جاۋ مين:
وقۋشىلاردىڭ كوڭىلدى ەرجەتۋى ءۇشىن
انار بۇلت / شينجياڭ گازەتىنىڭ ءتىلشىسى شىن زۋشياۋ
2022.01.11 15:51 كەلۋ قاينارى : شينجياڭ گازەتى
جاڭا جىلدىڭ ءبىرىنشى كۇنى، قول تەلەفونىنداعى ۋيچاتقا وقۋشىلار مەن اتا - انالاردىڭ جولداعان جاڭا جىلدىق تىلەكتەرىن كورگەن فۋكاڭ قالالىق 1 - باستاۋىش مەكتەپ 4 - جىلدىق 6 - كلاسىنىڭ ادەبيەت ساباعى وقىتۋشىسى، جىلدىقتاردىڭ گرۋپپا باستىعى جاۋ مين ءماز - ءمايرام بولدى.
وقىتۋشىلىقپەن شۇعىلدانعانىنا 28 جىل بولعان جاۋ مين ءوزىن ءالى دە ”جاڭا اسكەرمىن“ دەيدى، ويتكەنى وسى وقۋ ماۋسىمى باستالعاندا، ساباقتان كەيىنگى قىزمەت وتەۋ جاپپاي اتقارىلعاندىقتان، ول تۇڭعىش رەت قاعاز قيما كۋرجەگىنىڭ جەتەكشى مۇعالىمى بولدى. ”ءاربىر وقۋشىنىڭ كوڭىلدى تۇردە ءبىلىم ۇيرەنۋى، تابىستى ەرجەتۋى ءۇشىن قۇلشىنعاندىعىما قۋانامىن“. ماۋسىم سوڭىنا تاياعاندا جاۋ مين اسەرلەنە بىلاي دەدى: ساباقتان كەيىنگى قىزمەت وتەۋ ورىستەتىلگەننەن بەرى مەكتەپتىڭ وقۋ - اعارتۋدىڭ نەگىزگى شەبىندىك رولى اناعۇرلىم كۇشەيىپ، وقۋشىلاردىڭ ساپاسى جالپى بەتتىك جوعارىلادى.
2021 - جىلى 9 - ايدا رايونىمىز مىندەتتى وقۋ - اعارتۋ ساتىسىنداعى مەكتەپتەردە ساباقتان كەيىنگى قىزمەت وتەۋدى جالپى بەتتىك ىلگەرىلەتتى. فۋكاڭ قالالىق 1 - باستاۋىش مەكتەپ ”X+1“ ساباقتان كەيىنگى قىزمەت وتەۋىن اتقاردى، مۇنىڭ ءبىر ساعاتىندا وقۋشىلار تاپسىرما ورىنداۋدى نەگىز ەتەدى، قالعان ءبىر ساعات ۋاقىتتا وقۋشىلار وزدەرىنىڭ اۋەسىنە قاراي كلاستارعا، جىلدىقتارعا بولمەيتىن ساباقتان كەيىنگى قىزمەت وتەۋ ساباقتارىنا قاتىناسادى.
شەشەسى فۋكاڭ قالاسىنا اتى ايگىلى حالىقتان شىققان قاعاز قيما شەبەرى بولعاندىقتان، جاۋ مين كىشكەنتايىنان شەشەسىنەن قاعاز قيما ونەرىن ۇيرەنگەن بولاتىن. مەكتەپتىڭ قاعاز قيما كۋرجەگىن اشاتىندىعىن بىلگەننەن كەيىن، ول شەشەسىنەن قاعاز قيما ونەرى جونىندە اقىل سۇراپ، مۇقيات جاتتىعىپ، ناقتى ىستەپ ۇيرەنەدى. ”قازىر مەنىڭ قاعازدان قيعان تۋىندىلارىم كوركەم، ءپىشىنى ناق وزىندەي بولعاندىقتان، قاعاز قيما كۋرجەگىنىڭ اتى زاتىنا ساي جەتەكشى مۇعالىمى بولدىم“، - دەيدى جاۋ مين.
ناق وزىنەن اينىتپاي تۇسىرگەن 12 مۇشەلدىڭ سۋرەتى، جاقسىلىق نىشانىن ورنەكتەگەن ”福“ ءارىبى دەيسىز بە... فۋكاڭ قالالىق 1 - باستاۋىش مەكتەپتىڭ قاعاز قيما كۋرجەگى كلاسىندا وقۋشىلاردىڭ اينىتپاي كەسكىندەپ قيىپ جاساعان قاعاز قيما تۋىندىلارى تولىپ تۇر. وقۋشى ليۋ شياۋمان: ”كوكتەم مەرەكەسىندە مەن ءوزىم قيىپ جاساعان ’福‘ ءارىبىن ۇيگە جاپسىرىپ قويامىن“، - دەدى.
”ەكىنى جەڭىلدەتۋ“ ساياساتى اتقارىلعاننان كەيىن، وقۋشىلاردىڭ تاپسىرما مولشەرى ازايدى. وقۋشىلاردىڭ شەكتى تاپسىرما ورىنداۋ ۋاقىتىندا ءتىپتى دە كوبىرەك ءبىلىم يگەرۋى ءۇشىن، جاۋ مين تاپسىرما جوسپارىنا اناعۇرلىم كوبىرەك وي جۇگىرتىپ، تاپسىرمانىڭ ”مولشەرىن ازايتىپ، ساپاسىن جوعارىلاتۋعا“ كۇش سالدى.
”بۇرىنعى ساباقحانا تاپسىرماسى ءبىر تۇتاس ورنالاستىرىلاتىن، قازىر مەن ءاربىر وقۋشىنىڭ ۇيرەنۋ قابىلەتىنە قاراي ۇقساماعان تاپسىرما ورنالاستىرامىن، ۇيرەنۋ قابىلەتى ءبىرشاما ءالسىز وقۋشىلارعا نەگىزدىك جاتتىعۋلاردى نەگىز ەتەمىن، ۇيرەنۋ قابىلەتى كۇشتى وقۋشىلارعا قابىلەتىن ارتتىرۋ جاتتىعۋلارىن ورنالاستىرامىن، وسىلاي ىستەگەندە ونىمدىلىگى ءتىپتى دە جاقسى بولادى“، - دەيدى جاۋ مين.
ساباقحانادا جاۋ مين ساۋاتتىق تۇيىندەردى تۇرمىستاعى مىسالدارمەن بىرلەستىرىپ، وقۋشىلاردى ساباققا قىزىقتىرادى.
”وسى وقۋ ماۋسىمىندا بالالاردىڭ قۋانىشتى كۇلكىسى كوپ بولدى، مىنە بۇل ءبىز وقىتۋشىلاردىڭ كورگىسى كەلەتىن كورىنىس“، - دەيدى جاۋ مين.
”وقۋشىلاردىڭ كوڭىلدى ءوسىپ كەلە جاتقاندىعىن، اتا - انالاردىڭ رازى بولعاندىعىن كورگەندە، جەتىستىككە جەتكەندەي سەزىمدە بولامىن“. جاۋ مين: كەلەسى وقۋ ماۋسىمىندا قىزمەتتەستەرىممەن بىرگە ساباقتان كەيىنگى قىزمەت وتەۋدەگى ساباق مازمۇندارىن ۇزدىكسىز ساپالىلاندىرىپ، ءاربىر وقۋشى احىلاق، اقىل - وي، دەنە، ەستەتيكا، ەڭبەك سياقتى جاقتاردان جالپى بەتتىك دامىپ، شات - شادىمان ەرجەتسە دەيمىن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
