بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ۋاڭ فۋيۇي ءبىرىنشى سوتتا ءولىم جازاسىنا ۇكىم ەتىلدى!

2022.01.18 14:39     كەلۋ قاينارى : حالىق تورابى

  2022 - جىلى 1 - ايدىڭ 17 – كۇنى، تيانجين قالالىق 1 - ورتا دارەجەلى حالىق سوت مەكەمەسى تيانجين قالالىق حالىق پروكۋراتۋراسى 1 - بولىمشەسى الەۋمەتتىك ايىپتاۋ تۇسىرگەن گۇيجوۋ ولكەلىك ساياسي كەڭەستىڭ بۇرىنعى پارتيا باسشىلىق گرۋپپاسىنىڭ شۋجيى، ءتوراعاسى ۋاڭ فۋيۇيدىڭ پارا الۋ، ىقپال كۇشىنەن پايدالانىپ پارا الۋ دەلوسىنا اشىق ۇكىم شىعارىپ، ايىپكەر ۋاڭ فۋيۇيدى پارا الۋ قىلمىسى بويىنشا ءولىم جازاسىنا ۇكىم ەتىپ، 2 جىل كەشىكتىرىپ اتقارىپ، ساياسي ۇقىعىنان ومىرلىك ماحۇرىم ەتتى، وعان قوسا جەكەلىك مال - مۇلكىن تۇگەلدەي ءمۇسادىرالادى؛ ىقپال كۇشىنەن پايدالانىپ پارا الۋ قىلمىسى بويىنشا 8 جىلدىق مەرزىمدى قاماق جازاسىنا ۇكىم ەتىلدى، وعان قوسا ءبىر ميلليون يۋان اقشالاي ايىپ سالۋ جازاسى كەسىلدى، ءولىم جازاسى كەسىلىپ، ەكى جىل كەشىكتىرىلىپ اتقارىلىپ، ساياسي ۇقىعىنان ومىرلىك ماحۇرىم ەتىلدى، ءارى جەكەلىك مال – مۇلكىن تۇگەلدەي ءمۇسادىرالادى. سونىمەن بىرگە، ۋاڭ فۋيۇيدىڭ العان پاراسى جانە ودان تاپقان تابىسى مەن پايداسىن جانە پارا الىپ تاپقان تابىسىن ورايلاستىرۋعا جۇمساعان مال ـ مۇلكىن زاڭ بويىنشا ءمۇسادىرالاپ، مەملەكەت قازىناسىنا تاپسىردى. ۋاڭ فۋيۇي سوتتا ۇكىمگە بويسۇناتىندىعىن، شاعىم ارىز بەرمەيتىندىگىن ءبىلدىردى.

  تەكسەرىپ انىقتاۋ ارقىلى 1995 - جىلدان 2021 - جىلعا دەيىن، ۋاڭ فۋيۇي ج ك پ حاينان ولكەسى چيۇڭشان قالالىق پارتكومنىڭ شۋجيى، قالا باستىعى، ج ك پ حاينان ولكەلىك كوميتەتىنىڭ تۇراقتى مۇشەسى ، سان-يا قالالىق پارتكومنىڭ شۋجيى، ج ك پ حاينان ولكەلىك كوميتەتىنىڭ ورىنباسار شۋجيى، حايكوۋ قالالىق پارتكومنىڭ شۋجيى، ج ك پ گۇيجوۋ ولكەلىك كوميتەتىنىڭ ورىنباسار شۋجيى، گۇيجوۋ ولكەلىك ساياسي كەڭەستىڭ ورىنباسار ءتوراعاسى، ءتوراعاسى، گۇيجوۋ ولكەسىنىڭ مينيستر دارەجەلى باسشى كادرلارى قاتارلى قىزمەت قولايلىلىعىنان، سونداي - اق قىزمەت ۇقىعى مەن ورنى قالىپتاستىرعان قولايلى شارت - جاعدايدان پايدالانىپ، باسقا مەملەكەت قىزمەتكەرلەرىنىڭ قىزمەتتەگى ارەكەتى ارقىلى قاتىستى ورىندار مەن جەكەلەرگە كاسىپورىننىڭ تيجاراتى، پلاندى تەكسەرىپ بەكىتۋ، قىزمەتىن رەتتەۋ، دەلونى ءبىر جاقتى ەتۋ سياقتى ىستەردە كومەك كورسەتەدى، تىكەلەي نەمەسە باسقالار ارقىلى جوعارىدا ايتىلعان ورىندار مەن جەكەلەر بەرگەن مال - مۇلىكتى زاڭسىز الادى، جالپى حالىق اقشاسىنا سىندىرعاندا 434 ميلليون يۋاننان اسقان. مۇنىڭ ىشىندە قۇنى 4 ميلليون 800 مىڭ يۋاندىق قورا - جايدى ءالى ناقتى الماعان ، بۇل قىلمىستىڭ جۇزەگە اسپاعاندىعىنا جاتادى. 2019 ـ جىلدان 2020 ـ جىلعا دەيىن ۋاڭ فۋيۇي قىزمەتتەن بوساعاننان كەيىن، ىقپال كۇشىنەن پايدالانىپ باسقالاردىڭ بەرگەن مال ـ مۇلكىن قابىلداپ، حالىق اقشاسىنا سىندىرعاندا 17 ميلليون 350 مىڭ يۋاننان اسقان.
  
  تيانجين قالالىق 1 - ورتا دارەجەلى حالىق سوت مەكەمەسى ايىپكەر ۋاڭ فۋيۇيدىڭ ارەكەتى پارا الۋ قىلمىسى، ىقپال كۇشىنەن پايدالانىپ پارا الۋ قىلمىسى دەپ قارادى. ۋاڭ فۋيۇيدىڭ پاراعا العان سوماسى ەرەكشە كوپ، قىلمىس سالماعى ەرەكشە اۋىر، قوعامدىق ىقپالى ەرەكشە ناشار بولىپ، مەملەكەت پەن حالىقتىڭ مۇددەسىنە ەرەكشە اۋىر زيان جەتكىزگەن، قىلمىسى بويىنشا ءولىم جازاسىنا ۇكىم ەتىلۋى كەرەك. ۋاڭ فۋيۇيدىڭ ءوزىن مالىمدەپ ، دەلو ءبىر جاقتى ەتۋ ورگانى يگەرگەن ءبىر ءبولىم پارا الۋ قىلمىس فاكتىلەرىن قاز - قالپىندا بايانداپ، دەلو ءبىر جاقتى ەتۋ ورگانى ءالى يگەرمەگەن، ىقپال كۇشىنەن پايدالانىپ پارا الۋ جانە كوپ ساندى پارا الۋ قىلمىس فاكتىلەرىن ىرىقتىلىقپەن تاپسىرعانىن ەسكەرىپ، ءوزىن مالىمدەۋ دەپ ەسەپتەلدى، ءىشىنارا پارا الۋ قىلمىسى ماقساتىنا جەتە الماعان، ونىڭ ۇستىنە قىلمىسىن تانىپ، رايىنان قايتىپ، ارام ولجانى بەلسەنە قايتارىپ بەرگەن، زاڭعا قايشى تابىسى مەن پايداسى تۇگەلدەي قايتارىپ الىندى، زاڭدا بەلگىلەنگەن، جاعدايعا قاراي جەڭىل جازا بەرۋ جاعدايى بار، پارا الۋ قىلمىسى بويىنشا ءولىم جازاسىنا ۇكىم ەتىلىپ، دەرەۋ اتقارماۋعا بولادى، ىقپال كۇشىنەن پايدالانىپ پارا الۋ قىلمىسىن جەڭىل جازالاۋعا بولادى. سوت جوعارىداعى ۇكىمدى شىعارادى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار