جاڭ بولي ىندەتتە جۇعىمدالعان بالالار تۋرالى بىلاي دەدى: بالالاردىڭ كۇي – جايى وتە جاقسى، ولاردى كۇش سالا ەمدەيمىز
2022.01.12 13:18 كەلۋ قاينارى : حالىق تورابى
جۇڭگو ينجەنەريا اكادەمياسىنىڭ اكادەميگى، تيانجين جۇڭگوشا شيپاگەرلىك داشۋەسىنىڭ قۇرمەتتى باستىعى جاڭ بولي. جاڭ داۋجىڭ فوتوسى
جۇڭگو اقپارات تورابىنىڭ ءتىلشىسى جاڭ داۋجىڭ 1 – ايدىڭ 11 – كۇنى تيانجيننەن حابارلايدى. جۇڭگو ينجەنەريا اكادەمياسىنىڭ اكادەميگى، تيانجين جۇڭگوشا شيپاگەرلىك داشۋەسىنىڭ قۇرمەتتى باستىعى جاڭ بولي 1 – ايدىڭ 11 – كۇنى تيانجين قالاسىنىڭ ىندەتتەن ساقتانۋ – تىزگىندەۋ جونىندەگى اقپار جاريالاۋ ماجىلىسىندە بىلاي دەدى: وسى كەزەكتى جاڭا تيپتى ايدارشا ۆيرۋس وكپە قابىنۋ ىندەتىندە ناۋقاسقا شالدىققانداردىڭ اراسىندا باستابىندا بالالار ءبىرشاما كوپ بولدى، قازىر قاراساڭىز، ەرەسەكتەر دە از ەمەس ەكەنىن بايقايسىز. سوندىقتان، بۇل اۋرۋعا بالالار وڭاي شالدىعادى دەپ قاراۋعا كەلمەيدى، تەك باستابىندا ىندەت بالالاردى اماناتقا ساي باعۋ ورنىندا تۋىلعان، كەيىنگى كەزدە ەرەسەكتەردىڭ، قارتتاردىڭ ناۋقاستانۋى كوبەيدى.
ول بىلاي دەدى: «ءبىز قازىر وسى توپتا جۇعىمدالعان بالالارعا ايرىقشا نازار اۋدارىپ وتىرمىز، ءۇش شيپاگەردى ناۋقاستار رايونىنا جىبەرىپ، بارلىق ناۋقاستاردى تەكسەرتتىك. قازىر بالالاردىڭ جالپى جاعدايى ءبىرشاما جاقسى، بىرنەشە بالانىڭ قىزۋى ورلەگەنىمەن، دەنە تەمپەراتۋراسى وتە جوعارى ەمەس، باسقالارىندا نەگىزىنەن جوتەلۋ، تاماعى اۋرۋ بەلگىلەرى بار، ەشقانداي اۋرۋ بەلگىسى جوق بالالار جارىمىنان كوبىن ۇستاعان. قازىر بالالاردىڭ كۇي – جايى وتە جاقسى، ءبىز ولاردى جەدەل ەمدەپ ساۋىقتىرۋعا كۇش سالامىز، اتا – انالار الاڭسىز بولىڭىزدار، الەۋمەت الاڭسىز بولىڭىزدار».
بالالار جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالۋدان قالاي ساقتانسا بولادى دەگەن ماسەلەگە باعىتتاي وتىرىپ، جاڭ بولي بىلاي دەپ قارادى: بالادا اۋرۋ بەلگىسى بايقالماسا، وعان ءدارى بەرۋدى دارىپتەمەيمىز، الايدا، ساقتىق شارالارىن ويداعىداي ىستەۋ كەرەك. كوپ توپتاسپاۋ، ماسكى تاعۋ، اۋا الماستىرۋ، قولدى ءجيى جۋۋ، مىنە، بۇل شارالاردىڭ ءونىمدى بولاتىنى داۋسىز، وسىلاي ىستەۋگە تاباندى بولۋ قاجەت.
ول مىنانى ەسكەرتتى: بالالار ەرەكشە توپ، ولاردىڭ اس قورىتۋ جولدارىنا ايرىقشا كوڭىل ءبولۋ كەرەك، كەي بالالار تاماقتى وتە كوپ جەيدى، الاقانى قىزىپ تۇرادى، ءتىل وڭەزى قالىڭ بولادى، بۇل كۇپتى بولۋ سەبەبىنەن قىزۋ دەپ اتالادى، مۇنداي كەزدە از سۋىق تيسە بولدى وتە وڭاي تۇماۋراتادى. بالالاردىڭ تاماعىنا جانە ونى جىلى ۇستاۋعا كوڭىل ءبولۋ كەرەك، تۇمشالاپ الۋعا بولمايدى، ساقتانۋ شارالارىن بەلسەندى، ويداعىداي ىستەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
