13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى بەيجيڭدە اشىلدى
2022.03.06 19:34 كەلۋ قاينارى : حالىق تورابى
 |
3 - ايدىڭ 5 - كۇنى 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى بەيجيڭدەگى حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار قاتىناستى، لي جانشۋ ءماجىلىستى باسقاردى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
شي جينپيڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى
لي كىچياڭ ۇكىمەت قىزمەتىنەن بايانداما جاسادى، لي جانشۋ ءماجىلىستى باسقاردى
جەرگىلىكتى ورىنداردىڭ ۇيىمدىق زاڭىنا وزگەرىس ەنگىزۋ جوباسى تۋرالى، 14 - كەزەكتى مەملەكەتتىك حالىق قۇرىلتايى ۋاكىلدەرىنىڭ سانى جانە سايلاۋ ماسەلەسى جونىندەگى قارار جوباسى تۋرالى تۇسىنىك سياقتىلاردى تىڭدادى
شينحۋا اگەنتتىگى، 3 - ايدىڭ 5 - كۇنى، بەيجيڭ. 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى 3 - ايدىڭ 5 - كۇنى تۇستەن بۇرىن بەيجيڭدەگى حالىق سارايىندا اشىلدى. مەملەكەتتىك حالىق قۇرىلتايىنىڭ 3 مىڭعا تارتا ۋاكىلى حالىقتىڭ ماڭىزدى تاپسىرماسىن ارقالاپ ماجىلىسكە قاتىناسىپ، نەگىزگى زاڭ مەن زاڭداردا جۇكتەلگەن قاسيەتتى قىزمەت جاۋاپكەرلىكتەرىن مۇقيات وتەدى.
حالىق سارايىنىڭ 10 مىڭ ادامدىق ۇلكەن زالى ايبىندى دا قىزۋ مەرەيگە شومدى، ءتوراعالار مىنبەسىندەگى شىمىلدىقتىڭ ءدال ورتاسىنداعى مەملەكەت گەربى نارت قىزىل تۋلاردىڭ ايشىقتاۋىمەن نۇر - شۇعىلا شاشتى.
ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ ءماجىلىستى باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، ياڭ جىن - ۋ ءتوراعالار مىنبەسىنىڭ اتقارۋشى ءتوراعالار ورنىنا جايعاستى.
شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.
13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىنە قاتىناسۋعا ءتيىستى ۋاكىل 2 مىڭ 951 ادام. 3 - ايدىڭ 5 - كۇنى تۇستەن بۇرىنعى ماجىلىسكە 2 مىڭ 790 ادام قاتىناستى، 161 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
تۇستەن بۇرىن ساعات 9 دا لي جانشۋ جۇڭحۋا حالىق رەسپۋبليكاسى 13 - كەزەكتى مەملەكەتتىك حالىق قۇرىلتايى 5 - ءماجىلىسىنىڭ اشىلعانىن جاريالادى. الاڭداعى بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.
ءماجىلىستىڭ كەڭەستىك ءتارتىبى بويىنشا مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. بايانداما 3 بولىكتەن قۇرالعان: ءبىرىنشى، 2021 - جىلعى قىزمەتتەرگە شولۋ؛ ەكىنشى، 2022 - جىلعى ەكونوميكالىق، قوعامدىق دامۋدىڭ جالپى تالابى مەن ساياساتتىق بەتالىسى؛ ءۇشىنشى، 2022 - جىلعى ۇكىمەت قىزمەتىنىڭ مىندەتتەرى.
لي كىچياڭ بايانداماسىندا بىلاي دەپ اتاپ كورسەتتى: وتكەن ءبىر جىل پارتيا مەن مەملەكەت تاريحىنداعى بەلەستىك مانگە يە ءبىر جىل بولدى. شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگو كوممۋنيستىك پارتياسى قۇرىلعانىنىڭ 100 جىلدىعىن سالتاناتپەن قۇتتىقتاپ، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىن تابىسپەن اشىپ، پارتيانىڭ ءۇشىنشى تاريحي قارارىن شىعارىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزىپ، جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا جورىق جاساۋدىڭ جاڭا جورىعىن باستادى. ءبىر جىلدان بەرى كۇردەلى دە اۋىر ىشكى - سىرتقى جاعداي مەن كوپتەگەن حاۋىپ - قاتەر، سىن - سايىس الدىندا بۇكىل ەل بويىنشا جوعارىدان تومەنگە دەيىن بىرگە قۇلشىنىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، تۇتاس جىلداعى باستى نىسانا - مىندەتتەردى ءبىرشاما جاقسى ورىنداپ، «14 – بەسجىلدىق» جوبادا تاماشا باستاما جاراتتى، ەلىمىزدىڭ دامۋىندا جانە دە تىڭ دا كەلەلى تابىستارعا قول جەتتى.
لي كىچياڭ بايانداماسىندا بىلاي دەپ اتاپ كورسەتتى: ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ شەشىم - ورنالاستىرۋلارىن ىشكەرىلەي دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ رۋحىن دايەكتى تياناقتاندىرىپ، جاڭا دامۋ يدەياسىن تولىق، دۇرىس، جالپى بەتتىك دايەكتىلەندىرىپ، «التىنى ورنىقتىرۋ»، «التىنى قامتاماسىز ەتۋ» قىزمەتىن تىڭعىلىقتى ىستەپ، ماكرولىق ساياساتتا پەريود اتتاعان رەتتەۋگە جانە قيىن - قىستاۋ جاعدايداعى رەتتەۋگە باسا ءمان بەرىپ، ءتۇرلى حاۋىپ - قاتەر مەن سىن - سايىسقا ءونىمدى توتەپ بەردىك، مۇندا باستىسى مىناداي قىزمەتتەر ىستەلدى: ءبىرىنشى، ماكرولىق ساياساتتىڭ ۇلاسپالىلىعى، باعىتتامالىلىعى ساقتالىپ، ەكونوميكالىق اينالىمنىڭ ۇيلەسىمدى ارالىقتا بولۋى ىلگەرىلەتىلدى؛ ەكىنشى، كاسىپورىندارعا، قيىنشىلىعى بارلارعا كومەكتەسۋ ساياساتى ساپالىلاندىرىلىپ جانە تياناقتاندىرىلىپ، ەكونوميكانى قالپىنا كەلتىرۋ نەگىزى بەكەمدەلدى؛ ءۇشىنشى، رەفورما تەرەڭدەتىلىپ، ەسىك ايقارا اشىلىپ، ساۋدا ورتاسى ۇزدىكسىز جاقسارتىلدى؛ ءتورتىنشى، جاڭالىق اشۋ ارقىلى جەتەكشىلىك ەتۋ كۇشەيتىلىپ، كاسىپ تىزبەگى مەن قامداۋ تىزبەگى ورنىقتىرىلدى؛ بەسىنشى، قالا مەن اۋىلدىڭ وڭىرلىك سايكەستى دامۋى ىلگەرىلەتىلىپ، ەكونوميكانىڭ ورنالاسۋى ۇزدىكسىز جاقسارتىلدى؛ التىنشى، ەكولوگيالىق ورتانى قورعاۋ كۇشەيتىلىپ، باياندى دامۋ جەبەلدى؛ جەتىنشى، حالىق تۇرمىسىن قامتاماسىزداندىرۋعا جانە جاقسارتۋعا كۇش سالىنىپ، قوعامدىق ىستەردىڭ دامۋى جەدەلدەتىلدى؛ سەگىزىنشى، زاڭمەن باسقارىلاتىن ۇكىمەت قۇرىلىسى مەن باسقارۋدا جاڭالىق جاراتۋ ىلگەرىلەتىلىپ، قوعامنىڭ جاراسىمدىلىعى مەن ورنىقتىلىعى ساقتالدى.
لي كىچياڭ بايانداماسىندا بىلاي دەپ اتاپ كورسەتتى: ناتيجەنى تۇراقتاندىرۋمەن بىرگە، ءدوپ كەلگەن ماسەلەلەر مەن سايىستاردى دا سەرگەكتىكپەن كورە ءبىلۋىمىز كەرەك. تاۋقىمەت تانىمىن كۇشەيتىپ، ماسەلە مەن سىن - سايىسقا بەتپە - بەت كەلىپ، قىزمەتتى بار كۇشپەن جاقسى ىستەپ، حالىقتىڭ ءۇمىتىن استە جەردە قالدىرماۋىمىز كەرەك.
لي كىچياڭ باياندامادا مىنالاردى ورتاعا قويدى: 2022 - جىلعى دامۋدىڭ باستى مەجەلى نىسانالارى مىنالار: ىشكى ءوندىرىستىڭ جالپى ءونىم قۇنىن %5.5 شاماسىندا ارتتىرۋ؛ قالا - قالاشىقتاردا تىڭنان 11 ميلليوننان استام ادامدى جۇمىستاندىرىپ، قالا - قالاشىقتاردا تەكسەرىلگەن جۇمىسسىزدىق شاماسىن تۇتاس جىلدا %5.5 ىشىندە تىزگىندەۋ؛ تۇرعىنداردىڭ تۇتىنۋ باعاسىنىڭ قىمباتتاۋ مولشەرىن %3 مولشەرىندە تىزگىندەۋ؛ تۇرعىندار كىرىسىنىڭ ارتۋى ەكونوميكانىڭ ارتۋىمەن نەگىزىنەن قادامداس بولۋ؛ يمپورت - ەكسپورتتا ساپاعا كەپىلدىك ەتىپ، ساپانى جوعارىلاتىپ، حالىقارالىق كىرىس - شىعىستى نەگىزىنەن تەپە - تەڭ ەتۋ؛ استىق ءونىمىن ءبىر تريلليون 300 ميلليارد جىڭنان اسىرۋ؛ ەكولوگيالىق ورتا ساپاسىن ۇزدىكسىز جاقسارتىپ، باستى لاس زاتتاردى ءبولىپ شىعارۋ مولشەرىن ۇزدىكسىز تومەندەتۋ؛ ەنەرگيا سارىپ ەتۋ كۇشەمەلىلىگى نىساناسىن «14 - بەسجىلدىق» جوبا مەزگىلىندە ءبىر تۇتاس جوسپارلاۋ ءارى لايىقتى سەرپىمدىلىك قالدىرۋ؛ جاڭادان ارتقان تۋىندامالى ەنەرگيانى جانە شيكىزاتقا پايدالانىلاتىن ماتەريالداردى ەنەرگيا تۇتىنۋ جالپى مولشەرىندەگى شەكتەلەتىن كولەمگە كىرگىزبەۋ.
لي كىچياڭ بايانداماسىندا بىلاي دەپ اتاپ كورسەتتى: 2022 - جىلى مىناداي قىزمەتتەردى تىڭعىلىقتى ىستەۋ كەرەك: ماكرولىق ەكونوميكانى ورنىقتىرۋعا كۇش سالىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ؛ بازار تۇلعالارىنىڭ جۇمىستانۋدى قامتاماسزداندىرۋىن كۇش سالا ورنىقتىرىپ، ماكرولىق ساياساتتى اتقارۋ تەبىنىن ارتتىرۋ؛ رەفورمانى تاباندىلىقپەن تەرەڭدەتىپ، بازاردىڭ ومىرشەڭدىك كۇشى مەن دامۋدىڭ ىشكى قوزعاۋشى كۇشىن اناعۇرلىم تاسقىنداتۋ؛ جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، ناقتى ەكونوميكانىڭ نەگىزىن بەكەمدەۋ، زورايتۋ؛ ىشكى سۇرانىمدى ۇلعايتۋ ستراتەگياسىن باتىل اتقارىپ، وڭىرلەردىڭ سايكەستى دامۋى مەن جاڭاشا قالا - قالاشىقتانۋىن ىلگەرىلەتۋ؛ اۋىل شارۋاشىلىق ءوندىرىسىن زور كۇشپەن مىقتى يگەرىپ، اۋىل - قىستاقتىڭ جاپپاي گۇلدەنۋىن جەبەۋ؛ جوعارى ورەدە سىرتقا ەسىك اشۋدى كەڭەيتىپ، سىرتقى ساۋدا مەن شەتەل قارجىسىنىڭ ورنىقتى دامۋىن ىلگەرىلەتۋ؛ ەكولوگيالىق ورتانى ۇزدىكسىز جاقسارتىپ، جاسىل، تومەن كومىرتەكتى دامۋدى ىلگەرىلەتۋ؛ حالىق تۇرمىسىن شىنايى قامتاماسىزداندىرىپ جانە جاقسارتىپ، قوعامدىق باسقارۋدى كۇشەيتۋ جانە وندا جاڭالىق جاراتۋ.
