بيىل شينجياڭ قاتىناس تۇراقتى مۇلكىنە 80 ميلليارد يۋان قارجى قوسادى
2022.01.11 15:42 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لۋ فىڭباۋ 1 - ايدىڭ 9 - كۇنى ۇرىمجىدەن حابارلايدى. 2022 - جىلعى اۆتونوميالى رايوننىڭ قاتىناس - تاسىمال قىزمەتى ماجىلىسىنەن ۇعىسۋىمىزشا، بيىل رايونىمىز قاتىناس نەگىزدىك قۇرىلعى قۇرىلىسىنا پايدالانۋعا 80 ميلليارد يۋان قارجى قوسادى ەكەن.
”بيىل ورنىقتىلىقتى ماڭداي الدى ورىنعا قويىپ، ورنىقتىلىق بارىسىندا ىلگەرىلەۋ جالپى ارناسىنا تاباندى بولىپ، جىبەك جولى ەكونوميكالىق بەلدەۋى وزەكتى رايونى قاتىناس تورابى ورتالىعى قۇرىلىسى ىلگەرىلەتىلەدى“، - دەدى اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ شۋجيى، ورىنباسار مەڭگەرمە باستىعى لي شۋەدۇڭ.
ۇعىسۋعا قاراعاندا، بيىل بۇكىل رايونداعى جوعارى جىلدامدىقتى (1 - دارەجەلى) تاس جولدىڭ جالپى ۇزىندىعى 10 مىڭ كيلومەتردەن اسادى ەكەن، مۇنىڭ ىشىندە جوعارى جىلدامدىقتى تاس جولدىڭ جالپى ۇزىندىعى 7500 كيلومەتردەن اسادى، بۇكىل رايونداعى جوعارى جىلدامدىقتى (1 - دارەجەلى) تاس جول تۇتاسقان اۋدان، قالا 94كە جەتىپ، 3A دارەجەلى، سونداي - اق ونان جوعارى كورىنىس اۋماقتارىنىڭ جوعارى جىلدامدىقتى (1 - دارەجەلى) تاس جولمەن قامتىلۋ مولشەرى ％84.9كە جەتەدى؛ تارىم ويپاتىن اينالعان جوعارى جىلدامدىقتى (1 - دارەجەلى) تاس جول جالپى بەتتىك سالىنىپ بولىپ، شينجياڭعا كىرەتىن - شىعاتىن ءۇشىنشى جول جوعارى جىلدامدىقتى بولىپ (1 - دارەجەلى)، تاكلاماكان ءشولىن كەسىپ وتەتىن ءۇشىنشى تاس جول سالىنىپ بولىپ اۆتوكولىك قاتىنايدى؛ تاشقورعان تاجىك اۆتونوميالى اۋدانىنان سىرت، بۇكىل رايونداعى باسقا اۋداندارعا جوعارى جىلدامدىقتى (1 - دارەجەلى) تاس جول تۇتاستىرۋ نىساندارىنىڭ بارلىعى سالىنۋ ۇستىندە نەمەسە سالىنا باستادى؛ تۇتاس جىلدا اۋىل - قىستاق تاس جولى قۇرىلىسىنا 7 ميلليارد يۋان قارجى قوسىلىپ، 6000 كيلومەتر اۋىل - قىستاق تاس جولى جاڭادان سالىنادى، وزگەرتىپ سالىنادى.
بيىل رايونىمىز G3033 جەلىسى كۇيتۇننەن مايتاۋعا، كۇشارعا دەيىنگى جوعارى جىلدامدىقتى تاس جول سياقتى ”14 - بەسجىلدىقتاعى“ ءتۇيىندى نىسانداردىڭ باستاپقى مەزگىلدىك راسمياتتارىن ءبىتىرۋدى ورنىقتى قاداممەن ورىستەتەدى؛ G217 جەلىسى كۇشاردان شايارعا دەيىنگى سياقتى جاڭادان قۇرىلىس باستايتىن 24 نىساننىڭ قۇرىلىستى ەرتە، تەز باستاۋىنا شىنايى كەپىلدىك ەتەدى؛ جەتىمبۇلاقتان چارقىلىققا دەيىنگى جوعارى جىلدامدىقتى تاس جول سياقتى 25 تاس جول نىسانىن سالىپ بولىپ اۆتوكولىك قاتىناپ، G0711 جەلىسى ۇرىمجىدەن لوپنۇرعا دەيىنگى سياقتى 31 تاس جول نىسانىن جەدەل ىلگەرىلەتەدى؛ ءار سالاداعى نىسان قۇرىلىستارىنىڭ اياق الىسىن تەزدەتىپ، وڭتۇستىك شينجياڭداعى نىسانداردىڭ 2 - ايدىڭ اياعىنا دەيىن، سولتۇستىك شينجياڭداعى نىسانداردىڭ 3 - ايدىڭ اياعىنا دەيىن تۇگەلدەي جۇمىستى قالپىنا كەلتىرۋىنە شىنايى كەپىلدىك ەتەدى.
2021 - جىلى رايونىمىزداعى كوپتەگەن ءتۇيىندى تاس جول نىسان قۇرىلىسى سالىنىپ بولىپ اۆتوكولىك قاتىنادى، تۇتاس جىلدا تاس جول قاتىناس تۇراقتى مۇلكىنە 69 ميلليارد 50 ميلليون يۋان قارجى قوسىپ، بۇكىل رايونداعى اۆتوكولىك قاتىناعان تاس جولدىڭ ۇزىندىعى جاڭادان شامامەن 10 مىڭ كيلومەتر ارتىپ، جالپى ۇزىندىعى 219 مىڭ كيلومەترگە جەتتى، مۇنىڭ ىشىندە بۇكىل رايونداعى جاڭادان ارتقان جوعارى جىلدامدىقتى (1 - دارەجەلى) تاس جولدىڭ ۇزىندىعى 1800 كيلومەتردەن، جالپى ۇزىندىعى 9400 كيلومەتردەن اسىپ، بۇكىل رايونداعى 107 اۋدان، قالانىڭ ىشىندە 91 اۋدان، قالاعا جوعارى جىلدامدىقتى (1 - دارەجەلى) تاس جول تۇتاستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
