بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ساياسي كەڭەس مەملەكەتتىك 13 - كەزەكتى كوميتەتىنىڭ 5 - ءماجىلىسى اقپار جاريالاۋ ءماجىلىسىن وتكىزدى

مىندەتتى مۇقيات اتقارىپ، جاۋاپكەرلىكتى ادا ەتىپ، رولدى ءونىمدى ساۋلەلەندىرەيىك

2022.03.04 15:04     كەلۋ قاينارى : حالىق تورابى

  «حالىق گازەتى»، 3 - ايدىڭ 3 - كۇنى، بەيجيڭ (تىلشىلەر ۋاڭ حۇي، گو شۋەيان). ساياسي كەڭەس مەملەكەتتىك 13 – كەزەكتى كوميتەتىنىڭ 5 – ءماجىلىسى 3 - ايدىڭ 3 - كۇنى تۇستەن كەيىن اقپار جاريالاۋ ءماجىلىسىن وتكىزدى. ءماجىلىستىڭ ىندەتتەن ساقتانۋ - تىزگىندەۋ قىزمەتىنىڭ تالابىنا ساي، اقپار جاريالاۋ ءماجىلىسى توراپتىق بەينە ەكران تاسىلىمەن وتكىزىلدى. نەگىزگى ءماجىلىس الاڭى حالىق سارايىنىڭ اقپار جاريالاۋ زالىندا، بولىمشە ءماجىلىس الاڭى مەديا ورتالىعىنىڭ كوپ فۋنكتسيالى زالىندا ورنالاستىرىلدى. ءماجىلىستىڭ اقپارات مالىمدەمەشىسى گو ۋەيمين نەگىزگى ءماجىلىس الاڭىندا وسى رەتكى ماجىلىسكە قاتىستى جاعدايلاردى تانىستىردى ءارى جۇڭگولىق، شەتەلدىك تىلشىلەردىڭ بولىمشە ءماجىلىس الاڭىنداعى سۇراۋلارىنا جاۋاپ بەردى.

  گو ۋەيمين بىلاي دەپ تانىستىردى: ساياسي كەڭەس مەملەكەتتىك 13 - كەزەكتى كوميتەتىنىڭ 5 - ءماجىلىسى 3 - ايدىڭ 4 - كۇنى تۇستەن كەيىن ساعات 3 تە حالىق سارايىندا اشىلادى، 3 - ايدىڭ 10 – كۇنى تۇستەن بۇرىن جابىلادى، ءماجىلىس ۋاقىتى 6 كۇن بولادى. وسى رەتكى ءماجىلىس كەزىندە ءماجىلىستىڭ اشىلۋ سالتى، جابىلۋ جيىنى، سونداي – اق 2 رەتكى ماجىلىستە سوزگە شىعۋ ورنالاستىرىلىپ، 5 رەتكى گرۋپپالار ءماجىلىسى اشىلادى. ءماجىلىستىڭ اشىلۋ سالتى، جابىلۋ جيىنى شەتەلدىڭ جۇڭگودا تۇراتىن ەلشىلەرىن سىرتتاي تىڭداۋعا ۇسىنىس ەتەدى.

  ءماجىلىستىڭ نەگىزگى كەڭەستىك ءتارتىبى مىنالار: مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسى مەن ۇسىنىس جوبا قىزمەتىنىڭ جاعدايى جونىندەگى باياندامانى تىڭداۋ جانە قاراۋ؛ مەملەكەتتىك 13 - كەزەكتى حالىق قۇرىلتايىنىڭ 5 - ماجىلىسىنە سىرتتاي قاتىناسىپ، ۇكىمەت قىزمەتىنەن باياندامانى جانە باسقا دا قاتىستى باياندامالاردى تىڭداۋ جانە تالقىلاۋ؛ ساياسي كەڭەس مەملەكەتتىك 13 - كەزەكتى كوميتەتى 5 - ءماجىلىسىنىڭ ساياسي قاۋلىسى قاتارلى قاۋلىلار مەن باياندامالاردى قاراپ ماقۇلداۋ.

  گوۋەيمين اقپار جاريالاۋ ماجىلىسىندە مىنانى ءبىلدىردى: 2022 - جىل − بۇرىنعىعا مۇراگەر بولىپ، كەيىنگىگە جول اشىپ، ۇزدىكسىز كۇرەس جۇرگىزەتىن ءبىر جىل. بەيجيڭ قىسقى وليمپياداسى، مۇگەدەكتەر قىسقى وليمپياداسى دۇنيە ءجۇزىنىڭ نازارىن تاعى دا جۇڭگوعا اۋداردى. ءبىز جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنىڭ اشىلۋىن قارسى الامىز، ەلىمىزدىڭ سوتسياليستىك وسىزاماندانعان مەملەكەتتى جاپپاي قۇرۋىندا نىق قادام تاستايمىز. وسىنداي ساتتە مەملەكەتتىك ەكى ءماجىلىستىڭ اشىلۋى ەرەكشە مانگە يە.

