شي جينپيڭ 2022 - جىلعى دۇنيە جۇزىلىك ەكونوميكا تالقى مىنبەرى بەينە ەكران ماجىلىسىنە قاتىناستى ءارى ءسوز سويلەدى
تاريحتىڭ العا باسۋ لوگيكاسى بويىنشا العا باسىپ، ءداۋىردىڭ دامۋ اعىمى بويىنشا دامىپ، سەنىمدى بەكەمدەپ، ەرلىكپەن العا تارتىپ، ىندەتتەن كەيىنگى مەزگىلدەگى كورىكتى دۇنيە ءجۇزىن بىرگە قۇرۋدى دارىپتەدى
2022.01.18 16:29 كەلۋ قاينارى : حالىق تورابى
1 - ايدىڭ 17 - كۇنى مەملەكەت ءتوراعاسى شي جينپيڭ بەيجيڭدە 2022 - جىلعى دۇنيە جۇزىلىك ەكونوميكا تالقى مىنبەرى بەينە ەكران ماجىلىسىنە قاتىناستى ءارى «سەنىمدى بەكەمدەپ، ەرلىكپەن العا تارتىپ، ىندەتتەن كەيىنگى مەزگىلدەگى كورىكتى دۇنيە ءجۇزىن بىرگە قۇرايىق» دەگەن تاقىرىپتا لەكسيا جاسادى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگى، 1 - ايدىڭ 17 - كۇنى، بەيجيڭ. مەملەكەت ءتوراعاسى شي جينپيڭ 1 - ايدىڭ 17 - كۇنى بەيجيڭدە 2022 - جىلعى دۇنيە جۇزىلىك ەكونوميكا تالقى مىنبەرى بەينە ەكران ماجىلىسىنە قاتىناستى ءارى «سەنىمدى بەكەمدەپ، ەرلىكپەن العا تارتىپ، ىندەتتەن كەيىنگى مەزگىلدەگى كورىكتى دۇنيە ءجۇزىن بىرگە قۇرايىق» دەگەن تاقىرىپتا لەكسيا جاسادى.
شي جينپيڭ الدىمەن بىلاي دەپ اتاپ كورسەتتى: ەندى 2 اپتادان كەيىن جۇڭگونىڭ ەسكىشە كالەندارى بويىنشا بارىس جىلعى كوكتەم مەرەكەسى كەلەدى. جۇڭگو مادەنيەتىندە بارىس − ەرلىك پەن كۇشتىڭ سيمۆولى، جۇڭگولىقتار ۇنەمى: «ايداعارداي ايباتتى، جولبارىستاي قايراتتى بول» دەپ تىلەك بىلدىرەدى. قازىر ادامزات ءدوپ كەلىپ وتىرعان قاتاڭ سىن - سايىس الدىندا، ءبىز جولبارىستاي ايبىندانىپ، ارىنداي العا باسۋ جولىنداعى ءتۇرلى حاۋىپ - قاتەردى باتىلدىقپەن جەڭىپ، جاڭا تيپتى ايدارشا ۆيرۋس وكپە قابىنۋ ىندەتىنىڭسالقىنىن بار كۇشپەن الاستاپ، ەكونوميكانىڭ، قوعامنىڭ قالپىنا كەلۋىن، دامۋىن بار كۇشپەن جەبەپ، ءۇمىت شۇعىلاسىنىڭ ادامزاتقا شۇعىلا شاشۋىنا مۇمكىندىك جاساۋىمىز كەرەك!
شي جينپيڭ بىلاي دەپ دارىپتەدى: بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە. بۇل وزگەرىس ءبىر مەزەتپەن، ءبىر ىسپەن، ءبىر ەلمەن، ءبىر وڭىرمەن عانا شەكتەلمەيدى، قايتا تەرەڭ دە ايبىندى داۋىرلىك وزگەرىس سانالادى. ءداۋىردىڭ وزگەرىسى مەن عاسىرلىق ىندەت ءوزارا قاباتتاسىپ، دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى. ىندەت جاعدايىن قالاي جەڭۋگە بولادى؟ ىندەتتەن كەيىنگى دۇنيە ءجۇزىن قالاي قۇرۋ كەرەك؟ بۇل − دۇنيە جۇزىندەگى ءار ەل حالقى ورتاق كوڭىل ءبولىپ وتىرعان كەلەلى ماسەلە ءارى ءبىز جاۋاپ بەرۋگە ءتيىستى شۇعىل كەلەلى تاقىرىپ.
شي جينپيڭ بىلاي دەپ دارىپتەدى: «الەم اۋقىمى گۇلدەنبەسە قۇلدىرايدى، الەمدى جونگە سالۋ ىلگەرىلەمەسە شەگىنەدى». دۇنيە ءجۇزى قاشان دا قايشىلىق قوزعالىسى بارىسىندا داميدى، قايشىلىق بولماسا دۇنيە ءجۇزى دە بولماق ەمەس. تاريحقا كوز جىبەرسەك، ادامزات تالاي رەتكى سىناقتاردى جەڭۋ بارىسىندا ەسەيىپ - ەرجەتىپ، داعدارىستى جەڭۋ بارىسىندا دامىدى. ءبىز تاريحتىڭ العا باسۋ لوگيكاسى بويىنشا العا باسىپ، ءداۋىردىڭ دامۋ اعىمى بويىنشا دامۋىمىز كەرەك. تاريحتىڭ ۇزاق پەريودىنا سالىستىرا تالداۋ جاساۋ بارىسىندا وي جۇگىرتۋگە شەبەر بولۋمەن بىرگە، زاتتاردىڭ وزگەرىسىن نازىك تۇيىندەردەن بايقاۋعا شەبەر بولىپ، داعدارىس بارىسىندا جاڭا وراي جاراتىپ، وزگەرىس بارىسىندا جاڭا جاعداي اشىپ، قيىنشىلىقتار مەن سىن - سايىستاى جەڭۋدىڭ قۇدىرەتتى كۇشىن ۇيىستىرۋ كەرەك.
ءبىرىنشى، قول ۇستاسا سەلبەسىپ، كۇشتى شوعىرلاندىرا وتىرىپ ىندەتتى جەڭۋ كەرەك. اماليات مىنانى تاعى ءبىر رەت دالەلدەدى: بۇكىل دۇنيە جۇزىلىك داعدارىستىڭ اساۋ تولقىنىندا ءار ەل 190 نەشە كىشكەنە قايىققا وتىرمايدى، قايتا تاعدىرلاس الىپ كەمەگە وتىرادى. قايىقتار داۋىلدى تولقىندارعا توتەپ بەرە المايدى، الىپ كەمە اساۋ تولقىندارعا توتەپ بەرە الادى. سەنىمدى بەكەمدەپ، تار جول، تايعاق كەشۋلەردەن بىرگە ءوتۋ − ىندەتتى جەڭۋدەگى بىردەن - ءبىر دۇرىس جول. ءبىر - بىرىنە ورالعى بولۋ، ءارقانداي سەبەپسىزدەن «پالەنى باسقالارعا ارتۋ» شايقاس جۇرگىزۋدىڭ وڭتايلى ءساتىن وتكىزىپ جىبەرەدى، جالپى جاعدايعا كەدەرگىلىك جاسايدى. دۇنيە جۇزىندەگى ءار ەل ىندەتكە قارسى حالىقارالىق سەلبەستىكتى كۇشەيتىپ، ءدارى - دارمەك زەرتتەۋ - اشۋ سەلبەستىگىن بەلسەنە ورىستەتىپ، ىندەتكە قارسى كوپ ءتۇرلى قورعانىس شەبىن بىرگە قۇرىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن جەدەل سومداۋى كەرەك. اسىرەسە، ۆاكسينا سىندى پارمەندى قارۋدان ويداعىداي پايدالانىپ، ۆاكسينانى ءادىل بولۋگە كەپىلدىك ەتىپ، ەگۋ قارقىنىن تەزدەتىپ، حالىقارالىق «يممۋنيتەتت جىلعاسىن» بىتەپ، تىرشىلىكتى، سالاماتتىقتى ويداعىداي قورعاپ، حالىقتىڭ تۇرمىسىن ويداعىداي قامتاماسىزداندىرۋ كەرەك.
ەكىنشى، ءتۇرلى حاۋىپ - قاتەردى شەشىپ، دۇنيە ءجۇزى ەكونوميكاسىنىڭ ورنىقتى قالپىنا كەلۋىن جەبەۋ كەرەك. دۇنيە ءجۇزى ەكونوميكاسى قۇلدىراۋدان ارىلۋدا، الايدا كوپتەگەن تەجەۋ فاكتورلارىنا دا ءدوپ كەلىپ وتىر. ءبىز ىندەتتەن ساقتانۋ - تىزگىندەۋدى ۇدايىلاندىرۋ شارت - جاعدايىنداعى ەكونوميكالىق ارتۋدىڭ جاڭا قوزعاۋشى كۇشىن، قوعامدىق تۇرمىستىڭ جاڭا ۇلگىسىن، ادامداردىڭ بارىس - كەلىسىنىڭ جاڭا جولىن قاراستىرىپ، شەكارا اتتاعان ساۋدانىڭ قولايلىلانۋىن ىلگەرىلەتىپ، كاسىپ تىزبەگى مەن قامداۋ تىزبەگىنىڭ حاۋىپسىز، بوگەتسىز بولۋىن قامتاماسىز ەتىپ، دۇنيە ءجۇزى ەكونوميكاسىنىڭ قالپىنا كەلۋ اياق الىسىنىڭ ورنىقتى، ناقتى بولۋىن ىلگەرىلەتۋىمىز كەرەك. دۇنيە جۇزىندەگى ءار ەل ناعىز كوپ جاقتىلىقتا تاباندى بولىپ، داۋالدى بۇزىپ، داۋال تۇرعىزباۋدا، اشىق ۇستاپ، دارالانباۋدا، توعىسىپ، قول ۇزبەۋدە تاباندى بولىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتىپ، ەكونوميكانىڭ جاھاندانۋىنىڭ اناعۇرلىم اشىق، قامتىمدى، جالپىعا ءتيىمدى، تەپە - تەڭ، تەڭ يگىلىككە كەنەلەتىن باعىتقا قاراي دامۋىن ىلگەرىلەتىپ، دۇنيە ءجۇزى ەكونوميكاسىنىڭ ومىرشەڭدىك كۇشىن تولىق تاسقىنداتۋى كەرەك. دۇنيە ءجۇزى ەكونوميكاسىنىڭ داعدارىستان قۇتىلۋىن، قالپىنا كەلۋىن ىلگەرىلەتۋدە، ءسوز جوق، ماكرولىق ساياساتتى سايكەستىرۋدى كۇشەيتۋ كەرەك. نەگىزگى ەكونوميكالىق تۇلعالار ورتاق تۇلعا تانىمىن ورناتىپ، جۇيەلى كوزقاراستى كۇشەيتىپ، ساياساتتىق ينفورماتسيانىڭ جاريالىلىعى مەن بىرگە يگىلىكتەنۋىن كۇشەيتىپ، قازىنا، اقشا ساياساتى نىساناسىن، تەبىنىن، ريتىمىن ويداعىداي سايكەستىرۋى كەرەك. نەگىزگى دامىعان ەلدەر جاۋاپكەرلىك ارقالايتىن ەكونوميكالىق ساياسات قولدانىپ، ساياساتتىڭ سىرتقا تارالۋ اسەرىن ويداعىداي مەڭگەرىپ، وركەندەپ كەلە جاتقان ەلدەرگە اۋىر سوققى بەرۋدەن ساقتانۋ كەرەك. حالىقارالىق ەكونوميكا، فينانس قۇرىلىمدارى سىندارلى رولىن ساۋلەلەندىرىپ، حالىقارالىق ورتاق تانىمدى ۇيىستىرىپ، ساياساتتاردى سايكەستىرۋدى كۇشەيتىپ، جۇيەلىك حاۋىپ - قاتەردەن ساقتانۋى كەرەك.
ءۇشىنشى، دامۋدىڭ جىلعاسىنان اتتاپ ءوتىپ، دۇنيە ءجۇزىنىڭ دامۋ ىستەرىن قايتا سەرپىلتۋ كەرەك. دۇنيە ءجۇزىنىڭ دامۋ اياق الىسى اۋىر سوققىعا ۇشىراپ وتىر، ادامزاتتىڭ دامۋ كورسەتكىشى 30 جىلدان بەرى تۇڭعىش رەت تومەندەدى، كەيبىر وركەندەپ كەلە جاتقان ەلدەر ىندەت سەبەبىنەن قايتا كەدەيلەندى، ىندەت سەبەبىنەن بىلىقپالىق تۋىلدى، دامىعان ەلدەردە دە كوپتەگەن ادام تۇرمىس قيىنشىلىعىنا تاپ بولدى. مەيلى قانداي قيىنشىلىققا تاپ بولساق تا، ءبىز حالىقتى وزەك ەتكەن دامۋ يدەياسىندا تاباندى بولىپ، دامۋدى جەبەۋدى، حالىق تۇرمىسىن قامتاماسىزداندىرۋدى دۇنيە جۇزىلىك ماكرولىق ساياساتتىڭ كورنەكتى ورنىنا قويىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كۇن ءتارتىبىن تياناقتاندىرىپ، قازىرگى دامۋ سەلبەستىك مەحانيزمىنىڭ سايكەستى ونىمدىلىگىن ارتتىرىپ، دۇنيە ءجۇزىنىڭ بىركەلكى دامۋىن جەبەۋىمىز كەرەك. ءبىز ورتاق ءارى پارىقتى جاۋاپكەرلىك پرينسيبىندە تاباندى بولىپ، دامۋ جۇلگەسىندە كليمات وزگەرىسىنە توتەپ بەرۋدىڭ حالىقارالىق سەلبەستىگىن ىلگەرىلەتىپ، «بىرلەسكەن مەملەكەتتەر ۇيىمىنىڭ كليمات وزگەرىسى جۇلگەلىك شارتىنىڭ» 26 - رەتكى شارت جاساسۋشى جاقتار جينالىسىنىڭ جەتىستىكتەرىن تياناقتاندىرۋىمىز كەرەك. دامىعان ەكونوميكالىق تۇلعالار لاس زاتتاردىڭ شىعارىلۋىن ازايتۋ جاۋاپكەرلىگىن الدىمەن اتقارىپ، قارجى، تەحنيكالىق قولداۋ ۋادەسىن تياناقتاندىرىپ، وركەندەپ كەلە جاتقان ەلدەردىڭ كليمات وزگەرىسىنە توتەپ بەرۋىنە، باياندى دامۋدى جۇزەگە اسىرۋىنا قاجەتتى شارت - جاعداي جاراتۋى كەرەك. دۇنيە جۇزىلىك دامۋ باستاماسى − بۇكىل دۇنيە جۇزىنە اشىق ۇستالعان الەۋمەتتىك ءونىم. جۇڭگو ءارقايسى جاقپەن قول ۇستاسا سەلبەسىپ، باستامانىڭ تياناقتانۋىن بىرگە ىلگەرىلەتىپ، بىردە - ءبىر ەلدىڭ قاتاردان قالۋىنا جول بەرمەۋگە قۇلشىنادى.
ءتورتىنشى، قىرعي قاباقتىق وي جەلىسىنەن ارىلىپ، بەيبىت قاتار تۇرۋدى، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋ كەرەك. بۇگىنگى دۇنيە ءجۇزى تىنىش ەمەس، وشپەندىلىككە، سىڭار جاقتىلىققا جەلىكتىرەتىن سوزدەر قۇلاق تۇندىرادى، وسىدان تۋىلعان ءتۇرلى قورشاۋ، قىسىم ءتۇسىرۋ، ءتىپتى قارسىلاسۋ دۇنيە ءجۇزىنىڭ بەيبىتشىلىگى مەن حاۋىپسىزدىگىنە اۋىر زيان سالسا سالادى ەكەن،ەشقانداي پايدا جەتكىزبەيدى. تاريح مىنانى قايتا – قايتا دالەلدەدى: قارسىلاسۋدىڭ ەشقانداي پايداسى جوق، ونىڭ ۇستىنە اپات سيپاتتى زارداپ تۋدىرادى. قورعانىمپازدىققا، سىڭار جاقتىلىققاسالىنعاندار ەشكىمدى دە قورعاي المايدى، ەڭ سوڭىندا وزگەنى دە، ءوزىن دە زياندايدى. زورەكەرلىك، وكتەمدىك ىستەۋ تاريح اعىمىنا قارسى ارەكەت جاساۋ بولىپ تابىلادى. مەملەكەتتەر اراسىندا قايشىلىق پەن الاۋىزدىقتىڭ تۋىلۋىنان ساقتانۋ قيىن، ءبىراق سەن ۇتىلىپ، مەن ۇتامىن دەيتىن نولدىك جيىنتىق سايىسىنىڭ ەش پايداسى جوق. بەيبىت دامۋ، سەلبەسىپ تەڭ يگىلىكتەنۋ عانا − ادامدار اراسىنداعى دۇرىس جول. تۇرلىشە ەلدەر، تۇرلىشە وركەنيەتتەر ءبىرىن - ءبىرى قۇرمەتتەۋ بارىسىندا بىرگە دامىپ، پارىقتاردى ساقتاپ، ورتاقتىققا ۇمتىلۋ بارىسىندا سەلبەسىپ تەڭ يگىلىككە كەنەلۋى كەرەك. ءبىز تاريحتىڭ جالپى اۋقىمىنا سايكەسىپ، حالىقارالىق ءتارتىپتى ورنىقتىرۋعا كۇش سالىپ، بۇكىل ادامزاتتىڭ ورتاق قۇندىلىعىن ساۋلەلەندىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋىمىز كەرەك. قارسىلاسپاۋدا، كەشىرىمشىل بولۋدا، قاقپايلاماۋدا تاباندى بولىپ، ءارقانداي فورماداعى سىڭار جاقتىلىققا، قورعانىمپازدىققا، ءارقانداي فورماداعى زورەكەرلىك پەن وكتەمدىك ساياسيعا قارسى تۇرۋ كەرەك.
شي جينپيڭ بىلاي دەپ دارىپتەدى: بىلتىر − جۇڭگو كوممۋنيستىك پارتياسى قۇرىلعانىنىڭ 100 جىلدىعى. جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، ۇزاق ۋاقىت قاجىرلىلىقپەن كۇرەس جۇرگىزىپ، مەملەكەت قۇرىلىسىنىڭ دامۋى مەن حالىق تۇرمىسىنىڭ جاقسارۋى جاعىندا دۇنيەنى جالت قاراتقان تابىستارعا قول جەتكىزىپ، جاپپاي دوڭگەلەك داۋلەتتى قوعام قۇرۋ نىساناسىن ۋاعىندا جۇزەگە اسىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزىپ، مۇلدەم كەدەيلىك ماسەلەسىن تاريحي سيپاتتى شەشتى، قازىر جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستادى.
− جۇڭگو ساپالى دامۋدى تاباندىلىقپەن ىلگەرىلەتەدى. جۇڭگو ەكونوميكاسىنىڭ جالپى تۇلعالىق دامۋ بەتالىسى جاقسى، بىلتىر جۇڭگونىڭ ىشكى ءوندىرىس جالپى ءونىم قۇنى %8 اينالاسىندا شاماسىندا ارتىپ، ءبىرشاما جوعارى ارتۋ جانە اقشانىڭ ءبىرشاما تومەن قۇنسىزدانۋى سىندى ەكى ماڭىزدى نىسانا جۇزەگە استى. ەل ءىشى - سىرتىنداعى ەكونوميكالىق ورتانىڭ وزگەرىسىنەن تۋىلعان وراسان زور قىسىمعا ۇشىراعانىمەن، جۇڭگو ەكونوميكاسىنىڭ سەرپىمدىلىگى كۇشتى، كومەسكى كۇشى جەتكىلىكتى، ۇزاق ۋاقىت جاقسارۋ نەگىزگى جاعدايى وزگەرگەن جوق، ءبىز جۇڭگو ەكونوميكاسىنىڭ دامۋ بولاشاعىنا كامىل سەنەمىز. جۇڭگو ادامنىڭ جان - جاقتى دامۋىن ىلگەرىلەتۋدى، جالپى حالىقتىڭ بىرگە اۋقاتتانۋىندا اناعۇرلىم كورنەكتى ماندىك ىلگەرىلەۋشىلىككە قول جەتكىزۋدى ايقىن العا قويدى، وسى ءۇشىن ءار جاقتان قۇلشىنىپ وتىر.
− جۇڭگو رەفورما جاساپ، ەسىك اشۋدى تاباندىلىقپەن ىلگەرىلەتەدى. جۇڭگونىڭ رەفورما جاساپ، ەسىك اشۋى ماڭگى جالعاسادى. حالىقارالىق جاعدايدا قانداي وزگەرىس تۋىلسا دا، جۇڭگو رەفورما جاساپ، ەسىك اشۋ تۋىن بيىك ۇستايدى. جۇڭگو بازاردىڭ بايلىقتى ورنالاستىرۋدا شەشۋشى رول اتقارۋىنا ۇزدىكسىز مۇمكىندىك جاساپ، جالپىلىق مەنشىكتەگى شارۋاشىلىقتى تيتتەي دە اۋىتقىماستان بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تيتتەي دە اۋىتقىماستان دەم بەرەدى، قولداۋ كورسەتەدى، جەتەكشىلىك ەتەدى. جۇڭگو ءبىر تۇتاس اشىق، باسەكەلى، ءتارتىپتى بازار جۇيەسىن قۇرىپ، بارلىق كاسىپورىننىڭ زاڭ الدىندا ورنى تەڭ، بازار الدىندا ورايى تەڭ بولۋىنا كەپىلدىك ەتەدى. جۇڭگو ءتۇرلى كاپيتالدىڭ جۇڭگودا زاڭدى، بەلگىلەمە بويىنشا تيجارات جۇرگىزىپ، جۇڭگونىڭ دامۋىندا بەلسەندى رول اتقارۋىن قارسى الادى. جۇڭگو جوعارى دەڭگەيدەگى سىرتقا ەسىك اشۋدى ۇزدىكسىز كەڭەيتىپ، ەرەجە، باسقارۋ، ولشەم سياقتى تۇزىمدىك ەسىك اشۋدى ورنىقتى كەڭەيتىپ، شەتەل كاپيتالىمەن قۇرىلعان كاسىپورىنداردىڭ ازاماتتىق مامىلەسىن تياناقتاندىرىپ، « ءبىر بەلدەۋ، ءبىر جولدى» بىرگە قۇرۋدىڭ ساپالى دامۋىن ىلگەرىلەتەدى.
− جۇڭگو ەكولوگيالىق وركەنيەت قۇرىلىسىن تاباندىلىقپەن ىلگەرىلەتەدى. ەكونوميكانى دامىتۋدا بايلىق پەن ەكولوگيالىق ورتانى سارقىپ بالىق اۋلاۋعا بولمايدى، ەكولوگيالىق ورتانى قورعاۋدا دا ەكونوميكانىڭ دامۋىنان بەزىپ، اعاشتان بالىق اۋلاۋعا بولمايدى. جۇڭگو تۇنىق سۋ، جاسىل تاۋ − باعالى بايلىق ۇستانىمىندا تاباندى بولىپ، تاۋ، سۋ، ورمان، اتىز، كول، جايىلىم، ءشولدى ءبىر تۇلعالاندىرىپ قورعاۋدى جانە جۇيەلى جونگە سالۋدى ىلگەرىلەتىپ، ەكولوگيالىق وركەنيەت قۇرىلىسىن بار كۇشپەن ىلگەرىلەتىپ، لاستانۋدان ساقتانۋ - جونگە سالۋدى بار كۇشپەن نىعايتىپ، حالىقتىڭ ءوندىرىس، تۇرمىس ورتاسىن بار كۇشپەن جاقسارتادى. كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ − جۇڭگونىڭ ساپالى دامۋىنىڭ ىشكى تالابى ءارى جۇڭگونىڭ حالىقارالىق قوعامعا بەرگەن ايبىندى ۋادەسى. جۇڭگو امالياتتا ايگىلەپ، ۋادەسىندە تۇرىپ، تاباندىلىقپەن ىلگەرىلەتەدى. كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ ءبىر جولدا ورىندالمايدى. جۇڭگو قيراتۋ مەن ورناتۋدى قاتار جۇرگىزىپ، ورنىقتى سوققى بەرىپ، جاڭا ەنەرگيانىڭ سەنىم ارتارلىقتاي دارەجەدە ورنىن باسۋى بارىسىندا ءداستۇرلى ەنەرگيانى بىرتىندەپ ءتارتىپتى ازايتىپ، ەكونوميكانىڭ، قوعامنىڭ ورنىقتى دامۋىنا كەپىلدىك ەتەدى. جۇڭگو كليمات وزگەرىسىنە توتەپ بەرۋ جونىندەگى حالىقارالىق سەلبەستىكتى بەلسەنە ورىستەتىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن بىرگە ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
