مەملەكەتتىك كەڭەستىڭ وقۋ – اعارتۋ سالاسىنا قۋزاۋ سالۋ - جەتەكشىلىك ەتۋ كەڭسەسى: جەر – جەر مىندەتتى وقۋ – اعارتۋ كەزەڭىندەگى وقىتۋشىلاردىڭ ەڭبەكاقىسى «تومەن بولماۋ» ساياساتىن ۇزدىكسىز تياناقتاندىرۋى كەرەك
2022.01.13 13:09 كەلۋ قاينارى : حالىق تورابى
حالىق تورابىنىڭ ءتىلشىسى لي يحۋان 1 – ايدىڭ 11 – كۇنى بەيجيڭنەن حابارلايدى. جۋىردا مەملەكەتتىك كەڭەستىڭ وقۋ – اعارتۋ سالاسىنا قۋزاۋ سالۋ -جەتەكشىلىك ەتۋ كەڭسەسى ءارقايسى ولكەگە (قالا، اۆتونوميالى رايون) ەسكەرتۋ حاتىن جىبەرىپ، جەر – جەردەن مىندەتتى وقۋ – اعارتۋ كەزەڭىندەگى وقىتۋشىلاردىڭ ەڭبەكاقىسىنىڭ سول جەردەگى مەملەكەت قىزمەتكەرلەرىنىڭ ورتاشا ەڭبەكاقى ورەسىنەن تومەن بولماۋىن (قىسقارتىلىپ «تومەن بولماۋ» دەپ اتالادى) تياناقتاندىرۋ قىزمەتىن شىنايى، ويداعىداي ىستەۋدى، 2021 – جىلعى جىل سوڭىنداعى سيلىق سيپاتىنداعى قوسىمشا قاراجاتتى جانە 2022 – جىلعى قازىنالىق مەجە ەسەپتى تاراتقان كەزدە، «تومەن بولماۋ» ساياساتىن ۇزدىكسىز تىڭعىلىقتى تياناقتاندىرۋدى تالاپ ەتكەن.
ەسكەرتۋ حاتىندا مىناداي ءۇش ءتۇرلى تالاپ ايقىن ورتاعا قويىلعان: ءبىرىنشى، مىندەتتى وقۋ – اعارتۋ كەزەڭىندەگى وقىتۋشىلاردىڭ ەڭبەكاقىسىن ۇكىمەتتىڭ ءسوزسىز كەپىلدىك ەتەتىن شىعىمدارىنىڭ كولەمىنە ەنگىزۋ كەرەك. جەر – جەر ولكە دارەجەلى ورىننىڭ ءبىرتۇتاس جوسپارلاۋىن كۇشەيتىپ، مىندەتتى وقۋ – اعارتۋ كەزەڭىندەگى وقىتۋشىلارعا باعىتتالعان مامىلەلىك قامقورلىقتى قامتاماسىزداندىرۋ ۇزاق مەرزىمدى مەحانيزمىن جانە ەڭبەكاقىسىن سول جەردەگى مەملەكەت قىزمەتكەرلەرىنە جاسالاتىن مامىلەگە ساي بىرگە رەتتەپ وتىرۋ مەحانيزمىن تىڭعىلىقتى تياناقتاندىرۋعا كەپىلدىك ەتۋى، «تومەن بولماۋدى» ۇزدىكسىز ىسكە اسىرىپ وتىرۋى قاجەت.
ەكىنشى، حالىق رايىن قابىلداۋ ارنالارىن ىركىلىسسىزدەندىرۋ قاجەت. ولكە، قالا، اۋدان سىندى ءۇش دارەجەلى ۇكىمەت تۇگەلدەي وقىتۋشىلاردىڭ شاعىمدانۋ، اشكەرەلەۋ ارنالارىن ورناتۋى ءارى كەمەلدەندىرۋى، وقىتۋشىلارعا ساياساتتى ۇعىساتىن ارنالار اشۋى، ۇيلەسىمدى شاعىمدانۋ تەكشەلەرىن ورناتۋى، تۇسىنبەستىكتى جويۋىنا وراي جاراتۋى كەرەك. وتە – موتە، 2021 – جىلدىڭ سوڭىندا مەملەكەت قىزمەتكەرلەرى مەن وقىتۋشىلارعا سيلىق سيپاتىنداعى قوسىمشا قاراجاتتى تاراتقان كەزدە، ساياسات جونىندە پىكىرلەسۋدى كۇشەيتىپ، ءتۇسىندىرۋ قىزمەتىن ناقتى، ەگجەي – تەگجەيلى، تىڭعىلىقتى ىستەۋ قاجەت.
ءۇشىنشى، باقىلاۋ مەن جەتەكشىلىك ەتۋدى، تەكسەرۋدى كۇشەيتۋ قاجەت. ءارقايسى ولكەلەر باقىلاۋ مەن تەكسەرۋدى كۇشەيتۋى، «تومەن بولماۋ» ساياساتىن ىسكە اسىرماعان نەمەسە مىندەتتى وقۋ – اعارتۋ كەزەڭىندەگى وقىتۋشىلاردىڭ ەڭبەكاقىسى مەن مامىلەلىك قامقورلىق تۇرلەرىن ىسكە اسىرماعان اۋداندارعا (قالا، رايون) «وقۋ – اعارتۋ سالاسىنداعى قۋزاۋ سالۋ، جەتەكشىلىك ەتۋ، جاۋاپكەرشىلىك قۋزاستىرۋ ءادىسىن» قاتاڭ اتقارۋى، قاتىستى جاۋاپتى ادامداردىڭ جاۋاپكەرشىلىگىن قۋزاستىرۋى كەرەك.
ءتىلشىنىڭ ۇعىسۋىنشا، جۋىرداعى جىلداردان بەرى، جەر – جەر مىندەتتى وقۋ – اعارتۋ كەزەڭىندەگى وقىتۋشىلاردىڭ ەڭبەكاقىسى مەن مامىلەلىك قامقورلىق تۇرلەرىن زاڭ بويىنشا قامتاماسىزداندىرىپ، مىندەتتى وقۋ – اعارتۋ كەزەڭىندەگى وقىتۋشىلاردىڭ ورتاشا ەڭبەكاقى ورەسىنىڭ سول جەردەگى مەملەكەت قىزمەتكەرلەرىنىڭ ەڭبەكاقىسىنىڭ ورتاشا ورەسىنەن تومەن بولماۋىنا كەپىلدىك ەتكەن. مەملەكەتتىك كەڭەستىڭ وقۋ – اعارتۋ سالاسىنا قۋزاۋ سالۋ - جەتەكشىلىك ەتۋ كەڭسەسىنىڭ جاۋاپتىسىنىڭ وسىنىڭ الدىندا تانىستىرۋىنشا، جەر – جەر ەكى ءىرى مەحانيزمدى ورناتا باستاعان: ونىڭ ءبىرى، مىندەتتى وقۋ – اعارتۋ كەزەڭىندەگى وقىتۋشىلاردىڭ ەڭبەكاقىسىنا جۇمسالاتىن قاراجاتقا كەپىلدىك ەتۋ ۇزاق مەرزىمدى مەحانيزمى، ەندى ءبىرى، مىندەتتى وقۋ – اعارتۋ كەزەڭىندەگى وقىتۋشىلاردىڭ كىرىسىنىڭ سول جەردەگى مەملەكەت قىزمەتكەرلەرىنە جاسالاتىن مامىلەگە ساي بىرگە رەتتەپ وتىراتىن مەحانيزم.
ۇعىسۋعا قاراعاندا، 2022 – جىلى مەملەكەتتىك كەڭەستىڭ وقۋ – اعارتۋ سالاسىنا قۋزاۋ سالۋ – جەتەكشىلىك ەتۋ كەڭسەسى جەر – جەردىڭ مىندەتتى وقۋ – اعارتۋ كەزەڭىندەگى وقىتۋشىلاردىڭ ەڭبەكاقىسى «تومەن بولماۋدى» تياناقتاندىرۋ جاعدايىنا ءجىتى نازار اۋدارىپ وتىرادى، ويداعىداي تياناقتاندىرماعان جەرلەرگە بەلگى سالىپ قۋزاۋ سالىپ – جەتەكشىلىك ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