  گو ۋەيمين ءبىر جىلدان بەرگى قىزمەتكە قايىرىلا قاراپ، بىلاي دەپ تانىستىردى: 2021 - جىلى ج ك پ ورتالىق كوميتەتىنىڭ پارمەندى باسشىلىعىندا، مەملەكەتتىك ساياسي كەڭەس پەن ونىڭ تۇراقتى كوميتەتى جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋدى نەگىزگى جەلى ەتىپ، يدەيالىق - ساياسي جەتەكشىلىكتى كۇشەيتىپ، «14 – بەسجىلدىقتىڭ» تاماشا باستاماسىن جەبەۋدى ءتۇيىن ەتىپ، مىندەتىن مۇقيات اتقارىپ، جاۋاپكەرلىكتى ادا ەتىپ، اقىل - كەڭەس بەرۋ مەن ورتاق تانىمدى ۇيىستىرۋدا كورنەكتى ناتيجە جاراتىپ، كورىنەۋ تۇيىندەردى ايگىلەپ، ارناۋلى كەڭەس قۇرىلىمىنىڭ رولىن ءونىمدى ساۋلەلەندىرىپ، پارتيا مەن مەملەكەت ىستەرىنە تىڭ ۇلەس قوستى.

  «جۇڭگونىڭ بيىلعى ەكونوميكالىق مەجەسى قالاي بولادى» دەگەن ماسەلەگە جاۋاپ قايتارعاندا گو ۋەيمين بىلاي دەدى: بىلتىر ەلىمىزدىڭ ەكونوميكالىق اينالىمى ورنىقتى قالپىنا كەلۋ جاعدايىن جالعاستىردى، ەكونوميكانىڭ ارتۋ قارقىنى %8.1 بولدى، ەكونوميكانىڭ جالپى مولشەرى 110 تريلليون يۋاننان استى، ادام باسىنا تۋرا كەلەتىن ىشكى ءوندىرىستىڭ جالپى ءونىم قۇنى 12 مىڭ دوللاردان استى، بۇل جۇڭگو ەكونوميكاسىنىڭ ۇزاق ۋاقىت جاقسارۋ نەگىزگى جاعدايىنىڭ وزگەرمەگەنىن تۇسىندىرەدى. مۇشەلەر بىلاي دەپ قارايدى: بيىل ەكونوميكانىڭ ورنىقتى، اقاۋسىز دامۋىن جالعاستىرۋ ءۇشىن، ورتالىقتىڭ ەكونوميكالىق قىزمەت ماجىلىسىندە جاسالعان ورنالاستىرۋلاردى، ءسوز جوق، تياناقتاندىرىپ، كوپ ءتۇرلى نىسانادان اۋقىمدىق تەپە - تەڭدىكتى قاراستىرۋ كەرەك. ساياسي كەڭەس مۇشەلەرى دە، قاتىستى ماماندار دا ءبىزدىڭ ەكونوميكانىڭ ورنىقتى، اقاۋسىز، باياندى دامۋىن جۇزەگە اسىرۋعا سەنىمىمىز كامىل، شارت - جاعدايىمىز دا، قابىلەتىمىز دە بار دەپ قارايدى.

  «جۇڭگونىڭ ەل ىشىندەگى ىندەتتەن ساقتانۋ ساياساتىنا سايكەستى رەتتەۋ جۇرگىزۋ قاجەت پە، جوق پا» دەگەن ماسەلەگە جاۋاپ بەرگەندە، گو ۋەيمين مىنانى ءبىلدىردى: كەيبىر دامىعان ەلدەردى قامتىعان كەيبىر ەلدەردە ىندەت ارت - ارتىنان تۋىلىپ، ەمدەۋ بايلىعى كوپتەپ ىعىستىرىلىپ، سالماقتى اۋرۋلار جانە كوز جۇمعان ناۋقاستار ۇزدىكسىز كوبەيۋدە. ال ءبىر ميلليارد 400 ميلليوننان استام حالقى بار وركەندەپ كەلە جاتقان ەل رەتىندە، ەگەر ءبىز ۇتىمدى شارالار قولدانباساق، ونىڭ زاردابىن بولجاۋ قيىن. ەلىمىزدىڭ ىندەتتەن ساقتانۋ ساياساتى جۇڭگونىڭ مەملەكەت جاعدايىنا، عىلمي زاڭدىلىققا ۇيلەسەدى، ءبىزدىڭ ىندەتتەن ساقتانۋ شارالارىمىزدىڭ سالىستىرمالى وزىندىك قۇنى تومەن، ونىمدىلىگى جاقسى بولىپ، حالىقتى وزەك ەتكەن بيلىك جۇرگىزۋ ۇستانىمىن ايگىلەدى.

  عىلىم - تەحنيكادا جاڭالىق جاراتۋدى جەبەۋ جاعىنداعى ماسەلەلەرگە جاۋاپ بەرگەن كەزدە گو ۋەيمين بىلاي دەدى: عىلىم - تەحنيكادا جاڭالىق جاراتۋ ماسەلەسى − ەلىمىزدىڭ دامۋىنداعى كەلەلى ماسەلە، سونداي - اق مەملەكەتتىك ساياسي كەڭەستىڭ ۇكىمەت ءىسىن كەڭەسۋىندەگى ماڭىزدى تاقىرىپ. مەملەكەتتىك ساياسي كەڭەس دارىندىلاردىڭ اقىل - پاراسات ابزالدىعىن تولىق ساۋلەلەندىرىپ، عىلىم - تەحنيكادا جاڭالىق جاراتۋدى جەبەۋدى ارقاۋ ەتىپ، قىزمەتتى بەلسەنە ورىستەتتى. ءبىر جاعىنان، كوپتەگەن ساياسي كەڭەس مۇشەلەرى عىلىم - تەحنيكا سالاسىندا دەن قويا قامال الىپ، ىزدەنىس جاساپ، امالياتتان وتكىزدى، ساياسي كەڭەس مۇشەلەرىنىڭ كوبى عىلىم – تەحنيكا، زەرتتەۋ تاراۋلارىنىڭ، ءوندىرۋ - جاساۋ تاراۋلارىنىڭ تىرەكتى كۇشتەرى بولدى. ەندى ءبىر جاعىنان، ساياسي كەڭەس ءوزىنىڭ مۇشەلەرىن عىلىم - تەحنيكانى دامىتۋ جونىندە اقىل - كەڭەس بەرۋگە، كۇش شىعارۋعا ۇيىمداستىرىپ، «مەملەكەتتىڭ ستراتەگيالىق عىلىم - تەحنيكا كۇشىن نىعايتۋ» سياقتى ءبىرقىدىرۋ كەڭەستىك تاقىرىپ توڭىرەگىندە ۇكىمەت ءىسىن كەڭەسىپ، ىشكەرىلەي تالقى جۇرگىزىپ، قاتىستى قىزمەتتەردىڭ ورىستەتىلۋىن پارمەندى ىلگەرىلەتتى.

  بەيجيڭ قىسقى وليمپيادا سپورت جارىسى مەن مۇگەدەكتەر وليمپيادا سپورت جارىسى جاعىنداعى ماسەلەلەرگە جاۋاپ بەرگەندە گو ۋەيمين بىلاي دەدى: قىسقى وليمپيادا سپورت جارىسى اۋىزعا الىنسا، بارلىق ادام تاماشا ەستەمەلەردى ەسكە الادى. قىسقى مۇگەدەكتەر وليمپياداسى 3 - ايدىڭ 4 - كۇنى باستالادى، دۇنيە ءجۇزىنىڭ جەر - جەرىنەن كەلگەن مۇگەدەكتەر وليمپياداسى سپورتشىلارى جارىس الاڭىندا قۇلشىنا كۇرەس جۇرگىزىپ، داڭقتى ناتيجە جاراتادى، بەيجيڭ قىسقى مۇگەدەكتەر وليمپياداسى مۇگەدەك سپورتشىلاردىڭ تالىقپاي تالپىناتىن، قايسارلىقپەن كۇرەس جاسايتىن رۋحاني بەت - بەينەسىن ايگىلەپ، مۇگەدەكتەر ىستەرىنىڭ دامۋىن ىلگەرىلەتۋدە بەلسەندى رول اتقارادى، ءبىز قىسقى وليمپيادا سپورت جارىسىنا نازار سالعانداي قىسقى مۇگەدەكتەر وليمپياداسىنا دا نازار اۋدارىپ، «بيڭدۇندۇندى» جاقسى كورگەن سياقتى «شۋەرۇڭرۇڭدى» دا جاقسى كورەتىن بولايىق.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار