13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى ەكىنشى جالپى جيىنىن وتكىزدى
2022.03.09 16:55 كەلۋ قاينارى : حالىق تورابى
 |
3 - ايدىڭ 8 - كۇنى 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى بەيجيڭدەگى حالىق سارايىندا ەكىنشى جالپى جينىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى لي جانشۋ ماجىلىسكە مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. سۋرەتتى «حالىق گازەتىنىڭ» ءتىلشىسى لەي شىڭ تۇسىرگەن
|
شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار قاتىناستى
لي جانشۋ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى
ەڭ جوعارى حالىق سوتى مەكەمەسىنىڭ قىزمەت بايانداماسىن جانە ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدادى جانە قارادى
شينحۋا اگەنتتىگى، 3 - ايدىڭ 8 - كۇنى، بەيجيڭ. 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى 3 - ايدىڭ 8 - كۇنى تۇستەن بۇرىن بەيجيڭدەگى حالىق سارايىندا ەكىنشى جالپى جيىنىن وتكىزىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن جانە ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدادى جانە قارادى.
شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار جيىنعا قاتىناستى.
مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى لي جانشۋ جالپى جيىنعا مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. لي جانشۋ باياندامادا بىلاي دەپ اتاپ كورسەتتى: 2021 - جىل حالىق قۇرىلتايى ءتۇزىمى تاريحىندا ەرەكشە ماڭىزدى مانگە يە جىل بولدى. پارتيا ورتالىق كوميتەتى حالىق قۇرىلتايى قىزمەتى ءماجىلىسىن تۇڭعىش رەت اشىپ، باس شۋجي شي جينپيڭ ماڭىزدى ءسوز سويلەپ، جاڭا داۋىردەگى جۇڭگوشا سوتسياليستىك دەموكراتيالىق ساياسيدى دامىتۋ، حالىق قۇرىلتايى تۇزىمىندە تاباندى بولۋ جانە ونى كەمەلدەندىرۋ جونىندەگى ءبىرقىدىرۋ كەلەلى نازاريالىق جانە امالياتتىق ماسەلەگە ىشكەرىلەي جاۋاپ بەرىپ، جاڭا داۋىردەگى حالىق قۇرىلتايى قىزمەتىن ويداعىداي ىستەۋگە العا باسۋ بەتالىسىن كورسەتىپ، ءتۇبىرلى تياناق ازىرلەدى.
لي جانشۋ باياندامادا بىلاي دەدى: ءبىر جىلدان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايىنىڭ تۇراقتى كوميتەتى پارتيا ورتالىق كوميتەتىنىڭ كەلەلى شەشىمدەرىنە، ورنالاستىرۋلارىنا ىلەسىپ، حالىق بۇقاراسىنىڭ تاماشا تۇرمىسقا دەگەن تىلەگىنە تىعىز سايكەسىپ، مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋدى ىلگەرىلەتۋدىڭ قاجەتىن تىعىز ارقاۋ ەتىپ، زاڭ بويىنشا مىندەت اتقارىپ، جاۋاپكەرلىك ارقالاپ، جاۋاپكەرلىكتى ادا ەتىپ، باستىسى، مىناداي قىزمەتتەردى ىستەدى: ءبىرىنشى، نەگىزگى زاڭعا قاتىستى زاڭداردى ونان ارى كەمەلدەندىرىپ، نەگىزگى زاڭنىڭ ەڭ جوعارى زاڭدىق ورنىن، بەدەلىن جانە ونىمدىلىگىن قورعادى. شياڭگاڭ ءتۇبىرلى زاڭىنىڭ 1 -، 2 - قوسىمشا قۇجاتتارىنا وزگەرىس ەنگىزىپ، شياڭگاڭنىڭ زاڭدىق ورنى مەن ءىس