باياندامادا لي كىچياڭ تاعى ۇكىمەتتىڭ وزىندىك قۇرىلىسىن كۇشەيتۋ، ۇلت، ءدىن جانە مۇھاجىرلار قىزمەتى، مەملەكەت قورعانىسى جانە ارميا قۇرىلىسى، شياڭگاڭنىڭ، اۋمىننىڭ دامۋى جانە ەكى جاعالاۋ قاتىناسى، سونداي - اق ەلىمىزدىڭ ديپلوماتيالىق ساياساتى سياقتىلارعا پايىمداۋ جاسادى.
ءماجىلىستىڭ كەڭەستىك تارتىبىنە ساي، ءماجىلىس مەملەكەتتىك كەڭەستىڭ 2021 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2022 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى بايانداماسىن، سونداي - اق 2022 - جىلعى حالىق شارۋاشىلىعى مەن قوعامدىق دامۋ جوسپار جوباسىن، مەملەكەتتىك كەڭەستىڭ 2021 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايى جانە 2022 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسى جونىندەگى بايانداماسىن، سونداي - اق 2022 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسىن قارادى.
مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ۋاڭ چىن جەكە - جەكە جەرگىلىكتى ءار دارەجەلى حالىق قۇرىلتايلارى مەن جەرگىلىكتى ءار دارەجەلى حالىق ۇكىمەتتەرىنىڭ ۇيىمدىق زاڭىنا وزگەرىس ەنگىزۋ جوباسى جونىندە تۇسىنىك، 14 - كەزەكتى مەملەكەتتىك حالىق قۇرىلتايى ۋاكىلدەرىنىڭ سانى جانە سايلاۋ ماسەلەسى جونىندەگى قاۋلى جوبا تۋرالى تۇسىنىك، شياڭگاڭ ەرەكشە اكىمشىلىك رايونىنىڭ 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلاۋ ءادىس جوباسى تۋرالى تۇسىنىك، اۋمىن ەرەكشە اكىمشىلىك رايونىنىڭ 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلاۋ ءادىس جوباسى تۋرالى تۇسىنىك جاسادى.
جەرگىلىكتى ءار دارەجەلى حالىق قۇرىلتايلارى مەن جەرگىلىكتى ءار دارەجەلى حالىق ۇكىمەتتەرىنىڭ ۇيىمدىق زاڭىنا وزگەرىس ەنگىزۋ جوباسى جونىندەگى تۇسىنىكتە بىلاي دەپ اتاپ كورسەتىلدى: جەرگىلىكتى ۇيىمدىق زاڭ − جەرگىلىكتى حالىق قۇرىلتايلارىنىڭ، جەرگىلىكتى ۇكىمەتتەردىڭ ۇيىمدىق جانە قىزمەت ءتۇزىمى جونىندەگى نەگىزدىك زاڭ، نەگىزگى زاڭنىڭ جەرگىلىكتى ۇكىمەت قۇرىلىسى جونىندەگى بەلگىلەمەلەرىنىڭ زاڭ جاساۋ تۇرعىسىنان اتقارىلۋى، جەرگىلىكتى ءار دارەجەلى مەملەكەتتىك بيلىك ورگاندارىنىڭ، اكىمشىلىك ورگانداردىڭ قىزمەت ۇقىعىن جۇرگىزۋىنىڭ، مىندەتىن وتەۋىنىڭ ماڭىزدى تۇزىمدىك كەپىلى. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى مەملەكەتتىڭ بيلىك ورگانى قىزمەتى مەن قۇرىلىسىنا ايرىقشا ءمان بەرىپ، ءبىرقىدىرۋ كەلەلى ورنالاستىرۋ جاساپ، ءبىرقىدىرۋ كەلەلى قىزمەتتى ىلگەرىلەتىپ، ءبىرقىدىرۋ كەلەلى تابىسقا قول جەتكىزدى. شي جينپيڭ زاڭمەن جونگە سالۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىندە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن دايەكتىلەندىرىپ، پارتيا ورتالىق كوميتەتىنىڭ كەلەلى شەشىم - ورنالاستىرۋلارىن جانە ورتالىقتىڭ حالىق قۇرىلتايى قىزمەتى ءماجىلىسىنىڭ رۋحىن تياناقتاندىرۋدا امالياتتىق تاجىريبەلەردى مۇقيات قورىتىندىلاۋ نەگىزىندە، جەرگىلىكتى ورىنداردىڭ ۇيىمدىق زاڭىنا وزگەرىس ەنگىزۋ، كەمەلدەندىرۋ اسا قاجەتتى. جوبا جالپى 48 تارماق بولىپ، نەگىزگى وزگەرىس ەنگىزىلگەن مازمۇندار مىنالاردى قامتيدى: «جالپى ەرەجەنىڭ»ءبىر تاراۋىنىڭ مازمۇنىن تولىقتاۋ؛ جەرگىلىكتى ءار دارەجەلى حالىق قۇرىلتايلارى مەن ونىڭ تۇراقتى كوميتەتتەرىنىڭ ۇيىمدىق، قىزمەت ۇقىعى سياقتى قاتىستى بەلگىلەمەلەردى كەمەلدەندىرۋ؛ جەرگىلىكتى ءار دارەجەلى حالىق ۇكىمەتتەرىنىڭ ۇيىمدىق، قىزمەت ۇقىعى سياقتى قاتىستى بەلگىلەمەلەردى كەمەلدەندىرۋ؛ باقىلاۋ - تەكسەرۋ ءتۇزىلىسى رەفورماسىنىڭ قاجەتىنە سايكەسىپ قاتىستى مازمۇنداردى كوبەيتۋ؛ وڭىرلىك دامۋ سەلبەستىك مەحانيزمىن ايقىنداۋ؛ جۇڭحۋا ۇلتى ورتاق تۇلعا تانىمىن بەكەمدەۋ سياقتى مازمۇنداردى تولىقتاۋ ءارى قاتىستى بەلگىلەمەلەردى كەمەلدەندىرۋ.
14 - كەزەكتى مەملەكەتتىك حالىق قۇرىلتايى ۋاكىلدەرىنىڭ سانى جانە سايلاۋ ماسەلەسى جونىندەگى قاۋلى جوبا تۋرالى تۇسىنىكتە بىلاي دەپ اتاپ كورسەتىلدى: نەگىزگى زاڭ مەن قاتىستى زاڭدارداعى بەلگىلەمەلەرگە ساي، 13 - كەزەكتى مەملەكەتتىك حالىق قۇرىلتايىنىڭ مىندەت وتەۋ مەرزىمى 2023 - جىلى 3 - ايدا اياقتايدى، 14 - كەزەكتى مەملەكەتتىك حالىق قۇرىلتايىنىڭ ۋاكىلدەرى 2023 - جىلى 1 - ايدا سايلانىپ شىعۋعا ءتيىس. مەملەكەتتىك حالىق قۇرىلتايىنىڭ ۋاكىلدەرىن سايلاۋ قىزمەتىن ويداعىداي ىستەۋ − پارتيا مەن مەملەكەتتىڭ ساياسي ومىرىندەگى ءىرى ءىس، ول پارتيانىڭ ۇزاق ۋاقىتتىق بيلىك جۇرگىزۋ نەگىزىن بەكەمدەۋدە، مەملەكەتتىڭ بيلىك قۇرىلىسىن كۇشەيتۋدە، جالپى بارىستىق حالىقتىق دەموكراتياسىن دامىتۋدا، حالىق قۇرىلتايى تۇزىمىندە تاباندى بولۋدا جانە ونى كەمەلدەندىرۋدە، مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋدى ىلگەرىلەتۋدە، ءار جاقتىڭ اقىل - پاراساتى مەن كۇش - قۋاتىن ۇيىستىرىپ، سوتسياليستىك وسىزاماندانعان مەملەكەتتى جاپپاي قۇرۋدا توتەنشە ماڭىزدى مانگە يە. نەگىزگى زاڭداعى، سايلاۋ زاڭىنداعى قاتىستى بەلگىلەمەلەرگە ساي، قاتىستى جاقتاردىڭ پىكىرىن كەڭىنەن الۋ نەگىزىندە، مەملەكەتتىك حالىق قۇرىلتايى تۇراقتى كوميتەتىنىڭ كوميتەت باستىقتارى ءماجىلىسى 13 - كەزەكتى مەملەكەتتىك حالىق قۇرىلتايى 5 - ءماجىلىسىنىڭ 14 - كەزەكتى مەملەكەتتىك حالىق قۇرىلتايى ۋاكىلدەرىنىڭ سانى جانە سايلاۋ ماسەلەسى جونىندەگى قاۋلى جوبانى جاساپ، 2021 - جىلى 12 - ايدا 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 32 - ماجىلىسىندە قاراۋعا ۇسىندى، ءماجىلىس 13 - كەزەكتى مەملەكەتتىك حالىق قۇرىلتايى 5 - ءماجىلىسىنىڭ قاراۋىنا ۇسىنۋدى ۇيعاردى.
شياڭگاڭ ەرەكشە اكىمشىلىك رايونىنىڭ 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلاۋ ءادىسى جوباسى جونىندەگى تۇسىنىك پەن اۋمىن ەرەكشە اكىمشىلىك رايونىنىڭ 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلاۋ ءادىسى جوباسى جونىندەگى تۇسىنىكتە بىلاي دەپ اتاپ كورسەتىلدى: سايلاۋ زاڭىنداعى بەلگىلەمەلەر بويىنشا، شياڭگاڭ ەرەكشە اكىمشىلىك رايونىنان، اۋمىن ەرەكشە اكىمشىلىك رايونىنان مەملەكەتتىك حالىق قۇرىلتايىنا سايلانۋعا ءتيىستى ۋاكىلدەردىڭ سانى مەن ۋاكىلدەردى سايلاۋ ءادىسىن مەملەكەتتىك حالىق قۇرىلتايى بولەك بەلگىلەيدى. سوندىقتان وسى كەزەكتى مەملەكەتتىك حالىق قۇرىلتايىنىڭ مىندەت وتەۋ مەرزىمى تولۋدان بۇرىن شياڭگاڭ مەن اۋمىننان 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلاۋ ءادىسىن بەلگىلەۋ كەرەك. قاتىستى قىزمەت ورنالاستىرۋلارىنا ساي، مەملەكەتتىك حالىق قۇرىلتايى تۇراقتى كوميتەتىنىڭ زاڭ قىزمەتى كوميتەتى، شياڭگاڭ، اۋمىن ءتۇبىرلى زاڭ كوميتەتتەرى ورتالىقتاعى قاتىستى تاراۋلارمەن بىرگە شياڭگاڭ ەرەكشە اكىمشىلىك رايونىنان، اۋمىن ەرەكشە اكىمشىلىك رايونىنان 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلاۋ ءادىسى جوباسىن زەرتتەپ جاسادى ءارى شياڭگاڭ ەرەكشە اكىمشىلىك رايونىنىڭ اكىمىنەن، اۋمىن ەرەكشە اكىمشىلىك رايونىنىڭ اكىمىنەن، شياڭگاڭ ەرەكشە اكىمشىلىك رايونىنىڭ جانە اۋمىن ەرەكشە اكىمشىلىك رايونىنىڭ مەملەكەتتىك حالىق قۇرىلتايىنداعى ۋاكىلدەرىنەن، مەملەكەتتىك ساياسي كەڭەستەگى مۇشەلەرىنەن پىكىر الدى.
ديڭ شۋەشياڭ، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ۋەي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن، جاڭ چيڭلي، ليۋ چيباۋ، پابالا گىلەلاڭجيە، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ، گاۋ يۇنلۇڭ، سونداي - اق ورتالىق اسكەري ىستەر كوميتەتىنىڭ مۇشەلەرى لي زوچىڭ، مياۋ حۋا، جاڭ شىڭمين قاتارلىلار دا ءتوراعالار مىنبەسىنەن ورىن الدى.
اۋمىن ەرەكشە اكىمشىلىك رايونىنىڭ اكىمى حى ي - چىڭ ماجىلىسكە سىرتتاي قاتىناستى ءارى ءتوراعالار مىنبەسىنەن ورىن الدى.
مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە قاتىناسقان ساياسي كەڭەس مۇشەلەرى ماجىلىسكە سىرتتاي قاتىناستى.
ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە سىرتتاي تىڭدادى.
شەتەلدىڭ جۇڭگوداعى ەلشىلەرى ءماجىلىستى سىرتتاي تىڭدادى.
كەلۋ قاينارى: حالىق تورابى
 |
3 - ايدىڭ 5 - كۇنى 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى بەيجيڭدەگى حالىق سارايىندا اشىلدى. مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
|
 |
3 - ايدىڭ 5 - كۇنى 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى بەيجيڭدەگى حالىق سارايىندا اشىلدى. ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ ءماجىلىستى باسقاردى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
