بەيجيڭ 2022 - جىلعى مۇگەدەكتەر قىسقى وليمپيادا سپورت جارىسى سالتاناتپەن باستالدى
2022.03.05 17:36 كەلۋ قاينارى : حالىق تورابى
 |
3 - ايدىڭ 4 - كۇنى كەشتە بەيجيڭ 2022 – جىلعى مۇگەدەكتەر قىسقى وليمپيادا سپورت جارىسىنىڭ اشىلۋ سالتى مەملەكەتتىك دەنەتاربيە الاڭىندا سالتاناتپەن وتكىزىلدى. مەملەكەت ءتوراعاسى شي جينپيڭ اشىلۋ سالتىنا قاتىناستى ءارى بەيجيڭ 2022 - جىلعى مۇگەدەكتەر قىسقى وليمپيادا سپورت جارىسىنىڭ باستالعانىن جاريالادى. سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن
|
شي جينپيڭ باستالۋ سالتىنا قاتىناستى ءارى بەيجيڭ مۇگەدەكتەر قىسقى وليمپيادا سپورت جارىسىنىڭ باستالعانىن جاريالادى
لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، حالىقارالىق مۇگەدەكتەر وليمپيادا كوميتەتىنىڭ ءتوراعاسى پاسەنس قاتىناستى
شينحۋا اگەنتتىگى، 3 - ايدىڭ 4 - كۇنى، بەيجيڭ. بەيجيڭ 2022 – جىلعى مۇگەدەكتەر قىسقى وليمپيادا سپورت جارىسىنىڭ اشىلۋ سالتى 3 - ايدىڭ 4 - كۇنى كەشتە مەملەكەتتىك دەنەتاربيە الاڭىندا سالتاناتپەن وتكىزىلدى، مەملەكەت ءتوراعاسى شي جينپيڭ اشىلۋ سالتىنا قاتىناستى ءارى بەيجيڭ مۇگەدەكتەر قىسقى وليمپيادا سپورت جارىسىنىڭ باستالعانىن جاريالادى.
پارتيا مەن مەملەكەت باسشىلارىنان لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار، حالىقارالىق مۇگەدەكتەر وليمپيادا كوميتەتىنىڭ ءتوراعاسى پاسەنس اشىلۋ سالتىنا قاتىناستى.
مۇگەدەكتەر بۇكىل دۇنيە جۇزىندەگى جالپى حالىق سانىنىڭ شامامەن %15 ىن ۇستايدى، ولار − بەينەت پەن زەينەتتى بىرگە وتكەرەتىن ادامزاتتىڭ تاعدىرلاس ورتاق تۇلعاسىنىڭ ماڭىزدى قۇرامداس بولەگى. بەيجيڭ 2022 – جىلعى مۇگەدەكتەر قىسقى وليمپيادا سپورت جارىسى − بەيجيڭ 2008 – جىلعى مۇگەدەكتەر وليمپيادا سپورت جارىسىنان كەيىن جۇڭگو وتكىزگەن تاعى ءبىر رەتكى سالتاناتتى دۇنيە جۇزىلىك مۇگەدەكتەر دەنەتاربيە جارىسى.
مەملەكەتتىك دەنەتاربيە الاڭىندا اشەكەيلى شامدار جايناپ، ويناعان نۇر كوز سۇرىندىرەدى. ساعات 19 دان 57 مينۋت وتكەندە، بەيجيڭ مۇگەدەكتەر قىسقى وليمپيادا سپورت جارىسىنىڭ بەلگىسى دەنەتاربيە الاڭىنىڭ ورتالىق ۇلكەن ەكرانىندا بوي كورسەتتى. «بەيبىتشىلىك − تاعدىرلاس ورتاق تۇلعا» دەگەن مۋزىكا اۋەنى ىشىندە شي جينپيڭ مەن حانىمى پىڭ لييۋان پاسەنس قاتارلىلارمەن بىرگە ءتوراعالار مىنبەسىنە شىعىپ، كورەرمەندەرگە قول بۇلعاپ قۇرمەت ءبىلدىردى. تۇتاس الاڭنان ۇزاققا سوزىلعان قىزۋ شاپالاق ءۇنى مەن سالتانات ءۇنى كوتەرىلدى.
الاڭىنىڭ ورتاسىندا شۇعىلا شاشقان جۇلدىز تەڭىزىندە الدىڭعى 12 رەتكى مۇگەدەكتەر وليمپيادا سپورت جارىسىن وتكىزگەن قالالاردىڭ اتى كورىنىپ، ەڭ سوڭىندا «2022 بەيجيڭ» دەگەن جازۋ شىقتى. مۇگەدەكتەر قىسقى وليمپيادا سپورت جارىسىنىڭ 6 ۇلكەن جارىس تۇرىنە ۋاكىلدىك ەتەتىن سپورتشىلار قار جولىمەن زىمىراي ءجۇرىپ، الاڭعا كىردى. الاڭنىڭ ورتاسىندا مۇز شاۋگىم جارىس جولى جارىققا شىقتى، مۇز شاۋگىمنىڭ سىرعىپ شىعۋىنا ىلەسە، ۋاقىتتى شەگەرىپ ەسەپتەۋ سيفرى الاڭنىڭ ىشىندە جارق ەتىپ كوزگە ۇرىندى: 10، 9، 8، 7، 6، 5، 4، 3، 2، 1 ... تۇتاس الاڭدى شاتتىق ءۇنى كەرنەدى.
ديكتور كورەرمەندەرگە جۇڭگونىڭ مەملەكەت ءتوراعاسى شي جينپيڭدى، حالىقارالىق مۇگەدەكتەر وليمپيادا كوميتەتىنىڭ ءتوراعاسى پاسەنستى تانىستىردى، شي جينپيڭ مەن پاسەنس ورىندارىنان تۇرىپ، كوپشىلىككە قول بۇلعاپ قۇرمەت ءبىلدىردى، تۇتاس الاڭنان تاعى دا قىزۋ قول شاپالاق ءۇنى كوتەرىلدى.
مۇگەدەكتەر حور ۇيىرمەسى «مەن جانە مەنىڭ وتانىم» ءانىن شات مەرەيمەن ورىنداپ، جۇڭگولىق 8 مۇگەدەك سپورتشى مەن مۇگەدەكتەر ىسىنە ۇلەس قوسقان قايراتكەرلەردىڭ ۋاكىلدەرى بەس جۇلدىزدى قىزىل تۋدى قورعاپ دەنەتاربيە الاڭىنىڭ تۋ شىعارۋ رايونىنا كەلدى. ساعات 20 دان 8 مينۋت وتكەندە جۇڭحۋا حالىق رەسپۋبليكاسىنىڭ ايبىندى مەملەكەت ءانى ورىندالىپ، بەس جۇلدىزدى قىزىل تۋ باياۋ كوتەرىلدى.
بەيجيڭ مۇگەدەكتەر قىسقى وليمپيادا سپورت جارىسىنىڭ قۇت بەلگىسى ەسەپتەلەتىن ءسۇپ - سۇيكىمدى 4 «شۋەرۇڭرۇڭ» الاڭنىڭ ورتاسىنا كىردى، سپورتشىلاردىڭ الاڭعا كىرۋ سالتى باستالدى. دۇنيە ءجۇزىنىڭ جەر - جەرىنەن كەلگەن قىسقى مۇگەدەكتەر وليمپيادا سپورتشىلارىنىڭ ۋاكىلدەرى كوتەرىڭكى رۋحپەن دەنەتاربيە الاڭىنا كىردى. الاڭداعى كورەرمەندەر شاتىرلاعان شاپالاق ۇنىمەن جانە الاقايلاعان داۋىسپەن ولاردى قارسى الدى جانە ولارعا قۇرمەت ءبىلدىردى. وسى كەزەكتى مۇگەدەكتەر وليمپياداسىنا 46 مەملەكەتتىڭ (رايون) ۋاكىلدەر ۇيىرمەسى قاتىناستى. الداعى 9 كۇندە 600 گە جۋىق مۇگەدەك سپورتشى 6 ۇلكەن جارىسقا قاتىناسادى.
«وتاندى جىرلايمىز» ءانىنىڭ اسقاق اۋەنى ىشىندە داياشى ەل جۇڭگونىڭ ۋاكىلدەر ۇيىرمەسى ەڭ سوڭىنان الاڭعا كىردى. مۇگەدەكتەر وليمپيادا سپورت جارىسىنىڭ شاڭعى تەبۋ جانە قىسقى سپورت 2 ءتۇرىنىڭ سپورتشىسى گو يۇيجيە، مۇگەدەكتەر وليمپياداسى مۇز دوپ سپورتشىسى ۋاڭ جىدۇڭ بەس جۇلدىزدى نارت قىزىل تۋدى ۇستاپ قاتاردىڭ ەڭ الدىندا ءجۇردى. وسى كەزەكتى مۇگەدەكتەر قىسقى وليمپياداسىنا قاتىناسقان جۇڭگو ۋاكىلدەر ۇيىرمەسىندە 217 ادام بار، مۇنىڭ ىشىندە سپورتشىلار 96 ادام، ولار 6 ۇلكەن ءتۇر، 73 شاعىن ءتۇر بويىنشا جارىسقا قاتىناسادى. بۇل ەلىمىز مۇگەدەكتەر قىسقى وليمپيادا سپورت جارىسىنا قاتىناسقاننان بەرى ۋاكىلدەر ۇيىرمەسىنىڭ كولەمى ەڭ ۇلكەن، سپورتشىلار سانى ەڭ كوپ، جارىسقا قاتىناسۋ تۇرلەرى ەڭ تولىق ءبىر كەزەك بولدى.
سپورتشىلار الاڭعا كىرىپ بولعاندا ۇلكەن ەكراندا حالىقارالىق مۇگەدەكتەر وليمپيادا كوميتەتىنىڭ «%15 تى ۇستايتىن بىزدەر» اتتى قىسقا فيلمى قويىلىپ، مۇگەدەكتەردىڭ سەنىمى مەن تاسقىنداعان ومىرشەڭدىك كۇشىن ايگىلەپ، بۇكىل دۇنيە جۇزىندەگى ءبىر ميلليارد 200 ميلليون مۇگەدەككە قاراتىلعان نازار اۋدارۋ دەڭگەيىن، كەشىرىمشىلدىكتى جانە بوگەتسىز بولۋ دەڭگەيىن ونان ارى جوعارىلاتۋعا ۇندەدى.
وسىدان كەيىن بەيجيڭ مۇگەدەكتەر قىسقى وليمپيادا سپورت جارىسىن ۇيىمداستىرۋ كوميسسياسىنىڭ ءتوراعاسى ساي چي ءسوز سويلەدى. ول بىلاي دەدى: ءتوراعا شي جينپيڭنىڭ تىكەلەي جەبەۋىندە جانە جۇڭگو ۇكىمەتىنىڭ پارمەندى باسشىلىعىندا، ءبىز جاسىل، بىرگە يگىلىكتەنۋ، اشىق، پاك بولۋ سىندى وليمپيادا سپورت جارىسىن وتكىزۋ ۇستانىمىن امالياتتا ايگىلەپ، حالىقارالىق وليمپيادا كوميتەتى سياقتى جاقتارمەن تىزە قوسا سەلبەسىپ، بەيجيڭ قىسقى مۇگەدەكتەر وليمپيادا سپورت جارىسىنىڭ دايىندىق قىزمەتتەرىن دەن قويا جاقسى ىستەپ، «ەكى وليمپيادا سپورت جارىسىنىڭ دا تارتىمدى بولۋىنا» كەپىلدىك ەتەمىز. مۇگەدەكتەر وليمپياداسى ساڭلاقتارىنىڭ تاماشا بەينە كورسەتىپ، ءبىزدى مۇگەدەكتەر وليمپيادا سپورت جارىسىنداعى ونەر باسەكەسى كوركەمدىگىنەن، رۋحتىڭ تارتىمدىلىعىنان، تىرشىلىكتىڭ كوركەمدىگىنەن ءلاززاتتاندىرۋىن ءۇمىت ەتەمىز. بەيجيڭ مۇگەدەكتەر وليمپياداسىنىڭ دۇنيە جۇزىنە سەنىم، دوستىق جانە ءۇمىت جەتكىزىپ، ادامزاتتىڭ تاعدىرلاس ورتاق تۇلعاسىن قۇرۋ سىندى تاماشا تىلەگىن ايگىلەيتىنىنە سەنەمىز. ءبىز قول ۇستاسا بولاشاققا بەت الىپ، مۇگەدەكتەر وليمپيادا سپورتىنىڭ تىڭ داستانىن جازايىق.
حالىقارالىق مۇگەدەكتەر وليمپيادا كوميتەتىنىڭ ءتوراعاسى پاسەنس ءسوز سويلەدى. ول مىنانى ءبىلدىردى: بەيجيڭ مۇگەدەكتەر قىسقى وليمپيادا سپورت جارىسىنىڭ الاڭ - سارايلارى قۇرىلعىلارى وزىندىك دارالىققا يە ەكەن، جارىستىڭ قامتاماسىزداندىرۋ ىستەرى قاتاڭ، ەگجەي - تەگجەيلى ورنالاستىرىلىپتى، ىندەتتەن ساقتانۋ - تىزگىندەۋ حاۋىپسىز، جوعارى ءونىمدى بولعان، مەيماندوس جۇڭگو حالقى تۇرلىشە ەلدەردىڭ (ءوڭىر) سپورتشىلارىنا مۇگەدەكتەر وليمپيادا سپورتىنىڭ باۋراعىشتىعىن تولىق ايگىلەيتىن ساحنا ازىرلەپتى. جۇڭگونىڭ مۇگەدەكتەردى قىسقى سپورتقا قاتىناسۋعا شابىتتاندىرۋداعى جانە جۇمىلدىرۋداعى قىزمەت تابىسى كورنەكتى بولعان.
ساعات 21 دەن 2 مينۋت وتكەندە باستالۋ سالتى جان تەبىرەنتەر ءساتتى قارسى الدى. مەملەكەت ءتوراعاسى شي جينپيڭ: بەيجيڭ 2022 - جىلعى مۇگەدەكتەر قىسقى وليمپيادا سپورت جارىسى باستالدى! − دەپ جاريالادى. لەزدە قار ۇشقىنىنان جاسالعان كۇلگىن ءتۇستى جالىن تۇنگى اسپاندى جارقىراتىپ، وليمپيادا باقشاسىن ەرەكشە كورىكتەندىردى.
ءار سالا، ءار كاسىپتەن كەلگەن ۋاكىلدەر مۇگەدەكتەر مەن ساۋ دەنەلى ادامداردىڭ تاتۋ - ءتاتتى مەرەيلى ساتتەرىن بىرگە ايگىلەدى. 8 تۋ ۇستاۋشى حالىقارالىق مۇگەدەكتەر وليمپيادا كوميتەتىنىڭ تۋىن ۇستاپ الاڭعا كىردى. ولار مىنالار: جۇڭگو ايەلدەر دوڭگەلەكتى ورىندىق باسكەتبول مەملەكەتتىك كومانداسىنىڭ جاتتىقتىرۋشىسى چىن چي، سوقىرلار قاقپا دوبىنىڭ حالىقارالىق دارەجەدەگى تورەشى حاۋ گوحۋا، مۇگەدەكتەر وليمپيادا سپورت جارىسىنىڭ قاۋىرسىن دوپ التىن مەدالىنىڭ يەگەرى ليۋ يۇيتۇڭ، مۇگەدەكتەر وليمپيادا سپورت جارىسىنىڭ لاقتىرۋ ءتۇرىنىڭ التىن مەدالىنىڭ يەگەرى ياۋ جۋان، مۇگەدەكتەر وليمپيادا سپورت جارىسىنىڭ مالتاۋ ءتۇرى التىن مەدالىنىڭ يەگەرى جاڭ لي، مۇگەدەكتەر وليمپيادا سپورت جارىسىنىڭ دوڭگەلەكتى ورىندىقپەن سەمسەرلەسۋ ءتۇرى التىن مەدالىنىڭ يەگەرى سۇن گاڭ، مۇگەدەكتەر وليمپياداسىنىڭ تاق - تۇق دوپ ءتۇرى التىن مەدالىنىڭ يەگەرى شۋە جۋان، مۇگەدەكتەر وليمپيادا سپورت جارىسىنىڭ دوڭگەلەكتى ورىندىقپەن سەمسەرلەسۋ ءتۇرى التىن مەدالىنىڭ يەگەرى لي حاۋ. كورۋ قۋاتى كەمتار وقۋشىلاردان قۇرالعان سىرناي وركەسترى حالىقارالىق مۇگەدەكتەر وليمپيادا كوميتەتىنىڭ ءانىن ورىندادى. حالىقارالىق مۇگەدەكتەر وليمپيادا كوميتەتىنىڭ تۋى باياۋ كوتەرىلىپ، بەس جۇلدىزدى قىزىل تۋمەن بىرگە اسقاق جەلبىرەدى.
وسىدان كەيىن جۇڭگو مۇگەدەكتەر وليمپيادا سپورت جارىسىنىڭ اسقار تاۋ شاڭعى سپورتشىسى جاڭ مىڭچيۋ، دوڭگەلەكتى ورىندىق مۇز شاۋگىم سپورتشىسى چىن جيانشين جارىسقا قاتىناسقان بارلىق سپورتشى اتىنان، جۇڭگو مۇگەدەكتەر وليمپياداسى مۇز دوپ ءتۇرىنىڭ تورەشىسى جاڭ ليحىڭ بارلىق تورەشى اتىنان، جۇڭگو دوڭگەلەكتى ورىندىق مۇز شاۋگىم جاتتىقتىرۋشىسى يۋە چيڭشۋاڭ بارشا جاتتىقتىرۋشىلار، ءمانساپتىلار اتىنان جەكە - جەكە سەرت بەردى.
ۇلكەن ەكرانداعى «قاۋاشاق جايۋ» اتتى قىسقا فيلم تۇتاس الاڭداعى كورەرمەندەردىڭ نازارىن اۋداردى. بىرنەشە ءسۇ - سۇيكىمدى سوقىر بالا كۇلىمسىرەگەن جۇزدەردى قالىپتاستىردى. الاڭنىڭ ورتاسىندا كوزدىڭ جاۋىن الاتىن نۇر وينادى، بۇل سوقىرلاردىڭ كوكەيىندەگى نۇر - شۇعىلانىڭ تاماشا كورىنىسى ەدى. «قىسقى مۇگەدەكتەر وليمپياداسىنىڭ ءبيى» اۋەنىمەن بىرگە، تىڭداۋ قۋاتى كەدەرگىگە ۇشىراعان ءبىر توپ ءبيشى قول يشاراتى مۇعالىمىنىڭ جەتەكشىلىگىندە، ساۋ دەنەلى ءبي ارتيستەرىمەن ءۇن - ءتۇنسىز سايكەسىپ، بيگە باسىپ، ادامدار اراسىنداعى دوستىقتى، تىرشىلىكتىڭ ومىرشەڭدىك كۇشىن جانە كومەسكى كۇشىن ايگىلەدى.
ساعات 21 دەن 23 مينۋت وتكەندە بەيجيڭ مۇگەدەكتەر قىسقى وليمپيادا سپورت جارىسىنىڭ الاۋى الاڭعا جەتكىزىلدى. بەيجيڭ قىسقى مۇگەدەكتەر وليمپيادا سپورت جارىسىنىڭ الاۋى مۇگەدەكتەر وليمپيادا سپورت جارىسىنىڭ وشاعى سانالاتىن انگليانىڭ ماندەۆيلل قالاسى مەن بەيجيڭ، يانچيڭ، جاڭجياكوۋ سىندى ءۇش جارىس رايونىنداعى جالپى 9 ورىنداعى وت ۇشقىنىن جيناۋدان قالىپتاسقان. 3 - ايدىڭ 2 - كۇنىنەن 4 - كۇنىنە دەيىن مۇگەدەكتەر قىسقى وليمپيادا سپورت جارىسىنىڭ الاۋى بەيجيڭ، يانچيڭ، جاڭجياكوۋ سىندى 3 جارىس رايونىندا جەتكىزىلدى. مەملەكەتتىك دەنەتاربيە الاڭىندا، پيوەڭچاڭ مۇگەدەكتەر وليمپياداسىنداعى شاڭعى تەبۋ ايەلدەر وتىرما گرۋپپاسىنىڭ شەبەرى ليۋ سىتۇڭ، ريو - دە - جانەيرو مۇگەدەكتەر وليمپياداسى مەن توكيو مۇگەدەكتەر وليمپياداسىندا 5 جەڭىل اتلەتيكا التىن مەدالىن العان ۋىن شياۋيان، توكيو مۇگەدەكتەر وليمپياداسىندا مالتاۋدان 2 التىن مەدال العان ما جيا، توكيو مۇگەدەكتەر وليمپياداسىنداعى دوڭگەلەكتى ورىندىق باسكەتبول جۇلدەگەرى جاڭ شۋەمەي، ريو - دە - جانەيرو مۇگەدەكتەر وليمپياداسىندا جانە توكيو مۇگەدەكتەر وليمپياداسىندا جەڭىل اتلەتيكادان 4 التىن مەدال العان ليۋ سۇيچيڭ، ءۇرتىس 3 كەزەك مۇگەدەكتەر وليمپياداسىندا نىسانا اتۋ التىن مەدالىن العان دۇڭ چاۋ، ءۇرتىس 3 كەزەك مۇگەدەكتەر وليمپياداسىندا وتىرمالى ۆولەيبولدان مەدال العان تاڭ شۋەمەي قاتارلى 7 الاۋگەر مۇگەدەكتەر قىسقى وليمپيادا سپورت جارىسىنىڭ الاۋىن كۇش جالعاپ جەتكىزىپ، تۇتاس الاڭداعى كورەرمەندەردىڭ قىزۋ قارسى الۋىنا يە بولدى.
بارشا جۇرت نازار اۋدارىپ وتىرعان ساتتە ەڭ سوڭعى الاۋگەر − افينا مۇگەدەكتەر وليمپياداسى مەن بەيجيڭ مۇگەدەكتەر وليمپياداسىندا الىسقا سەكىرۋ، 3 - دارەجەلى الىسقا سەكىرۋ جارىسىنىڭ اعا جۇلدەگەرى بولعان ءارى دۇنيە جۇزىلىك رەكوردتى بۇزعان لي دۋان قولىنداعى الاۋدى «قالىڭ قار گۇلى» فورماسىنداعى نەگىزگى الاۋ مۇناراسىنىڭ ورتاسىنا ەنگىزدى. بەيجيڭ مۇگەدەكتەر قىسقى وليمپيادا سپورت جارىسىندا بەيجيڭ قىسقى وليمپيادا سپورت جارىسىنىڭ نەگىزگى الاۋ جوبالاۋ ءتاسىلى قولدانىلىپ، جاسىل ورتانى قورعاۋ تانىمى تاعى ءبىر رەت ايگىلەندى.
كوزدىڭ جاۋىن الاتىن جالىن اسپانعا كوتەرىلىپ، جۇرت جۇرەگىن تەبىرەنتتى، دەنەتاربيە الاڭى شاتتىققا شومدى.
ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەس ءتوراعاسىنىڭ ورىنباسارلارى جانە ورتالىق اسكەري ىستەر كوميتەتىنىڭ مۇشەلەرى اشىلۋ سالتىنا قاتىناستى.
حالىقارالىق مۇگەدەكتەر وليمپيادا كوميتەتىنىڭ جاۋاپتىسى قاتارلىلار اشىلۋ سالتىنا قاتىناستى.
كەلۋ قاينارى: حالىق تورابى
 |
3 - ايدىڭ 4 - كۇنى كەشتە بەيجيڭ 2022 – جىلعى مۇگەدەكتەر قىسقى وليمپيادا سپورت جارىسىنىڭ اشىلۋ سالتى مەملەكەتتىك دەنەتاربيە الاڭىندا سالتاناتپەن وتكىزىلدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار اشىلۋ سالتىنا قاتىناستى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
|
 |
3 - ايدىڭ 4 - كۇنى كەشتە بەيجيڭ 2022 – جىلعى مۇگەدەكتەر وليمپياداسىنىڭ اشىلۋ سالتىنداعى الاۋ ويىنى. سۋرەتتى شينحۋا اگەنتتىگىنىڭ ءتىلشىسى لان حۇڭگۋاڭ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
