«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالادى
ەلىمىزدىڭ سيفرلى ەكونوميكاسىن ۇزدىكسىز كۇشەيتۋ، ساپالىلاندىرۋ، زورايتۋ كەرەك
2022.01.17 16:23 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 15 - كۇنى، بەيجيڭ. 1 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 2 - سانى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ەلىمىزدىڭ سيفرلى ەكونوميكاسىن ۇزدىكسىز كۇشەيتۋ، ساپالىلاندىرۋ، زورايتۋ كەرەك» اتتى ماڭىزدى ماقالاسىن جاريالادى.
ماقالادا بىلاي دەپ دارىپتەلدى: تاياۋ جىلدان بەرى سيفرلى ەكونوميكانىڭ دامۋ جىلدامدىعىنىڭ تەزدىگى، شارپيتىن كولەمىنىڭ كەڭدىگى، ىقپال جاساۋ دارەجەسىنىڭ تەرەڭدىگى بۇرىن بولماعان دەڭگەيدە بولىپ، دۇنيە جۇزىلىك ماڭىزدى فاكتورلار بايلىعىن قايتا ۇيىمداستىراتىن، دۇنيە جۇزىلىك ەكونوميكالىق قۇرىلىمدى قايتا تۇلعالايتىن، دۇنيە جۇزىلىك باسەكە ارناسىن وزگەرتەتىن شەشۋشى كۇشكە اينالۋدا. بولاشاققا بەت الۋدا ءبىز جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاۋ دەڭگەيىندە تۇرىپ، ەل ءىشى، حالىقارا سىندى ەكى كەلەلى جاعدايدى، دامۋ مەن حاۋىپسىزدىك سىندى ەكى ءىرى ءىستى ءبىر تۇتاس جوسپارلاپ، ۇشان - تەڭىز ساندى مالىمەت جانە اسا مول قولدانىلۋ جاعدايى ابزالدىعىن تولىق ساۋلەلەندىرىپ، سيفرلى تەحنيكا مەن ناقتى ەكونوميكانىڭ تەرەڭدەي توعىسۋىن جەبەپ، ءداستۇرلى كاسىپ سالاسىنىڭ تيبىن وزگەرتىپ، دارەجەسىن جوعارىلاتۋعا دەم بەرىپ، جاڭا كاسىپ سالالارىن، جاڭا كاسىپ كۇيلەرىن، جاڭا ۇلگىلەردى جارىققا شىعارىپ، ەلىمىزدىڭ سيفرلى ەكونوميكاسىن ۇزدىكسىز كۇشەيتۋىمىز، ساپالىلاندىرۋىمىز، زورايتۋىمىز كەرەك.
ماقالادا بىلاي دەپ اتاپ كورسەتىلدى: پارتيانىڭ 18 - قۇرىلتايىنان بەرى پارتيا ورتالىق كوميتەتى سيفرلى ەكونوميكانى دامىتۋعا بارىنشا ءمان بەرىپ، ونى مەملەكەتتىك ستراتەگيا دەڭگەيىنە كوتەرىپ، سيفرلى ەكونوميكانىڭ دامۋىن مەملەكەتتىك دەڭگەيدە ورنالاستىرىپ ىلگەرىلەتتى. وسى جىلداردا ەلىمىز سيفرلى ەكونوميكاسىنىڭ دامۋى ءبىرشاما تەز، تابىسى كورنەكتى بولدى. سونىمەن بىرگە، ءبىز مىنانى كورە ءبىلۋىمىز كەرەك: دۇنيە جۇزىندەگى سيفرلى ەكونوميكاداعى ءىرى ەلدەرمەن، قۋاتتى ەلدەرمەن سالىستىرعاندا، ەلىمىز سيفرلى ەكونوميكاسى زور بولعانىمەن، قۋاتتى ەمەس، تەز بولعانىمەن، ساپالى ەمەس. تاعى مىنانى كورە ءبىلۋىمىز كەرەك: ەلىمىز سيفرلى ەكونوميكاسىنىڭ جىلدام دامۋى بارىسىندا دا كەيبىر اقاۋى بار، ولشەمسىز بولعان سىڭاي مەن اۋقىم جارىققا شىقتى، وسى ماسەلەلەر سيفرلى ەكونوميكانىڭ اقاۋسىز دامۋىنا ىقپال جاساپ قالماستان، زاڭدارعا، زاڭ - ەرەجەلەرگە قايشى، مەملەكەتتىڭ ەكونوميكا، فينانس حاۋىپسىزدىگىنە قاتەر توندىرەدى، ءسوز جوق، باتىل تۇزەتۋ جانە جونگە سالۋ كەرەك.
