بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

سىرتقى ىستەر مينيسترلىگى: ءىشنارا ەلدەردىڭ ۆاكسينانى باسىپ قويىپ ىسىراپ ەتۋى ءمورالدىق ايىپتاۋعا ۇشىراۋى كەرەك

2022.01.14 16:40     كەلۋ قاينارى : حالىق تورابى

  شينحۋا اگەنتتىگىنىڭ 1 - ايدىڭ 13 - كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين 1 – ايدىڭ 13 – كۇنى بىلاي دەدى: قازىر دۇنيە ءجۇزى بويىنشا جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىنىڭ ءونىم مولشەرى ارتقانىمەن، ەگۋ شاماسى ءبىرشاما جوعارىلاعانىمەن، دامىعان ەلدەر مەن دامۋ جولىنداعى ەلدەر اراسىنداعى «يممۋنيتەتتىك پارىق» ٵلى دە كەڭەيۋدە، ءىشنارا ەلدەردىڭ قۇندى ۆاكسينالاردى باسىپ قويۋ، ىسىراپ ەتۋ ارەكەتى ءمورالدىق ايىپتاۋعا ۇشىراۋى كەرەك.

  سول كۇنگى كەزەكتى تىلشىلەر جينالىسىندا ءبىر ءتىلشى بىلاي دەپ سۇراۋ قويدى: حابارعا قاراعاندا، دۇنيە جۇزىلىك دەنساۋلىق ساقتاۋ ۇيىمىنىڭ باس القاسى تان دىساي تاياۋدا بىلاي دەدى: 90نان استام مەملەكەتتە %40 ادامعا ۆاكسينا ەگۋ نىساناسى ىسكە اسپاعان، افريكا حالقىنىڭ %85تەن استامى ءبىر دە ءبىر ۆاكسينا ەكتىرمەگەن. ءبىز دۇنيە جۇزىلىك دەنساۋلىق ساقتاۋ ۇيىمىنىڭ دۇنيە جۇزىلىك دەنساۋلىق ساقتاۋعا قارجى توپتايتىن باس ەلشىسى، ۇلى بريتانيانىڭ بۇرىنعى باس ءۋازىرى گوردون بروۋن دا باتىستىڭ اسىپ قالعان ۆاكسيناسىن ءوزى باسىپ قويعاندىعىن، ال ەڭ كەدەي ەلدە ۆاكسينا توتەنشە تاپشى ەكەندىگىن، ۆاكسينانى باسىپ قويۋ ءمورالدىق جاقتان ايىپتالۋعا ءتيىس دەگەنىن بايقادىق. جۇڭگو جاق بۇعان قالاي قارايدى؟

  ۋاڭ ۋىنبين بىلاي دەدى: جۇڭگو باستان ـ اياق ىندەتكە قارسى تۇرۋدى ءار ەلدىڭ ورتاق جاۋاپكەرشىلىگى دەپ قارايدى. ۆاكسينا كۇنى بۇگىنگە دەيىن جاڭا تيپتى ايدارشا ۆيرۋس وكپە قابىنۋ ىندەتىنە قارسى تۇرۋدىڭ باستى قارۋى، ءتىپتى دە كوپ تىرشىلىكتى قۇتقارۋدىڭ ەڭ ۇلكەن ءۇمىتى، دۇنيە جۇزىندەگى ءارقايسى ەلدەر ۆاكسينانىڭ دۇنيە جۇزىلىك الەۋمەتتىك ءونىم سىندى ءبىرىنشى قاسيەتىنە تاباندى بولۋى كەرەك. «ادامدى وكىندىرەتىنى، قازىر بۇكىل جەر شارىنداعى ۆاكسينانىڭ ءونىم مولشەرى ارتىپ، ەكتىرۋ مولشەرى جوعارىلاعانىمەن، دامىعان ەلدەر مەن دامۋ جولىنداعى ەلدەر اراسىنداعى <يممۋنيتەتتىك پارىق>ءالى دە كەڭەيۋدە».

  ۋاڭ ۋىنبين بىلاي دەدى: ساناققا قاراعاندا، تومەن كىرىستى ەلدەردە تەك %5 ادام عانا ۆاكسينا ەكتىرىپ بولعان. افريكا قۇرلىعىندا ءبىر ميلليارد 300 ميلليون ادامنىڭ %7.5ى عانا ۆاكسينا ەكتىرگەن. «ۆاكسينا جەتىسپەۋ، ءدارى ـ دارمەك تاپشى بولۋ» قالىڭ دامۋ جولىنداعى ەلدەردىڭ حالقىنىڭ ومىرىنە تىكەلەي حاۋىپ ءتوندىردى. سونىمەن بىرگە، از ساندى باتىس ەلدەرى باسىپ قويعان ۆاكسينا وزىندىك قاجەتىنەن الدە قايدا اسىپ كەتكەن، ونىڭ ۇستىنە ىسىراپشىلدىق اۋىر بولىپ وتىر. تەك ا ق ش - تى عانا ايتار بولساق، بىلتىر 3 - ايدان 11 - ايعا دەيىن كەم دەگەندە 15 ميلليون جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ىسىراپ ەتكەن. جاڭا تيپتى ايدارشا ۆيرۋس وكپە قابىنۋ ىندەتى ۇزدىكسىز ءورشىپ، وزگەرگەن ۆيرۋس تۇبىرشىگى ۇزدىكسىز پايدا بولعان جاعدايدا، ءىشنارا ەلدەردىڭ باعالى ۆاكسينالاردى باسىپ قويۋ، ىسىراپ ەتۋ ارەكەتى ءورت ءوشىرۋ اۆتوكولىكتەرىنە سۋ قۇيماي قويعانمەن بىردەي، راسىندا ءمورالدىق جاقتان ايىپتالۋعا كەرەك.

  ول بىلاي دەدى: بارلىق ادام ءۇمىر ءسۇرۋ ۇقىعى مەن دەنساۋلىق ۇقىعىنان يگىلىكتەنەدى. دۇنيە ءجۇزىن، اسىرەسە، دامۋ جولىنداعى ەلدەردى مۇمكىندىكتىڭ بارىنشا ۆاكسينامەن قامداپ، بۇكىل جەر شارى ۆاكسيناسىن ءادىل، ۇيلەسىمدى ءبولۋدى بەلسەنە جەبەۋ جارىلقاۋ ەمەس، قايتا ءبىر ءتۇرلى جاۋاپكەرشىلىك ەسەپتەلەدى. قاتىستى ەلدەردىڭ ۋادەسىن شىن مانىندە ورىنداپ، جۇڭگومەن بىرگە دۇنيە ءجۇزىنىڭ «يممۋنيتەتتىك پارقىن» جويىپ، ادامزاتتىڭ ىندەت جاعدايىن ەرتەرەك جەڭۋىنە ءتيىستى ۇلەس قوسۋىن ءۇمىت ەتەمىن.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار