اقسۋ - ارال تەمىر جولى ىسكە قوسىلدى
بۇل بيڭتۋان، جەرگىلىكتى ورىن، تەمىر جول سالاسى ءۇش جاق سەلبەسىپ سالعان تۇڭعىش تەمىر جول
2022.01.12 16:16 كەلۋ قاينارى : شينجياڭ گازەتى
1 - ايدىڭ 10 - كۇنى ساعات 20دان 20 مينۋت وتكەندە، ارال - ءۇرىمجى تۇڭعىش كەزەكتى جولاۋشىلار پويەزى ارال بەكەتىنەن جولعا شىقتى. □ سۋرەتتى مۋ جىپىڭ تۇسىرگەن
انار بۇلت / شينجياڭ گازەتىنىڭ ءتىلشىسى لۋ فىڭباۋ 1 - ايدىڭ 10 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، 1 - ايدىڭ 10 - كۇنى اقسۋ - ارال تەمىر جولى ىسكە قوسىلىپ، اۋات اۋدانى مەن ارال قالاسىنىڭ اراسىندا تەمىر جول قاتىناماۋ تاريحىن اياقتاتىپ، بيڭتۋان مەن جەرگىلىكتى ورىننىڭ توعىسا دامۋىن اناعۇرلىم جەدەلدەتكەن.
اقسۋ - ارال تەمىر جولى − شينجياڭ ءوندىرىس - قۇرىلىس بيڭتۋانى، شينجياڭ ۇيعۇر اۆتونوميالى رايونى، شينجياڭ تەمىر جولى سىندى ءۇش جاق سەلبەسىپ سالعان تۇڭعىش تەمىر جول، اقسۋ ايماعى مەن شينجياڭ ءوندىرىس - قۇرىلىس بيڭتۋانى 1 - شىنىڭ اۋماعىندا. تەمىر جول جەلىسى وڭتۇستىك شينجياڭ تەمىر جولى ساتىما بەكەتىنەن باستالىپ، اۋات اۋدانىن باسىپ، ارال قالاسىنا جەتەدى، جالپى ۇزىندىعى 114.6 كيلومەتر، قۇرىلىس جۇمىسى 2020 - جىلى 4 - ايدا باستالعان، جوباداعى ساعاتتىق جىلدامدىعى 120 كيلومەتر، ەلەكترلەندىرۋ شارت - جاعدايىنا مۇمكىندىك قالدىرىلعان، مەملەكەت تەمىر جولىⅡدارەجەلى جولاۋشى، جۇك تاسىمال جەلىسى ورتاق تەمىر جول سانالادى.
تەمىر جول بويىندا ساتىما، اۋات، تامىن جانە ارال سىندى 4 بەكەت بار، مۇنىڭ ىشىندە ساتىما بەكەتى مەن تامىن بەكەتى ءوتىس بەكەت، اۋات بەكەتى مەن ارال بەكەتى جولاۋشى، جۇك تاسىمال بەكەتى سانالادى.
”ارال بەكەتىنە بۇرىنعى تاس جول جولاۋشى تاسىمال بەكەتى پايدالانىلدى، ارال تاس جول، تەمىر جول بىرلەسپە تاسىمال، جولاۋشى تاسىمال ورتالىعى قۇرىلدى، بۇل جوبانى ەلىمىزدە تۇڭعىش رەت جاسالعان جوبا دەۋگە بولادى“، - دەدى اقسۋ - ارال تەمىر جول نىسانىنىڭ باس جوبالاۋشىسى ما شىجيە.
جەلى بويىنداعى ءتۇرلى قۇمدى بوران تۇرىنە جانە ونىڭ زيانىنا قاراتا، تەمىر جول قۇرىلىسىندا قۇمايتتانۋدان ساقتانۋ مەن وسىمدىك ارقىلى قۇمايتتانۋدان ساقتانۋ ءوزارا ۇشتاستىرىلعان قورعانىس جۇيەسى ورنالاستىرىلىپ، تەمىر جول تاسىمالىنىڭ حاۋىپسىزدىگىنە شىنايى كەپىلدىك ەتىلدى ءارى جەلى بويى ورتاسى شارت - جاعدايى جاقسارتىلىپ، ينجەنەريا قۇرىلىسىنىڭ تابيعات ورتاسىمەن، قوعامدىق ورتامەن ۇيلەسىمدىلىگى، سايكەسىمدىلىگى ءبىرشاما جاقسى قاناعاتتاندىرىلدى.
”بۇل تەمىر جول − شينجياڭ تەمىر جولىنىڭ شينجياڭنىڭ ەكونوميكالىق دامۋىنا قىزمەت وتەۋدەگى حالىق تىلەگى ينجەنەرياسى سانالادى، تەمىر جول قۇرىلىسشىلارى قۇرىلىس جۇمىسىن جوعارى ولشەممەن ىلگەرىلەتىپ، ءساتتى تۇردە پويەز قاتىناتىپ، بيڭتۋان مەن جەرگىلىكتى ورىننىڭ توعىسا دامۋىنا جوعارى ساپالى جاۋاپ بەردى“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى كورلا تەمىر جولى قۇرىلىسى قولباسشىلىق شتابىنىڭ ورىنباسار قولباسشىسى جاڭ جى - ۋي.
اقسۋ - ارال تەمىر جولى ىسكە قوسىلعاننان كەيىن، باتىس بولىك وڭىرلەردىڭ تەمىر جول تىعىزدىعىن ارتتىرىپ، جول تورابى جالپىلاسقان ءوڭىردى كەڭەيتتى، سونىمەن بىرگە جەلى بويىنداعى كاسىپ سالاسى بازالارىنىڭ سىرت جەرلەرگە تاسىمالداۋ ارناسىن قالىپتاستىرىپ، وڭىرلەردىڭ قاتىناس - تاسىمال ورتاسىن ءونىمدى جاقسارتۋ، جەلى بويىنداعى وڭىرلەردىڭ ەكونوميكاسىنىڭ، قوعامىنىڭ العا باسۋىن جەتەكتەۋ، بيڭتۋان مەن جەرگىلىكتى ورىنداردىڭ توعىسا دامۋىن جەدەلدەتۋ، ت.ب جاعىندا كەلەلى ءمان الادى.
”بۇرىن حيميا - ونەركاسىپ بۇيىمدارىن تاسىمالداعاندا الدىمەن اۆتوكولىكپەن اقسۋعا جەتكىزىپ الىپ، ونان سوڭ پويەزگە تيەپ ەلىمىزدىڭ جەر - جەرىنە جونەلتەتىنبىز. قازىر زاتتار ارالدان پويەز ارقىلى تىكە تاسىلاتىن بولدى، جۇك تاسىمال ونىمدىلىگى جوعارىلاۋمەن بىرگە، تاسىمال وزىندىك قۇنى دا تومەندەدى“، - دەدى شينجياڭ چيڭسۇڭ قۇرىلىس ماتەريالى حيميا - ونەركاسىپ (توبى) شەكتى جارنا سەرىكتەستىگىنىڭ باس ديرەكتورى ۋاڭ جيانچيڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
