بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

بايابان شولدەگى اياداي قىستاقتار تىڭ تاراۋ جازدى

− شينجياڭنىڭ اۋىل - قىستاقتى گۇلدەندىرۋىنىڭ تىڭ تىنىسىنا قۇلاق تۇرگەندە

□ شينحۋا اگەنتتىگىنىڭ تىلشىلەرى گۋ يۇي، شيۇڭ سۇڭرۋ، شۇي شىڭ

2022.01.13 15:40     كەلۋ قاينارى : شينجياڭ گازەتى


  2021 - جىلى 11 - ايدىڭ 9 - كۇنى تۇسىرىلگەن شينجياڭ كەريا اۋدانى داريابويى اۋىلى شينسۇن قىستاعىنىڭ ءبىر شەتى (ۇشقىش اپپاراتپەن تۇسىرىلگەن سۋرەت).

  □ سۋرەتتى شينحۋا اگەنتتىگىنىڭ ءتىلشىسى شيۇڭ سۇڭرۋ تۇسىرگەن

  ”ءۇيىم سارايداي جارقىراپ تۇرماسا دا، وزىمە كوپ كوڭىلدىلىك سيلادى ...“ شينجياڭنىڭ حوتانىنداعى كىشكەنتاي قىز ايزىبا ابليميت بيىل 12 جاستا، ول جازعان ماقالاسىندا ءۇيىن كەڭ ءارى جارىق، جانعا جايلى ەتىپ سۋرەتتەدى.

  كۇنلۇن تاۋى اسپانعا بوي سوزىپ، قۇمدى القاپ ۇزىنا كوسىلىپ جاتىر. شينجياڭنىڭ وڭتۇستىگىندەگى تاكلاماكان شولىمەن جاپسارلاسىپ جاتقان اۋىل - قىستاقتار ىلگەرىدە كەدەيلىك جايلاپ، بۇكىل ەلدەگى اۋىر كەدەي ءوڭىر ەسەپتەلەتىن. ىنتىماقتاسا العا باسقان ءار ۇلت بۇقاراسى اسقار تاۋ، قۇمدى القاپتى باعىندىرىپ، 2020 - جىلى 11 - ايدا شينجياڭ مۇلدەم كەدەيلىكتى تاريحي سيپاتتى جويىپ، كەدەيلىكتەن ارىلتۋدان قامال الۋدىڭ تولىق ساپالى جاۋاپناماسىن تاپسىردى.

  كەدەيلىك قالپاعىن الىپ تاستاۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. اۋىل - قىستاقتى گۇلدەندىرۋدىڭ جاڭا جورىعىندا شينجياڭ گۇلدەندىرۋ نەگىزىن ۇزدىكسىز بەكەمدەپ، نەگىزدىك قۇرىلعىداعى، الەۋمەتتىك قىزمەت وتەۋدەگى ولقىلىقتاردى تولىقتاپ، ىشكى ءمانىن كۇشەيتتى؛ گۇلدەندىرۋ جولىن قاراستىرىپ، اۋىل - قىستاق كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىردى؛ گۇلدەندىرۋ كارتيناسىن كەسكىندەپ، تاماشا تۇرمىسقا قادام تاستادى... بايابان شولدەگى اياداي قىستاقتار دا تاماشا تۇرمىستىڭ تىڭ تاراۋىن جازۋدا.

  گۇلدەندىرۋ نەگىزىن بەكەمدەپ، قايتا كەدەيلەسپەۋدىڭ تومەنگى شەگىن ساقتادى

  مىڭ جىلدىق جاپا - ماشاقاتقا قوش ايتتى، كەدەيلىكتەن ارىلتۋدان قامال الۋدىڭ جەتىستىگى وڭاي - وسپاق قولعا كەلگەن جوق، قايتا كەدەيلەسپەۋ تومەنگى شەك.

  − تومەنگى شەكتى بەرىك ساقتاۋ قايتا كەدەيلەسۋدەن ساقتانۋ مەحانيزمىنىڭ ناقتى ونىمدىلىك كورسەتۋىنىڭ ارقاسىندا بولدى.

  2021 - جىلدىڭ باسىندا شينجياڭ كەريا اۋدانى لاڭگار اۋىلى يولا ارىش قىستاعىنىڭ تۇرعىنى ءماتسايدى وبۇلاسەن توسىن سالماقتى ناۋقاسقا شالدىعىپ، اۋرۋ كورسەتۋگە قىرۋار اقشا جۇمسايدى، ەمدەۋدى قامسىزداندىرۋ ساياساتى ءبىر تالايىن كوتەرسە دە، وتباسىنىڭ ”تىرەگى“ بولعان ول اۋرۋ سەبەبىنەن جۇمىس ىستەي الماعاندىقتان، ەندى عانا كەدەيلىكتەن ارىلعان وتباسى قيىنشىلىق قىسپاعىنا قايتا تۇسەدى.

  ”ساياساتتىڭ كومەكتەسۋى - سۇيەمەلدەۋى بولماعاندا، بىلتىر نە ىستەرىمدى بىلمەي قالعان ەدىم“، - دەدى ءماتسايدى.

  شەشۋشى ساتتە قايتا كەدەيلەسۋدەن ساقتاندىرۋ مەحانيزمى رولىن ساۋلەلەندىردى. ۇدايى 3 اي كىرىسى ولشەمگە جەتپەي قالعاندا، قىستاق كادرلارى دەر كەزىندە ونىڭ وتباسىنا كەلىپ، قوسىمشا قاراجات ءوتىنىش ەتىپ، قۇتقارۋ كومەك قاراجاتىن بەرىپ، قيىنشىلىقتارىن شەشتى. ”15 مىڭ يۋان قۇتقارۋ كومەك قاراجاتىنىڭ ارقاسىندا مەنىڭ ناۋقاس كورسەتۋ اۋىرتپالىعىم جەڭىلدەپ، وتباسىمنىڭ قيىنشىلىعىن جەڭىلدەتتى“، - دەدى ءماتسايدى قۋانا.

  بۇل شينجياڭنىڭ قايتا كەدەيلەسۋدەن ساقتانۋدى قاداعالاۋ، ساقتاندىرۋ جانە كومەكتەسۋ - سۇيەمەلدەۋ مەحانيزمىنىڭ ءبىر جولعى ءساتتى امالياتى. اۆتونوميالى رايوننىڭ ءبىر تۇتاس ورنالاستىرۋىنا ساي، شينجياڭدا جەر - جەر قايتا كەدەيلەسۋدەن ساقتانۋدىڭ يكەمدى باسقارۋ جانە كومەكتەسۋ - سۇيەمەلدەۋ مەحانيزمىنە قاتىستى شارالاردى جولعا قويىپ، اتقارىپ، كەدەيلىكتەن ارىلۋى تۇراقسىز وتباسىلاردى، كەدەيلەسۋ جيەگىندە تۇرعان وتباسىلاردى جانە تۇتقيىلدان اۋىر قيىنشىلىققا ۇشىراعان وتباسىلاردى قاداعالاۋ، كومەكتەسۋ - سۇيەمەلدەۋدى ءتۇيىندى كۇشەيتىپ، قايتا كەدەيلەسۋدەن ساقتانۋدىڭ تومەنگى شەگىن بەكەمدەدى.

  − تومەنگى شەكتى بەرىك ساقتاۋ اۋىل - قىستاق نەگىزدىك قۇرىلعىلارىن بارىنشا جاقسارتۋدىڭ ارقاسىندا بولدى.

  وتكەن كۇندەردى ەستەن شىعارماۋ ءۇشىن، ايزىبانىڭ اكەسى ابليميت نامىتوللا وزدىگىنەن ”شارۋالار مۇراجايىن“ سالدى، وعان قويىلعان كونە اۋىل شارۋاشىلىق قۇرالدارى، اعاشتان جاسالعان دوڭگەلەك، تۇرمىس بۇيىمدارى ونىڭ قازىرگى باردام ۇيىمەن ايقىن پارىق قالىپتاستىردى.

  ابليميتتىڭ اكەسى وعان وتكەندەگى كەدەيلىك جايلاعان كۇندەردى ەستەن شىعارماۋدى، قاقاعان اياز ايلارى ەڭ جاپالى بولىپ، بالشىقتان سالىنعان ءۇيدىڭ بۇرىش - بۇرىشىنان جەل گۋلەپ، بەتى - قول قىزارىپ دومبىعىپ، بۇكىل ۇيدەگىلەر ساكىنىڭ ۇستىندە ۇيلىعىپ وتىراتىندىعىن ايتتى.

  بۇگىنگى كۇندە حالىقتى بايىتۋ بويىنشا سالىنعان بەيقۇت ۇيلەر كەڭ دە جارىق، توك پار جىلى ءارى ورتانى لاستامايدى، اۋلاعا ءتۇرلى كوكونىس، جەمىس اعاشتارى ەگىلگەن، قورالار تاۋىقتار مەن قويلارعا تولعان. ”قازىر قىستاقتا اسفالت جول جاتقىزىلىپ، ساياحاتشىلار بارعان سايىن كوبەيدى“، - دەدى ابليميت، - ”بۇرىن ويلاۋعا دا باتىلدىق ەتە المايتىن ’شارۋالار مۇراجايى‘ دا سالىندى!“.

  الىسقا كوز جىبەرسەڭىز، تاكلاماكان ءشولىن وراپ جاتقان تەمىر جولدا كوپ وتپەي تۇتاس لەنيا بويىنشا پويەز قاتىنايدى، وڭتۇستىك شينجياڭ تابيعي گاز ارقىلى حالىققا يگىلىك جەتكىزۋ ينجەنەرياسى ءساتتى جۇرىلۋدە، نەشە ميلليونداعان وتباسى وتىن تەرەتىن كۇندەرگە قوش ايتىستى... ساپارعا شىعۋ قيىن بولۋ، توك ىستەتۋ قيىن بولۋ، سۋ ءىشۋ قيىن بولۋ، حابارلاسۋ قيىن بولۋ سياقتى كەدەي وڭىرلەردىڭ دامۋىنا ۇزاق ۋاقىت بويى تۇساۋ بولىپ كەلگەن وسال تۇستار ءبىر - بىرلەپ شەشىلدى.

  − تومەنگى شەكتى بەرىك ساقتاۋ الەۋمەتتىك قىزمەت وتەۋ دەڭگەيىنىڭ كورنەكتى جوعارىلاۋىنىڭ ارقاسىندا بولدى.

  ءاربىر اۋىل - قالاشىققا بارساڭىز، باستاۋىش مەكتەپ بالالارىنىڭ داۋىستاپ كىتاپ وقىپ وتىرعان ءۇنىن، اۋىل - قىستاقتىڭ كەدەيلەردى سۇيەمەلدەۋ سەحىندا ماشينالاردىڭ گۇرىلدەپ جۇمىس ىستەپ جاتقان ءۇنىن، ءار ۇلت بۇقاراسىنىڭ وتباسىنان شىققان شاتتىق ءۇنىن ۇنەمى ەستيسىز...

  بۇل ۇندەردىڭ استارىندا شينجياڭداعى جەر - جەردىڭ وقۋ - اعارتۋ، ەمدەۋ، مادەنيەت، قوعامدىق قامتاماسىزداندىرۋ سياقتى الەۋمەتتىك قىزمەت وتەۋ دەڭگەيىنىڭ زور مولشەردە جوعارىلاعاندىعى بەينەلەنىپ تۇر.

  ”مەكتەپ، شيپاحانا، زاۆود سياقتىلاردىڭ ءبارى ەسىك الدىمىزدان سالىندى“. شينجياڭ ياركەن اۋدانى شاراك قالاشىعىنىڭ تۇرعىنى الاحان تۇرسۇن بىلاي دەدى: بالام قالاشىقتا وقيدى، كۇيەۋىم دە قالاشىقتا جۇمىس ىستەيدى، وتباسىمىزدىڭ كىرىسى ورنىقتى، باقىتتىمىز. شاراك قالاشىعىندا قازىر 200دەن استام وتباسىنداعى بۇقارا ءۇيىنىڭ قاسىندا جۇمىستانىپ، كىرىسىن ارتتىرۋدى جۇزەگە اسىرىپتى.

  كۇنلۇن تاۋى كوككە بوي سوزىپ تۇر، دەسە دە تاۋدىڭ ءىشى - سىرتى باسقاشا تۇسكە ەندى. 10 ميلليونداعان ءار ۇلت بۇقاراسى كەدەيلىكتەن ارىلىپ، كەدەيلىكتەن ارىلۋدىڭ جەتىستىكتەرىن بەكەمدەپ، اۋىل - قىستاقتى گۇلدەندىرۋ جولىندا ارشىندى قاداممەن العا تارتۋدا.

  گۇلدەندىرۋ جولىن قاراستىرىپ، ەرەكشە كاسىپ سالاسىنىڭ دارەجەسىن جوعارىلاتتى

  ”بىلتىر وتباسىمنىڭ 16 مۋ جەرىنە ەككەن جاڭعاقتان تاعى دا مول ءونىم الدىم، ساتىپ الۋ باعاسىنان مۇلدە الاڭدامايمىن“، - دەدى ”جۇڭگونىڭ جاڭعاق مەكەنى“ اتانعان شينجياڭ قاشقارىنىڭ قاعىلىق اۋدانى جەتىملىقۇم اۋىلىندا تۇراتىن شارۋا تۇرانيسا ابليميت كۇلە سويلەپ.

  وعان جەرگىلىكتى ورىنداعى باستاماشى كاسىپورىن شينجياڭ مەيجيا ازىق - تۇلىك، سۋسىن شەكتى سەرىكتەستىگىنىڭ بەرگەن جاڭعاق زاكازى زور سەنىم سيلاپ وتىر. جاڭعاقتى مانەرلەۋدە شيكىزاتپەن قامداۋمەن بىرگە، ول تاعى سەرىكتەستىكتىڭ قىزمەتكەرى، ”مەن جاڭعاق ەكپەگەن كۇندە دە، ايىنا 2300 يۋان ەڭبەكاقى الامىن“.

  اۋىل - قىستاقتى گۇلدەندىرۋدىڭ تەتىگى − كاسىپ سالاسىن گۇلدەندىرۋ.

  2021 - جىلدان بەرى شينجياڭنىڭ اۋىل - قىستاق كاسىپ سالالارى ساپاسىن جوعارىلاتىپ، دارەجەسىن ءوسىرىپ، وتكەندەگى ءداستۇرلى ەگىمشىلىكتىڭ، باعىمشىلىقتىڭ ورنىن ءبىر توپ جوعارى ساپالى دامىعان ەرەكشە كاسىپ سالالارى باسىپ، وسىزاماندانعان ءوندىرۋ، باسقارۋ بارعان سايىن جالپىلاسىپ، 1 - ، 2 - ، 3 - كاسىپتىڭ توعىسۋى جەدەلدەپ، زورايعان اۋىل - قىستاق كاسىپ سالالارى اۋىل - قىستاقتى گۇلدەندىرۋدىڭ ماڭىزدى تىرەگىنە اينالدى.

  تۇرانيسا تۇرعان قاعىلىق اۋدانىندا 2021 - جىلى جاڭعاق ەگىلگەن جەر اۋدانى 580 مىڭ مۋ بولىپ، جاڭعاقتىڭ جىلدىق ءونىمى 120 مىڭ تونناعا جەتىپ، سول اراداعى ءداستۇرلى جەتەكشى كاسىپ سالاسى، حالىقتى بايىتۋ كاسىپ سالاسى بولدى.

  بۇگىنگى تاڭدا قاعىلىق اۋدانى ”اۋداندا باستاماشى كاسىپورىن بولۋ، اۋىلدا ەگىمشىلىك بازاسى بولۋ، قىستاقتا سەلبەستىك كووپەراتيۆى بولۋ“ سىندى كاسىپ سالاسىن دامىتۋ ارناسىن قالىپتاستىردى، تۇتاس اۋداندا 40تان استام ”اۋىل - قىستاق سەحى“ قۇرىلدى، اۋىل - قىستاقتاعى 3000نان استام ارتىق ەڭبەككۇشتى ەسىك الدىندا جۇمىستاندىرۋعا باۋرادى، شارۋالاردىڭ اقشا قاپشىعى جىلدان - جىلعا قامپايدى.

  جاڭعاقتىڭ حيكاياسى سياقتى اقسۋ الماسى، كورلا المۇرتى، تۇرپان ءجۇزىمى... تارىم ويپاتىن اينالعان جەمىس - جيدەك ەرەكشە ونىمدەرى دە ساپاسىن جوعارىلاتىپ، ونىمدىلىگىن ارتتىردى.

  جاقسى دامىعاندارى 1 - ، 2 - ، 3 - كاسىپكە تۇتاسىپ، ەرەكشە ەگىمشىلىكتى، جىنتىكتەي مانەرلەۋدى، اۋىل - قىستاق ساياحاتىن ءوزارا ۇشتاستىردى. شينجياڭ شونجى اۋدانى ياۋجانزى قىستاعى مىنە مۇنىڭ مىسالى.

  شارۋادان كاسىپورىن ءشي كەسپە سەحىنىڭ مەڭگەرۋشىسىنە اينالعان قىستاق تۇرعىنى ۋاڭ جياكۇي اتا - باباسىنان تارتىپ ءبيداي ەگىپ كەلگەن، ول قازىر سەح ءوندىرىسىنىڭ تۇتاس ءتارتىبىن باقىلاپ - باسقارۋعا جاۋاپتى. ”ايلىق تۇراقتى ەڭبەكاقىم 6000 يۋان، اقشا تاپقاننان بەرى باقىت سەزىمىم جوعارىلادى“، - دەدى ۋاڭ جياكۇي، - بۇل كىرىس قىستاقتاعى سەلبەستىك كووپەراتيۆىنىڭ تابىس ءبولىسىن قامتىمايدى.

  سونىمەن بىرگە ياۋجانزىنىڭ ەگىنشىلىك مادەنيەت، ساياحاتى دا بىرتە - بىرتە دامۋدا. قىستاقتىڭ اسفالت جولدارىندا جۇرسەڭىز، شارۋالاردىڭ ۇيلەرىنىڭ ءىشى - سىرتى تازا دا رەتتى ەكەنىن كورەسىز، قىستاقتىڭ باس جاعىنداعى ەگىنشىلىك مادەنيەت الاڭىندا ءتىزىلىپ تۇرعان ءتۇرلى پىشىندەگى ءشوپ قۋىرشاقتار جەرگىلىكتى ورىننىڭ ەگىنشىلىك مادەنيەتىن تاراتۋمەن بىرگە ساياحاتشىلاردى وسىندا كىدىرۋگە باۋراۋدا.

  ءبيدايدىڭ ۇزارعان كاسىپ سالاسى تىزبەگىنە سۇيەنگەن ياۋجانزى قىستاعى الىس - جاقىنعا اتى ايگىلى باي قىستاققا اينالدى. قازىر وندا 443 وتباسى بار، 2020 - جىلى جان باسىندىق تازا كىرىسى 24 مىڭ 180 يۋانعا جەتتى.

  مال شارۋاشىلىعى شينجياڭنىڭ ءداستۇرلى نەگىزدىك كاسىپ سالاسى جانە باسىمدىققا يە كاسىپ سالاسى، جۋىق جىلداردان بەرى شينجياڭ مال شارۋاشىلىعىنداعى ءىرى وڭىردەن مال شارۋاشىلىعىنداعى قۋاتتى وڭىرگە قادام باسۋدى جەدەل ىلگەرىلەتۋدى ورتاعا قويدى، ءبىر توپ باستاماشى كاسىپورىنداردىڭ باستاماشىلىعىندا كاسىپ سالاسى شوعىرى بىرتىندەپ قالىپتاسىپ كەلەدى.

  ”بوران سوقسا ۇشار تاس، بار الاپقا ءشوپ شىقپاس“، بۇل جۇرتشىلىقتىڭ قۇبا تۇزگە بولعان داعدىلى تۇسىنىگى. الايدا قۇبا تۇزگە قۇرىلعان قاراقاش اۋدانى وسى زامانعى اۋىل شارۋاشىلىعى كاسىپ سالاسى باقشاسىنا بارار بولساڭىز، كوز الدىنداعى كورىنىسكە تاڭ قالار ەدىڭىز − شينجياڭ مەيبيتى ازىق - تۇلىك شەكتى سەرىكتەستىگى كۇنىنە 200 مىڭ ەتتى تاۋىق مانەرلەپ، 140 سۋىق تىزبەكتى زات تاسىمالى اۆتوكولىگى تولىق اينالىمعا تۇسەدى؛ جاقىن ماڭداعى شينجياڭ ۋانفىڭ مال شارۋاشىلىعىن دامىتۋ شەكتى سەرىكتەستىگىنىڭ جىلدىق مانەرلەۋ قۋاتى 3 ميلليون تۇياق سويىس قويىنا جەتىپ، ءوسىرۋ، باعۋ، سويۋ، ساتۋ سىندى تۇتاس كاسىپ سالاسى تىزبەگىن قۇردى.