ماقالادا بىلاي دەپ اتاپ كورسەتىلدى: سيفرلى ەكونوميكانى دامىتۋ − جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنىڭ جاڭا ورايىن يگەرۋدەگى ستراتەگيالىق تالعام. سيفرلى ەكونوميكانىڭ اقاۋسىز دامۋى جاڭا دامۋ ارناسىنىڭ قالىپتاسۋىن ىلگەرىلەتۋگە پايدالى، وسىزاماندانعان ەكونوميكا جۇيەسىن قۇرۋدى ىلگەرىلەتۋگە پايدالى، مەملەكەتتىڭ باسەكەلىك جاڭا ابزالدىعىن قالىپتاستىرۋدى ىلگەرىلەتۋگە پايدالى.
ماقالادا بىلاي دەپ اتاپ كورسەتىلدى: شەشۋشى، وزەكتى تەحنيكالاردان قامال الۋدى كۇشەيتىپ، جاڭا تيپتەگى نەگىزدىك قۇرىلعىلار قۇرىلىسىن جەدەلدەتىپ، سيفرلى ەكونوميكا مەن ناقتى ەكونوميكانىڭ توعىسا دامۋىن ىلگەرىلەتىپ، ءتۇيىندى سالالارداعى سيفرلى كاسىپ سالاسىنىڭ دامۋىن ىلگەرىلەتىپ، سيفرلى ەكونوميكانىڭ دامۋىن ارناعا ءتۇسىرىپ، سيفرلى ەكونوميكانى جونگە سالۋ جۇيەسىن كەمەلدەندىرىپ، سيفرلى ەكونوميكانىڭ حالىقارالىق سەلبەستىگىنە بەلسەنە ات سالىسۋ كەرەك.
ماقالادا بىلاي دەپ اتاپ كورسەتىلدى: سيفرلى ەكونوميكا مەملەكەتتىڭ دامۋ كەلەلى جاعدايىنا سايادى. ەلىمىز دامۋىنىڭ قاجەتىمەن جانە مۇمكىندىگىمەن ۇشتاستىرىپ، ەلىمىزدىڭ سيفرلى ەكونوميكانى دامىتۋ جونىندەگى جوعارى دەڭگەيلى جوباسى مەن ءتۇزىلىس، مەحانيزم قۇرىلىسىن ويداعىداي ىستەۋ كەرەك. ءار دارەجەلى باسشى كادرلار سيفرلى ەكونوميكا ويلاۋ قابىلەتى مەن كاسىپتىك ساپاسىن جوعارىلاتىپ، سيفرلى ەكونوميكانى دامىتۋ قابىلەتىن ارتتىرىپ، حاۋىپسىزدىك تانىمىن كۇشەيتىپ، سيفرلى ەكونوميكانىڭ جاڭا دامۋ ارناسىنا اناعۇرلىم ويداعىداي قىزمەت وتەۋىن جانە توعىسۋىن ىلگەرىلەتۋى كەرەك. جالپى حالىقتىڭ، تۇتاس قوعامنىڭ سيفرلىق ساپاسىن جانە شەبەرلىگىن جوعارىلاتىپ، ەلىمىز سيفرلى ەكونوميكاسىنىڭ دامۋىنىڭ قوعامدىق نەگىزىن بەكەمدەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
