بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قوعامداعى باستى قايشىلىق پەن وزەكتى مىندەتتى دۇرىس يگەرەيىك

− باس شۋجي شي جينپيڭنىڭ ولكە، مينيسترلىك دارەجەلى ارناۋلى تاقىرىپتىق زەرتتەۋ - تالقى كۋرسىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە

«حالىق گازەتىنىڭ» شولۋشىسى

2022.01.14 16:37     كەلۋ قاينارى : حالىق تورابى

  باستى قايشىلىق پەن وزەكتى مىندەتتى مىقتى يگەرىپ، جالپى جاعداي قىزمەتىنە جەتەكشىلىك ەتۋ − ماتەرياليستىك ديالەكتيكانىڭ تالابى، سونداي - اق پارتيامىز ەجەلدەن دارىپتەپ جانە تاباندى بولىپ كەلە جاتقان ءادىس. «وسى رەتكى جالپى ءماجىلىستىڭ قارارى پارتيانىڭ قوعامدىق باستى قايشىلىق پەن وزەكتى مىندەتتى شەبەرلىكپەن يگەرىپ، جالپى جاعداي قىزمەتىن جەتەكتەگەندىگىنە جالپى بەتتىك تالداۋ جاسادى». ولكە، مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ بىلاي دەپ دارىپتەدى: «پارتيانىڭ 100 جىلدىق كۇرەس بارىسىندا ەلىمىزدىڭ قوعامدىق باستى قايشىلىعىنا جانە وزەكتى مىندەتىنە زەرتتەۋ جاساعانىنا جانە يگەرگەنىنە تالداۋ جاساۋعا جانە قورىتىندىلاۋعا ءمان بەرۋ − جالپى ءماجىلىستىڭ قارارىنا سىڭىرىلگەن ماڭىزدى ءبىر مازمۇن، ءبىز، ءسوز جوق، ونى ىشكەرىلەي ۇيرەنۋىمىز، جان - جاقتى ءتۇسىنۋىمىز كەرەك».

  پارتيانىڭ عاسىرلىق كۇرەس بارىسىنا قايىرىلا قاراساق، جاڭا دەموكراتيالىق توڭكەرىس داۋىرىندە پارتيا تاياۋ زامانعى جۇڭگو قوعامىنداعى باستى قايشىلىق يمپەرياليزم مەن جۇڭحۋا ۇلتىنىڭ قايشىلىعى، فەوداليزم مەن حالىق بۇقاراسىنىڭ قايشىلىعى ەكەنىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا يمپەرياليزمگە، فەوداليزمگە قارسى كۇرەس جۇرگىزۋ كەرەكتىگىن تەرەڭ تانىپ جەتتى؛ سوتسياليستىك توڭكەرىس پەن قۇرىلىس داۋىرىندە پارتيانىڭ 8 - قۇرىلتايى ەلىمىزدىڭ سوتسياليستىك وزگەرىس جاساۋى نەگىزىنەن ورىندالعاننان كەيىنگى جاعدايعا نەگىزدەلىپ، مىنانى اتاپ كورسەتتى: ەل ىشىندەگى باستى قايشىلىق جۇمىسشى تابى مەن بۇرجۋازيانىڭ قايشىلىعى بولۋدان قالدى، قايتا حالىقتىڭ ەكونوميكانىڭ، مادەنيەتتىڭ تەز دامۋىنا بولعان قاجەتى مەن قازىرگى ەكونوميكانىڭ، مادەنيەتتىڭ حالىقتىڭ قاجەتىن قاناعاتتاندىرا الماۋ جاعدايى اراسىنداعى قايشىلىققا وزگەرىپ وتىر، بۇكىل ەل حالقىنىڭ باستى مىندەتى − كۇشتى شوعىرلاندىرا وتىرىپ قوعامدىق وندىرگىش كۇشتەردى دامىتۋ، مەملەكەتتى ونەركاسىپتەندىرۋدى جۇزەگە اسىرۋ، حالىقتىڭ كۇن سايىن ارتىپ وتىرعان زاتتىق جانە مادەنيەتتىك قاجەتىن بىرتىندەپ قاناعاتتاندىرۋ؛ رەفورما جاساپ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ جاڭا داۋىرىندە پارتيا ەلىمىز قوعامىنداعى باستى قايشىلىق حالىقتىڭ كۇن سايىن ارتىپ وتىرعان ماتەريالدىق، مادەنيەتتىك قاجەتى مەن مەشەۋ قوعامدىق ءوندىرىس اراسىنداعى قايشىلىق ەكەنىن، وسى باستى قايشىلىقتى شەشۋ ءبىزدىڭ وزەكتى مىندەتىمىز ەكەنىن ايقىنداپ، دوڭگەلەك داۋلەتتى قوعام قۇرۋ نىساناسىن العا قويدى؛ جۇڭگوشا سوتسياليزمنىڭ جاڭا داۋىرىندە پارتيا جاڭا داۋىردەگى ەلىمىز قوعامىنداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىق ەكەنىن، حالىقتى وزەك ەتكەن دامۋ يدەياسىندا، ءسوز جوق، تاباندى بولىپ، جالپى بارىستىق حالىق دەموكراتياسىن دامىتىپ، ادامنىڭ جان - جاقتى دامۋىن ىلگەرىلەتىپ، جالپى حالىقتىڭ بىرگە اۋقاتتانۋىندا اناعۇرلىم كورنەكتى ماندىك ىلگەرىلەۋشىلىككە قول جەتكىزۋ كەرەكتىگىن ايقىندادى. پارتيانىڭ 100 جىلدىق كۇرەس بارىسى بىزگە مىنانى ۇعىندىردى: پارتيا مەن حالىق ىستەرىنىڭ دۇرىس باعدارمەن العا ىلگەرىلەي الۋ - الماۋى ءبىزدىڭ قوعامدىق باستى قايشىلىقتى ءدال تاني جانە يگەرە الۋ - الماۋىمىزعا، وزەكتى مىندەتتى تۇراقتاندىرا الۋ - الماۋىمىزعا بايلانىستى. قوعامدىق باستى قايشىلىق پەن وزەكتى مىندەت قاي كەزدە دۇرىس تۇجىرىمدالعاندا، پارتيا مەن حالىق ىستەرى ءساتتى داميدى، ويتپەگەندە پارتيا مەن حالىق ىستەرى ساتسىزدىككە ۇشىرايدى.

  پارتيا 19 - قۇرىلتايىنىڭ بايانداماسىندا باس شۋجي شي جينپيڭ بىلاي دەپ اتاپ كورسەتتى: «جۇڭگوشا سوتسياليزم جاڭا داۋىرگە ءوتتى، ەلىمىز قوعامىنداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى». وسى كەلەلى ساياسي تۇجىرىم ءداۋىر ەرەكشەلىگى مەن ەلىمىز دامۋىنىڭ جاڭا تاريحي ورنىن دۇرىس يگەرىپ، ەلىمىز قوعامى دامۋىنىڭ وبيەكتيۆ ءىس جۇزىندىك جاعدايىن بەينەلەپ، زامانىمىزداعى جۇڭگونىڭ دامۋىنداعى باستى ماسەلەلەردى شەشۋدىڭ ءتۇبىرلى كۇش سالۋ ءتۇيىنىن ايقىن كورسەتىپ، ماركسيزمنىڭ قوعامدىق قايشىلىق جونىندەگى ءىلىمىن بايىتتى جانە دامىتتى. ەلىمىز قوعامىنداعى باستى قايشىلىقتىڭ وزگەرىسى ەلىمىزدىڭ سوتسياليزمنىڭ تاريحي ساتىسى جونىندەگى تۇجىرىمىمىزدى وزگەرتپەگەنىمەن، جالپى جاعدايعا ساياتىن تاريحي وزگەرىس بولدى. شي جينپيڭ جولداستى ۇيىتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، ەلىمىز قوعامىنداعى باستى قايشىلىقتىڭ وزگەرىسى الا كەلگەن جاڭا ەرەكشەلىك، جاڭا تالاپتاردى تەرەڭ تانىپ، قىم - قۋىت كۇردەلى حالىقارالىق ورتا الا كەلگەن جاڭا قايشىلىقتار مەن جاڭا سىنداردى تەرەڭ تانىپ، دامۋدى ۇزدىكسىز ىلگەرىلەتۋ نەگىزىندە، دامۋدىڭ بىركەلكى، تولىق بولماۋى ماسەلەسىن كۇش سالا شەشىپ، دامۋ ساپاسى مەن ونىمدىلىگىن زور كۇشپەن جوعارىلاتىپ، حالىقتىڭ ەكونوميكا، ساياسي، مادەنيەت، قوعام، ەكولوگيا قاتارلى جاقتارداعى كۇن سايىن ارتىپ وتىرعان قاجەتىن اناعۇرلىم ويداعىداي قاناعاتتاندىرىپ، ادامنىڭ جان - جاقتى دامۋىن، قوعامنىڭ جاپپاي العا باسۋىن اناعۇرلىم ويداعىداي ىلگەرىلەتتى. اماليات قوعامداعى باستى قايشىلىقتى تانۋ − قوعامنىڭ دامۋ ساتىسىن يگەرۋدىڭ «كىلتى» ەكەنىن، پارتيامىزدىڭ سوتسياليستىك قۇرىلىستىڭ زاڭدىلىعى جونىندە ىزدەنىس جاساۋ بارىسىندا ەلىمىز قوعامىنداعى باستى قايشىلىق تانىمىنىڭ ءار رەتكى تەرەڭدەۋى سوتسياليزمنىڭ العاشقى ساتىسى جونىندەگى تانىم دەڭگەيىن جوعارىلاتىپ، پارتيانىڭ لۋشيان، باعىت، ساياساتتارىنىڭ عىلميلىعىنا، دۇرىستىعىنا كەپىلدىك ەتكەنىن تولىق دالەلدەدى.

  باس شۋجي شي جينپيڭ: « كۇردەلى جاعداي، كۇردەلى قايشىلىق، اۋىر مىندەت الدىندا، باستىسى مەن قوسالقىسىن ايىرماساق، پارىقتاماساق، ءبارىن ءبىر جولدا يگەرسەك، قىزمەتتى جاقسى ىستەي المايمىز» دەپ دارىپتەدى. ءارقانداي قىزمەتتە ءبىز ەكى جاقتى كوزقاراستى دا، ماڭىزدى ءتۇيىندى دە دارىپتەۋىمىز كەرەك. قايشىلىقتىڭ جالپى بەتتىك ءومىر سۇرەتىنىن، قايشىلىقتىڭ زاتتار بايلانىسىنىڭ ماندىك مازمۇنى جانە زاتتار دامۋىنىڭ ءتۇبىرلى قوزعاۋشى كۇشى ەكەنىن، ادامنىڭ تانىم قيمىلى مەن امالياتتىق قيمىلى، تۇپتەپ كەلگەندە، قايشىلىقتى ۇزدىكسىز تانۋ، قايشىلىقتى ۇزدىكسىز شەشۋ بارىسى ەكەنىن تانىپ جەتۋىمىز كەرەك. سونىمەن قوسا، قوعامداعى باستى قايشىلىق ءتۇرلى قوعامدىق قايشىلىقتاردىڭ باستى قاينارى جانە شوعىرلى بەينەلەنۋى ەكەنىن، قوعامدىق قايشىلىق قوزعالىسىندا جەتەكشى ورىندا تۇراتىنىن تانۋىمىز كەرەك. قايشىلىققا بەلسەنە توتەپ بەرىپ، قايشىلىقتى شەشۋدە، ءسوز جوق، باستى قايشىلىق پەن قوسالقى قايشىلىقتىڭ، قايشىلىقتىڭ باستى جاعى مەن قوسالقى جاعىنىڭ قاتىناسىن ويداعىداي يگەرۋگە نازار اۋدارۋىمىز كەرەك. بىزدە جالپى جاعداي كوزقاراسى بولۋعا ءتيىس، ءتۇرلى قايشىلىقتاردى قانىق ءبىلۋىمىز، سونىمەن بىرگە، باستى قايشىلىق پەن وزەكتى مىندەتتى مىقتاپ ارقاۋ ەتىپ، باستى قايشىلىق پەن قايشىلىقتىڭ باستى جاعىن الدىمەن شەشىپ، وسى ارقىلى باسقا قايشىلىقتاردىڭ شەشىلۋىن جەبەۋىمىز، تۇتاس تۇلعالى ىلگەرىلەتۋ بارىسىندا تۇيىننەن قامال الۋدى جۇزەگە اسىرىپ، تۇيىننەن قامال الۋ ارقىلى ەكونوميكالىق، قوعامدىق دامۋ ورەسىنىڭ تۇتاس تۇلعالىق جوعارىلاۋىن جەبەپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋ كۇرەس نىساناسىنا قاراي ۇزدىكسىز ىلگەرىلەۋىمىز كەرەك.

  بۇگىنگى تاڭدا ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە جاقىنداي تۇستىك، ءارقانداي كەزدەگىدەن دە زور سەنىم جانە قابىلەتپەن جۇڭحۋا ۇلتىنىڭ ۇلى گۇلدەنۋى نىساناسىن ىسكە اسىرا الامىز. سونىمەن بىرگە، بۇكىل پارتيا، ءسوز جوق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ استە قۇر ايعاي - سۇرەنمەن وڭاي - وسپاق بىتە سالاتىن شارۋا ەمەس ەكەنىن، بوگەتسىز، اپساتتە جەتۋگە بولمايتىنىن، ەلىمىزدىڭ ءالى دە سوتسياليزمنىڭ العاشقى كەزەڭىندە تۇراتىنىن، سونداي - اق ۇزاق ۋاقىت تۇراتىنىن، ەلىمىزدىڭ ءالى دە دۇنيە جۇزىندەگى ەڭ ءىرى وركەندەپ كەلە جاتقان ەل ەكەنىن سەرگەكتىكپەن تانۋى كەرەك. بۇكىل پارتيا سوتسياليزمنىڭ العاشقى ساتىسى سىندى نەگىزگى مەملەكەت جاعدايىن مىقتى يگەرىپ، سوتسياليزمنىڭ العاشقى ساتىسى سىندى ەڭ ۇلكەن ءىس جۇزىندىكتى بەرىك تياناق ەتىپ، پارتيانىڭ نەگىزگى لۋشيانى سىندى پارتيا مەن مەملەكەتتىڭ جان تامىرىندا، حالىقتىڭ باقىت جەلىسىندە بەرىك تاباندى بولىپ، ەلىمىز قوعامىنداعى باستى قايشىلىقتىڭ جاڭا وزگەرىسىن عىلمي يگەرىپ، مۇرات - سەنىمدى بەكەمدەپ، اۋەلگى ماقساتتى، بورىشتى ەستە بەرىك ساقتاپ، باستان - اياق كىشپەيىل، بايسالدى بولىپ، داندايسىماي، ۇشقالاقتىققا سالىنباي، قاجىرلىلىقپەن كۇرەس جۇرگىزىپ، سوتسياليستىك وسىزاماندانعان مەملەكەتتى جاپپاي قۇرۋدىڭ تىڭ جەڭىسىنە قۇلشىنا قول جەتكىزىپ، پارتيانىڭ ۇمىتىنەن شىعاتىن، حالىقتىڭ ۇمىتىنەن شىعاتىن، ءداۋىردىڭ ۇمىتىنەن شىعاتىن ناتيجە جاراتۋى كەرەك!

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار