الدانعان الدامكوستىڭ ايعايى: «ساقشى مەكەمەسىنە دەلو مالىمدەپ سەنى ۇستاتتىرماسام با!»
2022.03.01 15:43 كەلۋ قاينارى : حالىق تورابى
جىجياڭ ولكەسى حاڭجوۋ قالاسىنداعى ليۋ مىرزا 2 – ايدىڭ 24 – كۇنى شاڭچىڭ رايوندىق بولىمشە ساقشى مەكەمەسىنىڭ پىڭبۋ ساقشى باسقارماسىنا بارىپ: «ساقشى جولداس، مەن الدامكوستى الداپ كەتكەن سياقتىمىن، — دەپ ساقشىعا مالىمدەگەن.
بيىل 25 جاستاعى ليۋ مىرزا ادەتتە ميكروبلوگقا شىعۋدى ۇناتادى، اندا – ساندا ميكروبلوگكا مازمۇن جازىپ، ءبىرتالاي جانكۇيەر دە جيناعان.
2 – ايدىڭ 19 – كۇنى بەيتانىس ميكروبلوگشى ليۋ مىرزاعا جەكەلىك حات جولداپ، ودان ءبىر قيمىلدى ۇگىتتەۋگە كومەكتەسۋدى وتىنگەن، تەك ميكروبلوگىنىڭ باستى بەتىنە جارناما مازمۇنىن جوتكەپ بەرسە بولعانى، 800 يۋاندىق جارناما اقى بەرەتىنىن ايتادى.
مۇنداي وپ – وڭاي جۇمىسپەن نەشە ءجۇز يۋان تابۋعا بولادى دەگەندى ەسىتىگەن ليۋ مىرزا ونىڭ تىلەگىنە بىردەن قوسىلعان، قارسى جاقتىڭ دا 800 يۋان اقشانى بىردەن بەرە سالارىن ويلاماعان ەدى.
سودان سوڭ، قارسى جاق ۇگىتتەيتىن قيمىلدىڭ مازمۇنىن ليۋ مىرزاعا جوتكەپ بەرەدى، ءىس جۇزىندە، بۇل ءبىر جەرەبە تارتۋ قيمىلى ەكەن، ۇگىت مازمۇنىنا قاراعاندا، جەرەبەگە جاڭا نۇسقاداعى الما قولفونىنىڭ شىعۋ ىقتيمالدىعى 60 پايىزدان استام، سيلىققا يە بولعان ادام تەك بىرنەشە ءجۇز يۋاندىق كەپىلدىك اقشا جولداسا بولعانى، الما قولفونى قولىنا تيەدى.
قالايشا ءوزىن – ءوزى زيانعا وتىرعىزاتىن ۇگىتتەۋ ءتاسىلىن قولدانادى؟ ليۋ مىرزا ويلانا كەلە، مۇندا ءبىر كادىك بار ەكەنىن سەزەدى، سونىمەن الدامكوستىككە قارسى كۋرسقا قاتىناسقان دوسىنان كەڭەس سۇرايدى.
دوسى ءارى – ءسارى بولماستان ليۋ مىرزاعا بۇل ءىستىڭ الدامكوستىك ەكەنىن، ءوزىنىڭ بۇرىن وڭاي ولجا تابامىن دەپ وسىنداي جەرەبە تارتۋ قيمىلىنا قاتىناسىپ الدانىپ قالعانىن، سول سەبەپتى الدامكوستىككە قارسى كۋرسقا قاتىناسقانىن ايتىپ، بۇل مازمۇندى، استە، جولداماۋدى ايتادى.
سونىمەن، ليۋ مىرزا الدامكوستىڭ تالابى بويىنشا «قيمىلدى ۇگىتتەمەي» قويادى، الدامكوس «الدانىپ قالعانىن» بىلگەن سوڭ، اشۋعا باسىپ: «ساقشى مەكەمەسىنە دەلو مالىمدەپ، سەنى ۇستاتتىرامىن»، — دەپ كۇپىنەدى.
پىڭبۋ ساقشى باسقارماسىنىڭ حالىق ساقشىسى ليۋ مىرزاعا الدامكوستىككە قارسى ۇگىت جۇرگىزىپ، ميكروبلوگتىڭ رەسمي ۇجىمىمەن حابارلاسىپ، الدامكوستىڭ تىركەلگىسىن توقتاتتى. ليۋ مىرزا «الداپ» العان 800 يۋان اقشاسىن مەيىر – شاپاعات قوعامىنا جىلۋعا اتادى.
الدامكوسكە بارار جەر، باسار تاۋ قالدىرمايىق، ليۋ مىرزانىڭ «الدامكوستى الداعان» ارەكەتى ماقتاۋعا تۇرارلىق!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
