مەملەكەتتىك كەڭەس «14 – بەسجىلدىق» مەزگىلىندەگى سيفرلى ەكونوميكانى دامىتۋ جوباسىن باسىپ تاراتتى
2022.01.13 19:31 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 12 - كۇنى، بەيجيڭ. مەملەكەتتىك كەڭەس بىرنەشە كۇننىڭ الدىندا «‹14 – بەسجىلدىق› مەزگىلىندەگى سيفرلى ەكونوميكانى دامىتۋ جوباسىن» (تومەندە قىسقاشا «جوبا» دەلىنەدى) باسىپ تاراتىپ، «14 – بەسجىلدىق» مەزگىلىندەگى سيفرلى ەكونوميكانىڭ اقاۋسىز دامۋىن ىلگەرىلەتۋدىڭ جەتەكشى يدەياسىن، نەگىزگى پرينسيبىن، دامۋ نىساناسىن، ءتۇيىندى مىندەتتەرىن جانە قامتاماسىزداندىرۋ شارالارىن ايقىندادى.
«جوبا» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايى مەن 19 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن جاپپاي دايەكتىلەندىرىپ، جاڭا دامۋ ساتىسىن تياناق ەتىپ، جاڭا دامۋ يدەياسىن تولىق، دۇرىس، جالپى بەتتىك دايەكتىلەندىرىپ، جاڭا دامۋ جۇيەسىن قۇرىپ، ساپالى دامۋدى ىلگەرىلەتىپ، دامۋ مەن حاۋىپسىزدىكتى ءبىر تۇتاس جوسپارلاپ، ەل ءىشى مەن حالىقارانى ءبىر تۇتاس جوسپارلاپ، ساندى مالىمەتتەردى شەشۋشى فاكتور ەتىپ، سيفرلى تەحنيكا مەن ناقتى ەكونوميكانىڭ ىشكەرىلەي توعىسۋىن نەگىزگى جەلى ەتىپ، سيفرلى نەگىزدىك قۇرىلعىلار قۇرىلىسىن كۇشەيتىپ، سيفرلى ەكونوميكانى جونگە سالۋ جۇيەسىن كەمەلدەندىرىپ، سيفردىڭ كاسىپ سالالانۋىن جانە كاسىپ سالاسىنىڭ سيفرلانۋىن سايكەستى ىلگەرىلەتىپ، ءداستۇرلى كاسىپتەردىڭ تيبىن وزگەرتىپ، دارەجەسىن جوعارىلاتىپ، جاڭا كاسىپتى، جاڭا كاسىپ كۇيىن، جاڭا ۇلگىنى جەتىلدىرىپ، ەلىمىزدىڭ سيفرلى ەكونوميكاسىن ۇزدىكسىز كۇشەيتىپ، ساپالىلاندىرىپ، زورايتىپ، سيفرلى جۇڭگو قۇرۋعا پارمەندى تىرەك ازىرلەدى.
«جوبادا» مىنالار ايقىن بەلگىلەندى: «جاڭالىق اشۋ ارقىلى جەتەكشىلىك ەتۋ، توعىسپالى دامۋ، قولدانۋ ارقىلى جەتەكتەۋ، ساندى مالىمەت ارقىلى ەنەرگيا توپتاۋ، ءادىل باسەكە، حاۋىپسىز، ءتارتىپتى بولۋ، جۇيەلى ىلگەرىلەتۋ، سايكەستى، جوعارى ءونىمدى بولۋ» پرينسيبىندە تاباندى بولۋ كەرەك. 2025 – جىلعا بارعاندا سيفرلى ەكونوميكانىڭ وزەكتى كاسىپتەرىنىڭ ارتقان قۇنىنىڭ ىشكى ءوندىرىس جالپى قۇنىنداعى سالىستىرماسىن %10 كە جەتكىزۋ، ساندى مالىمەت فاكتورلارىنىڭ بازار جۇيەسىن باستاپقى قادامدا ورناتۋ، كاسىپتەردىڭ سيفرلانۋىن جاڭا ساتىعا كوتەرۋ، سيفردىڭ كاسىپ سالالانۋ دەڭگەيىن كورنەكتى جوعارىلاتۋ، سيفرلاندىرىلعان الەۋمەتتىك قىزمەت وتەۋدىڭ جالپىعا ءتيىمدى بولۋىن بىركەلكىلەندىرۋ، سيفرلى ەكونوميكانى جونگە سالۋ جۇيەسىن اناعۇرلىم كەمەلدەندىرۋ كەرەك. 2035 – جىلعا نازار سالىپ، ءبىر تۇتاس، ءادىل، باسەكەسى ءتارتىپتى، پىسىپ - جەتىلگەن سيفرلى ەكونوميكانىڭ وسى زامانعى بازار جۇيەسىن قالىپتاستىرۋعا كۇش سالىپ، سيفرلى ەكونوميكانىڭ دامۋ ورەسىن دۇنيە ءجۇزىنىڭ الدىڭعى قاتارىنا وتكىزۋ كەرەك.
«جوبادا» 8 جاقتاعى ءتۇيىندى مىندەت ورنالاستىرىلدى. ءبىرىنشى، سيفرلى نەگىزدىك قۇرىلعىلاردى ساپالىلاندىرىپ، دارەجەسى جوعارىلاتۋ. ينفورماتسيا تورابى نەگىزدىك قۇرىلعىلارىن جەدەل قۇرىپ، بۇلتتىق جۇيە مەن توراپتىڭ سايكەسۋىن جانە ەسەپتەۋ تورابىنىڭ توعىسپالى دامۋىن ىلگەرىلەتىپ، نەگىزدىك قۇرىلعىلاردىڭ زەردەلىلەنۋ دارەجەسىن جوعارىلاتۋدى تارتىپپەن ىلگەرىلەتۋ كەرەك. ەكىنشى، ساندى مالىمەت فاكتورلارىنىڭ رولىن تولىق ساۋلەلەندىرۋ. ساپالى ساندى مالىمەت فاكتورلارىمەن قامداۋدى كۇشەيتىپ، ساندى مالىمەت فاكتورلارىن بازارلاندىرۋ اينالىمىن جەدەلدەتىپ، ساندى مالىمەت فاكتورلارىن اشۋ، پايدالانۋ مەحانيزمىندە جاڭالىق اشۋ كەرەك. ءۇشىنشى، كاسىپ سالاسىنىڭ سيفرلانۋعا بۇرىلىس جاساۋىن كۇش سالا ىلگەرىلەتۋ. كاسىپورىنداردىڭ سيفرلانۋىن، تيبىن وزگەرتىپ، دارەجەسىن جوعارىلاتۋىن جەدەلدەتىپ، ءتۇيىندى كاسىپ سالالارىنىڭ، كاسىپ باقشا رايوندارىنىڭ جانە شوعىردىڭ سيفرلانۋىن جاپپاي تەرەڭدەتىپ، تيبىن وزگەرتىپ، تىرەكتى قىزمەت وتەۋ ەكولوگياسىن جەتىلدىرۋ كەرەك. ءتورتىنشى، سيفردى كاسىپ سالالاندىرۋدى جەدەل ىلگەرىلەتۋ. شەشۋشى تەحنيكادا جاڭالىق اشۋ قابىلەتىن كۇشەيتىپ، جاڭا كاسىپ كۇيىن، جاڭا ۇلگىنى جەدەل جەتىلدىرىپ، گۇلدەنگەن، ءتارتىپتى جاڭالىق اشۋ ەكولوگياسىن قالىپتاستىرۋ كەرەك. بەسىنشى، الەۋمەتتىك قىزمەت وتەۋدىڭ سيفرلانۋ دەڭگەيىن ۇزدىكسىز جوعارىلاتۋ. «ينتەرنەت + ۇكىمەتتىك قىزمەت وتەۋ» ونىمدىلىگىن جوعارىلاتىپ، قوعامدىق قىزمەت وتەۋدىڭ سيفرلانۋ، جالپىعا تيىمدىلىك جاساۋ دەڭگەيىن جوعارىلاتىپ، سيفرلى قالا مەن اۋىلدىڭ توعىسا دامۋىن ىلگەرىلەتۋ كەرەك. التىنشى، سيفرلى ەكونوميكانى جونگە سالۋ جۇيەسىن اقاۋسىزداندىرۋ جانە كەمەلدەندىرۋ. سەلبەسىپ جونگە سالۋ جانە باقىلاۋ - باسقارۋ مەحانيزمىن كۇشەيتىپ، ۇكىمەتتىڭ سيفرلاندىرىپ جونگە سالۋ قابىلەتىن كۇشەيتىپ، كوپ نەگىزدى بىرگە جونگە سالۋدىڭ جاڭا جاعدايىن كەمەلدەندىرۋ كەرەك. جەتىنشى، سيفرلى ەكونوميكانىڭ حاۋىپسىزدىك جۇيەسىن كۇش سالا نىعايتۋ. توراپ حاۋىپسىزدىگىن قورعاۋ قۋاتىن كۇشەيتىپ، ساندى مالىمەت حاۋىپسىزدىگىن قامتاماسىزداندىرۋ دەڭگەيىن جوعارىلاتىپ، ءتۇرلى حاۋىپ - قاتەردەن ءونىمدى ساقتانۋ كەرەك. سەگىزىنشى، سيفرلى ەكونوميكانىڭ حالىقارالىق سەلبەستىگىن ءونىمدى كەڭەيتۋ. ساۋدانىڭ سيفرلانا دامۋىن جەدەلدەتىپ، «سيفرلى جىبەك جولىنىڭ» ىشكەرىلەي دامۋىن ىلگەرىلەتىپ، تاماشا حالىقارالىق سەلبەستىك ورتاسىن قالىپتاستىرۋ كەرەك. «جوبادا» سەگىز ءىرى مىندەتتى توڭىرەكتەۋ نەگىزىندە ينفورماتسيا تورابى نەگىزدىك قۇرىلعىلارىن جاقسارتۋ، دارەجەسىن جوعارىلاتۋ قاتالرى 11 ارناۋلى ينجەنەريا ايقىندالدى.
«جوبادا» ءبىر تۇتاس جوسپارلاپ سايكەستىرۋدى جانە ۇيىمداستىرىپ اتقارۋدى كۇشەيتۋ، قارجىمەن قولداۋ سەرپىنىن ارتتىرۋ، جالپى حالىقتىڭ سيفر ساپاسى مەن شەبەرلىگىن جوعارىلاتۋ، سىناق تۇيىندەرىندە ۇلگى كورسەتۋ، باقىلاۋ - تەكسەرۋدى، باعالاۋدى كۇشەيتۋ سياقتى جاقتار بويىنشا اتقارۋ قامتاماسىز ەتىلىپ، نىسانا - مىندەتتەردىڭ ناقتاپ تياناقتانۋىنا كەپىلدىك ەتىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
