بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ يندونەزيانىڭ زۇڭتۇڭى جوكومەن تەلەفوندا سويلەستى

2022.01.13 08:59     كەلۋ قاينارى : حالىق تورابى

  شينحۋا اگەنتتىگى، 1 - ايدىڭ 11 - كۇنى، بەيجيڭ. مەملەكەت ءتوراعاسى شي جينپيڭ 1 - ايدىڭ 11 - كۇنى يندونەزيانىڭ زۇڭتۇڭى جوكومەن تەلەفوندا سويلەستى.

  شي جينپيڭ بىلاي دەپ اتاپ كورسەتتى: بىلتىردان بەرى جۇڭگو - يندونەزيا قاتىناسى جاڭا تيپتى ايدارشا ۆيرۋس وكپە قابىنۋ ىندەتى جاعدايىندا قيىنشىلىقتى جەڭە ىلگەرىلەپ، ورنىقتىلىق بارىسىندا ىلگەرىلەدى. ەكى ەل جوعارى دارەجەلى پىكىرلەسۋ، سەلبەسۋ مەحانيزمىن ىسكە قوسىپ، ساياسي، ەكونوميكا، گۋمانيتارلىق، تەڭىز جاقتارىنداعى «4 قوزعاۋشى كۇشتىڭ» جەبەۋىندە، ەكى جاقتى سەلبەستىكتىڭ جاڭا جاعدايىن قالىپتاستىردى. جۇڭگو مەن يندونەزيا − وركەندەپ كەلە جاتقان ءىرى ەلدەر، مەملەكەتتىڭ دامۋىن، حالىقتىڭ باقىتىن كوزدەۋ جولىندا جۇڭگو مەن يندونەزيا مۇراتتاس. عاسىر وزگەرىسى مەن 100 جىلدىق ىندەت الدىندا ەكى جاق تاعدىرلاس ورتاق تۇلعا قۇرۋعا قۇلشىنۋى كەرەك. وسى نىسانانى جۇزەگە اسىرۋدىڭ تەتىگى ناقتى ىستەردى ويداعىداي ىستەۋدە.

  شي جينپيڭ بىلاي دەپ دارىپتەدى: ەكى جاق ىندەتكە بىرگە قارسى اتتانىپ، دەنساۋلىق ساقتاۋ، سالاماتتىق سەلبەستىگىنىڭ ۇلگىسىن قالىپتاستىرۋى كەرەك. جۇڭگو يندونەزيامەن تۇتاس كاسىپ تىزبەگىندەگى ۆاكسينا سەلبەستىگىن جانە ءدارى - دارمەك زەرتتەۋ - اشۋدى ۇزدىكسىز ورىستەتىپ، يندونەزيانىڭ وڭىرلىك ۆاكسينا ءوندىرۋ ورتالىعىن قۇرۋىنا دەم بەرىپ، ىندەتكە قول ۇستاسا قارسى اتتانۋ نەگىزىندە دۇنيە جۇزىلىك الەۋمەتتىك دەنساۋلىق ساقتاۋدى جونگە سالۋدى كەمەلدەندىرۋدى ىلگەرىلەتىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرادى. ەكى جاق بىرگە دامىپ، ناقتى سەلبەستىك ۇلگىسىن ورناتۋى كەرەك. «ءبىر بەلدەۋ، ءبىر جولدى» بىرگە قۇرۋدى جۇڭگونىڭ جاڭا دامۋ جاعدايىن قالىپتاستىرۋىمەن، يندونەزيانىڭ مەملەكەتتىڭ ورتا، ۇزاق مەرزىمدىك دامۋ جوباسىمەن ۇشتاستىرىپ، سوڭعى ىندەت مەزگىلىندەگى سەلبەستىكتى ءبىر تۇتاس ىلگەرىلەتىپ، جاكارتا - باندۇڭ جوعارى قارقىندىق تەمىر جولىن جوعارى ساپامەن قۇرىپ، «وڭىرلىك جالپىلىق ەكونوميكالىق ءدالىز»، «ەكى ەلدىڭ قوس ونەركاسىپ باقشا رايونى» سياقتى ءتۇيىندى نىسانداردى ويداعىداي اتقارىپ، جاڭا ەنەرگيا، تومەن كومىرتەكتى، سيفرلى ەكونوميكا، تەڭىزدەگى سەلبەستىك سياقتى جاڭا ارتۋ تۇيىندەرىن جەتىلدىرۋ كەرەك. يندونەزيانىڭ دامۋىن جەبەۋگە، جۇڭگو مەن يندونەزيانىڭ سەلبەستىگىن تەرەڭدەتۋگە ءتيىمدى بولسا بولعانى، جۇڭگو بۇعان بەلسەنە ات سالىسىپ، بار كۇشپەن كىرىسەدى.
شي جينپيڭ بىلاي دەپ دارىپتەدى: جۇڭگو يندونەزيانىڭ وڭىرلىك جانە حالىقارالىق ىستەردەگى رولىنا ايرىقشا ءمان بەرەدى، يندونەزيامەن بىرگە وتكەن جىلعى جۇڭگو - شىعىس وڭتۇستىك ازيا ەلدەرى وداعى باسشىلار باس قوسۋىنىڭ ورتاق تانىمىن ويداعىداي تياناقتاندىرىپ، وڭىرلىك ەكونوميكانىڭ قالپىنا كەلۋىن جەبەپ، ءوڭىردىڭ بەيبىتشىلىگى مەن ورنىقتىلىعىن قورعاۋعا پەيىل. جۇڭگو مەن يندونەزيا بيىل جەكە - جەكە بريكس ەلدەرىنىڭ ءتوراعا ەلى جانە 20 ەل توبىنىڭ ءتوراعا ەلى مىندەتىن اتقارادى. جۇڭگو يندونەزيامەن بىرگە ناعىز كوپ جاقتىلىقتى امالياتتا ايگىلەپ، دۇنيە جۇزىلىك دامۋ باستاماسىن بەلسەنە تياناقتاندىرىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ مۇددەسىن قورعاپ، دۇنيە ءجۇزى ەكونوميكاسىنىڭ قالپىنا كەلىپ دامۋىن جەبەۋگە، دۇنيە جۇزىلىك ەكونوميكانى جونگە سالۋدى كەمەلدەندىرۋگە ۇلەس قوسۋعا پەيىل.

  جوكو مىنانى ءبىلدىردى: مەن جۇڭگو كوممۋنيستىك پارتياسى 19 - كەزەكتى ورتالىق كوميتەتى التىنشى جالپى ءماجىلىسىنىڭ ءساتتى اشىلعانىن قۇتتىقتايمىن، باس شۋجي شي جينپيڭنىڭ باسشىلىعىندا، جۇڭگو حالقىنىڭ ۇزدىكسىز تىڭ دا شۇعىلالى تابىستار جاراتاتىنىنا سەنەمىن. وتكەن جىلى يندونەزيا مەن جۇڭگونىڭ ەكى جاقتى ساۋدا قارجىسى جەدەل ارتىپ، دەنساۋلىق ساقتاۋ، ەمدەۋ سەلبەستىگى، اسىرەسە، ۆاكسينا ءوندىرىسى مەن ءدارى - دارمەكتى زەرتتەۋ - اشۋ سەلبەستىگىنىڭ ناتيجەسى كورنەكتى بولدى، يندونەزيانىڭ %80 ۆاكسيناسى جۇڭگودان كەلدى. جاكارتا - باندۇڭ تەمىر جولى قۇرىلىسىنىڭ اياق الىسى ءساتتى بولدى، ۋاعىندا سالىنىپ، پويەز قاتىناۋىنان ءۇمىت بار. يندونەزيا مەن جۇڭگونىڭ تاماشا قاتىناسى ءوزارا قۇرمەت ەتۋدى، سەلبەسىپ تەڭ يگىلىككە كەنەلۋدى نەگىز ەتەدى. يندونەزيا جۇڭگومەن ەكونوميكا - ساۋدا، ىندەتكە قارسى اتتانۋ سياقتى سالالارداعى سەلبەستىكتى كۇشەيتىپ، «ءبىر بەلدەۋ، ءبىر جولدى» بىرگە قۇرۋدى بەلسەنە ىلگەرىلەتىپ، «وڭىرلىك جالپىلىق ەكونوميكالىق ءدالىز» بەن «ەكى ەلدىڭ قوس ونەركاسىپ باقشا رايونىن» ويداعىداي قۇرۋعا پەيىل، جۇڭگو كاسىپورىندارىنىڭ يندونەزياعا بارىپ قارجى قوسىپ، جوعارى تەحنيكا، جاسىل تۇرمىس سياقتى سالالارداعى سەلبەستىكتى ورىستەتۋىن قارسى الامىز. بيىل 20 ەل توبىنىڭ ءتوراعا ەلى رەتىندە يندونەزيا جۇڭگومەن تىعىز سەلبەسىپ، 20 ەل توبىنىڭ حالىقارالىق قوعامنىڭ ىنتىماعى مەن دۇنيە ءجۇزى ەكونوميكاسىنىڭ قالپىنا كەلۋىن جەبەۋدە بەلسەندى رول اتقارۋىن قالايدى. جۇڭگو حالقىنىڭ كوكتەم مەرەكەسى قۇتتى بولسىن! بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ تابىستى بولۋىن تىلەيمىن!

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار