۋىنا كەپىلدىك ەتۋدىڭ تەتىگى. بەيجيڭ، يانچيڭ، جاڭجياكوۋ سىندى 3 جارىس رايونى سايكەسۋدى، سەلبەسۋدى جانە ءبىر تۇتاس قولباسشىلىق ەتۋدى، ورنالاستىرۋدى كۇشەيتىپ، ءبىر تۇتاس جۇيە قالىپتاستىرۋى كەرەك. بەيجيڭ باس جاۋاپكەرلىكتى باستاماشىلدىقپەن ارقالاۋى كەرەك. ءبىر تۇتاس قولباسشىلىق ەتۋ، ءبىر تۇتاس ورنالاستىرۋ، ورگانيكالى ۇشتاستىرۋ، اينالىمى ءساتتى بولۋ، اڭىسى تەز بولۋ، باتىل ءبىر جاقتى ەتۋ ءتۇزىلىس، مەحانيزمىن اقاۋسىزداندىرىپ، ءتۇرلى قىزمەت تارتىپتەرى مەن توسىن جاعدايعا توتەپ بەرۋ جوباسىن كەمەلدەندىرۋ كەرەك. ەڭ سوڭعى ءبىر ايلىق دايىندىق ۋاقىتىن مىقتى يگەرىپ، سىناق جاتتىعۋىن كۇشەيتىپ، كومەسكى قاتەرلەردى تەكسەرىپ، ولقىلىقتاردى تولىقتاپ، ءالسىز بۋىنداردى كۇشەيتىپ، بەيجيڭ قىسقى وليمپيادا سپورت جارىسىنىڭ، مۇگەدەكتەر وليمپيادا سپورت جارىسىنىڭ تابىستى بولۋىنا كەپىلدىك ەتۋ كەرەك.

　　ورنالاستىرۋ ورتالىعىنان اتتانعاننان كەيىن، شي جينپيڭ «7 – اقپان» زاۆودىنىڭ قار - مۇز نىساندارى بويىنشا جاتتىقتىرۋ بازاسىنا بارىپ تەكسەرۋ - زەرتتەۋ جۇرگىزدى. بۇل − عىلمي زەرتتەۋ مەن جاتتىعۋدى ءبىر تۇلعالاندىرعان مەملەكەتتىك قار - مۇز سپورتىنىڭ كۇردەلى بازاسى، الاڭ - سارايلار مەن قۇرىلعى - جابدىقتار قازىر مەملەكەتتىك كوماندانىڭ قىسقى وليمپيادا سپورت جارىسىنا دايىندالۋىنا، پايدالانۋىنا بەرىلدى. شي جينپيڭ ىلگەرىندى - كەيىندى 6 ەركىن جاتتىعۋ سارايىنا، امبەباپ جەل ۇڭگىرى سارايىنا بارىپ، بولات سورەلى قار اۆتوموبيلى سياقتى 6 ەركىن جاتتىعۋ جۇيەسىنىڭ اينالىمى، تەز سىرعاناۋ توپتىق قۋالاۋ نىسانىنىڭ جەل ۇڭگىرىنە جاتتىعۋ جاعدايىن ەگجەي - تەگجەيلى ۇعىستى، جول بويى ەلىمىزدە وندىرىلگەن 4 ادامدىق قار ماشيناسى، ەلىمىزدە وندىرىلگەن بالاۋىز اۆتوموبيل، شۇعىل جاعدايعا توتەپ بەرۋ، ەمدەۋ - قۇتقارۋ جابدىقتارى سياقتى اسپاپتار كورمەسىن كورىپ، بازا قۇرىلىسىنىڭ جانە قار - مۇز سپورتىنىڭ عىلمي جاتتىعۋ جۇيەسىن قۇرۋدىڭ جاعدايىن ۇعىستى. شي جينپيڭ مىنالاردى دارىپتەدى: بۇگىنگى دۇنيەدە عىلىم - تەحنيكانىڭ باسەكەلىك سپورتتاعى رولى بارعان سايىن كورنەكتىلەندى. دەنەتاربيەدە قۇدىرەتتى ەل قۇرۋدا، ءسوز جوق، جوعارى دەڭگەيدەگى دەنەتاربيە عىلىم - تەحنيكاسىندا ءوز كۇشىنە سۇيەنىپ، ءوزىن الۋەتتەندىرۋدى جۇزەگە اسىرۋ كەرەك. كوپ ءپاندى، ءپان اتتاعان كۇشتەردى جيناقتاپ، تەحنيكالىق زەرتتەۋ مەن تەحنيكانى كادەگە جاراتۋدى ءبىر تۇتاس ىلگەرىلەتىپ، ەلىمىزدىڭ باسەكەلىك سپورتىندا اناعۇرلىم زور قامال الۋعا پارمەندى تىرەك ازىرلەۋ كەرەك.

　　تەز سىرعاناۋ سارايىنىڭ 1 - قاباتىندا تەز سىرعاناۋ سپورتشىلارى توپتىق قۋالاۋ ماشىعىن جاساۋدا. شي جينپيڭ زەر سالا كورىپ، جاتتىعۋعا قاتىناسقان سپورتشىلاردان، جاتتىقتىرۋشىلاردان حال سۇراپ، ولاردى شايقاسقا عىلمي دايىندالۋعا، ەرلىكپەن كۇرەسۋگە، تاماشا ناتيجە جاراتۋعا شابىتتاندىردى. وسىدان كەيىن شي جينپيڭ تەز سىرعاناۋ سارايىنىڭ جەر استى 1 - قاباتىنا بارىپ، «300 ميلليون ادامدى قار - مۇز سپورتىنا قاتىناسۋعا باستاۋ جەتىستىكتەرى كورمەسىن» ەكسكۋرسيالاپ، ەلىمىزدىڭ قار - مۇز سپورتىنىڭ دامۋ جاعدايىن ۇعىستى. شي جينپيڭ مىنالاردى اتاپ كورسەتتى: وسى جىلدارى ءار جاقتىڭ بىرگە قۇلشىنۋىندا، بارعان سايىن كوپتەگەن ادام قار - مۇز سپورتىنا قىزىقتى، «300 ميلليون ادامدى قار - مۇز سپورتىنا ات سالىسۋعا جەتەكتەۋ» نىساناسى كۇنى بۇرىن جۇزەگە اسىرىلدى. دەنەتاربيەدە قۋاتتى ەل، سالاماتتى جۇڭگو قۇرۋدا، ەڭ ءتۇبىرلىسى، حالىقتىڭ دەنە قۋاتىن كۇشەيتۋ، حالىقتىڭ سالاماتتىعىن قامتاماسىز ەتۋ كەرەك. بۇل − جاپپاي سوتسياليستىك وسىزاماندانعان مەملەكەت قۇرۋدىڭ ماڭىزدى ءبىر جاعى. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋدە قالىپتاسقان ورلەۋدەن تولىق پايدالانىپ، باسەكەلىك سپورت پەن بۇقارالىق سپورتتى ءبىر تۇلعالاندىرىپ ىلگەرىلەتۋدە تاباندى بولىپ، ەلىمىزدىڭ قار - مۇز سپورتىنىڭ باياندى دامۋىن ىلگەرىلەتۋ كەرەك.

　　شي جينپيڭ سپورتشىلاردىڭ دەنساۋلىعىن قالپىنا كەلتىرۋ، ەمدەۋ قىزمەتىنە ايرىقشا كوڭىل ءبولدى. دەنە قۋاتى ورتالىعىنىڭ ەمدەۋ پۋنكتىندە شي جينپيڭ بازانىڭ ەرەكشە تومەن تەمپەراتۋرالى ەمدەۋ بولمەسى، قالقىما بولمە سياقتى جابدىقتاردان جان - جاقتى پايدالانىپ، سپورتشىلاردى ساۋىقتىرۋ، ەمدەۋ دەڭگەيىن جان - جاقتى جوعارىلاتۋ جاعدايىن ەگجەي - تەگجەيلى ۇعىستى. ول مىنالاردى دارىپتەدى: «7 – اقپان» زاۆودىن قار - مۇز نىساندارىنا جاتتىقتىرۋ بازاسى ەلىمىزدىڭ قار - مۇز سپورتى عىلىم - تەحنيكاسىن زەرتتەۋ - اشۋ سىندى ماڭىزدى بورىشتى ارقالاپ وتىر. سىزدەردىڭ بورىش ارقالاپ، بيىك شىڭعا ەرلىكپەن شىعىپ، ەلىمىزدىڭ قار - مۇز سپورتىنىڭ دامۋىن جەدەلدەتۋگە اناعۇرلىم زور ۇلەس قوسۋلارىڭىزدى ءۇمىت ەتەمىن.

