ورتالىق ۇگىت ءبولىمى، ورتالىق وركەنيەت كەڭسەسى مەملەكەتتىك ءمورال ۇلگىلەرىنەن حال سۇراۋ - كومەكتەسۋ قيمىلىن ورىستەتتى
2022.01.14 16:40 كەلۋ قاينارى : حالىق تورابى
«حالىق گازەتى»، 1 - ايدىڭ 13 - كۇنى، بەيجيڭ (ءتىلشى جاڭ حى). 2022 - جىلعى كوكتەم مەرەكەسى قارساڭىندا ورتالىق ۇگىت ءبولىمى، ورتالىق وركەنيەت كەڭسەسى مەملەكەتتىك ءمورال ۇلگىلەرىنەن حال سۇراۋ - كومەكتەسۋ قيمىلىن ۇيىمداستىرىپ، پارتيا مەن مەملەكەتتىڭ ءمورال ۇلگىلەرىنە دەگەن قامقورلىعىن، قۇرمەتىن تولىق ايگىلەپ، تۇتاس قوعامدا ءمورالدى قاستەرلەپ، ىزگىلىككە تالپىناتىن، جاقسىدان ونەگە الاتىن، ءمورالدىلار ارداقتالاتىن قويۋ راي قالىپتاستىردى.
تاياۋدا ج ك پ ورتالىق كوميتەتىنىڭ ۇگىت ءبولىمى، ورتالىق وركەنيەت كەڭسەسى 3 ميلليون 100 مىڭ يۋان ارناۋلى قارجى ورنالاستىرىپ، قاتىستى ولكە دارەجەلى وركەنيەت كەڭسەلەرىنە 22 ولكە (اۆتونوميالى رايون، توتە قاراستى قالا) مەن شينجياڭ ءوندىرىس - قۇرىلىس بيڭتۋانىنداعى 56 مەملەكەتتىك ءمورال ۇلگىسىنەن جانە ولاردىڭ وتباسىنداعىلاردان حال سۇراپ، ورتالىقتاعى باسشى جولداستاردىڭ ىقىلاستى سالەمىن جەتكىزىپ، كومەكتەسۋ - سۇيەمەلدەۋ قارجىسى مەن مەرەكەلىك تىلەگىن جەتكىزىپ، ولاردىڭ قىزمەت، تۇرمىس جاعدايىن ەگجەي - تەگجەيلى ۇعىسىپ، ولارعا دەنساۋلىقتارىن كۇتىپ، تاڭداۋلى قاسيەتتى ساقتاپ، ۇلگىلىك، ونەگەلىك رولىن ۇزدىكسىز ساۋلەلەندىرۋدى قاداعالاپ، باستان - اياق ءمورالدىڭ امالياتتا ايگىلەۋشىسى، رۋحتىڭ باستاۋشىسى، ءداۋىردىڭ كۇرەسكەرى بولۋعا شابىتتاندىرۋدى تاپسىردى.
حال سۇراپ، كومەك بەرىلەتىن مەملەكەتتىك ءمورال ۇلگىلەرىنىڭ اراسىندا توڭكەرىستىك سوعىس جىلدارىندا اتويلاپ الدا ءجۇرىپ، بەيبىت قۇرىلىس داۋىرىندە اتاق - ابىرويعا بەرىلمەگەن ۇلەسكەر، قىستاق تۇرعىندارىن باستاپ اتا مەكەنىنىڭ كەدەيلىك بەت - بەينەسىن وزگەرتكەن امەريكاعا قارسى تۇرىپ، چاۋشيانعا كومەك بەرۋشى ساقا جاۋىنگەر سۇن جيڭكۇن؛ 18 جىلدى ءبىر كۇندەي وتكىزىپ، تۇتاس جىلداعى 365 كۇن بويى دەمالماي ىستەگەن، شيپاحانانىڭ جانىنداعى تار كوشەدە «مەيىر اسحاناسىن» اشىپ، ناۋقاستاردىڭ «ءۇي تاعامىن» جەي الۋىنا مۇمكىندىك جاراتقان ۋان زوچىڭ، شيۇڭ گىڭشياڭ ەرلى - زايىپتىلار؛ ون نەشە جىلدى ءبىر كۇندەي وتكىزىپ، توسەك تارتىپ جاتقان شەشەسىنە قارايلاسىپ، شەشەسىن باعا ءجۇرىپ داشۋەدە وقىعان قايسار قىز ليۋ شيمىڭ ... بار. حال سۇراۋ گرۋپپاسى تاعى قۇربان بولعان، قايتىس بولعان ءبىر ءبولىم ءمورال ۇلگىلەرىنىڭ وتباسىنداعىلارعا امانداسا باردى. ولاردىڭ ىشىندە توسىننان كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا ەرلىكپەن ايقاسىپ، ارت - ارتىنان شايقاس جاساپ، اجالعا اراشاشى بولىپ، جارالىعا مەدەت بەرۋدىڭ كۇرەس داستانىن جاس ومىرىمەن جازعان حۋبەي ولكەسىنە كومەككە بارعان سەسترا لياڭ شياۋشيانىڭ اكە - شەشەسى؛ قايتا - قايتا قالاعا قايتۋ ورايىنان بەزىپ، تاۋ قويناۋىنا تامىر تارتىپ، كەدەيلىكتەن ارىلتۋدان قامال الۋدىڭ ءبىرىنشى شەبىندە باقىتقا قارسى قۇربان بولعان نەگىزگى ساتى ءتارتىپ تەكسەرۋ كادرى لي شيانىڭ ايەلى قاتارلىلار بار. ءمورال ۇلگىلەرى جابال مىنانى ءبىلدىردى: پارتيا مەن مەملەكەتتىڭ قامقورلىعى مەن مەيىرىنە العىس ايتامىز، ءسوز جوق، داڭقتى قاستەرلەپ، كۇش ۇستىنە كۇش قوسىپ، ءوز قابىلەتىمىزدى سارقا جۇمساپ، ءوز ارتىقشىلىعىمىزدان پايدالانىپ، قوعامعا شىنايىلىقتى، ىزگىلىكتى، كوركەمدىكتى تاراتىپ، وڭ ەنەرگيا جەتكىزىپ، ءتىپتى دە كوپ ادامنىڭ جاڭا داۋىردە ۇلەس قوسۋىنا، جاڭا ساپاردا العا باسۋىنا ىقپال جاسايمىز.
ۇعىسۋعا قاراعاندا، تاياۋ جىلداردان بەرى ورتالىق ۇگىت ءبولىمى، ورتالىق وركەنيەت كەڭسەسى ىلگەرىندى - كەيىندى 27 ميلليون 700 مىڭ يۋاننان استام قارجى شىعارىپ، مەملەكەتتىك ءمورال ۇلگىلەرىنەن 330 ادام - رەتتەن استام ادامعا كومەك بەرگەن. جەر - جەر ءمورال ۇلگىلەرىنەن حال سۇراۋ قيمىلىن كەڭ كولەمدە ورىستەتىپ، ساياساتتىق قامتاماسىزداندىرۋ، قارجىلاي قولداۋ، قوعامدىق جىلۋ اتاۋ، ەرىكتى قىزمەت وتەۋ سياقتى تاسىلدەر ارقىلى قامقورلىق جاساۋ، سۇيەمەلدەۋ شارالارىن تياناقتاندىرىپ، ءىس جۇزىندىك قيىنشىلىقتاردى شىنايى شەشىپ، ءمورالدىلار قارىمجىعا يە بولۋ، ءمورالدىلار قۇرمەتكە بولەنۋ ايقىن بەتالىسىن ايگىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
