شينجياڭنىڭ جەر - جەرىندەگى ءارقايسى ساقشى تۇرلەرى قيمىل وتكىزىپ، جۇڭگو حالىق ساقشىلارى مەرەكەسىن قۇتتىقتادى
□ انار بۇلت / شينجياڭ گازەتىنىڭ تىلشىلەرى
2022.01.12 16:35 كەلۋ قاينارى : شينجياڭ گازەتى
ساقشى تۋى جەلمەن جەلبىرەپ، سالتانات كيىمىن كيگەن ايبىندى كەلبەتتەردەن ادالدىق مەن مۇندالادى. 1 - ايدىڭ 10 - كۇنى اۆتونوميالى رايوندىق قوعام حاۋىپسىزدىگى مەڭگەرمەسى جۇڭگو حالىق ساقشىلارىنىڭ ساقشى فورمىمەن قاتارعا تۇرۋ سالتىن وتكىزدى. ساقشى سالتانات كيىمىن كيگەن حالىق ساقشىلارى ايبىندى كەلبەتپەن، شىت جاڭا بەينەمەن مەرەكەلەرىن قارسى الىپ، جاڭا داۋىردەگى حالىق ساقشىلارىنىڭ تاماشا وبرازىن ايگىلەدى.
بىرنەشە كۇننەن بەرى، رايونىمىزدىڭ جەر - جەرىندەگى ءارقايسى ساقشى تۇرلەرى قارسى الۋ قيمىلىن وتكىزىپ، جۇڭگو 2 - رەتكى حالىق ساقشىلارى مەرەكەسىن قۇتتىقتادى. رايونىمىزداعى حالىق ساقشىلارى قوسىندارى مىنالاردى ءبىلدىردى: قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا مەن حالىق جۇكتەگەن جاڭا داۋىردەگى بورىشتى، مىندەتتى ادالدىقپەن اتقارىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا پارمەندى قامتاماسىزدىق ازىرلەيمىز.
اۆتونوميالى رايوندىق مەملەكەت حاۋىپسىزدىگى مەڭگەرمەسى جۇڭگو حالىق ساقشىلارىنىڭ تۋىن شىعارۋ جانە مەملەكەت حاۋىپسىزدىگى ورگانىنىڭ ساقشى بولۋ سەرتىن بەرۋ سالتىن قايتالاي ەسكە ءتۇسىردى، بۇكىل مەڭگەرمەدەگى كادر - ساقشىلار اسقاق رۋحپەن، پارتيا مەن حالىققا ايبىنمەن اينىماس ۋادە بەردى. كادر - ساقشىلار جابال مىنالاردى ءبىلدىردى: ساقشى تۋىن جەتەكشى ەتىپ، كاسىپتىك ساپانى ۇزدىكسىز جوعارىلاتىپ، كۇرەس قابىلەتىن ارتتىرىپ، اناعۇرلىم بەرىك سەنىممەن، اناعۇرلىم تاسقىنداعان ىنتامەن جانە اناعۇرلىم اسقاق كۇرەس جىگەرىمەن مەملەكەت حاۋىپسىزدىگى ىستەرى ۇشىن ءوزىمىزدىڭ بارلىق كۇشىمىزدى سارقا جۇمسايمىز.
اۆتونوميالى رايوندىق جوعارى حالىق سوتى مەكەمەسى ”ادال جۇرەكپەن التىن قالقانعا ءار بەرىپ، ادالدىقپەن ساقشى رۋحىن سومدايىق“ قيمىلىن وتكىزىپ، ەڭ جوعارى حالىق سوتى مەكەمەسى حابارلاندىرۋ شىعارىپ ماداقتاعان ءادىليا ساقشى 3 كوللەكتيۆىن جانە 5 جەكەنى ماداقتاپ - سيلادى، سونىمەن بىرگە ”داڭقپەن 30 جىل ساقشى بولعان“ جانە داڭقپەن زەينەتكە شىققان ءادىليا ساقشىلارىن ماداقتاپ - سيلادى، جاڭادان ساقشى بولعانداردىڭ ۋاكىلدەرىنە ساقشىلىق دارەجە بەرىپ، قالىڭ ءادىليا ساقشىلارىن اۋەلگى ماقساتتى، بورىشتى ەستە بەرىك ساقتاپ، ادالدىقپەن مىندەت اتقارىپ، سوت مەكەمەسىنىڭ ساقشىلارعا قامقورلىقپەن مامىلە جاسايتىن تاماشا رايىن قالىپتاستىردى.
اۆتونوميالى رايوندىق حالىق پروكۋراتۋراسى ءادىليا ساقشىلارى باس اترەتى مەملەكەت ءانىن ورىنداۋ، ساقشى تۋىنا قاراپ سەرت بەرۋ سياقتى قيمىلداردى وتكىزدى. كادر - ساقشىلار مىنالاردى ءبىلدىردى: جاڭا ءبىر جىلدا شي جينپيڭنىڭ زاڭمەن جونگە سالۋ يدەياسىن جەتەكشى ەتۋگە تاباندى بولىپ، ساقشىنى ساياسي جاقتان قۇرۋعا تاباندى بولىپ، نازاريامەن قارۋلانۋدى كۇشەيتىپ، قىزمەت وتەۋدى، قامتاماسىز ەتۋدى شىن مانىندە ناقتى تياناقتاندىرىپ، ءىس جۇزىندىك ارەكەتىمىز ارقىلى ساقشى تۋىنا كورىك ۇستەپ، ساقشى بەلگىسىنە داڭق اپەرىپ، رايونىمىزدىڭ پروكۋراتۋرا ىستەرىندە جاڭالىق اشۋعا، ونى دامىتۋعا تىڭ دا اناعۇرلىم زور ۇلەستەر قوسامىز.
تاياۋدا اۆتونوميالى رايوننىڭ تۇرمە جۇيەسى ساقشى تۋىن شىعارۋ (ءىلۋ) سالتىن وتكىزۋ، ساقشى بولۋ سەرتىن قايتا ەسكە الۋ، ارالاپ حال سۇراۋ، كومەكتەسۋ - سۇيەمەلدەۋ قيمىلىن ورىستەتۋ، ساقشى كازارماسى مادەنيەت قيمىلىن وتكىزۋ، ساقشىلىقپەن شۇعىلدانۋدى ەسكە ءتۇسىرۋ سالتىن وتكىزۋ، مەرەكەلىك اڭگىمە ءماجىلىس وتكىزۋ، نەگىزگى تاقىرىپتىق پارتيا كۇنى قيمىلىن ۇيىمداستىرۋ سياقتىلار ارقىلى جۇڭگو حالىق ساقشىلارى مەرەكەسىن قۇتتىقتادى.
ساقشى تۋىنا سەرت بەرۋ سالتى، ”ساقشى بولۋ سەرتىن قايتا ەسكە الىپ، ادالدىقپەن ساقشى رۋحىن سومدايىق“ نەگىزگى تاقىرىپتىق پارتيا كۇنى قيمىلى، ”مەن ساقشى تۋىمەن سۋرەتكە تۇسەمىن“ قيمىلى، زەينەتكە شىققان وقىتۋشى، جۇمىسشى - قىزمەتكەرلەردى ارالاپ حال سۇراۋ... بارلىق وقىتۋشى، جۇمىسشى - قىزمەتكەرلەردى ساقشىلىقپەن شۇعىلدانۋ سەنىمىن بەكەمدەۋگە ونان ارى تاربيەلەۋ، باستاۋ ءۇشىن، 1 - ايدىڭ 10 - كۇنى شينجياڭ ءادىليا ساقشى - وفيتسەرلەر مەكتەبى ءبىر قىدىرۋ جۇڭگو حالىق ساقشىلارى مەرەكەسىن قۇتتىقتاۋ قيمىلدارىن وتكىزدى. شينجياڭ ءادىليا ساقشى - وفيتسەرلەر مەكتەبى وقىتۋ ىستەرى ءبولىمىنىڭ ورىنباسار باستىعى لي دان مىنانى ءبىلدىردى: ساقشى مەكتەبىنىڭ وقىتۋشىلارى پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ بورىشىن ەستە بەرىك ساقتاپ، شينجياڭنىڭ ءادىليا اكىمشىلىك سالاسى ءۇشىن اناعۇرلىم كوپ ۇزدىك دارىندى باۋلىپ بەرەدى.
1 - ايدىڭ 10 - كۇنى تۇستەن كەيىن ءۇرىمجى كەدەنى اتكەزشىلىككە سوققى بەرۋ مەكەمەسى 2021 - جىلعى ارناۋلى دەلوعا قاتىستى العاباسار ىزگى ىستەردەن بايانداما جاساۋ، ايگىلەۋ قيمىلىن وتكىزىپ، ارناۋلى دەلو بارىسىندا بەينەسى كورنەكتى بولعان حالىق ساقشىلارىن ماراپاتتاپ، بارلىق اتكەزشىلىككە سوققى بەرۋ ساقشىلارىن بۇدان كەيىنگى قىزمەت بارىسىندا تاعى دا تاماشا ناتيجەگە قول جەتكىزىپ، تاعى دا تىڭ ەڭبەك سىڭىرۋگە جىگەرلەندىردى. ءۇرىمجى كەدەنى اتكەزشىلىككە سوققى بەرۋ مەكەمەسى قولباسشىلىق ورتالىعىنىڭ حالىق ساقشىسى جاڭ چياڭ بىلاي دەدى: ”قاسىمىزداعى ۇلگىلەر مەنىڭ العا باسۋداعى قوزعاۋشى كۇشىم، مەن، ءسوزسىز، بورىشتى اقتاپ، وتان قاقپاسىن قورعايتىن ادال جاۋىنگەر بولامىن“.
جۋىقتا شينجياڭ شەكارادان كىرىپ - شىعۋ شەكارا قورعانىس تەكسەرۋ باس پۋنكتىنىڭ ورگانى سالتاناتتى تۇردە مەملەكەت تۋىن شىعارۋ، سەرت بەرۋ، دارەجە بەرۋ جانە كيىم بەرۋ سالتى سياقتى جەلىلەس قۇتتىقتاۋ قيمىلدارىن وتكىزدى. 1 - ايدىڭ 10 - كۇنى باس پۋنكت ورگانىنىڭ ءارقايسى ياچەيكالارى تاعى نەگىزگى تاقىرىپتىق پارتيا كۇنى ”مەن ساقشى تۋىمەن بىرگە سۋرەتكە تۇسەمىن“ سياقتى قيمىلدار وتكىزىپ، قالىڭ حالىق ساقشىلارىنىڭ مويىماس تاباندىلىقپەن العا باسۋ، قاجىرلىلىقپەن ناقتى ىستەۋدەگى، قىزمەت مىندەتتەرىن تولىق تابىسپەن ورىنداۋداعى سەنىمدەرى مەن بەكىمدەرىن ونان ارى قاۋلاتتى.
(ءتىلشى سۇي يۇنيان، قاتىناسقان تىلشىلەر ياۋ تۇڭ، ۋاڭ نا، ياڭ شۋحان، گاۋ شۇي، ەرىكتى ءتىلشى جۇي گۋاڭۋي، حوۋ ياشين، لي كاڭچياڭ)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
