مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى
ءىشىنارا جەرلەردە تۋىلعان شوعىرلى سيپاتتى ىندەت جاعدايى جالپى جاقتان العاندا مەڭگەرۋگە بولاتىن كولەمدە
2022.01.10 15:25 كەلۋ قاينارى : حالىق تورابى
حالىق گازەتىنىڭ شەتەلگە ارنالعان نۇسقاسىنىڭ ءتىلشىسى ۋاڭ مەيحۋا 1 – ايدىڭ 8 – كۇنى حابارلايدى. مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى 1 – ايدىڭ 8 – كۇنى اقپار جاريالاۋ ءماجىلىسىن وتكىزىپ، مەرەكە مەزگىلىندەگى ىندەتتەن ساقتانۋ – تىزگىندەۋ جانە قامداۋعا كەپىلدىك ەتىپ، باعانى ورنىقتىرۋ قىزمەتى جونىندە قاتىستى جاعدايلاردى تانىستىردى.
«قازىرگە دەيىن، دۇنيە ءجۇزى بويىنشا جاڭا تيپتى ايدارشا ۆيرۋس وكپە قابىنۋ ىندەتىنە شالدىقتى دەپ دياگنوز قويىلعان ناۋقاستاردىڭ سانى 300 ميلليون ادامعا جەتكەن، جاقىنعى ءبىر اپتادا كۇنىنە ورتا ەسەپپەن جاڭادان ارتقان دياگنوزى تۇراقتانعان ناۋقاستاردىڭ سانى ءبىر ميلليون 900 مىڭ ادام بولىپ، الدىڭعى رەتكى ىندەت ەڭ كوپ تاراعان كەزدەگىنىڭ ەكى ەسەسىنەن كوپ بولعان، ەلىمىزدىڭ ىندەتتىڭ سىرتتان ەنۋىنەن ساقتانۋ قىسىمى ونان ارى ارتقان»، — مەملەكەتتىك دەنساۋلىق ساقتاۋ – سالاماتتىق كوميتەتىنىڭ مالىمدەمەشىسى مي فىڭنىڭ ايتۋىنشا، «ىندەتتىڭ سىرتتان ەنۋىنەن، ىشكى جاقتا تارالۋىنان ساقتانۋ» جالپى ءتاسىلى مەن «بايقاعان سايىن الاستاپ وتىرۋ كۇيىن ساقتاۋ» جالپى باعدارىندا ۇزدىكسىز تاباندى بولىپ، تەكسەرۋگە تيىستىلەردى مۇمكىندىگىنشە تەكسەرۋ، اۋاشالاۋعا تيىستىلەردى مۇمكىندىگىنشە اۋاشالاۋ، ەمدەۋگە تيىستىلەردى مۇمكىندىگىنشە ەمدەۋ قىزمەتىن تۇبەگەيلى، ويداعىداي ورىنداپ، تۇرعىنداردىڭ تۇرمىسىنا كەپىلدىك ەتۋ مەن ەمدەلۋ، ءدارى – دارمەك پايدالانۋ قاجەتىن شىنايى شەشىم ەتۋ كەرەك، كوكتەم مەرەكەسى تاياعان سايىن، ىندەتتەن ساقتانۋ – تىزگىندەۋ تانىمىن اناعۇرلىم جوعارىلاتۋ قاجەت.
«قازىر ەلىمىزدە ىندەتتەن ساقتانۋ – تىزگىندەۋ جاعدايى جالپى تۇلعالىق جاقتان ورنىقتى، ءىشىنارا جەرلەردە تۋىلعان جەرگىلىكتى ورىنداعى شوعىرلى سيپاتتى ىندەت جاعدايى جالپى جاقتان مەڭگەرۋگە بولاتىن كولەمدە»، — مەملەكەتتىك دەنساۋلىق ساقتاۋ – سالاماتتىق كوميتەتى اۋرۋدى تىزگىندەۋ مەكەمەسىنىڭ 1 – دارەجەلى شارلاۋشىسى حى چيڭحۋا بىلاي دەپ تانىستىردى: شانشي ولكەسى شي – ان قالاسىندا ىندەتتىڭ جۋىرداعى جاعدايىندا باسەڭدەۋ بەتالىسى بايقالدى، حاۋىپ – قاتەرى بار جەرلەر بىرتىندەپ ازايۋدا، الەۋمەتتىك اۋماقتار ىندەتتى بايقاعان سايىن الاستاپ وتىرۋ كۇيىنە ءوتتى، ىندەتتەن ساقتانۋ – تىزگىندەۋ قىزمەتىنىڭ ونىمدىلىگى العاشقى قادامدا بايقالا باستادى، ءتۇرلى شارالاردى اتقارۋعا ءالى دە تاباندى بولۋ جانە ونى كۇشەيتۋ قاجەت. قازىرگى تاڭدا، جەر – جەر باتىل شارالاردى قولدانىپ، حاۋىپ – قاتەرى بار وڭىرلەر مەن حاۋىپ – قاتەر تۋدىرۋ ىقتيمالدىعى بار ادامداردى باسقارۋ – تىزگىندەۋدى كۇش سالا ورىستەتۋدە، حاۋىپ – قاتەرى بار ءتۇيىندى ورىندار مەن حاۋىپ – قاتەر تۋدىرۋ ىقتيمالدىعى بار ادامداردى اداقتاۋ قىزمەتىن تياناقتاندىرىپ، ىندەتتىڭ تارالۋى مەن جايىلۋىنان ساقتانۋدا.
بيىل كوكتەم مەرەكەسى بەيجيڭ قىسقى وليمپياداسىمەن تۇسپا – تۇس كەلىپ، ىندەتتەن ساقتانۋ – تىزگىندەۋ قىزمەتى تاعى دا جاپالى مىندەتكە ءدوپ كەلدى، تۇرمىستىق بۇيىمدارمەن قامداۋعا كەپىلدىك ەتىپ، باعانى ورنىقتىرۋ قىزمەتىن ويداعىداي ىستەۋدىڭ ءمانى زور. مەملەكەتتىك دامۋ – رەفورما كوميتەتى ەكونوميكانىڭ اينالىمىن رەتتەۋ مەكەمەسىنىڭ ورىنباسار باستىعى شۇي جىڭبين بىلاي دەپ تانىستىردى: قازىر بازاردىڭ جاعدايىنان الىپ قاراعاندا، حالىق تۇرمىسىنا قاتىستى ماڭىزدى تاۋارلارمەن قامداۋ جەتكىلىكتى، باعاسى نەگىزىنەن ورنىقتى بولدى. كوكتەم مەرەكەسى مەن قىسقى وليمپيادا مەزگىلىندە حالىق تۇرمىسىنا ساياتىن تاۋارلارمەن قامداۋعا تولىق كەپىلدىك ەتۋگە، باعاسىن ورنىقتى ساقتاۋعا بولادى دەپ جالپى جاقتان تۇجىرىم جاساۋعا بولادى. كەلەسى قادامدا جەرگىلىكتى ورىنداردىڭ قاجەتىنە دالمە – ءدال ۇشتاستىرىپ، تۇرمىستىق بۇيىمدارمەن قامداۋعا كەپىلدىك ەتۋ قىزمەتىن كۇش سالا ويداعىداي ىستەۋ كەرەك.
كوكتەم مەرەكەسى تاياپ قالدى، ەلىمىزدىڭ استىق، كوكونىس ونىمدەرى بازارىنىڭ جاعدايى قانداي؟ اۋىل شارۋاشىلىعى جانە اۋىل – قىستاق مينيسترلىگىنىڭ بازار جانە ينفورماتسيالاندىرۋ ءبولىمىنىڭ باستىعى ليۋ حاننىڭ تانىستىرۋىنشا، بيىلعى كوكتەم مەرەكەسى مەزگىلىندە، استىق، ماي، ەت، جۇمىرتقا، ءسۇت، بالىق ەتى، جەمىس – جيدەك، كوكونىس قاتارلىلارمەن قامداۋ مولشەرى جەتكىلىكتى، قالا مەن اۋىلداعى تۇرعىنداردىڭ تۇتىنۋ قاجەتىن تولىق قاناعاتتاندىرا الادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
