مادەنيەت مۇقاتاي ۇلى: جاڭا ءداۋىر ادەبيەتىنىڭ جاڭا جورىعىنىڭ دابىلى قاعىلدى
2022.01.10 16:39 كەلۋ قاينارى : حالىق تورابى
جۋىردا جۇڭگو جازۋشىلار قوعامىنىڭ مەملەكەتتىك 10 – كەزەكتى قۇرىلتايى اشىلدى، شينجياڭداعى جازۋشىلاردىڭ ۋاكىلدەرى قاتارىندا «شۇعىلا» جۋرنالىنىڭ باس رەداكتورى مادەنيەت مۇقاتاي ۇلى دا وسى القالى ماجىلىسكە قاتىناستى. قۇرىلتايدىڭ ءمان – جايى جايلى مادەنيەت مۇقاتاي ۇلىمەن حابارلاستىق.
قۇرىلتايدان قانداي اسەر العانىن، قۇرىلتايدا قانداي ىستەر تالقىلانعانىن، قۇرىلتايدىڭ بۇدان بىلايعى ادەبيەت – كوركەمونەر ىستەرىنە قانداي كەلەلى ىقپال جاسايتىنىن جانە «شۇعىلا» جۋرنالىنىڭ الداعى جەردەگى قىزمەتتەرىنە قانداي وي ءتۇيىپ قايتقانىن سۇراعانىمىزدا، مادەنيەت مۇقاتاي ۇلى اعىنان اقتارىلا جاۋاپ قايتاردى.
ءتىلشى: قۇرىلتايعا قاتىناسىپ قايتتىڭىز، قانداي سەزىمدە بولدىڭىز؟
مادەنيەت مۇقاتاي ۇلى: مەن 2021 - جىلى 12 - ايدىڭ 14 - كۇنى استانامىز بەيجيڭدە، شينجياڭ جازۋشىلارىنىڭ ۋاكىلى رەتىندە جۇڭگو جازۋشىلار قوعامىنىڭ 10 - قۇرىلتايىنا قاتىناسىپ، باس شۋجي شي جينپيڭنىڭ جۇڭگو ادەبيەت - كوركەمونەرشىلەر بىرلەستىگىنىڭ مەملەكەتتىك 11 - قۇرىلتايىنىڭ، جۇڭگو جازۋشىلار قوعامىنىڭ مەملەكەتتىك 10 - قۇرىلتايىنىڭ اشىلۋ سالتىندا سويلەگەن ماڭىزدى ءسوزىن ەت قۇلاعىممەن ەستىپ، ۇلكەن شابىت الدىم. بۇل رەتكى قۇرىلتايعا قاتىناسۋ ورايىنا يە بولعانىما ەرەكشە قۋاندىم. سول ءۇشىن ۇيىمعا ەرەكشە العىس ايتامىن.
ءتىلشى: باس شۋجيدىڭ ماڭىزدى سوزىنەن قانداي اسەر الدىڭىز؟
مادەنيەت مۇقاتاي ۇلى: باس شۋجيدىڭ ءسوزى قىسقا دا نۇسقا. ادەبيەت - كوركەمونەرگە قاتىستى ىستەردىڭ ءبارى قامتىلعان. جانعا جاقىن، جۇرەككە جىلى تيەدى. كوكەيدەگى ءسوزىمىزدى ايتىپ، كوپتەگەن ماسەلەلەردىڭ باسىن اشىپ، تولعاندىرعان سۇراقتارعا اشالاپ جاۋاپ بەردى. باس شۋجيدىڭ بۇل ماڭىزدى ءسوزىنىڭ قامتىعان كولەمى كەڭ، ويى تەرەڭ، مازمۇنى باي، ادەبيەت - كوركەمونەر ىستەرىنىڭ جاڭا ءداۋىر، جاڭا جورىق بارىسىنداعى ورنى مەن رولىن اشالاپ ايتىپ، پارتيا مەن مەملەكەت ىستەرىنىڭ جالپى جاعدايى تۇرعىسىنان قالىڭ ادەبيەت - كوركەمونەر قىزمەتكەرلەرىنە ءۇمىت ارتىپ، ادەبيەت - كوركەمونەرشىلەر بىرلەستىگى مەن جازۋشىلار قوعامىنىڭ قىزمەتىن ويداعىداي ىستەۋ جونىندە ايقىن تالاپتاردى العا قويدى. باس شۋجي شي جينپيڭنىڭ ماڭىزدى ءسوزى ادەبيەت - كوركەمونەر قىزمەتىن ويداعىداي ىستەۋىمىزدەگى ءتۇبىرلى قاعيدامىز بەن ارەكەت باعدارنامامىز، پارتيانىڭ ۇندەۋى، حالىقتىڭ ءۇمىتى، ءداۋىردىڭ ءۇنى. ءبىز دەن قويا ۇيرەنىپ، تەرەڭ ءتۇسىنىپ، ناقتى امالياتتا ايگىلەپ، بەلسەنە ۇگىتتەۋىمىز كەرەك. اسىرەسە، ادەبيەت - كوركەمونەر قىزمەتكەرلەرىنەن كۇتكەن بەس ءۇمىتى بارىمىزگە ۇلكەن وي سالدى. جاۋاپكەرشىلىگىمىز بەن بورىش - مىندەتىمىزدىڭ اۋىر ەكەنىن ءتىپتى دە ايقىن سەزىنگەندەي بولدىق.
ءتىلشى: بەس ءتۇرلى ءۇمىت دەدىڭىز، اشالاپ ايتىپ بەرسەڭىز ...
مادەنيەت مۇقاتاي ۇلى: شي جينپيڭ ادەبيەت - كوركەمونەر قىزمەتكەرلەرىنە مىناداي 5 ءتۇرلى ءۇمىت ارتتى: ءبىرىنشى، ۇلتتىڭ گۇلدەنۋى سىندى ۇلى ءىستى كوكەيدە ساقتاپ، جاڭا داۋىردەگى جاڭا جورىقتىڭ ايبىندى ارىنىن قىزۋ ىنتامەن بەينەلەۋ؛ ەكىنشى، حالىق تۇرعىسىندا بەرىك تۇرىپ، ماڭگى وشپەيتىن حالىق ەپوسىن جازۋ؛ ءۇشىنشى، تۋراشىلدىقتان جازباي، جاڭالىق اشۋعا تاباندى بولىپ، داۋىرگە ساي سارا تۋىندىلار جاراتۋ ارقىلى ادەبيەت - كوركەمونەردىڭ تىڭ ءورىسىن اشۋ؛ ءتورتىنشى، جۇڭگو حيكاياسىن سۇيىسپەنشىلىكپەن، كۇش سالا ويداعىداي بايانداپ، دۇنيە جۇزىنە سەنىمدى، سۇيىكتى، قاستەرلى جۇڭگو وبرازىن ايگىلەۋ؛ بەسىنشى، دۇرىس جولدى ساۋلەلەندىرۋگە تاباندى بولىپ، ءمورال مەن ونەردە بىردەي ۇزدىك بولۋعا تالپىنۋ بارىسىندا ءومىر قۇنىن ايگىلەۋ كەرەك.
باس شۋجيدىڭ ماڭىزدى ءسوزى مۇنان بىلايعى جەتەكشى باعىتىمىزدى، نىسانا - ماقساتىمىزدى، مىندەت - بورىشىمىزدى ايقىندادى. شىعارماشىلىعىمىزعا ۇلكەن جەبەۋ بولدى.
جاڭا ءداۋىر ادەبيەتىنىڭ جاڭا جورىعىنىڭ دابىلى قاعىلدى. ءۇستىرتتى وڭىردەن شومبال شىڭدارعا بەت العان جۇڭگو ادەبيەتىنىڭ جويقىن وزەندەي ارىنمەن جوڭكىلەتىندىگىنە سەنىمدىمىز.
باس شۋجي شي جينپيڭ سوزىندە بىلاي دەدى: زامانىمىزداعى جۇڭگونىڭ تاۋ - سۋى كوركەم، حالقىنىڭ ايبىنى اسقاق، بولاشاعى زور. ءداۋىر ەلىمىز ادەبيەت - كوركەمونەرىنىڭ گۇلدەنىپ - كوركەيۋىنە، دامۋىنا بۇرىن بولىپ كورمەگەن كەڭ ءورىس ازىرلەدى. سوتسياليستىك ادەبيەت - كوركەمونەردىڭ گۇلدەنىپ - كوركەيۋىن، دامۋىن ىلگەرىلەتىپ، سوتسياليستىك مادەنيەتتە قۋاتتى ەل قۇرۋدا قالىڭ ادەبيەت - كوركەمونەر قىزمەتكەرلەرى بۇلتارتپاس بورىش، كەلەلى مىندەت ارقالاپ وتىر، ۇلكەن ىستەر تىندىرا الادى، — دەپ باسا دارىپتەدى. مىنە، بۇل ادەبيەت - كوركەمونەر قىزمەتكەرلەرىنە دەگەن ۇلكەن سەنىم، جىگەر، شابىت. ءبىز بۇعان ۇلكەن جاۋاپكەرشىلىكپەن قاراۋىمىز كەرەك.
الداعى ۋاقىتتا، ادەبيەت - كوركەمونەر ىستەرىمىز ءتىپتى قارىشتاپ داميدى، ءوز ورنى مەن رولىن ءتىپتى دە ساۋلەلەندىرە تۇسەدى دەگەن سەنىمدەمىز.
باس شۋجي سوزىندە بىلاي دەدى: جالعاستىرۋ مەن جاڭالىق اشۋدىڭ قاتىناسىن يگەرۋ، بۇرىنعىلاردان ۇيرەنگەندە ەسكىلىككە جابىسىپ الماۋ، قاساڭ قاعيدانى بۇزعاندا زاڭدىلىققا قارسى كەلمەۋ، جۇڭحۋانىڭ تاڭداۋلى ءداستۇرلى مادەنيەتىن ادەبيەت - كوركەمونەردە جاڭالىق اشۋدىڭ ماڭىزدى قاينار بۇلاعىنا اينالدىرۋ كەرەك. جاڭا تەحنيكالاردى، جاڭا تاسىلدەردى دۇرىس قولدانىپ، جاسامپازدىق شابىتتى قاۋلاتىپ، مادەنيەت مازمۇنىن بايىتىپ، يدەيالىق سۇيىسپەنشىلىكتى بەينەلەپ، ادەبيەت - كوركەمونەر جاسامپازدىعىندا مازمۇنى قوردالى، كومەسكى كۇشى مىعىم سونى ءورىستى ايگىلەۋ كەرەك، —دەپ باسا دارىپتەدى. بۇل بىزگە قويىلعان ۇلكەن تالاپ ءارى ەسكەرتۋ. سول ءۇشىن ۇيرەنۋدى كۇشەيتىپ، جۇڭحۋانىڭ تاڭداۋلى ءداستۇرلى مادەنيەتىن ادەبيەت - كوركەمونەردە جاڭالىق اشۋدىڭ ماڭىزدى قاينار بۇلاعىنا اينالدىرۋىمىز، جاڭا تەحنيكا مەن تاسىلدەردى دۇرىس قولدانىپ، شىعارماشىلىعىمىز دا كادەگە جاراتا ءبىلۋىمىز كەرەك.
ءتىلشى: قۇرىلتايداعى ايتىلعان جاڭا باعىتتارعا ۇشتاستىرا وتىرىپ، بولاشاقتاعى قىزمەتتەرىڭىزگە جاڭا وي ءتۇيىپ قايتقان بولارسىز، سونى اڭگىمەلەپ بەرسەڭىز.
مادەنيەت مۇقاتاي ۇلى: الداعى ۋاقىتتا قۇرىلتاي رۋحىن، وتە- موتە باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، جەتە ءتۇسىنۋ، ناقتى دايەكتىلەندىرۋ، ۇگىتتەۋ جاعىندا كۇش سالامىز. جۇڭحۋا ۇلتى ورتاق تۇلعا تانىمىن بەكەمدەۋدى جەتەكشىلىك ەتىپ، از ساندى ۇلتتار ادەبيەتىن وركەندەتۋگە كۇش سالامىز. نەگىزگى ساتىداعى اۆتورلارعا وسى رەتكى قۇرىلتايدىڭ رۋحىن جەتكىزىپ، ولاردىڭ باس شۋجيدىڭ كۇتكەن ءۇمىتىن جەتە ءتۇسىنىپ، امالياتتا ايگىلەۋىنە تىعىز سايكەسەمىز. رەداكتورلىق تۇرعىدان ايتاتىن بولسام، وسى رەتكى قۇرىلتايدى باستاما ەتىپ، جۋرنالدى مۇقاباسىنان تارتىپ ىشكى مازمۇنىنا دەيىن قايتالاي ءبىر قاداعالاپ، ەلىمىزدەگى ۇزدىك جۋرنالداردىڭ جاقسى تاجىريبە - ادىستەرىن ءونىمدى پايدالانىپ، وقىرمانعا اتى زاتىنا ساي جاقسى جۋرنال ۇسىنۋعا كۇش سالامىز. بۇعان قالىڭ وقىرماندار مەن اۆتورلاردىڭ تىعىز سايكەسۋىن ءۇمىت ەتەمىز.
باس شۋجي شي جينپيڭ سوزىندە بىلاي دەدى: شىعارماشىلىقتا قاجىر - قايرات كەرەك، ونەرگە قۋات كەرەك، وبراز سومداۋدان كەلەدى، ونىمدىلىك ساپادان كەلەدى، اتاق - ابىروي ءمورال مەن ونەردەن كەلەدى. قالىڭ ادەبيەت - كوركەمونەر قىزمەتكەرلەرى وزدەرىنىڭ قوعامدىق ىقپالىن قاستەرلەپ، تۋىندىنىڭ قوعامدىق ونىمدىلىگىن مۇقيات، قاتاڭ ويلاسۋى كەرەك. ادەبيەت - كوركەمونەر قىزمەتكەرىنىڭ مىنەز - قۇلقى ناشار بولسا، حالىق ونى قابىلدامايدى، ءداۋىر دە ونى قابىلدامايدى! ءوز قادىرىن ساقتاماسا قۇرمەتكە دە يە بولا المايدى! قالىڭ ادەبيەت - كوركەمونەر قىزمەتكەرلەرى دەڭگەيدى، اۋەن - ستيلدى، جاۋاپكەرشىلىكتى دارىپتەپ، سالاۋاتتى، تۋراشىل ادام بولىپ، كىرشىكسىز جۇمىس ىستەپ، شىنشىلدىقتى، ىزگىلىكتى، سۇلۋلىقتى جىرلاپ، ءمىندى، جالعاندىقتى، سۇرقيالىقتى، پاسىقتىقتى سىن تەزىنە الۋى كەرەك، — دەپ باسا دارىپتەدى.
ادەبي جاسامپازدىق جاپالى جۇمىس. اتاق - ابىروي ءمورال مەن ونەردەن كەلەدى. سول ءۇشىن اقىن - جازۋشىلارىمىز اتاققۇمارلىققا، پايداكوستىككە، جاعىمپازدىققا، وسەكقۇمارلىققا سالىنباي، ءمورالدىق جاقتاعى جەتىلىمىنە باسا ءمان بەرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
