ەل ىشىندەگى ەڭ تەرەڭ جوعارى جىلدامدىقتى تاس جولدىڭ تىك قۇدىعىن سىناق رەتىندە قازۋ ءساتتى بولدى
2022.01.13 15:38 كەلۋ قاينارى : شينجياڭ گازەتى
انار بۇلت/ شينجياڭ گازەتىنىڭ ءتىلشىسى لۋ فىڭباۋ، ەرىكتى ءتىلشى لۋ زىجيان 1 - ايدىڭ 11 - كۇنى حىجيڭنان حابارلايدى. 1 - ايدىڭ 10 - كۇنى G0711 ۇرىمجىدەن لوپنۇرعا دەيىنگى جوعارى جىلدامدىقتى تاس جولدىڭ تيانشان جەڭىس تۋنەلىنىڭ 2 - ءنومىرلى تىك قۇدىعىنىڭ تىك باعىتتا قاتتى جىنىستى قازۋ ماشيناسى (TBM) 1.2 مەتر قازىپ، وسى ەل ىشىندەگى ەڭ تەرەڭ جوعارى جىلدامدىقتى تاس جول تۋنەلىنىڭ تىك قۇدىعىن سىناق رەتىندە قازۋدىڭ ءساتتى بولعاندىعىن كورسەتتى.
سول كۇنى تۇستەن كەيىن ءتىلشى قۇرىلىس ورنىنان تىك باعىتتاعى TBMنىڭ قازۋىنا ىلەسە، قۇرىلىسشىلار تىك باعىتتاعى TBM جانە سايكەستى جابدىقتارىنىڭ جۇمىس جۇرگىزۋ جاعدايىن تەكسەرىپ جاتقانىن كوردى. ”تىك باعىتتاعى TBMجانە سايكەستى جابدىقتارىنىڭ جۇمىس جۇرگىزۋى قالىپتى، سىناق رەتىندە قازۋ تابىستى بولدى“، - دەدى جۇڭگو قاتىناس قۇرىلىسى توبى شينجياڭ ءۇرىمجى - لوپنۇر تاس جولىنىڭ كوتەرمەگە الىنعان نىسانىنىڭ قۇرىلىس جۇمىستارى 5 - مەردىگەرلىك بولىگىندەگى 2 - ءنومىرلى تىك قۇدىعى قۇرىلىس اۋماعىنىڭ جاۋاپتىسى يۇي رۇيبين.
تيانشان جەڭىس تۋنەلىنىڭ جالپى ۇزىندىعى 22.1 كيلومەتر، قازىرگى ەل ىشىندە سالىنىپ جاتقان ەڭ ۇزىن جوعارى جىلدامدىقتى تاس جول تۋنەلى، تۋنەل ”3 ۇڭگىر + 4 تىك قۇدىق“ قۇرىلىس جۇرگىزۋ ءادىسى بويىنشا قۇرىلىس جۇرگىزەدى. 4 تىك قۇدىقتىڭ ىشىندەگى 2 - ءنومىرلى تىك قۇدىق 1 - ءنومىرلى، 2 - ءنومىرلى ەكى قۇدىققا بولىنەدى، تۋنەلدىڭ وڭ، سول ەكى جاعىنداعى ۇڭگىرمەن سايكەس كەلەدى. تىك قۇدىقتىڭ ەڭ تەرەڭ جەرى 702 مەترگە جەتەدى، 250 نەشە قابات عيماراتپەن قارايلاس، قازىرگى ەل ىشىندەگى ەڭ تەرەڭ جوعارى جىلدامدىقتى تاس جول تىك قۇدىعى بولىپ تابىلادى.
قۇرىلىس اياق الىسىن جەدەلدەتۋ ءۇشىن، 2021 - جىلى قۇرىلىسشىلار تىك باعىتتاعى TBM بويىنشا قۇرىلىس جۇرگىزۋگە كىرىستى، بۇل قازۋ ماشيناسىن تىگىنەن تۇرعىزىپ تومەن قاراي قازۋمەن بىردەي. ”جۇمىس ونىمدىلىگى جونىنەن الىپ قاراعاندا، تىك باعىتتاعى TBM نىڭ قۇرىلىس ونىمدىلىگى ءداستۇرلى بۇرعىلاپ قوپارۋعا قاراعاندا ءبىر ەسە جوعارى“، - دەدى يۇي رۇيبين.
مۇنداي تىك باعىتتاعى TBM ءداستۇرلى بۇرعىلاپ قوپارۋداعى تاۋ جىنىستارىنىڭ بوساپ قوپسۋىنان ساقتانۋعا بولادى، سونداي - اق جۇمىسكەرلەردى سۇركەيلى جاراتىلىستىق ورتادان قۇتىلدىرىپ، قۇدىق ءىشىن قازۋ بارىسىندا ادامسىز جۇمىس جۇرگىزۋدى جۇزەگە اسىردى. قازۋ بارىسىندا قيىرشىق تاستار لاي سۋ اينالىس جۇيەسى ارقىلى سىرتقا شىعارىلىپ، ءداستۇرلى جابدىقتاردىڭ قالدىقتاردى شىعارىپ، شاڭىن بۇرقىلداتۋىنىڭ جاراتىلىستىق ورتانىڭ لاستانۋىن تۋدىرۋىنان ساقتايدى.
”قازىر سىناق رەتىندە قازۋ مەزگىلىندە، 3 - ايدا كۇن جىلىنعاننان كەيىن، ءبىز رەسمي تۇردە قازۋدى باستايمىز، وسى جىل ىشىندە 2 - ءنومىرلى تىك قۇدىقتىڭ 1 - ءنومىرلى قۇدىعىنىڭ قۇرىلىس جۇمىسىن اياقتاتۋعا كۇش سالامىز“، - دەدى يۇي رۇيبين.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
