شينجياڭ اۋەجايدى ورنالاستىرۋ قۇرىلىسىن جەدەلدەتتى
2022.01.11 15:44 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ما ينيڭ 1 - ايدىڭ 9 - كۇنى ۇرىمجىدەن حابارلايدى. شينجياڭ اۋەجاي توبىنان ۇعىسۋىمىزشا، قازىر تۇرپان اۋەجايىن وزگەرتىپ، كەڭەيتىپ سالۋ ينجەنەرياسىنىڭ جالپى مولشەرىنىڭ ％91ى ورىندالعان؛ قاشقار حالىقارالىق اۋەجايىن وزگەرتىپ، كەڭەيتىپ سالۋ نىسانى تەرمينال عيماراتى ينجەنەرياسى تاياۋدا سالىنىپ ءبىتىپ تەكسەرىپ وتكىزىپ الىنادى؛ ءۇرىمجى حالىقارالىق اۋەجايىن وزگەرتىپ، كەڭەيتىپ سالۋ ينجەنەرياسىنىڭ تۇلعالىق بولات فەرمالى قۇرىلىمى نەگىزىنەن سالىنىپ بىتەدى ەكەن.
2021 - جىلى شينجياڭ اۋەجاي قۇرىلىسىن جەدەل ىلگەرىلەتتى، تۇتاس شينجياڭدا اۋەجاي 22گە جەتىپ، سان جاعىنان بۇكىل ەلدەگى ءارقايسى ولكە، اۆتونوميالى رايون، قالا بويىنشا 1 - ورىندى يەلەدى. 12 - ايدىڭ 26 - كۇنى ىسكە قوسىلعانىنا ءبىر جىل بولعان كەريا ۋانفاڭ اۋەجايىنىڭ جولاۋشى قابىلداۋ - جونەلتۋ مولشەرى 107 مىڭ 200 ادام - رەتكە، زات، پوچتا جولدامالارىن قابىلداۋ - جونەلتۋ مولشەرى 54.17 تونناعا جەتتى. 12 - ايدىڭ 29 - كۇنى حالىقتىق اۆياتسيا شينجياڭ باسقارۋ مەكەمەسى موڭعۇلكۇرە تيانما اۋەجايىن كاسىپ سالاسى بويىنشا تەكسەرىپ وتكىزىپ الۋ پىكىرىن شىعارىپ، موڭعۇلكۇرە تيانما اۋەجايىنىڭ كاسىپ سالاسى بويىنشا تەكسەرىپ وتكىزىپ الۋدان وتكەندىگىنە قوسىلدى، بۇل وسى اۋەجايدىڭ شينجياڭدا ىسكە قوسىلعان 23 - اۋەجاي ەكەندىگىن بىلدىرەدى ءارى شينجياڭداعى ىسكە قوسىلاتىن تۇڭعىش ءۇستىرت اۋەجايىنا جاتادى.
جۋىقتا تاشقورعان حونچيراپ اۋەجايى رەسمي ۇشۋدى تەكسەرۋ كەزەڭىنە ءوتتى. تاشقورعان حونچيراپ اۋەجايى شينجياڭداعى بىردەن - ءبىر بيىك ءۇستىرت اۋەجايى، اۋەجايدىڭ تەڭىز دەڭگەيىنەن بيىكتىگى بۇكىل ەل بويىنشا 14 - ورىندا تۇرادى، 2022 - جىلى 5 - ايدا رەسمي ىسكە قوسىلادى دەپ جوسپارلانعان. ىسكە قوسىلعاننان كەيىن، بۇل اۋەجاي قاشقار اۋەجايىنىڭ ورنىن باسىپ جۇڭگونىڭ ەڭ باتىس بولىگىندەگى اۋەجايعا اينالادى.
كەزەكتە جاڭادان سالىنعان اۋەجايلاردىڭ اراسىندا جۇندۇڭ (شونجى) اۋەجايى ۇشۋ رايونى الاڭ جولى ينجەنەرياسىن جۇرگىزۋگە مەردىگەر شاقىرۋ قىزمەتىن ورىستەتىپ، اۋەجاي ينجەنەرياسىنىڭ ”ءۇشتى جالعاۋ، ءبىردى تەگىستەۋ“ نىسانى قۇرىلىسىن باستادى؛ بايىنبۇلاق اۋەجايى ۇشۋ رايونى الاڭ جولىن جانە قوسالقى ينجەنەرياسىن سالۋ، ۇشۋ اۋماعى شەكاراسى جانە الاڭ سىرتىنداعى سۋ ىعىستىرۋ ينجەنەرياسى، حالىقتىق اۆياتسيا كاسىپتىك ينجەنەرياسىن باقىلاۋ، ءۇشىنشى جاق باقىلاۋ بويىنشا مەردىگەر شاقىرۋ قىزمەتىن ورىندادى؛ باركول اۋەجايى الاڭداعى قوسالقى زاتتاردى كوشىرۋ جۇمىسىن اياقتاتتى.
سونىمەن قاتار، شيحۋ، قوبىقسارى، بۇگۇر، گۇما اۋەجايىن تىڭنان سالۋ ينجەنەرياسى مەن قارامايلى، نارات، بۇراتالا، كۇشار اۋەجايىن وزگەرتىپ، كەڭەيتىپ سالۋ ينجەنەرياسىنىڭ الدىڭعى كەزەڭدىك قىزمەتتەرى دە تارتىپپەن ىلگەرىلەتىلدى. ”14 - بەسجىلدىق“ كەزىندە شينجياڭ اۋەجاي قۇرىلىسىن ونان ارى جەدەلدەتەدى، 15 حالىقتىق تاسىمال اۋەجايى سالىنىپ بولدى جانە سالىنىپ جاتىر، حالىقتىق تاسىمال اۋەجايىنىڭ جالپى سانى 37گە جەتەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
