حالىق ءۇشىن قىزمەت ىستەپ، اۋەلگى ماقساتتى امالياتتا ايگىلەپ، زەيىن - زەردەنى، سۇيىسپەنشىلىكتى ارناي وتىرىپ ناقتى ءىس تىندىردى
− تىنىش جۇڭگو قۇرىلىسىنداعى وزات كوللەكتيۆ شينجياڭ ءوندىرىس - قۇرىلىس بيڭتۋانى 14 - شى كۇنيۇي قالاسى 47 - تۋان 4 - ليان جونىندە
انار بۇلت / شينجياڭ گازەتىنىڭ ءتىلشىسى ميھىرگۇل عوپۇر
2022.01.10 17:06 كەلۋ قاينارى : شينجياڭ گازەتى
”قازىرگى تاڭدا بارلىق ادامنىڭ ىستەيتىن جۇمىسى بار، وتباسىلاردىڭ ءبارى عيماراتقا كوشىپ كىردى، تۇرمىسىمىز كۇن سايىن جاقسارىپ كەلەدى“، - دەگەن شينجياڭ ءوندىرىس - قۇرىلىس بيڭتۋانى 14 - شى كۇنيۇي قالاسى 47 - تۋان 4 - ليانىنىڭ قىزمەتكەرى مامەتجان ءماتنۇر الداعى جىلعا كامىل سەنىم ارتتى.
ەكونوميكالىق دامۋ ”كۇشەيدى“، حالىق تۇرمىسىنداعى ولقىلىقتار”تولىقتاندى“، قونىس ورتاسى ”كورىكتەندى“، بۇقارانىڭ تۇرمىسى ”جاقساردى“... بيڭتۋان 14 - شى كۇنيۇي قالاسى 47 - تۋان 4 - ليانى زەيىن - زەردەنى، سۇيىسپەنشىلىكتى ارناي وتىرىپ حالىق تۇرمىسىنداعى ناقتى ىستەردى ويداعىداي ءبىتىرىپ، ءار ۇلت جۇمىسشى - قىزمەتكەرلەرىنىڭ، بۇقاراسىنىڭ القاۋىنا يە بولىپ، تاماشا جاۋاپناما تاپسىردى.
بيڭتۋاننىڭ تۋان - الاڭى جالپىلىق سايكەستى رەفورما اعىمىنا ساي، 47 - تۋان 4 - ليان پارتيا ياچەيكاسى رەفورمانىڭ جەبەۋشىسى بولۋعا ۇمتىلىپ، وي جەلىسى مەن سالاۋاتىن جاڭالاپ، دەموكراتيالىق باسقارۋ ءتۇزىمىن بەلسەنە جۇرگىزىپ، جۇمىسشى - قىزمەتكەرلەردىڭ، بۇقارانىڭ اڭىس ەتكەن قولامتالى، قيىن ماسەلەلەرىنە باعىتتاي، ”ءتورتتى كەڭەسىپ، ەكىنى اشىق ۇستاۋ“ جانە ”ءبىر ءىستى ءبىر كەڭەسۋ“ فورماسىمەن ءبىر - بىرلەپ شەشتى.
2019 - جىلى 47 - تۋان 4 - ليان پارتيا ياچەيكاسى ىشكەرىلەي احۋال ۇعىسىپ، تەكسەرۋ - زەرتتەۋ ورىستەتۋ نەگىزىندە، جۇمىسشى - قىزمەتكەرلەر ۋاكىلدەرىنىڭ جينالىسىن اشۋ ارقىلى جۇمىسشى - قىزمەتكەرلەردىڭ، بۇقارانىڭ پىكىرىن، اڭىسىن تىڭداپ، تيىمدىلىكپەن ءۇي ساتىپ الۋ، شينجياڭعا كومەكتەسۋ قارجىسى تولىقتاما قاراجاتى سياقتى حالىققا تيىمدىلىك جاساۋ ساياساتىن اتقارىپ، ءبىر جىلدان استام ۋاقىتتىڭ وزىندە 161 وتباسىنداعى تۇرعىننىڭ جاتاعان، الاسا، توزىعى جەتكەن، كونە توپىراق ۇيلەردەن سۋ، ەلەكتر، جىلۋ تۇگەل سەپتەلگەن عيمارات ۇيگە تۇگەلدەي كوشىپ كىرۋىنە مۇمكىندىك جاساپ، جۇمىسشى - قىزمەتكەرلەردىڭ، بۇقارانىڭ تۇرمىس ساپاسىن بارىنشا جوعارىلاتتى.