　　ارناۋلى دەنەتاربيە جاتتىعۋ سارايىندا سپورتشىلاردىڭ، جاتتىقتىرۋشىلاردىڭ، قىزمەت وتەۋدى قامتاماسىز ەتۋشىلەردىڭ ۋاكىلدەرى دۋ قول شاپالاق سوعىپ، باس شۋجيدىڭ كەلگەنىن قارسى الدى. شي جينپيڭ كوپشىلىككە قول بۇلعاپ قۇرمەت ءبىلدىردى. ول مىنالاردى اتاپ كورسەتتى: ەندى ءبىر ايدان كەيىن بەيجيڭ قىسقى وليمپيادا سپورت جارىسى باستالادى. بۇگىن − جاڭا جىلدان كەيىن قىزمەتكە شىققان ءبىرىنشى كۇن، مەن بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ دايىندىق قىزمەتىنە ارناۋلى تەكسەرۋ - زەرتتەۋ جۇرگىزۋگە كەلدىم، باستىسى، كوپشىلىككە دەم بەرۋگە كەلدىم. وتاعاسى رەتىندە ءبىز بەيجيڭ قىسقى وليمپيادا جارىسىن، مۇگەدەكتەر قىسقى وليمپيادا سپورت جارىسىن ويداعىداي وتكىزۋمەن بىرگە، جاقسى ناتيجەگە قول جەتكىزۋگە قۇلشىنۋىمىز كەرەك. كوپشىلىكتىڭ ەڭ سوڭعى شايقاسقا دايىندالۋدىڭ شەشۋشى كەزەڭىن مىقتى يگەرىپ، بار زەيىنىمەن جاتتىعۋ جاساپ، جارىستى ەڭ تاماشا باسەكە كۇيىمەن قارسى الۋىن ءۇمىت ەتەمىن. شي جينپيڭ مىنالاردى دارىپتەدى: ادام ومىرىندە نەشە رەت سايىسقا تۇسەدى، ۇزاق ۋاقىت دايىندالىپ، ءبىر رەتتە ونەرىن ايگىلەيدى. كوپشىلىكتىڭ وتانعا داڭق اپەرۋ جىگەرى مەن باتىلدىعىن كۇشەيتىپ، سايكەسۋدى ماڭداي الدى ورىنعا قويۋدان جازباي، باتىلدىقپەن، شەبەرلىكپەن كۇرەس جۇرگىزىپ، وليمپيادا جارىس الاڭىندا جاڭا داۋىردەگى جۇڭگو سپورتشىلارىنىڭ رۋحاني بەت - بەينەسى مەن باسەكەلىك ورەسىن ايگىلەپ، باسەكە، ءمورال، ستيل جاقتارىندا ەڭ جاقسى سيلىق الۋعا قۇلشىنۋىن ءۇمىت ەتەمىن. شي جينپيڭ كوپشىلىكتىڭ جاقسى ناتيجەگە قول جەتكىزۋىن تىلەدى، كوپشىلىك دۋ قول شاپالاق سوعىپ، «باس شۋجي، الاڭسىز بولىڭىز!»، «ءبىز دايىندالىپ بولدىق!» دەدى.

　　ديڭ شۋەشياڭ، سونداي - اق ورتالىق پەن مەملەكەتتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

　　كەلۋ قاينارى: حالىق تورابى

1 – ايدىڭ 4 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە 2022 - جىلعى قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ دايىندىعى جانە جارىسقا قاتىناسۋعا ازىرلەنۋ قىزمەتىن تەكسەردى. سۋرەتتە: 1 - ايدىڭ 4 - كۇنى تۇستەن كەيىن شي جينپيڭ «7 – اقپان» زاۆودىنىڭ قار - مۇز سپورتى تۇرلەرى جاتتىعۋ بازاسىنداعى ارناۋلى دەنە قۋاتى جاتتىعۋ سارايىندا سپورتشىلارمەن، جاتتىقتىرۋشىلارمەن، قىزمەت وتەۋ جاعىنان قامتاماسىز ەتۋشىلەرمەن ىقىلاسپەن اڭگىمەلەسۋدە. سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved