ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتەيىك
− باس شۋجي شي جينپيڭنىڭ ولكە، مينيسترلىك دارەجەلى ارناۋلى تاقىرىپتىق زەرتتەۋ - تالقى كۋرسىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2022.01.13 19:29 كەلۋ قاينارى : حالىق تورابى
100 جىلدىق تابىس ادامدى جەلپىندىرەدى، 100 جىلدىق تاجىريبە ادامعا شابىت بەرەدى. پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 100 جىلدىق كۇرەسىنىڭ كەلەلى جەتىستىكتەرى مەن تاريحي تاجىريبەلەرىن جان - جاقتى قورىتىندىلاپ، پارتيانىڭ 3 - رەتكى تاريحي قارارى «ج ك پ ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى جەتىستىكتەرى مەن تاريحي تاجىريبەلەرى جونىندەگى قارارىن» قاراپ ماقۇلدادى. بۇل − شۇعىلالى ماركسيزمدىك باعدارنامالىق قۇجات، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى ەستە بەرىك ساقتاۋداعى، جۇڭگوشا سوتسياليزمدە تاباندى بولۋداعى جانە ونى دامىتۋداعى ساياسي جارناماسى، تاريحتى اينا ەتىپ، بولاشاققا جول اشۋداعى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى ارەكەت باعدارناماسى.
ولكە، مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ پارتيا مەن مەملەكەت ىستەرىنىڭ دامۋ جالپى جاعدايىن شىعار ءتۇيىن ەتىپ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋ، قوعامنىڭ باستى قايشىلىعى مەن وزەكتى مىندەتىن دۇرىس يگەرۋ، ستراتەگيالىق، تاكتيكالىق ماسەلەگە ءمان بەرۋ، پارتيانىڭ ماركسيزمدىك پارتيا قاسيەتىن ماڭگى ساقتاۋ، پارتيا تاريحىن ۇيرەنۋ تاربيەسىن ۇدايىلاندىرۋ، ۇزاق ونىمدىلىككە يە ەتۋ سياقتى 5 ماسەلەنى ىشكەرىلەي پايىمداپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ قارارىن ىشكەرىلەي زەرتتەپ وقىپ جانە ءتۇسىنىپ، پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرىپ جانە قولدانىپ، پارتيا قۇرۋ ۇلى رۋحىن اسقاقتاتىپ، پارتيانىڭ ەكىنشى 100 جىلدىق كۇرەس نىساناسىن جۇزەگە اسىرۋ جولىندا قاجىماي - تالماي قۇلشىنۋ كەرەكتىگىن دارىپتەدى. باس شۋجي شي جينپيڭنىڭ ماڭىزدى ءسوزىنىڭ ويى ورامدى، اياسى كەڭ، مازمۇنى باي، يدەياسى تەرەڭ بولىپ، وتە كۇشتى ساياسي، نازاريالىق، جەتەكشىلىك سيپاتقا يە، بۇكىل پارتيانىڭ «ەكىنى تۇراقتاندىرۋدىڭ» شەشۋشى ماڭىزىن ىشكەرىلەي تانىپ، ونان ارى «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا تاريحىن قورىتىندىلاۋدى، ۇيرەنۋدى، پارتيا تاريحى جونىندەگى تاربيەنى، ۇگىتتى ۇزدىكسىز تەرەڭدەتىپ، تاريح سەنىمىن ارتتىرىپ، ىنتىماقتى، بىرلىكتى نىعايتىپ، كۇرەسكەرلىك رۋحتى كۇشەيتىپ، بۇكىل پارتيانى، بۇكىل ەلدەگى ءار ۇلت حالقىن سەنىمدى بەكەمدەپ، قايسارلىقپەن العا ىلگەرىلەپ، جاڭا ءداۋىر، جاڭا جورىقتا اناعۇرلىم ۇلى جەڭىس پەن داڭققا قول جەتكىزۋگە جۇمىلدىرۋىندا توتەنشە كەلەلى مانگە يە.
ءبىر ۇلت ءداۋىردىڭ الدىڭعى لەگىندە ءجۇرۋ ءۇشىن، نازاريالىق ويلاۋدان ءبىر ءسات تە قول ۇزسە بولمايدى، دۇرىس يدەيالىق جەتەكشىلىكتەن ءبىر ءسات تە قول ۇزسە بولمايدى. باس شۋجي شي جينپيڭ بىلاي دەپ دارىپتەدى: «جۇڭگو كوممۋنيستىك پارتياسى نە ءۇشىن ىسكەر، جۇڭگوشا سوتسياليزم نە ءۇشىن جاقسى، بۇل، تۇپتەپ كەلگەندە، ماركسيزمنىڭ جارامدى بولعاندىعىنان. ماركسيزمنىڭ جارامدى بولاتىندىعى پارتيانىڭ ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتكەنىندە ءارى ونى قولدانىپ امالياتقا جەتەكشىلىك ەتكەنىندە». وسى رەتكى جالپى ءماجىلىستىڭ قارارى 100 جىلدىق كۇرەس بارىسىندا پارتيانىڭ ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتكەنىن جالپى بەتتىك قورىتىندىلاپ، «نازاريادا جاڭالىق اشۋدا تاباندى بولۋدى» پارتيانىڭ 100 جىلدىق كۇرەسىنىڭ 10 تاريحي تاجىريبەسىنىڭ ءبىرى دەپ جيناقتادى. پارتيانىڭ 100 جىلدىق كۇرەس بارىسىندا ماركسيزمدى جۇڭگوشالاندىرۋىنا، زامانالاندىرۋىنا تالداۋ جاساۋعا، ونى زەرتتەۋگە جانە قورىتىندىلاۋعا ءمان بەرۋ − جالپى ءماجىلىستىڭ قارارىنا سىڭىرىلگەن ماڭىزدى ءبىر مازمۇن. پارتيانىڭ 100 جىلدىق كۇرەس بارىسىنا قايىرىلا قاراساق، جاڭا دەموكراتيالىق توڭكەرىس داۋىرىندە پارتيامىز ماۋ زىدۇڭ يدەياسىن جاراتتى، ول ماركسيزمنىڭ جۇڭگوشالانۋىنداعى تۇڭعىش تاريحي شارىقتاۋ بولدى؛ رەفورما جاساپ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ جاڭا داۋىرىندە پارتيامىز دىڭ شياۋپيڭ نازارياسىن جاراتىپ، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن قالىپتاستىرىپ، جۇڭگوشا سوتسياليزمنىڭ نازاريالىق جۇيەسىن قالىپتاستىرىپ، ماركسيزمنىڭ جۇڭگوشالانۋىنداعى تىڭ شارىقتاۋدى جۇزەگە اسىردى؛ جۇڭگوشا سوتسياليزمنىڭ جاڭا داۋىرىندە پارتيامىز شي جينپيڭ جاڭا ءداۋىر جۇڭگوشا سوتسياليزم يدەياسىن جاراتىپ، ماركسيزمنىڭ جۇڭگوشالانۋىنداعى تىڭ شارىقتاۋدى جۇزەگە اسىردى. پارتيامىزدىڭ تاريحى − ماركسيزمنىڭ جۇڭگوشالانۋىن ۇزدىكسىز ىلگەرىلەتۋ تاريحى، نازاريادا جاڭالىق اشۋدى ۇزدىكسىز ىلگەرىلەتىپ، نازاريالىق جاسامپازدىق جاراۋ تاريحى. اماليات ماركسيزمنىڭ جۇڭگوعا تەرەڭ وزگەرىس جاساعانىن، جۇڭگونىڭ دا ماركسيزمدى بارىنشا بايىتقانىن تولىق دالەلدەدى.
پارتيانىڭ 18 - قۇرىلتايىنان بەرگى وسى جىلدار پارتيا مەن مەملەكەت ىستەرىنىڭ دامۋ اياق الىسىندا ەرەكشە، وزگەشە بولدى. پارتيا ءدوپ كەلگەن جاعدايدىڭ، ورتانىڭ كۇردەلىلىگى مەن قاتاڭدىعى، ارقالاعان مىندەتتىڭ اۋىرلىعى مەن جاپالىلىعى دۇنيە جۇزىندە جانە تاريحتا سيرەك كەزدەسەدى. باس شۋجي شي جينپيڭ ماركسيزمدىك ساياساتكەر، ستراتەگكە ءتان باتىلدىعى ارقىلى ەل ءىشى - سىرتىنداعى جالپى جاعدايدى جوبالاپ، رەفورما، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسى، پارتيانى، مەملەكەتتى، ارميانى جونگە سالۋ قىزمەتتەرىن ىلگەرىلەتىپ، بۇكىل پارتياعا، بۇكىل ەلدەگى ءار ۇلت حالقىنا باسشىلىق ەتىپ، ورايدى مىقتى يگەرىپ، قيىندىقتاردان قامال الىپ، ۇزاق ۋاقىتتان بەرى شەشۋدى ويلاساق تا شەشە الماي كەلگەن كوپتەگەن قيىن ماسەلەنى شەشىپ، بۇرىن ىستەۋدى ويعا الساق تا، ىستەي الماي كەلگەن كوپتەگەن ءىرى ءىستى ىستەدى. باس شۋجي شي جينپيڭ جاڭا داۋىردەگى پارتيا مەن مەملەكەت ىستەرىنىڭ دامۋىنا قاتىستى ءبىرقىدىرۋ كەلەلى نازاريالىق جانە امالياتتىق ماسەلەگە تەرەڭ وي جۇگىرتتى جانە عىلمي تۇجىرىم جاسادى، جاڭا داۋىردە قانداي جۇڭگوشا سوتسياليزمدە تاباندى بولۋ جانە ونى دامىتۋ، جۇڭگوشا سوتسياليزمدە قالاي تاباندى بولۋ جانە ونى دامىتۋ كەرەك، قانداي سوتسياليستىك وسىزاماندانعان قۇدىرەتتى ەل قۇرۋ، سوتسياليستىك وسىزاماندانعان قۇدىرەتتى ەلدى قالاي قۇرۋ كەرەك، ۇزاق ۋاقىت بيلىك جۇرگىزەتىن قانداي ماركسيزمدىك پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك پارتيانى قالاي قۇرۋ دەگەن سياقتى سياقتى كەلەلى داۋىرلىك تاقىرىپتار جونىنەن ەل باسقارۋدىڭ ءتول جاڭا ۇستانىمدارىن، جاڭا يدەيالارىن، جاڭا ستراتەگيالارىن ورتاعا قويدى، ول − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ نەگىزگى قۇرۋشىسى. وسى رەتكى جالپى ءماجىلىستىڭ قارارى پارتيا 19 - قۇرىلتايىنىڭ بايانداماسىنداعى «سەگىزدى ايقىنداۋ» نەگىزىندە، «وندى ايقىنداۋ» ارقىلى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ وزەكتى مازمۇنىن ونان ارى جيناقتادى. پارتيا مەن مەملەكەت ىستەرىندە تاريحي تابىسقا قول جەتىپ، تاريحي وزگەرىس تۋىلۋىنداعى ەڭ ءتۇبىرلى سەبەپ باس شۋجي شي جينپيڭنىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى رەتىندە رول ۇستاپ، جول باستاۋىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە. اماليات شي جينپيڭ جاڭا ءداۋىر جۇڭگوشا سوتسياليزم يدەياسىنىڭ زامانىمىزداعى جۇڭگونىڭ ماركسيزمى، 21 - عاسىرداعى ماركسيزم، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى، ماركسيزمنىڭ جۇڭگوشالانۋىنىڭ ەڭ جاڭا جەتىستىگى ەكەنىن تولىق دالەلدەدى. پارتيا شي جينپيڭ جولداستىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى ورنىن تۇراقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىردى، بۇل جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋدە شەشۋشى مانگە يە.
ماركسيزم ادامزات قوعامىنىڭ دامۋىنا، العا باسۋىنا ايقىن باعدار كورسەتتى، ول − ءبىزدىڭ دۇنيەنى تانۋداعى، زاڭدىلىقتى يگەرۋدەگى، اقيقاتقا تالپىنۋداعى، دۇنيەنى وزگەرتۋدەگى قۋاتتى يدەيالىق قارۋىمىز. سونىمەن بىرگە، ماركسيزم نازارياسى دوگما ەمەس، قايتا ارەكەت باعدارناماسى، ءسوز جوق، امالياتتىڭ وزگەرۋىنە ىلەسە داميدى. ماركسيزمنىڭ اماليات بارىسىندا رول اتقارا الۋ - الماۋىنداعى تەتىك ماركسيزمنىڭ نەگىزگى قاعيدالارىن جۇڭگونىڭ ءىس جۇزىندىگىمەن جانە ءداۋىردىڭ ەرەكشەلىگىمەن ۇشتاستىرا الۋ - الماۋدا. زامانىمىزداعى جۇڭگو ادامزات تاريحىنداعى ەڭ ايبىندى دا وزگەشە امالياتتىق جاسامپازدىقتى باستان كەشىرۋدە، رەفورما، دامۋ، ورنىقتىلىق مىندەتىنىڭ اۋىرلىعى، قايشىلىقتىڭ، حاۋىپ - قاتەردىڭ، سىن - سايىستىڭ كوپتىگى، ەل باسقارۋ سىناعىنىڭ كۇشتىلىگى بۇرىن بولىپ كورمەگەن دارەجەدە، دۇنيە جۇزىندە 100 جىلدا بولماعان زور وزگەرىستىڭ تەرەڭدىگى، وزگەرۋى بۇرىن بولىپ كورمەگەن دارەجەدە بولىپ وتىر، ول جاۋاپ بەرۋگە ءتيىستى قىرۋار نازاريالىق جانە امالياتتىق تاقىرىپتى ورتاعا قويدى. ءبىز ءداۋىردىڭ زور اۋقىمىن ءداپ باسىپ يگەرىپ، ادامزات دامۋىنىڭ الدىڭعى لەگىندە باتىلدىقپەن ءجۇرىپ، حالىقتىڭ جۇرەك ۇنىنە زەر سالا قۇلاق ءتۇرىپ، رەال قاجەتكە جاۋاپ قاتىپ، يدەيانى ازات ەتۋدە، شىندىقتى ءىس جۇزىنەن ىزدەۋدە، تۋراشىلدىقتان جازباي، جاڭالىق اشۋدا تاباندى بولىپ، ماركسيزمدە تاباندى بولۋ مەن ماركسيزمدى دامىتۋدى اناعۇرلىم جاقسى بىرلىككە كەلتىرىپ، ماركسيزم «جەبەسى» ارقىلى جاڭا داۋىردەگى جۇڭگو سىندى «نىسانانى» كوزدەپ، ماركسيزمنىڭ نەگىزگى قاعيدالارىنىڭ جۇڭگونىڭ ناقتى امالياتىمەن ۇشتاسۋىن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاسۋىن ۇزدىكسىز ىلگەرىلەتىپ، ماركسيزمدى جۇڭگوشالاندىرۋدىڭ، زامانالاندىرۋدىڭ جاڭا تاراۋلارىن ءۇرتىس جازۋىمىز كەرەك.
وتكەندەگى كۇرەس جولىمىزعا قايىرىلا قاراساق، پارتيانىڭ حالىققا باسشىلىق ەتىپ، قايتا - قايتا ىزدەنۋ، تالاي - تالاي ساتسىزدىك، ارت - ارتىنان ءورىس اشۋ بارىسىندا جۇڭگونىڭ باسقا دا ءتۇرلى ساياسي كۇشتەرى ورىنداي المايتىن جاپالى مىندەتتەردى ورىنداي الۋىنداعى سەبەپ، تۇپتەپ كەلگەندە، يدەيانى ازات ەتۋدە، شىندىقتى ءىس جۇزىنەن ىزدەۋدە، داۋىرمەن بىرگە العا باسۋدا، شىندىققا جۇگىنىپ، ناقتى ءىس ىستەۋدە تاباندى بولىپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدا تاباندى بولىپ، اماليات − اقيقاتتى سىننان وتكىزۋدىڭ بىردەن - ءبىر ولشەمى دەگەندە تاباندى بولىپ، بارلىعىندا شىندىقتى ءىس جۇزىنەن ىزدەۋدە تاباندى بولىپ،ءداۋىر ساۋالىنا، حالىق ساۋالىنا دەر كەزىندە جاۋاپ بەرىپ، ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتىپ، ماركسيزمنىڭ جۇڭگوشالانۋىنىڭ عىلمي نازارياسى ارقىلى ۇلى امالياتقا جەتەكشىلىك ەتكەنىندە. جاڭا ساپارعا قادام تاستاپ، جاڭا داۋىرگە ۇلەس قوسۋدا ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ماركسيزمدىك مايدان، كوزقاراس، ءادىس ارقىلى ءداۋىردى باقىلاپ، ءداۋىردى يگەرىپ، داۋىرگە جەتەكشىلىك ەتىپ، زامانىمىزداعى جۇڭگو ماركسيزمىن، 21 - عاسىرداعى ماركسيزمدى ۇزدىكسىز دامىتىپ، ماركسيزمنىڭ جۇڭگونىڭ بايتاق دالاسىندا اناعۇرلىم قۇدىرەتتى، اناعۇرلىم يلاندىرىمدى اقيقات كۇشىن ايگىلەپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋ ءۇشىن قۇلشىنۋىمىز كەرەك!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
