بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭنىڭ ەكى ۇلكەن ەكولوگيالىق ينجەنەرياسى سولتۇستىك قۇمنان ساقتانۋ بەلدەۋى قۇرىلىسى جوباسىنا ەنگىزىلدى

2022.01.17 16:56     كەلۋ قاينارى : حالىق تورابى

  شينجياڭ گازەتىنىڭ 1 - ايدىڭ 14 - كۇنى ۇرىمجىدەن بەرگەن حابارى. تاياۋدا مەملەكەتتىك ورمان شارۋاشىلىعى جانە جايىلىم مەكەمەسى، مەملەكەتتىك دامۋ جانە رەفورما كوميتەتى، جاراتىلىستىق بايلىق مينيسترلىگى، سۋ يگىلىگى مينيسترلىگى بىرلەسىپ «سولتۇستىك قۇمنان ساقتانۋ بەلدەۋىنىڭ ەكولوگياسىن قورعاۋ جانە قالپىنا كەلتىرۋ كەلەلى ينجەنەريالىق قۇرىلىسى جوباسىن (2021 − 2035 - جىل)» (تومەندە قىسقارتىلىپ «جوبا» دەلىنەدى) باسىپ تاراتتى. «جوباعا» ساي، ەلىمىز سولتۇستىك وڭىرلەردە ەكولوگيانى قورعاۋ جانە قالپىنا كەلتىرۋ بويىنشا 6 تۇردەگى كەلەلى ينجەنەريا اتقارادى، مۇنىڭ ىشىندە شينجياڭنان ەكى ۇلكەن ەكولوگيالىق ينجەنەريا بار.

  6 تۇردەگى كەلەلى ينجەنەريا بەيجيڭدى، تيانجيندى، حىبەيدى سايكەستىرە دامىتۋ بويىنشا ەكولوگيانى قورعاۋ جانە قالپىنا كەلتىرۋ ينجەنەرياسىن، ىشكى موڭعۇل ءۇستىرتىنىڭ ەكولوگياسىن قورعاۋ جانە قالپىنا كەلتىرۋ ينجەنەرياسىن، حىشي ءدالىزىنىڭ ەكولوگياسىن قورعاۋ جانە قالپىنا كەلتىرۋ ينجەنەرياسىن، تارىم وزەنى الابىنىڭ ەكولوگياسىن قالپىنا كەلتىرۋ ينجەنەرياسىن، تيانشان تاۋى مەن التاي تاۋىنىڭ ورمانىن، جايىلىمىن قورعاۋ ينجەنەرياسىن، سولتۇستىك قۇمنان ساقتانۋ بەلدەۋىندەگى كەندەردىڭ ەكولوگياسىن قالپىنا كەلتىرۋ ينجەنەرياسىن قامتيدى. جالپى 29 ءتۇيىندى نىسان قامتىلعان، مۇنداعى ماقسات كەلەلى ينجەنەريالاردى اتقارۋ ارقىلى سولتۇستىك ءوڭىردىڭ ەكولوگيالىق جۇيەسىنىڭ يقۋاتى مەن ورنىقتىلىعىن جوعارىلاتىپ، سولتۇستىك قۇمنان ساقتانۋ بەلدەۋىنىڭ كەڭىستىگىن قورعاۋ ارناسىن جاپپاي قالىپتاستىرۋ.

  تارىم وزەنى الابىنىڭ ەكولوگياسىن قالپىنا كەلتىرۋ ينجەنەرياسى ياركەن وزەنى، اقسۋ وزەنى، حوتان وزەنى سياقتى الاپتاردىڭ ەكولوگياسىن جان - جاقتى جونگە سالۋ نىساندارىن قامتيدى، توراڭعى ورمانى جانە بۇتا - بۇرگەن ورمانى سياقتى ءشول دالاداعى بايىرعى وسىمدىك جامىلعىلارىن قورعاۋ، وزەن جاعالاۋىنداعى وسىمدىك جامىلعىلارىن قورشاپ قالپىنا كەلتىرۋ، سۋ بايلىعىنان شوعىرلى، حاۋىپسىز پايدالانۋدى ىلگەرىلەتۋ، جاراقسىز كەندەردىڭ ەكولوگياسىن قالپىنا كەلتىرۋ سياقتىلاردى ورىستەتەدى. 2021 - جىلدان 2035 - جىلعا دەيىن تۇياق كەستى بولعان 348 مىڭ گەكتار جايىلىم جونگە سالىنادى، ءبىر ميلليون 122 مىڭ گەكتار جەرگە ورمان وسىرىلەدى، ءبىر ميلليون 877 مىڭ گەكتار جەردىڭ توپىراعىنىڭ شايىلۋى جان - جاقتى جونگە سالىنادى، 3 ميلليون 927 مىڭ گەكتار جەردىڭ قۇمايتتانۋى جان - جاقتى جونگە سالىنادى، 17 ورىنعا حالىقارالىق ماڭىزدى سازدىق، مەملەكەتتىك ماڭىزدى سازدىق، مەملەكەت دارەجەلى جاراتىلىستىق قورىق جانە مەملەكەتتىك سازدىق باقشاسى سالىنادى نەمەسە كەمەلدەندىرىلەدى.

  تيانشان تاۋى مەن التاي تاۋىنىڭ ورمانىن، جايىلىمىن قورعاۋ ينجەنەرياسى تيانشان تاۋىنىڭ ورمانىن، جايىلىمىن قورعاۋ، جان - جاقتى جونگە سالۋ، التاي تاۋىنىڭ ەكولوگياسىن قورعاۋ، جان - جاقتى جونگە سالۋ، ىلە وزەنى اڭعارىنىڭ ەكولوگياسىن جان - جاقتى جونگە سالۋ، جوڭعار ويپاتىنىڭ جاسىل القاپتارىن قورعاۋ، جان - جاقتى جونگە سالۋ سياقتى نىسانداردى قامتيدى، سۋ قاينارىن قورعاۋ ورمانى قۇرىلىسى، تۇياق كەستى بولعان ىقتاسىن ورماندى قالپىنا كەلتىرۋ جانە تۇياق كەستى بولعان جايىلىمدى قالپىنا كەلتىرۋ، جەر استى سۋىن شەكتەن تىس اشۋدى جان - جاقتى جونگە سالۋ، جەردى كەزەكپەن تىنىقتىرۋ جانە جەردى تىنىقتىرىپ، سۋدى ازايتۋ سياقتى ەكولوگيالىق قۇرىلىستاردى جۇرگىزەدى. 2021 - جىلدان 2035 - جىلعا دەيىن تۇياق كەستى بولعان ءبىر ميلليون 534 مىڭ گەكتار جايىلىمدى جونگە سالۋ، 608 مىڭ گەكتار جەرگە ورمان ءوسىرۋ، ءبىر ميلليون 807 مىڭ گەكتار جەردىڭ توپىراعىنىڭ شايىلۋىن جان - جاقتى جونگە سالۋ، ءبىر ميلليون 406 مىڭ گەكتار جەردىڭ قۇمايتتانۋىن جان - جاقتى جونگە سالۋ، 24 ورىنداعى حالىقارالىق ماڭىزدى سازدىق، مەملەكەتتىك ماڭىزدى سازدىق، مەملەكەت دارەجەلى جاراتىلىستىق قورىق جانە مەملەكەتتىك سازدىق باقشاسىن سالۋ نەمەسە كەمەلدەندىرۋ جوسپارلاندى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار