جۇڭگو يەمەن قاقتىعىسىنداعى ءارقايسى جاقتاردى سوعىستى دەرەۋ توقتاتۋعا، بۇلىكتى تيۋعا ۇندەدى
2022.01.14 16:46 كەلۋ قاينارى : حالىق تورابى
شينحۋا اگەنتتىگىنىڭ 1 - ايدىڭ 12- كۇنى ب م ۇ ـ دان بەرگەن حابارى. جۇڭگونىڭ ب م ۇ ـ داعى تۇراقتى ورىنباسار ۋاكىلى داي بيڭ 1 - ايدىڭ 12 - كۇنى بىلاي دەدى: قاقتىعىستى ەرتەرەك توقتاتۋ ءتىپتى دە كوپ ءومىردى قۇتقارۋدان دەرەك بەرەدى، يەمەن قاقتىعىسىنداعى ءارقايسى جاق دەرەۋ سوعىستى توقتاتىپ، بۇلىكتى تيىپ، ەڭ زور ۇستامدىلىقتى ساقتاپ، جاعدايدىڭ كۇردەلىلەسۋىنە، اسقىنۋىنا سوقتىراتىن بارلىق ارەكەتتى قولدانۋدان ساقتانۋى كەرەك.
داي بيڭ سول كۇنى حاۋىپسىزدىك القالار كەڭەسىنىڭ يەمەن ماسەلەسى جونىندەگى اشىق ماجىلىسىندە بىلاي دەدى: وتكەن ءبىر مەزگىلدە يەمەننىڭ جاعدايى ۇزدىكسىز اۋمالى - توكپەلى بولىپ، قاقتىعىسقان جاقتاردىڭ جاۋلاسۋ ارەكەتى كۇشەيىپ، حالىقارالىق قوعام جاپپاي الاڭدادى. جاڭا جىل باستالدى، يەمەن حالقى بولاشاققا دەگەن سەنىم مەن ۇمىتكە قول جەتكىزۋگە ەرەكشە مۇقتاج. يەمەندەگى تاراپتاردىڭ تاماشا ساياسي تىلەك ۇستانىپ، بۇكپەسىز پىكىر اۋىستىرىپ، ناقتى، ۇتىمدى ساياسي شەشۋ جوباسىنا ەرتەرەك قول جەتكىزۋىن ءۇمىت ەتەمىن. يەمەن ماسەلەسى شىعاناق ءوڭىرىنىڭ بەيبىتشىلىگى مەن ورنىقتىلىعىنا سايادى، ءوڭىردىڭ جاعدايى دا يەمەننىڭ جاعدايىنا ىقپال جاسايدى، جۇڭگو جاق وڭىردەگى ەلدەردى يەمەن ماسەلەسىندە كەلىسىمگە ءناسيحاتتاۋ، كەلىسسوزدى جەبەۋ جاعىنداعى بەلسەندى رولىن ساۋلەلەندىرۋگە ۇندەيدى، بۇل ءار جاقتىڭ ورتاق مۇددەسىنە ۇيلەسەدى.
داي بيڭ بىلاي دەدى: يەمەننىڭ ادامگەرشىلىك قاجەتى ۇزدىكسىز كەڭەيىپ، 15 ميلليون 600 مىڭ يەمەن بۇقاراسى توتەنشە كىرىپتارلىق كۇيگە ءتۇستى، يەمەننىڭ ادامگەرشىلىك داعدارىسىن باسەڭدەتۋ، يەمەننىڭ ەكونوميكالىق جاعدايىن جاقسارتۋ كەزەك كۇتتىرمەيدى. جۇڭگو ب م ۇ ـ نىڭ يەمەن ەكونوميكاسىنىڭ جۇلگەلىك ارەكەتىن ۇزدىكسىز ىلگەرىلەتىپ، قىسقا مەرزىمدىك جانە ورتا، ۇزاق مەرزىمدىك قۇتقارۋ، كومەك بەرۋ ءتاسىلىن ساتىعا ءبولىپ اتقارۋىن قولدايدى. حالىقارالىق قوعام يەمەنگە ۇزدىكسىز قارجى جانە زاتتىق كومەك بەرىپ، ب م ۇ - نىڭ يەمەندەگى ادامگەرشىلىك قۇتقارۋ نىسانىن ساقتاۋى كەرەك. يەمەندەگى تاراپتار حالىقارالىق ادامگەرشىلىك زاڭىنا بويسۇنىپ، ادامگەرشىلىك كومەكتىڭ كىرۋىنە كەپىلدىك ەتىپ، جاي حالىقتى، اسىرەسە، ايەلدەر، بالالار سياقتى ءالسىز قاۋىمدى قورعاۋى كەرەك. جۇڭگو يەمەن ۇكىمەتىنىڭ ەكونوميكا، حالىق تۇرمىسى سالاسىندا بەلسەندى شارالار قولدانىپ، مۇناي، جانار زات بازارىن ارناعا ءتۇسىرىپ، قازىنا ىستەرىن باسقارۋدى كۇشەيتۋىن قولدايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
