لي كىچياڭ ۆيەتنامنىڭ زۇڭليى فان ميڭجىڭمەن تەلەفوندا سويلەسكەندە مىنانى دارىپتەدى
RCEP دىڭ ۋاعىندا كۇشكە يە بولۋىن وراي ەتىپ، اناعۇرلىم جوعارى دەڭگەيدەگى وڭىرلىك ەكونوميكانىڭ ءبىر تۇلعالانۋىن ىلگەرىلەتۋ كەرەك
2022.01.14 16:39 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 13 – كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 1 - ايدىڭ 13 - كۇنى جۇڭنانحايداعى زىگۋاڭگى سارايىندا ۆيەتنامنىڭ زۇڭليى فان ميڭجىڭمەن تەلەفوندا سويلەستى.
ەكى ەل زۇڭليلەرى ءبىر - بىرىنە جاڭا جىل جانە كوكتەم مەرەكەسى بايلانىسىمەن قۇتتى بولسىن ايتىپ، تىلەك ءبىلدىردى. لي كىچياڭ بىلاي دەدى: جۇڭگو مەن ۆيەتنامنىڭ تاۋ - سۋى تۇتاسقان، كەڭ كولەمدى ورتاق مۇددەسى بار. وتكەن ءبىر جىلدا باس شۋجي، مەملەكەت ءتوراعاسى شي جينپيڭ ۆيەتنامنىڭ پارتيا جانە مەملەكەت باسشىسىمەن كوپ رەت تەلەفوندا سويلەسىپ، ەكى جاقتىڭ ستراتەگيالىق ءوزارا سەنىمدىلىگىن بەكەمدەپ، ەكى جاقتى قاتىناستىڭ ورنىقتى، اقاۋسىز دامۋىن ىلگەرىلەتتى. جاڭا ءبىر جىلدا جۇڭگو ۆيەتناممەن ستراتەگيالىق قارىم - قاتىناستى كۇشەيتىپ، ءار سالاداعى بارىس - كەلىستى تەرەڭدەتىپ، ىندەتتەن ساقتانۋ - تىزگىندەۋ سەلبەستىگىن ۇزدىكسىز ورىستەتىپ، الاۋىزدىقتاردى ۇيلەسىمدى تىزگىندەپ، جۇڭگو مەن ۆيەتنامنىڭ جان - جاقتى ستراتەگيالىق سەلبەستىك سەرىكتەستىك قاتىناسىنىڭ ۇزدىكسىز دامۋىنا مۇمكىندىك جاساۋدى قالايدى. ەكونوميكا - ساۋدا سەلبەستىگى − ەكى ەل سەلبەستىگىنىڭ ماڭىزدى سالاسى، ەكى جاقتى ساۋدادا بىلتىر قۋانارلىق ىلگەرىلەۋشىلىككە قول جەتتى. جۇڭگو ۆيەتنامنىڭ ساپالى اۋىل شارۋاشىلىق ونىمدەرىنىڭ جۇڭگوعا جەتكىزىلۋىنە اناعۇرلىم كوپ قولايلىلىق جاراتۋدى قالايدى.
لي كىچياڭ بىلاي دەپ اتاپ كورسەتتى: وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمى (RCEP) بيىل جىل باسىندا ۋاعىندا كۇشكە يە بولىپ، وڭىرلىك ەكونوميكالىق فاكتورلاردىڭ ەركىن اۋىسۋىن جەبەۋگە، ساۋداعا قارجى قوسۋدىڭ كولەمىن كەڭەيتىپ، دارەجەسىن جوعارىلاتۋعا، كاسىپ تىزبەگى مەن قامداۋ تىزبەگىنىڭ حاۋىپسىزدىگىن، ورنىقتىلىعىن قورعاۋعا ءتيىمدى بولدى. جۇڭگو ۆيەتناممەن جانە باسقا دا RCEP مۇشە ەلدەرىمەن بىرگە RCEP دىڭ ءونىمدى اتقارىلۋىن قول ۇستاسا ىلگەرىلەتىپ، اناعۇرلىم جوعارى دەڭگەيدەگى وڭىرلىك ەكونوميكانىڭ ءبىر تۇلعالانۋىن ىلگەرىلەتىپ، وڭىردەگى ءار ەل حالىقتارىنا ءتىپتى دە زور باقىت جاراتۋدى قالايدى.
فان ميڭجىڭ جۇڭگونىڭ ءبىرىنشى 100 جىلدىق كۇرەس نىساناسىن ءساتتى جۇزەگە اسىرعانىن قۇتتىقتاپ، مىنانى ءبىلدىردى: جۇڭگو − ۆيەتنامنىڭ ەرەكشە سەرىگى، ۆيەتنام - جۇڭگو قاتىناسىنىڭ جاپپاي، ىشكەرىلەي دامۋىن ىلگەرىلەتۋ ۆيەتنام ديپلوماتياسىندا ماڭداي الدى ورىندا تۇرادى. ۆيەتنام ءبىر جۇڭگو ساياساتىندا باستان - اياق تاباندى بولادى، جۇڭگونىڭ دامىپ قۇدىرەتتەنۋىن، وڭىرلىك جانە حالىقارالىق ىستەردە اناعۇرلىم زور رول اتقارۋىن قولدايدى، جۇڭگونىڭ بەيجيڭ قىسقى وليمپيادا سپورت جارىسىن ءساتتى وتكىزۋىن قولدايدى. ۆيەتنام جۇڭگومەن ەكى پارتيانىڭ، ەكى ەلدىڭ ستراتەگيالىق قارىم - قاتىناسى مەن ساياسي ءوزارا سەنىمدىلىگىن ۇزدىكسىز كۇشەيتىپ، ءار سالاداعى سەلبەستىكتىڭ ساپاسىن جوعارىلاتىپ، ىندەتتەن ساقتانۋدىڭ تىعىز، ءونىمدى سەلبەستىگىن ورىستەتىپ، شەكارا وتكەلدەرىندە كەدەننەن ءوتۋ ونىمدىلىگىن جوعارىلاتىپ، كوپ جاقتى سالالارداعى سايكەسۋ مەن سەلبەسۋدى كۇشەيتىپ، الاۋىزدىقتاردى ۇيلەسىمدى ءبىر جاقتى ەتىپ، ۆيەتنام - جۇڭگو قاتىناسىنىڭ ۇزدىكسىز تەرەڭدەۋىن ىلگەرىلەتۋدى قالايدى.
حى ليفىڭ جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
