شينجياڭ ءادىس شىعارىپ حالىق باسقارۋىنداعى كاسىپتىك باۋلۋ مەكتەپتەرىن باسقارۋدى كۇشەيتتى
2022.01.10 17:05 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جاۋ شييا 1 - ايدىڭ 8 - كۇنى ۇرىمجىدەن حابارلايدى. تاياۋدا اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، وقۋ - اعارتۋ مەڭگەرمەسى سياقتى 4 تاراۋ «شينجياڭ ۇيعۇر اۆتونوميالى رايونىنىڭ حالىق باسقارۋىنداعى كاسىپتىك باۋلۋ مەكتەپتەرىن باسقارۋ ءادىسىن» (تومەندە قىسقاشا «ءادىس» دەلىنەدى) بىرلەسىپ باسىپ تاراتىپ، رايونىمىزدىڭ حالىق باسقارۋىنداعى كاسىپتىك باۋلۋ مەكتەپتەرىن اشۋدى تەكسەرىپ بەكىتۋ جانە باسقارۋ قىزمەت وتەۋ جۇمىستارىن اناعۇرلىم ارناعا ءتۇسىرىپ، ونىڭ اقاۋسىز دامۋىن جەبەدى.
«ءادىس» مىنالاردى ايقىندادى: ءار دارەجەلى ادام كۇشى بايلىعى جانە قوعامدىق قامتاماسىزداندىرۋ اكىمشىلىك تاراۋلارى قاراستى جەر باسقارۋ پرينسيبى بويىنشا، ءوز دارەجەسىندەگى جانە تومەن دارەجەدەگى كاسىپتىك باۋلۋ مەكتەپتەرىنە باقىلاۋ، تەكسەرۋ جانە باسقارۋ قىزمەت وتەۋ جۇمىستارىن جۇرگىزىپ، قوعامدىق كۇشتەردىڭ وقىتۋ ىستەرىن جۇرگىزۋىن زاڭ بويىنشا قولداپ جانە ارناعا ءتۇسىرىپ، مەكتەپتەردىڭ زاڭ بويىنشا وقىتۋ ىستەرىن جۇرگىزۋىنە، دەربەس باسقارۋىنا، ساپانى جوعارىلاتۋىنا، ەرەكشەلىكتى كورنەكتىلەندىرۋىنە شابىت بەرىپ، جەتەكشىلىك ەتىپ جانە ونى قامتاماسىز ەتىپ، الۋان ءتۇرلى كاسىپتىك باۋلۋ قاجەتىن قاناعاتتاندىرۋ كەرەك.
مەكتەپ اشۋ (جابدىقتاۋ) جونىندە «ادىستە» مىنالار بەلگىلەندى: حالىق باسقارۋىنداعى كاسىپتىك باۋلۋ مەكتەپتەرى تەك ءبىر ات قانا قولدانادى. ۇيىمداستىرۋشىلار مەملەكەت قۇرىلىمىنان تىسقارى تاماشا سەنىمدىلىك جاعدايىن ازىرلەگەن قوعامدىق ۇيىم نەمەسە جەكە بولۋ ءتيىس؛ باۋلۋ ورنى وقىتۋ ىستەرىن جۇرگىزۋ كولەمىمەن سايكەسۋى كەرەك، جالداۋ مەرزىمى نەمەسە پايدالانۋ مەرزىم شەگى 3 جىلدان از بولماۋى كەرەك، پايدالانعان ورنى قورشاعان ورتا، حاۋىپسىزدىك، ءورت ءسوندىرۋ، ورتتەن ساقتانۋ سياقتى بەلگىلەمەلەرگە ۇيلەسۋى كەرەك؛ وقىتۋ ورنى 300 شارشى مەتردىڭ ۇستىندە بولۋ كەرەك، ناقتى جاتتىعۋ ورنى، ءسوز جوق، ءوتىنىش ەتكەن جۇمىس ءتۇرى مەن مەملەكەتتىڭ كاسىپتىك شەبەرلىك ولشەم، تالابىنا ۇيلەسۋ كەرەك، از دەگەندە 2 دە 6 ادامعا ءبىر وقىتۋ جانە پراكتيكالىق جۇمىس جۇرگىزۋ اسپابى بولۋىن قامتاماسىز ەتۋ كەرەك؛ مەكتەپتە جاتىپ وقيتىن وقۋشىلاردى قابىلداعاندا، قاجەتتى اسحانا، جاتاق، ەمدەۋ جانە حاۋىپسىزدىكتى قامتاماسىز ەتۋ شارت - جاعدايىن ازىرلەۋ ءتيىس؛ كەڭسە ءۇيى، جۇمىس ورنى وقىتۋ ورنىمەن ءبىر جەردە بولۋ ءتيىس.
قىزمەتكەر جانە وقىتۋشى جاعىندا، مەكتەپتىڭ ارناۋلى مىندەتتەگى باسقارۋ قىزمەتكەرلەرىنىڭ 2 جىلدان استام كاسىپتىك وقۋ - اعارتۋ بويىنشا باۋلۋ قىزمەت كەشىرمەسى بولۋى كەرەك. ارنايى مىندەتتەگى وقىتۋشى ادەتتە وقىتۋشىلار جالپى سانىنىڭ تورتتەن بىرىنەن از بولماۋى كەرەك. ءاربىر باۋلۋ نىساندارى كەمىندە 2دەن استام نازاريالىق ساباق وقىتۋشىسىن جانە 2دەن استام پراكتيكالىق جەتەكشى وقىتۋشىنى دايىنداۋ كەرەك. حالىق باسقارۋىنداعى كاسىپتىك باۋلۋ مەكتەپتەرى جانە ونىڭ وقىتۋشىلارى، باسقارۋشىلارى، تاربيە قابىلداۋشىلار ۇكىمەت ورنالاستىرعان قاتىستى عىلمي زەرتتەۋ نىساندارىن، تاقىرىپتاردى ءوتىنىش ەتۋ سياقتىلاردا دارەجەلەس، ۇقساس ۇكىمەت باسقارۋىنداعى مەكتەپتەر جانە ونىڭ وقىتۋشىلارى سياقتىلارمەن تەڭ ۇقىقتان يگىلىكتەنەدى.
«ءادىس» مىنالاردى ايقىندادى: حالىق باسقارۋىنداعى كاسىپتىك باۋلۋ مەكتەپتەرىن ءوز بەتىمەن قۇرعانداردى ادام كۇشى بايلىعى جانە قوعامدىق قامتاماسىزداندىرۋ اكىمشىلىك تاراۋلارى قوعام حاۋىپسىزدىگى، حالىق ىستەرى نەمەسە بازار باقىلاۋ - باسقارۋ تاراۋلارىمەن بىرلەسىپ حالىق باسقارۋىنداعى وقۋ - اعارتۋدى جەبەۋ زاڭىنىڭ قاتىستى بەلگىلەمەلەرىنە ساي ءبىر جاقتى ەتەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