”ەكونوميكا دامىماسا، جۇمىسشى - قىزمەتكەرلەردىڭ، بۇقارانىڭ قايشىلىعى كوبەيەدى، نەگىزگى ساتى قىزمەتىن ورىستەتۋ قيىنعا سوعادى“، - دەدى 47 - تۋان 4 - ليان پارتيا ياچەيكاسىنىڭ شۋجيى، ليان باسقارۋ كوميتەتىنىڭ جەتەكشىسى شى شياۋجۇن.
ليان - دۇي ”ەكى كوميتەتى“ ءىس جۇزىندىكپەن ۇشتاستىرىپ ”جۇمىسشى - قىزمەتكەرلەر، بۇقارا ’تاپسىرىس بەرەتىن‘، ليان - دۇي ’ەكى كوميتەتى‘ مەن ’ۇعىسۋ، تيىمدىلىك جاساۋ، توعىستىرۋ‘ قىزمەت اترەتى ’شاعىن تاپسىرىس‘ قابىلدايتىن، ليان - دۇي پارتيا ياچەيكاسى ’ۇلكەن تاپسىرىس‘ قابىلدايتىن، سۇيەمەلدەۋ ساياساتىنىڭ تومەنگى شەگىنەن تۇسىرمەۋ“ سىندى جاڭا جولى جونىندە ىزدەنىس جاساپ، جۇمىسشى - قىزمەتكەرلەردى سەنىمدى بەكەمدەپ، كىرىستى ارتتىرىپ، بايۋ نىساناسىنا قاراي قايراتتانا ارشىنداي العا باسۋعا ىنتالاندىردى.
”تەك جۇمىسشى - قىزمەتكەرلەر، بۇقارا ’تاپىسىرىس بەرسە‘ عانا ليان - دۇي پارتيا ياچەيكاسى ’تاپسىرىستى قابىلدايدى‘“. شى شياۋجۇن بىلاي دەدى: ليان - دۇيدىڭ كاسىپ سالاسى قۇرىلىمىن رەتتەۋ 47 - تۋان 4 - ليان پارتيا ياچەيكاسىنىڭ نەگىزگى ساتىنى جونگە سالۋ ۇلگىسىندە جاڭالىق اشۋ، جۇمىسشى - قىزمەتكەرلەردىڭ، بۇقارانىڭ قاجەتىن قاناعاتتاندىرۋ بويىنشا قابىلداعان العاشقى تاپسىرىسىنا اينالدى.
2018 - جىلى مامانداردىڭ تەكسەرۋ - زەرتتەۋ ناتيجەسىمەن ۇشتاستىرىپ، 47 - تۋان 4 - ليان پارتيا ياچەيكاسى زاھارسىزداندىرۋ كارتوبى تۇقىمىن ەنگىزۋدى ۇيعارىپ، 6 جۇمىسشى - قىزمەتكەردى سىناق رەتىندە ەگۋگە شابىتتاندىردى ءارى تۇقىم، جارعاق سياقتى اۋىل شارۋاشىلىق زاتتىق ماتەريالدارىمەن تەگىن قامدادى، مامەتجان وسىلاردىڭ ءبىرى ەدى. قازىرگى تاڭدا وسى لياننىڭ ەككەن كارتوبى 400 نەشە مۋعا جەتتى، وعان ەككەن ءجۇزىم، شاپتول سياقتىلاردى قوسقاندا، كاسىپ سالاسى قۇرىلىمى كورنەكتى ساپالىلانىپ، جۇمىسشى - قىزمەتكەرلەردىڭ، بۇقارانىڭ تابىسى ايتاقالسىن بولدى.
”وتباسىمىزدىڭ 10 مۋ جەرىنە ’كارتوپ + قايتالاي كوكونىس ەگۋ‘ تاسىلىمەن 30 نەشە مىڭ يۋان تاپتىم، 18 مۋ شىلاندى جەرگە جۇگەرى قوسىپ ەگىپ، ءبيداي ارالاستىرا ەگىلگەن 25 مۋ جاڭعاقتى جەردەن 100 مىڭ يۋانعا تاياۋ كىرىس كىرگىزدىم، بيىل جاقسى ىستەسەم كىرىسىم ءتىپتى دە جاقساراتىن بولادى“، - دەدى مامەتجان ءۇمىتتى بەينەدە.
47 - تۋان 4 - ليانىنىڭ جۇمىسشى - قىزمەتكەرلەرىندە، بۇقاراسىندا ەجەلدەن كەلە جاتقان سيىر، قوي باعۋ ءداستۇرى بار، ليان - دۇي پارتيا ياچەيكاسى قازىرگى كەزەڭدەگى باعىمشىلىق كولەمىنىڭ شاعىن بولۋ، جەم - ءشوپ ساقتاۋ قۇرىلعىلارىنىڭ كەمەلدى بولماۋى، باعىمشىلىق تەحنيكاسىنىڭ مەشەۋ بولۋ جاعدايىنا باعىتتاي وتىرىپ، بيڭتۋاننىڭ ءتۇيىندى نىسانداردى سۇيەمەلدەۋ قارجىسىنا بەلسەنە ءوتىنىش بەرىپ، بيىل 80 مۋلىق جوعارى ولشەمدى باعىمشىلىق بازاسىن جاڭادان سالىپ، پايدالانۋعا بەرىلگەننەن كەيىن، ءار وتباسى ءار جىلعى كىرىسىن 5000 يۋان ارتتىراتىن بولادى.
جۇمىسشى - قىزمەتكەرلەردىڭ، بۇقارانىڭ تىلەك - تالابىن بەلسەنە ۇعىسىپ، بايۋ جولىن امالدىڭ بارىنشا كەڭەيتتى... قازىرگى تاڭدا ءبىر قىدىرۋ ناقتى، جارامدى شارالار 47 - تۋان 4 - ليانىنىڭ جاڭا ومىرشەڭدىك كۇشىن قاۋلاتتى − پارتيا مەن بۇقارانىڭ بايلانىسى اناعۇرلىم جيىلەپ، نەگىزگى ساتى پارتيا مۇشەلەرىنىڭ، كادرلاردىڭ ءىس تىندىرىپ، شارۋاشىلىق قۇرۋ تەبىنى اناعۇرلىم ارتىپ، جۇمىسشى - قىزمەتكەرلەر مەن بۇقارانىڭ جۇزدەرى اناعۇرلىم نۇرلاندى.
”بۇدان كەيىن ءبىز ءوز ابزالدىلىعىمىزبەن ۇشتاستىرىپ، ەكونوميكالىق قۇرىلىمدى ۇزدىكسىز ساپالىلاندىرىپ، سەيىل - سەرۋەن، اس - سۋ، ساياحات، ەرەكشە ەگىمشىلىك، ەرەكشە باعىمشىلىق سياقتى كاسىپ سالالارىن بىرتىندەپ دامىتىپ، جۇمىسشى - قىزمەتكەرلەردى، بۇقارانى ەرەكشە اۋىل شارۋاشىلىعىن تاماشالاۋ باقشاسى، شارۋالار شاتتىعى ساياجايى، حالىقتىق تۇسەلحانا سياقتىلاردى اشۋعا ىنتالاندىرىپ، كوپشلىكتىڭ تۇرمىستارىنىڭ بارعان سايىن شالقي تۇسۋىنە مۇمكىندىك جاسايمىز“، - دەدى ليان - دۇيدىڭ دامۋىنا توقتالعاندا شى شياۋجۇن نىق سەنىممەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
