حالىق تورابىنىڭ «اقيقات» باعدارلاماسى
ساق بولىڭىزدار! مەرەكەلىك دەمالىس تاياعان سايىن «جيناعان ءنومىردى زاتقا الماستىرۋ» دەگەندى جەلەۋ ەتكە الدامكوستىكتەردەن اباي بولىڭىز
2022.01.12 16:12 كەلۋ قاينارى : حالىق تورابى
حالىق تورابىنىڭ 1 – ايدىڭ 11 – كۇنى بەرگەن حابارى (جوۋ جيڭيۋان) مەرەكەلىك دەمالىس جاقىنداعان سايىن، ساۋدا ورىندارى «جيناعان ءنومىردى اداقتاۋ» قيمىلدارىن وتكىزەدى، قولفونىڭىزعا كەلتە حاتتار كەلە باستاۋى مۇمكىن. وسى كەزدە الدامكوستەر دە ورايدى قولدان بەرمەي، ارەكەتكە كىرىسەدى. حالىق تورابىنىڭ «اقيقات» باعدارلاماسى جيناعان ءنومىردى زاتقا الماستىرۋ قيمىلىنا قاتىناسۋ تۋرالى كەلتە حاتتار كەلسە نەمەسە تەلەفون كەلسە، ءسوزسىز، بايسالدىلىقپەن پارىقتاۋدى ەسكەرتەدى.
جۋىردا، ياڭ مىرزا جيناعان ءنومىردى زاتقا الماستىرۋ جونىندەگى كەلتە حاتتى تاپسىرىپ العان، كەلتە حاتتى جولداعان ورىننىڭ ءوزى قولفون ءنومىرىن بىتىرگەن سەرىكتەستىك ەكەنىن كورگەن، كەلتە حاتتاعى جالعانىم دا شىن جالعانىمعا وتە ۇقساپ كەتەدى ەكەن، سونىمەن ياڭ مىرزا كوپ ءارى – ءسارى بولماستان، جالعانىمدى اشىپ، «الاقانداعى تيجارات زالى» دەگەن پاراقشاعا كىرىپ، پاراقشاداعى تالاپتار بويىنشا شىن اتى – ءجونى، ازاماتتىق كۋالىك ءنومىرى، كرەديت كارتۋچكاسىنىڭ ءنومىرى، ەسەپ جاساۋ قۇپيا سيفرى، قالدىرعان تەلەفون ءنومىرى قاتارلى ينفورماتسيالاردى جازعان. ياڭ مىرزا بۇل پاراقشانى تالاپقا ساي تولتىرىپ بولعان سوڭ، «مەملەكەتتىك بانكەلەر بىرلەستىگىنىڭ كرەديت كارتۋچكاسىنىڭ سوماسىن جوعارىلاتۋ ارناۋلى بەتى» اتتى پاراقشاعا كىرىپ، ينفورماتسيالاردى جالعاستى تولتىرعاننان كەيىن، تالاپ بويىنشا «حاۋىپسىزدىك دەتالىن» (ءىس جۇزىندە اعاش ات باعدارلاماسى) ورناتقان. ياڭ مىرزا ينفورماتسياسىن تاپسىرىپ بولعان سوڭ كوپ وتپەي، بانكە ەسەبىنەن اقشا شىعارىلعانى تۋرالى كەلتە حاتتاردى تاپسىرىپ العان، بۇل كەلتە حاتتاردا ونىڭ كرەديت كارتۋچكاسىنان 7739 يۋاندى شىعارىپ العانى ايتىلعان.
ءتىلشىنىڭ نازار اۋدارۋىنا قاراعاندا، الدامكوستەردىڭ ايلاسى ەكى ءتۇرلى بولادى. ءبىرىنشى ءتۇرى، قارسى جاققا جالعان ءنومىر كورسەتەتىن تەكشەلەر ارقىلى حابارلاسۋ سەرىكتەستىگىنىڭ اتىن جامىلىپ، شىرعا جاسىرىلعان جالعانىمدار مەن كەلتە حاتتاردى جاريالايدى، «جيناعان نومىرگە زات الماستىرۋ» نەمەسە «جيناعان ءنومىرىڭىز جويىلادى، ۋاقىتى وتسە كۇشىن جويادى» دەگەندەردى جەلەۋ ەتىپ، زيانعا ۇشىراۋشىلاردى جەكەلىك ينفورماتسياسىن جازۋعا ءارى اعاش ات ۆيرۋسىن تۇسىرۋگە شىرعالايدى، وسى ارقىلى زياندالعانداردىڭ كرەديت كارتۋچكاسىنداعى اقشاسىن شىعارىپ اكەتەدى. ەكىنشى ءتۇرى، قىزمەتكەرلەردىڭ اتىن جامىلىپ، تەلەفون جالعاۋ ارقىلى جيناعان نومىرگە قولفون، اقى تاپسىرۋ كارتۋچكاسى قاتارلىلاردى الماستىرىپ الۋعا بولاتىنىن ۇگىتتەپ، كۋالاندىرۋ ءنومىرى مەن قۇپيا سيفردى سۇرايدى، وسى ارقىلى الدامكوستىك ارەكەتىن اتقارادى.
الدانىپ قالۋدان ساقتانۋ ءۇشىن، ءتىلشى مىنانى ەسكەرتەدى: جيناعان نومىرگە زات الماستىرىپ الۋدى ەسكەرتكەن كەلتە حاتتى تاپسىرىپ الساڭىز، كەلتە حاتتا جالعانىم بار بولسا، ءسوزسىز، پارىقتاۋعا ءمان بەرىڭىز، جالعانىمدى الباتى باسپاڭىز، اعاش ات ۆيرۋسى نەمەسە شىرعالاۋ ماقساتىنداعى جالعان توراپ بولۋى مۇمكىن؛ ەگەر شىن اتى – ءجونىڭىز، بانكە كارتۋچكاسىنىڭ ءنومىرى جانە قۇپيا سيفرىڭىز قاتارلى قۇپيا ينفورماتسيالاردى ەنگىزۋدى تالاپ ەتسە، ءسوزسىز، اباي بولعانىڭىز ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
