«دۇڭۋاڭ ساباقحاناسى» قاتارلى زاڭسىز 136 قوعامدىق ۇيىمدى انىقتاپ ءبىرجاقتى ەتتى
2022.01.11 16:04 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى گاۋ لەي 1 – ايدىڭ 10 – كۇنى بەيجيڭنەن حابارلايدى. ءتىلشىنىڭ 1 – ايدىڭ 10 – كۇنى حالىق ىستەرى مينيسترلىگىنەن ۇعىسۋىنشا، زاڭسىز قوعامدىق ۇيىمدارعا سوققى بەرۋ، ولاردى جونگە سالۋ ارناۋلى ارەكەتى مەزگىلىندە، جياڭسۋ ولكەلىك حالىق ىستەرى تاراۋلارى «دۇڭۋاڭ ساباقحاناسى» قاتارلى ءبىر توپ زاڭسىز قوعامدىق ۇيىمداردى زاڭ بويىنشا ءبىرجاقتى ەتكەن، بۇل ورىندار «مەيىر – شاپاعاتتى الەۋمەتتىك يگىلىك»، «جۇڭگو ارمانى»، «ينتەرنەت ءداۋىرى» سىندى الەۋمەتتىك قولامتالى تۇيىندەردىڭ اتىن جامىلىپ، مۇقيات جوسپارلاعان ءارى شىنايى بەينەسىن جاسىرعان، «وتاندىق عىلىمعا مۇراگەرلىك ەتۋ»، «ەرىكتى قىزمەت وتەۋ» دەگەن جەلەۋلەردى جامىلعان، ولاردىڭ كوبى «دۇڭۋاڭ توبىمەن» (قوعام حاۋىپسىزدىگى ورگاندارى انىقتاپ ءبىرجاقتى ەتكەن جالعامالى ساتۋ ۇيىمى) بايلانىستى بولىپ شىققان. «قاتاڭ سوققى بەرۋ، تۇبەگەيلى الاستاۋ» پرينسيپى بويىنشا، حالىق ىستەرى مينيسترلىگى جەرگىلىكتى حالىق ىستەرى تاراۋلارىن دەر كەزىندە ىزىنە تۇسۋگە جەدەل ورنالاستىرىپ جانە ولاردىڭ قىزمەتىنە جەتەكشىلىك ەتىپ، زاڭسىز وعامدىق ۇيىمداردان جيىنى 136 ۇيىمدى انىقتاپ ءبىرجاقتى ەتكەن، بۇلاردان 88 ورىندى جاپقان، 48 ورىندى تاراپ كەتۋگە بۇيىرعان.
ۇعىسۋعا قاراعاندا، وڭىرلىك تارالىمى جاعىنان الىپ قاراعاندا، بۇل جولى زاڭسىز قوعامدىق ۇيىمدارعا سوققى بەرۋ بارىسىندا، جياڭسۋ ولكەسىنەن 40 نەشە ۇيىم، سىچۋان ولكەسىنەن 20 نەشە ۇيىم، جىجياڭ، شاندۇڭ، گۇيجوۋ ولكەلەرىنەن جەكە – جەكە 10 نان ۇيىم، جيلين، سانشي، فۋجيان، حۋنان، چۇڭچيڭ، يۇننان، شانشي، گانسۋ، نيڭشيا قاتارلى جەرلەردەن دە قاتىستى ۇيىمدار انىقتاپ ءبىرجاقتى ەتىلگەن. ۇيىمنىڭ اتىنان قاراعاندا، «دۇڭۋاڭ ساباقحاناسى» نەمەسە وسى تەكتەس اتتاردى قولدانعانى 94 ۇيىم، مىسالى: شۇيجوۋ قالاسى تۇڭشان رايونىنداعى دۇڭۋاڭ ساباقحاناسى، دۇڭۋاڭ توبى چيدۇڭ جينحاي ساباقحاناسى، دۇڭۋاڭ سىچۋان يا – ان، حانيۋان، حىشي ساباقحاناسى قاتارلىلار؛ «ەرىكتى قىزمەت وتەۋ اترەتى»، «ەرىكتىلەر ۇيىرمەسى» قاتارلى اتتاردى ۇيىم اتىنا قولدانعانى 40 نەشە ۇيىم، مىسالى، حىلان اۋدانىنداعى دۇڭۋاڭ ەرىكتىلەر قىزمەت وتەۋ اترەتى، دۇڭۋاڭ لەيفىڭ ەرىكتىلەر بيشان قىزمەت وتەۋ اترەتى، يۇڭجي قالاسى دۇڭۋاڭ ەرىكتىلەر قايىرىمدىلىق ويىن – ساۋىق بىرلەستىگى قاتارلىلار؛ باسقا اتتاردى قولدانعان ۇيىمنان ەكەۋى بار، مىسالى، دۇڭۋاڭ توبى چاڭشۋ حالىقتىق كوركەمونەر ۇيىمى.
حالىق ىستەرى مينيسترلىگىندەگى قاتىستى جاۋاپتىنىڭ ايتۋىنشا، زاڭسىز قوعامدىق ۇيىمدارعا سوققى بەرۋ جالعاسا بەرەدى، اقىرلاسپايدى. حالىق ىستەرى مينيسترلىگى ارناۋلى ارەكەتتىڭ ناتيجەسىن ۇزدىكسىز ىشكەرىلەي بەكەمدەيدى، ۇدايىلانعان سوققى بەرۋ، جونگە سالۋ قىزمەت شارالارىن بۇلجىتپاستان اتقارادى، زاڭسىز قوعامدىق ۇيىمدارعا سوققى بەرۋدىڭ جوعارى قىسىمدى كۇيىن باستان – اياق ساقتاپ، قوعامدىق ۇيىمداردىڭ اقاۋسىز دامۋ ورتاسى مەن حالىق بۇقاراسىنىڭ ۇقىق – مۇددەسىن شىنايى قورعايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved