قازاقستان زۇڭتۇڭى جاڭا زۇڭليدى مىندەتكە تاعايىندادى ءارى ءبىرقىدىرۋ رەفورما شارالارىن جاريالادى
2022.01.12 15:58 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جاڭ جييە 1 – ايدىڭ 11 – كۇنى نۇر – سۇلتاننان حابارلايدى. قازاقستان زۇڭتۇڭى توقايەۆ 1 – ايدىڭ 11 – كۇنى زۇڭتۇڭ بۇيرىعىنا قول قويىپ، ءاليحان سمايىلوۆتى جاڭا كەزەكتى زۇڭلي مىندەتىنە تاعايىندادى. توقايەۆ سول كۇنى ءبىرقىدىرۋ رەفورما شارالارىن دا جاريالادى، بۇل شارالار ساياسي، حاۋىپسىزدىك، ەكونوميكا قاتارلى ءتۇرلى سالالارعا سايادى.
قازاقستان پارلامەنتى تومەنگى پالاتاسى سول كۇنى جالپى ءماجىلىس وتكىزىپ، توقايەۆتىڭ سمايىلوۆتى جاڭا كەزەكتى زۇڭلي مىندەتىنە تاعايىنداۋ جونىندەگى جوباسىن قاراپ ماقۇلدادى. وسىدان سوڭ توقايەۆ زۇڭتۇڭ بۇيرىعىنا قول قويىپ، سمايىلوۆتى زۇڭلي مىندەتىنە رەسمي تاعايىندادى. سمايىلوۆ كەزىندە قازاقستان قازىنا مينيسترلىگىنىڭ ورىنباسار مينيسترى، ساناق مەكەمەسىنىڭ باستىعى، زۇڭتۇڭنىڭ كومەكشىسى قاتارلى مىندەتتەردى اتقارعان. 2019 – جىلى 2 – ايدا سمايىلوۆ زۇڭليدىڭ ءبىرىنشى ورىنباسارى ءارى قازىنا مينيسترى بولىپ تاعايىندالعان.
قازاقپاراتتىڭ حابارلاۋىنشا، توقايەۆ سول كۇنى تاعى ءبىرقىدىرۋ رەفورما شارالارىن دا جاريالاعان. حاۋىپسىزدىك جاعىندا، قازاقستان قارۋلى كۇشتەردى، زاڭ اتقارۋ تاراۋلارىن جانە مەملەكەتتىك حاۋىپسىزدىك قۇرىلىمدارىن قايتا جاساقتايدى، زاڭ اتقارۋ جۇيەسىنە رەفورما جاساۋدى ىلگەرىلەتەدى، ءدىني ۇشقارىلىققا سوققى بەرىپ، ازاماتتاردى، نەگىزگى زاڭعا سايكەس ءتارتىپتى جانە مەملەكەتتىڭ يەلىك ۇقىعىن بارىنشا قورعايدى؛ ساياسي سالادا، ۇكىمەت پەن حالىق اراسىنداعى تىكەلەي تىلدەسۋدى كۇشەيتىپ، پارلامەنت مۇشەلەرى مەن ءار دارەجەلى ۇكىمەت ءمانساپتىلارىنىڭ ەڭبەكاقىسىن ءوسىرۋدى ۋاقىتشا توقتاتادى؛ ەكونوميكا سالاسىندا، توقايەۆ ۇكىمەتكە 2022 – جىلعى ارەكەت جوسپارىن بەلگىلەپ، اقشانىڭ قۇنسىزدانۋىنان جۇيەلى ساقتانۋ شارالارىن زەرتتەپ ورتاعا قويۋدى، فينانس پەن سىرتقى پەرەۆود بازارىن ورنىقتىرۋدى ءارى قارجىلاندىرۋشىلاردىڭ سەنىمىن قالپىنا كەلتىرۋدى تاپسىرعان.
توقايەۆ سول كۇنى پارلامەنتتىڭ تومەنگى پالاتاسىنىڭ جالپى ماجىلىسىندە سويلەگەن سوزىندە، ۇجىمدىق حاۋىپسىزدىك شارتى ۇيىمىنىڭ بەيبىتشىلىكتى قورعاۋ قوسىندارى مىندەتىن ورىنداپ بولعانىن، بەيبىتشىلىكتى قورعاۋ قوسىندارى ەكى كۇننەن كەيىن كەزەڭ بويىنشا قازاقستاننان شەگىنەتىنىن، شەگىنىپ شىعۋ ۋاقىتى 10 كۇننەن اسپايتىنىن جاريالاعان.
جاڭا جىل كەلىسىمەن، قازاقستاننىڭ باتىس بولىگىندەگى ماڭعىستاۋ وبلىسىندا كوپ جەردە سۇيىتىلعان گاز باعاسىنىڭ قىمباتتاۋىنا بايلانىستى قازاقستاننىڭ ءىشىنارا قالالارىندا جۇرت جينالىپ قارسىلىق بىلدىرۋگە شىققان. توقايەۆ 1 – ايدىڭ 5 – كۇنى ۇكىمەتتى تاراتۋ ءوتىنىشىن قابىلداعان ءارى قوعامدىق، ەكونوميكالىق جاعداي جونىندە ءماجىلىستى باسقارىپ اشىپ، باعانى ورنىقتىرۋعا قاتىستى ءتۇرلى شارالاردى ورتاعا قويعان. ۇكىمەت مۇشەلەرى قىزمەت مىندەتتەرىن جاڭا ۇكىمەت جاساقتالعانشا اتقارىپ تۇرعان. الايدا، ءىشىنارا جەرلەردە بىلىقپالىق جالعاسىپ، كوپ جەردە بىلىقپالىق تۋدىرۋشىلار ۇكىمەت قۇرىلىمدارىنا، ساقشىلارعا شابۋىلداۋ جاعدايى تۋىلعان. ۇجىمدىق حاۋىپسىزدىك ۇيىمىنىڭ 1 – ايدىڭ 6 – كۇنى ايتۋىنشا، توقايەۆتىڭ تىلەگىنە ساي، اتالعان ۇيىم قازاقستانعا قىسقا ۋاقىت ىشىندە بەيبىتشىلىكتى قورعاۋ قوسىندارىن ورنالاستىرۋدى ماقۇلداعان بولاتىن. وسىدان سوڭ، ۇجىمدىق حاۋىپسىزدىك ۇيىمىنىڭ بەيبىتشىلىكتى قورعاۋ قوسىندارى قازاقستانعا اتتانعان ءارى مىندەت اتقارعان. قازىر قازاقستانداعى جاعداي ءونىمدى تىزگىندەلدى، تىنىشتىق قالپىنا كەلە باستادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