  ءبىر تۇردەگى كاسىپ سالاسىن گۇلدەندىرىپ، سول وڭىردەگى حالىققا تيىمدىلىك جەتكىزدى.

  كوز الدا ءبىر - بىرلەگەن كاسىپ سالاسى باقشاسى تيانشان الابىندا گۇلدەنە باستاپ، جاشىك - جاشىك ەرەكشە ونىمدەر بۇكىل ەلگە جونەلتىلىپ، ءارقايسى جەردەگى كوركەم كورىنىستەر توڭىرەكتىڭ ءتورت بۇرىشىنداعى ساياحاتشىلاردى ”ءسوزسىز كەلۋگە“ باۋرادى...شينجياڭنىڭ ءارقايسى جەرلەرىنىڭ ءوز جەرىنىڭ ناقتى جاعدايىنا نەگىزدەلە وتىرىپ دامىتقان ەرەكشە كاسىپ سالاسى بىرىككەن كۇش ۇيىستىرىپ، جۇدىرىقتاي جۇمىلىپ، اۋىل - قىستاقتى گۇلدەندىرۋدى بار كۇشپەن دەمەۋدە.

  گۇلدەندىرۋ جوباسىن سىزىپ، بايابان شولدەگى اياداي قىستاقتىڭ ومىرشەڭدىك كۇشىن ايگىلەدى

  شينجياڭ حوتان ايماعى كەريا اۋدانى داريابويى اۋىلى شينسۇن قىستاعى ەندى عانا ”2 جاسقا“ تولدى، قونىس جاڭالاپ كەدەيلەردى سۇيەمەلدەۋ بويىنشا كوشىرۋ ينجەنەرياسى اتقارىلعاننان كەيىن قۇرىلعان جاڭا قىستاق. بۇرىنعى قىستاق اۋدان قالاشىعىنان شالعايدا بولىپ، ءشولدىڭ ىشكى وڭىرىنە 200 كيلومەتردەي سۇعىنىپ جاتقاندىقتان، تاس جول بارماعان، سۋ جەتكىزىلمەگەن، ۇلكەن ەلەكتر تورى تارتىلماعان، ”ەڭ سوڭعى قۇمدى ءشول تايپاسى“ دەپ اتالعان.

  ”كوشىپ شىققاننان كەيىن كونە قىستاقتى قايتۋ كەرەك؟“. جاڭا كوشىرۋ ءتۇيىنى اۋدان قالاشىعىنان نەبارى 90 كيلومەتر قاشىقتىقتا بولعانىمەن، ءدال وسى سۇراق داريابويى اۋىلدىق پارتكومىنىڭ شۋجيى جيا سۇنپىڭنىڭ كوكەيىندە شەشىم تاپپاي ۇزاق ۋاقىت ساقتالدى.

  حالىقتىڭ اقشا قاپشىعىن قامپايتۋ كەرەك، الايدا اقشا قاپشىعىن قامپايتۋمەن عانا توقتاۋعا بولمايدى. كاسىپ سالاسىن گۇلدەندىرۋ، ەكولوگياسى قونىسقا جايلى بولۋ، اۋىل سالتى وركەنيەتتى بولۋ، باسقارۋى ءونىمدى بولۋ، مادەنيەتى گۇلدەنگەن بولۋ − اۋىل - قىستاقتى گۇلدەندىرۋدەگى شەشۋشى ماسەلەلەردىڭ ءبىرى سانالادى.

  ءبىز كونە قىستاقتىڭ اۋەلگى بەينەسىن ساقتاپ قالۋعا بەكىم جاساپ، كونە قىستاقتىڭ تاريحى، مادەنيەتى مەن جاراتىلىستىق كورىنىسىن ەڭ جوعارى شەكتە قورعاپ، قىستاق تۇرعىندارىنىڭ شارباق ءۇيدى كورە الۋىنا، قۇدىقتى كورە الۋىنا، اۋىل ساعىنىشىن ەستە ساقتاۋىنا مۇمكىندىك جاسادىق ءارى مال شارۋاشىلىعى باعىمشىلىعىن جانە ساياحات كاسىبىن ۇيلەسىمدى دامىتتىق، سونىمەن بىرگە جاڭا كوشىرۋ تۇيىنىندە وسى زامانعى ەگىمشىلىكتى، باعىمشىلىقتى جۇرەكتىلىكپەن دامىتتىق“، - دەدى جيا سۇنپىڭ.

  قازىر قىستاقتا ەگىلگەن دايۇن قازىلا باستادى، مال شارۋاشىلىعى باعىمشىلىق سەلبەستىك كووپەراتيۆىندەگى وسىمدەگى قوي 20 مىڭعا جەتتى، ساياحاتپەن اينالىساتىن قاتىستى ديقان - مالشىلار 30 ادامنان استى.

  سونىمەن بىرگە جاڭا كوشىرۋ ءتۇيىنىنىڭ ءتورت توڭىرەگى جاسىل القاپپەن قورشالعان: جاڭادان وتىرعىزىلعان توراڭعى، 2020 - جىلى ەگىلگەن مىڭ مۋعا جۋىق سەكسەۋىل ورمانى يرەلەڭدەپ اعىپ جاتقان كەريا وزەنىمەن بىرگە سارى قۇم تەڭىزىندەگى كوزگە وتتاي باسىلاتىن كوركەم كورىنىسكە اينالدى.

  كەزىندەگى ”قۇمداعى جالعىز قىستاق“ جاسىل دامۋ جولىمەن، ەكولوگياسى جانعا جايلى اۋىل - قىستاقتى گۇلدەندىرۋ جولىمەن ءجۇردى.

  ەكونوميكالىق شارت - جاعداي جەدەل جوعارىلاپ، وعان قوسا ەكولوگياسى جانعا جايلى تۇرمىس شارت - جاعدايى بولعاندىقتان، كوپتەگەن جاستار اۋىل اراسىندا ەگىنشىلىكپەن اينالىسۋدى قۋانىش سانايتىن بولدى.

  31 جاستاعى تۇرسۇنمامۇت يمىن 2019 - جىلى تاۋ قويناۋىنان كوشىپ شىعىپ قاعىلىق اۋدانى اقتاش قالاشىعىنا كەلدى، كەزىندە مالشى بولعان ول كوكونىس ەگۋ تەحنيكاسىن ۇيرەنە باستادى. بىلتىر 7 - ايدا ول اربىرەۋىن جىلىنا 5000 يۋاندىق باعامەن 7 قالتقىنى كوتەرمەگە الدى، مۇنىڭ ىشىندەگى تورتەۋىنە قىزاناق ەكتى، ۇشەۋىنە قاربىز، قاۋىن جانە ماۋسىم تالعامايتىن كوكونىس ەكتى.

  ”بىرنەشە كۇننىڭ الدىندا عانا ءبىر دۇركىن پىسقان قىزاناقتى ساتتىم، جىلدىق كىرىسىم 50 مىڭ يۋاننان استى، بيىل تاعى 3 قالتقى كوتەرمەگە الماقشىمىن“. تۇرسۇنمامۇت بىلاي دەدى: كوشىپ كەلگەننەن كەيىن قىستاق مەرزىم سايىن ءتۇرلى كۋرستار اشتى، تەك قۇلشىنعاندا عانا، ءسوز جوق، بايۋعا بولادى.

  بۇگىنگى تاڭدا اقتاش قالاشىعى ەگىمشىلىك، باعىمشىلىق بازاسىن، اۋىل - قىستاق سەحىن، كوشە بويى ساۋدا دۇكەندەرىن، اۋىل شارۋاشىلىعى ساۋدا بازارىن قۇرىپ، تۇرمىس، ءوندىرىس شارت - جاعدايىن ۇزدىكسىز جاقسارتتى. 2018 - جىلدان باستاپ كوشىپ كەلگەن 14 مىڭ ەگىنشى - مالشى وسى ارادا تىنىش ءومىر، شات - شادىمان تىرشىلىك ەتىپ، جالىندى جاستار دامۋعا بەت الدى.

  بۇگىنگى شينجياڭداعى ءار ۇلت بۇقاراسى ۇزدىكسىز كۇرەس جۇرگىزىپ، كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن جاندى ۇشتاستىرۋدى جۇزەگە اسىرۋ ءۇشىن ۇزدىكسىز قۇلشىنۋدا.

  (قاتىناسقان ءتىلشى سۋ چۋان - ي)

  (شينحۋا اگەنتتىگىنىڭ 1 - ايدىڭ 11 - كۇنى ۇرىمجىدەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار