لي كىچياڭ مەملەكەتتىك ءوندىرىس حاۋىپسىزدىگى تەلەۆيزور – تەلەفون ماجىلىسىنە ماڭىزدى بەكىتۋ سالىپ مىنانى دارىپتەدى
اۋىر حاۋىپسىزدىك قاتەرىنەن ساقتانۋ -باسەيتۋ قۋاتىن ۇزدىكسىز جوعارىلاتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىن مانىندە قورعاۋ كەرەك
ليۋ حى، ۋاڭ يۇڭ ماجىلىسكە قاتىناستى
2022.01.18 16:34 كەلۋ قاينارى : حالىق تورابى
«حالىق گازەتى»، 1 - ايدىڭ 17 - كۇنى، بەيجيڭ. مەملەكەتتىك كەڭەس 1 - ايدىڭ 17 - كۇنى مەملەكەتتىك ءوندىرىس حاۋىپسىزدىگى تەلەۆيزور – تەلەفون ءماجىلىسىن اشتى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماڭىزدى بەكىتۋ سالدى. بەكىتۋدە مىنالار اتاپ كورسەتىلدى: ءوندىرىس حاۋىپسىزدىگى توتەنشە ماڭىزدى. 2021 - جىلى ءار جاقتىڭ بىرگە قۇلشىنۋىندا، بۇكىل ەلدىڭ ءوندىرىس حاۋىپسىزدىگى جاعدايى جالپى جاقتان ورنىقتى بولدى، سونىمەن بىرگە، حاۋىپ - قاتەر، سىن - سايىس ءالى دە وتە كوپ، ءوندىرىس حاۋىپسىزدىگى قىزمەتىن استە بوساڭسىتۋعا بولمايدى. وڭىرلەر، قاتىستى تاراۋلار جانە ورىندار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاۋدى ءار سالا، ءار بۋىندا تياناقتاندىرىپ، اۋىر حاۋىپسىزدىك حاۋىپ - قاتەرىنەن ساقتانۋ جانە ونى باسەيتۋ قۋاتىن ۇزدىكسىز جوعارىلاتۋ؛ ءار جاقتىڭ جاۋاپكەرلىگىن قاتايتىپ، ناقتىلاندىرىپ، حاۋىپسىزدىكتى باقىلاۋ - باسقارۋ، زاڭ اتقارۋ ءتۇزىلىس، مەحانيزمىن كەمەلدەندىرۋدى جەدەلدەتىپ، ءوندىرىس حاۋىپسىزدىگى نەگىزدىك قىزمەتىن ونان ارى ويداعىداي يگەرۋ؛ جانار گاز، قاتەرلى زاتتاردىڭ حاۋىپسىزدىگىن شوعىرلى جونگە سالۋدى تىڭعىلىقتى ىلگەرىلەتىپ، قاتىناس - تاسىمال، كەن، قۇرىلىس جۇرگىزۋ، ءورت ءوشىرۋ، سۋ ءۇستى تاسىمالى جانە بالىقشىلىق كەمەلەرى سياقتى ءتۇيىندى كاسىپ سالالارىن ارناۋلى جونگە سالۋدىڭ 3 جىلدىق ارەكەتىن ۇزدىكسىز تەرەڭدەتىپ، قاتاڭ، پارمەندى شارالار قولدانىپ، كورنەكتى قايشىلىقتار مەن ماسەلەلەردى شەشىپ، اۋىر، ەرەكشە اۋىر شىرعالاڭداردان باتىل ساقتانۋ جانە ونى تەجەۋ، حالىق بۇقاراسىنىڭ ءومىرى مەن مال - مۇلكىنىڭ اماندىعىن شىنايى قورعاپ، ەكونوميكانىڭ، قوعامنىڭ باياندى، اقاۋسىز دامۋىنا تىڭ ۇلەس قوسۋ كەرەك!
مەملەكەتتىك كەڭەسزۇڭليىنىڭ ورىنباسارى، مەملەكەتتىك كەڭەس ءوندىرىس حاۋىپسىزدىگى كوميتەتىنىڭ مەڭگەرۋشىسى ليۋ حى، مەملەكەتتىك كەڭەستىڭ مۇشەسى، مەملەكەتتىك كەڭەس ءوندىرىس حاۋىپسىزدىگى كوميتەتىمەڭگەرۋشىسىنىڭ ورىنباسارى ۋاڭ يۇڭ ماجىلىسكە قاتىناستى. ءماجىلىس مىنالاردى اتاپ كورسەتتى: وتكەن ءبىر جىلدا جەر - جەر، تاراۋلار باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، ءوندىرىس حاۋىپسىزدىگىن ارناۋلى جونگە سالۋدىڭ 3 جىلدىق ارەكەتىن ىشكەرىلەي ورىستەتىپ، اۋىر حاۋىپسىزدىك حاۋىپ - قاتەرىنەن پارمەندى ساقتاندى جانە ونى تىزگىندەدى، تۇتاس جىلداعى ءوندىرىس حاۋىپسىزدىگى جاعدايى جالپى جاقتان ورنىقتى بولدى. سونىمەن بىرگە، ءوندىرىس حاۋىپسىزدىگى ءدوپ كەلگەن قاتاڭ جاعداي مەن سىن - سايىستى جەتە تانىپ، اۋىر، ەرەكشە اۋىر شىرعالاڭداردان باتىل ساقتانۋ جانە ونى تەجەۋ كەرەك.
ءماجىلىس مىنالاردى تالاپ ەتتى: ورتالىقتىڭ ەكونوميكالىق قىزمەت ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، دامۋ مەن حاۋىپسىزدىكتى ءبىر تۇتاس جوسپارلاپ، «باتىل بولۋ، ۇستىنەن وڭاۋ مەن تۇبىرىنەن وڭاۋدى ۇشتاستىرۋ، قاتاڭ، شىنايى بولۋ، جاۋاپكەرلىكتى ادامعا دەيىن تياناقتاندىرۋ، تومەنگى شەكتى ساقتاۋ» قىزمەت تالابى بويىنشا، ءوندىرىس حاۋىپسىزدىگى قىزمەتتەرىن بار كۇشپەن ويداعىداي ىستەپ، تۇتاس جىلداعى ءوندىرىس حاۋىپسىزدىگى جاعدايىنىڭ باياندى ورنىقتىلىعىنا كەپىلدىك ەتىپ، پارتيانىڭ 20 - قۇرىلتايىنىڭ تابىسپەن اشىلۋىنا تاماشا حاۋىپسىزدىك ورتاسىن ازىرلەۋ كەرەك. «حالىقتى بارىنەن جوعارى قويۋ، ءومىردى بارىنەن جوعارى قويۋ» ۇستانىمىن بەرىك ورناتىپ، حالىقتىڭ باس اماندىعىن قورعاۋدى مەملەكەتتىڭ ءىرى ءىسى رەتىندە قاتاڭ، شىنايى يگەرۋ كەرەك. حاۋىپسىزدىك جاۋاپكەرلىگىن تياناقتاندىرۋدى كۇشەيتىپ، جەرگىلىكتى ءار دارەجەلى پارتكومدار مەن ۇكىمەتتەردىڭ «پارتيا مەن ۇكىمەت بىردەي جاۋاپتى بولۋ» باسشىلىق جاۋاپكەرلىگى مەن تاراۋلاردىڭ « ءۇش ءسوزسىز» باقىلاۋ - باسقارۋ جاۋاپكەرلىگىن ويداعىداي تياناقتاندىرىپ، ءوندىرىس حاۋىپسىزدىگى جاۋاپكەرلىك ءتۇزىمىن شىنايى تياناقتاندىرۋ، ەگجەي - تەگجەيلى تياناقتاندىرۋ كەرەك. ارناۋلى جونگە سالۋدىڭ 3 جىلدىق ارەكەتىن ىشكەرىلەي ىلگەرىلەتىپ، ءار كاسىپ، ءار سالادا جاقسى تاجىريبەلەردى جالپىلاستىرىپ، تىڭ قامال الۋدى ىلگەرىلەتىپ، تۇزىمدەنۋ جەتىستىكتەرىن قالىپتاستىرۋ كەرەك. «ەكىنى شوعىرلى جونگە سالۋدى» كۇش سالا ورىستەتىپ، قاتەرلى حيميالىق زاتتاردىڭ اۋىر حاۋىپ قاينارىنا بايلانىستى ۇدايىلانعان حاۋىپسىزدىك باسقارۋ - مەڭگەرۋ مەحانيزمىن ورناتىپ، قالا - قالاشىقتارداعى جانار گازدىڭ حاۋىپسىزدىگىن ءبىر - بىرلەپ تەكسەرىپ، جونگە سالۋدى جەدەل ىلگەرىلەتۋ كەرەك. ورتا، شاعىن سۋ ەلەكتر ستانسيالارىنىڭ حاۋىپسىزدىك كومەسكى قاتەرىن مۇقيات تەكسەرۋ جانە جويۋ كەرەك. باقىلاۋ - باسقارۋدى، زاڭ اتقارۋدى ۇزدىكسىز كۇشەيتىپ، ارناۋلى قوسىندى ويداعىداي قۇرىپ، كۇشەيتىپ، باسقاراتىن ادام بولۋىنا، باسقارۋدىڭ پارمەندى بولۋىنا كەپىلدىك ەتىپ، زاڭعا قايشى ارەكەتتەردى شىن مانىندە تەجەۋ كەرەك. حاۋىپسىزدىك نەگىزىن ونان ارى بەكەمدەپ، حاۋىپسىزدىك ۇسىنىلىمىن كوپ ارنامەن، كوپ ءتۇرلى تاسىلمەن ارتتىرىپ، ءوندىرىس حاۋىپسىزدىگىنىڭ جالپى تۇلعالىق دەڭگەيىن جوعارىلاتۋدى ىلگەرىلەتۋ كەرەك.
وسىنىڭ الدىندا مەملەكەتتىك كەڭەستىڭ حاۋىپسىزدىك كوميتەتى جالپى ءماجىلىس اشىپ، قاتىستى قىزمەتتەردى اقىلداستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
