كوكتەم مەرەكەسىندە 10 كۇن، كوك شىبىق مەرەكەسىندە 5 كۇن دەمالىس بەرىلە مە؟ دەمالىس تۋرالى ۋاكىلدەر مىناداي ۇسىنىستار بەردى
2022.03.06 16:13 كەلۋ قاينارى : حالىق تورابى
3 – ايدىڭ 5 – كۇنى، ۋاكىلدەر كوكتەم مەرەكەسىندەگى دەمالىستى 10 كۇنگە، كوك شىبىق مەرەكەسىندەگى دەمالىستى 5 كۇنگە ۇزارتۋ جونىندە ۇسىنىس بەردى دەگەن تاقىرىپ كوپ ىزدەلگەن تاقىرىپتار قاتارىنان كورىنىپ، جۇرتتىڭ نازارىن اۋداردى.
بيىلعى ەكى ءماجىلىس مەزگىلىندە، حالىق قۇرىلتايى ۋاكىلدەرى كوكتەم مەرەكەسى، كوك شىبىق مەرەكەسى قاتارلى جۇڭگونىڭ ءداستۇرلى مەرەكەلەرى مەزگىلىندەگى دەمالىس ۋاقىتىن ۇزارتۋ جونىندە ۇسىنىس بەردى، ولار بۇلاي ىستەۋ ارقىلى قاتىناس – تاسىمالعا تۇسەتىن قىسىمدى ازايتۋمەن بىرگە، ىشىكى قاجەتسىنۋدى جەبەپ، ءداستۇرلى مادەنيەتكە ءمان بەرۋدى اناعۇرلىم ايگىلەۋگە بولادى دەپ قاراعان.
وسىزامانعى جەدەل حابار گازەتىنىڭ حابارلاۋىنشا، مەملەكەتتىك حالىق قۇرىلتايى ۋاكىلى، تايجوۋ قالاسى حايليڭ رايوندىق وقىتۋشىلاردى جەتىلدىرۋ ورتالىعىنىڭ زەرتتەرمەنى، جاتتىقتىرۋشىسى جي گۇيفىڭ مىناداي ۇسىنىس بەرگەن: كوكتەم مەرەكەسىن قازىرگى 3 كۇننەن 6 كۇنگە ۇزارتىپ، ەكى اپتا سوڭىنداعى دەمالىس كۇنىن باسقا ۋاقىتقا ورنالاستىرۋ ارقىلى، كوكتەم مەرەكەسىنىڭ دەمالىسىن 10 كۇنگە ۇزارتۋعا بولادى، اتاپ ايتقاندا، كوكتەم مەرەكەسىنە قاراعان تۇننەن كونەشە جىل ساناۋ بويىنشا ءبىرىنشى ايدىڭ توعىزىنشى كۇنىنە دەيىن بولسا بولادى؛ كوك شىبىق مەرەكەسىن قازىرگى ءبىر كۇننەن 3 كۇنگە ۇزارتۋعا، ەكى اپتانىڭ سوڭىنداعى دەمالىس كۇنىنەن جەكە – جەكە ءبىر دەمالىس كۇنىن باسقا ۋاقىتقا ورنالاستىرۋ ارقىلى، كوك شىبىق دەمالىسىن 5 كۇنگە ۇزارتۋعا بولادى.
مەملەكەتتىك حالىق قۇرىلتايى ۋاكىلى، جياڭسۋ ولكەسى ۋانشۇن ماشينا جانە ەلەكتر جابدىقتارى توبى پارتكومىنىڭ شۋجيى، القالار باستىعى جوۋ شانحۇڭ مىنانى ءبىلدىردى: كوكتەم مەرەكەسىنىڭ دەمالىسىن ۇيلەسىمدى تۇردە 10 كۇنگە دەيىن ۇزارتۋ قاجەت. كوكتەم مەرەكەسىنىڭ 7 كۇندىك دەمالىسى «اتا – اناسى سىرت جەرگە جۇمىسقا كەتكەن بالالار مەن جالعىز تۇراتىن قارتتار جونىنەن ايتقاندا، ءداستۇرلى جاڭا جىلدىڭ مادەنيەتتىك رايى جانە تۋىس – تۋعاندارمەن باس قوسۋداعى ساعىنىشى باسىلماي جاتىپ، تاعى دا ايرىلۋعا تۋرا كەلىپ، ءار جىلعى ‹كوز جاسىن مۇلتىلدەتىن› ۋاقىتقا اينالدى».
جۇڭگو اقپارات اپتالىعىنىڭ حابارلاۋىنشا، مەملەكەتتىك حالىق قۇرىلتايى ۋاكىلى، حىفەي فىڭحۋا ماشينا بولشەكتەرى شەكتى سەرىكتەستىگىنىڭ سايكەستىرۋشى قىزمەتكەرى لي شياۋلي دا وسى تەكتەس پىكىردى بىلدىرگەن.
مەملەكەتتىك حالىق قۇرىلتايى ۋاكىلى، شي – ان راديو – تەلەۆيزيا ستانسياسى ديكتورلار ءبولىمىنىڭ مەڭگەرۋشىسى سۇن ۋەي مىناداي ۇسىنىس بەرگەن: كوكتەم مەن كۇز مەزگىلىندە كوك شىبىق مەرەكەسىنەن كەيىن نەمەسە چۇڭياڭ مەرەكەسىنەن كەيىن «تۋىسشىلاۋ ايىن» ورنالاستىرىپ، 5 كۇن دەمالىس بەرۋ كەرەك، ناقتى ۋاقىتىن دەمالىس الۋشى ءوزى تاڭداپ، شوعىرلى ساتتەن اۋاشا دەمالىس الۋىنا وراي جاراتۋ كەرەك.
ول مىنانى اتاپ كورسەتتى: ىندەت كوكتەم مەرەكەسى مەزگىلىندە اۋىلىنا تۋىسشىلاي قايتۋشىلاردىڭ قادامىنا ىقپال جاسادى، وتە – موتە، وسى ءۇش جىلدان بەرى، قالادا قىزمەت ىستەيتىندەردىڭ اۋىلىنا قايتىپ، تۋىستارىمەن باس قوسۋى قيىنداستى، «سوندىقتان، ‹تۋىسشىلاۋ ايىن› ورنالاستىرۋ ارقىلى كوكتەم مەرەكەسى مەزگىلىندە وتباسىنداعىلارمەن باس قوسا الماعانداردىڭ ۋايىمىن باسەڭدەتىپ، تۋىسقاندىقتى، دوستىقتى، سۇيىسپەنشىلىكتى كۇشەيتىپ، سەزىم الەمىن بايىتىپ، قوعامدىق ۇيىسۋ قۋاتىن كۇشەتۋگە بولادى».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
