وتاننىڭ ءار سۇيەم شەكارا جەلىسىن دامىلسىز شارلادى
− تىنىش جۇڭگو قۇرىلىسىنداعى وزات جەكە، شاعانتوعاي اۋدانى قارابۋرا اۋىلى شەكارا باسقارۋ بولىگى 8 - ءنومىرلى قىزمەت ءۇيىنىڭ بانجاڭى مۇقيات قۇربان جونىندە
انار بۇلت / شينجياڭ گازەتىنىڭ ءتىلشىسى ۋاڭ نا
2022.01.11 15:50 كەلۋ قاينارى : شينجياڭ گازەتى
سۇتتەي جارىق اي شەكارا وڭىرگە ساۋلە توكتى، ۇزىننان - ۇزاققا سوزىلعان شەكارا جەلىسى، التىن سارى ساۋىت دورباسى... بۇل رومانتيكالى سوزدەر ولەڭ ەمەس، ءاننىڭ اتى دا ەمەس، قايتا ساعىنگۇل ءداۋىتقاننىڭ كۇيەۋى مۇقيات قۇربان ءۇشىن ازىرلەگەن كۇتىپ الۋ داستارقانىنداعى تاعامداردىڭ اتى، جەكە - جەكە شەلپەك، لاعىمان جانە سامسا سياقتى كۇندەلىكتى ءۇي تاعامدارىنا سايكەس كەلەدى، مۇندا ەرلى - زايىپتى ەكەۋىنىڭ 5 جىلدىق شەكارا كۇزەتۋ سۇيىسپەنشىلىگى جاتىر.
مۇقيات شاعانتوعاي اۋدانى قارابۋرا اۋىلى شەكارا باسقارۋ بولىگى 8 - ءنومىرلى قىزمەت ءۇيىنىڭ بانجاڭى، جاقىندا ول بەيجيڭگە بارىپ تىنىش جۇڭگو قۇرىلىسى ماداقتاۋ - سيلاۋ جينالىسىنا قاتىناسىپ، التىنداي جارقىراعان تىنىش جۇڭگو قۇرىلىسىنداعى وزات جەكە مەدالىن الىپ كەلدى. داڭقپەن ورالعاننان كەيىن، ول مەدالىن ساعىنگۇلدىڭ كەۋدەسىنە تاعىپ، وعان: ”اسكەري مەدالدىڭ جارتى ەڭبەگى مەنىكى، جارتى ەڭبەگى سەنىكى“، - دەدى.
2017 - جىلى مۇقيات شەكارا كۇزەتۋشىلەر اترەتىنە كىرەدى، 2019 - جىلى ول شەكارا ءبىرىنشى شەبىنە بارىپ شەكارا شارلاۋعا، شەكارانى كۇزەتۋگە ءوتىنىش بەرەدى، كوپ وتپەي ايەلىنىڭ دە شەكارا كۇزەتۋشىلەر اترەتىنە كىرۋىنە كەڭەس بەرەدى. وسىلايشا، بۇل ”قوس اققۋداي“ شەكارا كۇزەتۋشىلەرى شاعانتوعاي اۋدانىنىڭ شەكارا جەلىسىندەگى تارتىمدى كورىنىسكە اينالدى.
شاعانتوعاي اۋدانى تاۋ گۇلىمەن اتاعى شىققان، ءار جىلدىڭ 5 - ايىندا جەر - الەمدى جاپقان ءار الۋان تاۋ گۇلدەرى جامىراي اشىلادى، الايدا شەكارا كۇزەتۋشىلەرىنىڭ گۇل قىزىقتاۋعا مۇرشاسى جوق. شەكارا كۇزەتۋ جولىندا ولار ۇنەمى قاتتى بوران، قالىڭ قارمەن جانە جىرتقىشتارمەن الىسادى، ءبىر جىلدىڭ 4 ماۋسىمىندا جاياۋ، اتپەن نەمەسە موتوتسيكلمەن شەكارا جەلىسىندە شارلاۋ جۇرگىزىپ، ءارقانداي ”قىلت ەتكەندى“ قيا وتكىزبەيدى.
بيىل 1 - ايدا مۇقيات پەن تاعى ءبىر شەكارا كۇزەتۋشى شەكارا شارلاپ جۇرگەندە توسىن قالىڭ قار جاۋىپ، كەزەكشى ۇيىندە قامالىپ قالادى. تۇسكە دەيىنگى ۋاقىتتا سىرتتاعى قار 10 نەشە سانتيمەتر قالىڭدايدى، قاردىڭ جاۋىسى ءسال باسەڭدەگەندە ولار تاعى دا شارلاۋعا شىعادى.
مۇنان دا ناشار اۋا رايىن مۇقيات ۇنەمى باسىنان كەشىرەتىن، قار تىزەدەن كەلسە دە، بوران كوز اشتىرماي تۇرسا دا، ول شارلاۋ مىندەتىن تولىق ورىنداۋمەن بولدى. ”شەكارا جەلىسىن تاباندىلىقپەن تولىق شارلاپ بولعاندا عانا كوڭىلىم جاي تابادى“، - دەيدى مۇقيات.
مۇقياتتىڭ نازارىندا اتا مەكەنى شاعانتوعاي اۋدانى تابيعاتى كوركەم، تاريحي مادەنيەت مايەگى تەرەڭ جەر، مۇندا ايگىلى تەرەكتى قاراۋىلحاناسى، سۇن لۇڭجىن قۇرباننىڭ وتان تەرريتورياسىن قورعاعان اسەرلى حيكاياسى بار. قىزىل گەندى ويداعىداي جالعاستىرىپ، شەكارا قورعاۋ بورىشىن ويداعىداي اتقارۋ ءۇشىن، مۇقيات شەكارا كۇزەتۋشىلەردى تەرەكتى قاراۋىلحاناسىن، سۇن لۇڭجىن اسكەري تىڭ يگەرۋشى قۇرباندار قابىرلىعىن ەكسكۋرسيالاپ، وتانشىلدىق سۇيىسپەنشىلىكتى سەزىنۋگە ۇيىمداستىردى.
مۇقياتتىڭ باستاما كوتەرۋىمەن، 8 - ءنومىرلى قىزمەت ۇيىندەگى شەكارا كۇزەتۋشىلەر جىلۋ اتاپ اق تەرەك كوشەتىن ساتىپ الىپ، قىزمەت ءۇيىنىڭ توڭىرەگىنە ەكتى. ءار ادام ءبىر ءتۇپ اعاشتى باپتاپ، اتى - ءجون تاقتايشالارىن كوشەتكە ءىلىپ، وزدەرىن ”ءداۋىر ونەگەلەرى“ ۋي دىيوۋ، لاچين بايەكەلەر سياقتى وتان ءۇشىن قىزمەت ورنىندا بەرىك تۇرىپ، قاراۋىلدى جاقسى قاراۋعا، شەكارانى جاقسى شارلاۋعا ىنتالاندىردى.
مۇقيات شەكارا كۇزەتشىسى بولعان ادامنىڭ، ءسوز جوق، تاماشا ساياسي ساپا مەن كاسىپتىك ورەنى ازىرلەۋى كەرەكتىگىن ابدەن بىلەدى، ونىڭ باستاماشىلىعىندا 8 - ءنومىرلى قىزمەت ءۇيى ”339“ ۇيرەنۋ ءتۇزىمىن ورناتتى، مۇنىڭ ماعىناسى: ءار كۇنى كەشتە 30 مينۋد ۋاقىتپەن ساياسات، زاڭ ەرەجە ۇيرەنىپ، 30 مينۋد ۋاقىتپەن مەملەكەتتە ءبىر تۇتاس قولدانىلاتىن ءتىل - جازۋدى ۇيرەنىپ، 90 مينۋد ۋاقىتپەن قىزىل فيلم كورىپ، نازاريالىق ءبىلىم ۇيرەنۋدى، جاڭالاۋدى ۇزدىكسىز كۇشەيتىپ، وتانشىلدىق ىنتا - ىقىلاسىن تەرەڭدەتۋ.
”ءبىز وتان ءۇشىن ءومىر بويى شەكارا كۇزەتەمىز“، - دەدى مۇقيات مۇنان كەيىنگى جوسپارلارىن تىلگە تيەك ەتكەندە.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