جۇزىندىك جاعدايىنا ۇيلەسەتىن دەموكراتيالىق سايلاۋ ءتۇزىمىن قالىپتاستىردى. نەگىزگى زاڭعا جانە زاڭدارعا قايشى ارەكەتتەردى تۇزەتىپ، مەملەكەتتىڭ زاڭمەن جونگە سالۋ تۇتاستىعىن قورعادى. ەكىنشى، پارتيا مەن مەملەكەت قىزمەتىنىڭ جالپى جاعدايىن ارقاۋ ەتىپ، زاڭ شىعارۋ، زاڭعا وزگەرىس ەنگىزۋ اياق الىسىن جەدەلدەتىپ، جاپپاي سوتسياليستىك وسىزاماندانعان مەملەكەت قۇرۋدى زاڭدىق كەپىلمەن قامدادى. ءبىر جىلدان بەرى 17 زاڭ جاسادى، 22 زاڭعا وزگەرىس ەنگىزدى، قاتىستى زاڭدىق ماسەلەلەر مەن ەلەۋلى ماسەلەلەر جونىندە 10 قارار شىعاردى. ءۇشىنشى، باقىلاۋ تەبىنى مەن ناقتى ونىمدىلىكتى كۇشەيتىپ، ۇكىمەتتىڭ، باقىلاۋ - تەكسەرۋ كوميتەتىنىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ مىندەتىن زاڭ بويىنشا اتقارۋىن باقىلاپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنىڭ دايەكتىلەنۋىن، تياناقتانۋىن قامتاماسىز ەتتى. ءتورتىنشى، ۋاكىلدەردىڭ مىندەتىن زاڭ بويىنشا وتەۋىن قولداپ جانە قامتاماسىزداندىرىپ، ۋاكىلدەردىڭ رولىن ساۋلەلەندىرۋدى حالىقتىڭ وزىنە ءوزى قوجا بولۋىنىڭ ماڭىزدى بەينەسى ەتتى. بەسىنشى، مەملەكەتتىڭ جالپى تۇلعالىق ديپلوماتيالىق نىسانا - مىندەتتەرىن تىعىز ارقاۋ ەتىپ، حالىق قۇرىلتايى سىرتقى ىستەر قىزمەتىن ىلگەرىلەتتى. التىنشى، جالپى بارىستىق حالىق دەموكراتياسى قۇرىلىسىن ىلگەرىلەتىپ، حالىق قۇرىلتايى تۇراقتى كوميتەتىنىڭ نەگىزگى ورنىندا تاباندى بولىپ، حالىق قۇرىلتايى تۇراقتى كوميتەتىنىڭ وزىندىك قۇرىلىسىن كۇشەيتتى.
باياندامادا لي جانشۋ بىلاي دەپ اتاپ كورسەتتى: ءبىر جىلدان بەرى تۇراقتى كوميتەت قىزمەتىنىڭ ەڭ ۇلكەن وي - تولعام تۇرتكىسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە باستان - اياق تاباندى بولىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى ورنىن باتىل قورعاپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا باسشىلىعىنىڭ، حالىقتىڭ وزىنە ءوزى قوجا بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىندە تاباندى بولۋدى ورگانيكالى ۇشتاستىرىپ، حالىق قۇرىلتايى ءتۇزىمىنىڭ پارتيانىڭ مەملەكەت اكىمياتى ورگانىنا باسشىلىق ەتۋدەگى ماڭىزدى تۇزىمدىك دانەكەرلىك رولىن تولىق ساۋلەلەندىرىپ، ەلىمىزدىڭ جالپى بارىستىق حالىق دەموكراتياسىن جۇزەگە اسىرۋدىڭ ماڭىزدى تۇزىمدىك دانەكەرلىك رولى رەتىندە، حالىق قۇرىلتايى ءتۇزىمىنىڭ پارتيا ورتالىق كوميتەتى كورسەتكەن بەتالىس بويىنشا دامۋىنا كەپىلدىك ەتىپ، حالىق قۇرىلتايى قىزمەتىنىڭ پارتيا ورتالىق كوميتەتى بەلگىلەگەن جولمەن العا باسۋىنا كەپىلدىك ەتۋ بولدى.
لي جانشۋ باياندامادا بىلاي دەپ اتاپ كورسەتتى: تۇراقتى كوميتەت قىزمەتىندە ءالى دە پارىق جانە جەتەرسىزدىك بار، وزىندىك قۋات قۇرىلىسىن ۇزدىكسىز كۇشەيتىپ، قىزمەت ساپاسى مەن دەڭگەيىن جاقسارتىپ جانە جوعارىلاتىپ، نەگىزگى زاڭ مەن زاڭدار جۇكتەگەن داڭقتى قىزمەت جاۋاپكەرلىگىن شىنايى ارقالايمىز.
باياندامادا لي جانشۋ بىلاي دەپ اتاپ كورسەتتى: 2022 - جىلعى مەملەكەتتىك حالىق قۇرىلتايى تۇراقتى كوميتەتى قىزمەتىنىڭ جالپى تالابى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايى مەن پارتيا 19 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيا قۇرۋ ۇلى رۋحىن ساۋلەلەندىرىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا باسشىلىعىنىڭ، حالىقتىڭ وزىنە ءوزى قوجا بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىندە تاباندى بولىپ، ورنىقتىلىقتى ماڭداي الدى ورىنعا قويۋدا، ورنىقتىلىق بارىسىندا ىلگەرىلەۋدە تاباندى بولىپ، ورتالىقتىڭ حالىق قۇرىلتايى قىزمەتى ءماجىلىسىنىڭ ورنالاستىرۋى بويىنشا، جالپى بارىستىق حالىق دەموكراتياسىن ۇزدىكسىز دامىتىپ، زاڭ شىعارۋ، باقىلاۋ، ۋاكىلدەر، سىرتقى ىستەر قىزمەتىنىڭ ساپالى دامۋىن ىلگەرىلەتىپ، تۇراقتى كوميتەتتىڭ وزىندىك قۇرىلىسىن كۇشەيتىپ، حالىق قۇرىلتايى قىزمەتىنىڭ ساپاسى مەن ورەسىن شىنايى جوعاىرلاتىپ، ەكىنشى 100 جىلدىق كۇرەس نىساناسىن جۇزەگە اسىرۋعا، جاپپاي سوتسياليستىك وسىزاماندانعان مەملەكەت قۇرۋعا تىڭ ۇلەس قوسۋ.
لي جانشۋ باياندامادا تۇراقتى كوميتەتتىڭ الداعى ءبىر جىلداعى باستى مىندەتتەرى جونىندە ورنالاستىرۋ جاسادى: پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى مەن ورتالىق حالىق قۇرىلتايى قىزمەتى ءماجىلىسىنىڭ رۋحىن ىشكەرىلەي دايەكتىلەندىرۋ؛ نەگىزگى زاڭنىڭ اتقارىلۋىنا جۇيەلى، كەمەلدى ءتۇزىم جۇيەسى ارقىلى كەپىلدىك ەتۋ؛ زاڭ شىعارۋ قىزمەتىنىڭ جۇيەلىلىگىن، تۇتاستىعىن، سايكەستىلىگىن كۇشەيتۋ؛ زاڭدىق باقىلاۋ مەن قىزمەتتىك باقىلاۋدى مۇقيات جاقسى ىستەۋ؛ حالىق قۇرىلتايى ۋاكىلدەرىنىڭ رولىن تولىق ساۋلەلەندىرۋ؛ حالىق قۇرىلتايىنىڭ سىرتقى ىستەر قىزمەتىن مۇقيات جاقسى ىستەۋ؛ «ءتورت ورگاننىڭ» تالابى بويىنشا تۇراقتى كوميتەتتىڭ وزىندىك قۇرىلىسىن كۇشەيتۋ.
ەڭ جوعارى حالىق سوتى مەكەمەسىنىڭ باستىعى جوۋ چياڭ ەڭ جوعارى حالىق سوتى مەكەمەسىنىڭ قىزمەت بايانداماسىندا بىلاي دەپ اتاپ كورسەتتى: 2021 - جىلى ەڭ جوعارى حالىق سوتى مەكەمەسى شي جينپيڭ زاڭمەن جونگە سالۋ يدەياسىن ىشكەرىلەي دايەكتىلەندىرىپ، نەگىزگى زاڭ مەن زاڭداردا جۇكتەلگەن قىزمەت جاۋاپكەرلىگىن ادالدىقپەن اتقارىپ، ءتۇرلى قىزمەتتەردە تىڭ ىلگەرىلەۋشىلىككە قول جەتكىزدى. ەڭ جوعارى حالىق سوتى مەكەمەسى 33 مىڭ 602 دەلونى قابىلداپ، 28 مىڭ 720 دەلونى قاراپ، اياقتاتتى، جەرگىلىكتى ءار دارەجەلى حالىق سوتى مەكەمەلەرى مەن ارناۋلى حالىق سوتى مەكەمەلەرى 33 ميلليون 516 مىڭ دەلونى قابىلداپ، 30 ميلليون 104 مىڭ دەلونى قاراپ اياقتاتتى، اتقارۋدى اياقتاتتى، دەلونى اياقتاتۋدىڭ نىسانا سوماسى 8 تريلليون 300 ميلليارد يۋان بولدى.
باياندامادا جوۋ چياڭ 2021 - جىلعى باستى قىزمەتتەردى 6 جاقتان قورىتىندىلادى: ءبىرىنشى، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن باتىل قورعادىق؛ ەكىنشى، ەكونوميكانىڭ، قوعامنىڭ ساپالى دامۋىنا بەلسەنە قىزمەت وتەدىك؛ ءۇشىنشى، حالىقتى وزەك ەتۋدە باستان - اياق تاباندى بولدىق؛ ءتورتىنشى، ءادىليا ءتۇزىلىسى رەفورماسى مەن زەردەلى سوت مەكەمەسى قۇرىلىسىن ىشكەرىلەي ىلگەرىلەتتىك؛ بەسىنشى، جالپى بارىستىق حالىق دەموكراتياسىن سانالىلىقپەن امالياتتا ايگىلەدىك؛ التىنشى، ادال، كىرشىكسىز، جاۋاپكەرلىك ارقالايتىن سوت مەكەمەسى قۇرىش قوسىنىن كۇش سالا قۇردىق.
جوۋ چياڭ باياندامادا مىنانى ءبىلدىردى: 2022 - جىلى حالىق سوت مەكەمەسى پارتيانىڭ ءادىليا قىزمەتىنە مۇلدەمدىك باسشىلىعىندا تاباندى بولىپ، حالىقتى وزەك ەتۋدە تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاۋدا تاباندى بولىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى ارناسىنان جازباي، ساياسي ادالدىقتى بەكەمدەپ، «حالىق بۇقاراسىنا ءاربىر ءادىليالىق دەلودان ادىلدىك پەن ادىلەتتىلىكتى سەزىندىرۋگە قۇلشىنۋدى» باستان - اياق سوت مەكەمەسىنىڭ بارلىق قىزمەتىندە تياناقتاندىرادى؛ حاۋىپسىزدىك پەن ورنىقتىلىقتى قورعاپ، اناعۇرلىم جوعارى دەڭگەيدەگى تىنىش جۇڭگو، زاڭمەن باسقارىلاتىن جۇڭگو قۇرۋعا قىزمەت وتەيدى؛ دامۋ جالپى جاعدايىنا قىزمەت وتەپ، «التىنى ورنىقتىرۋعا»، «التىنى قامتاماسىز ەتۋگە» دالمە - ءدال قىزمەت وتەيدى؛ حالىق تۇرمىسى ۇقىق - مۇددەسىن قامتاماسىزداندىرىپ، حالىق بۇقاراسىنىڭ ادىلدىك پەن ادىلەتتىلىككە بولعان اناعۇرلىم جوعارى قاجەتىن ۇزدىكسىز قاناعاتتاندىرادى؛ رەفورما جەتىستىكتەرىن بەكەمدەپ، رەفورمانىڭ اناعۇرلىم جۇيەلى شوعىرلانۋىن، سايكەستى، جوعارى ءونىمدى بولۋىن ىلگەرىلەتەدى؛ سوت مەكەمەسىنىڭ قۇرىش قوسىنىن شىڭداپ، پارتيانى جاپپاي قاتاڭ باسقارۋدا، ساقشىلاردى جونگە سالۋدا تاباندى بولىپ، جاڭا داۋىردەگى حالىق سوتى مەكەمەسى قىزمەتىنىڭ ساپالى دامۋىن كۇش سالا ىلگەرىلەتەدى.
ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن ەڭ جوعارى حالىق پروكۋراتۋراسىنىڭ قىزمەت بايانداماسىندا بىلاي دەپ اتاپ كورسەتتى: 2021 - جىلى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى مەن ونىڭ تۇراقتى كوميتەتىنىڭ پارمەندى باقىلاۋىندا، ەڭ جوعارى حالىق پروكۋراتۋراسى مەملەكەتتى جونگە سالۋمەن اناعۇرلىم سانالى تۇردە توعىسىپ، مىندەتىن زاڭ بويىنشا اتقارىپ، قىلمىستىق ىستەر، ازاماتتىق ىستەر، اكىمشىلىك، الەۋمەتتىك يگىلىك ارىز - شاعىمى سياقتى ءتۇرلى پروكۋراتۋرا قىزمەتىندە تىڭ ىلگەرىلەۋشىلىككە قول جەتكىزدى. بۇكىل ەلدەگى پروكۋراتۋرا ورگاندارى ءتۇرلى دەلولاردان جالپى 3 ميلليون 637 مىڭ دەلونى ءبىر جاقتى ەتتى، بۇل سايكەس مەزگىلدەگىدەن ％20.9 جوعارىلادى. ەڭ جوعارى حالىق پروكۋراتۋراسى 19 ءادىليالىق تۇسىندىرمەنى جاساپ، جەتەكشىلىك سيپاتتى 8 توپتاعى 37 تيپتىك دەلونى، 76 توپتاعى 563 تيپتىك دەلونى جاساپ تاراتتى.
باياندامادا جاڭ جۇن 2021 - جىلعى قىزمەتتەرگە شولۋ جاسادى: ءبىرىنشى، جالپى جاعدايعا قىزمەت وتەپ، پروكۋراتۋرالىق مىندەت اتقارۋ ارقىلى ساپالى دامۋعا دەم بەردىك؛ ەكىنشى، ءادىليانى حالىق ءۇشىن جۇرگىزىپ، پروكۋراتۋرالىق مىندەت وتەۋ ارقىلى بۇقارانىڭ مۇڭ - مۇقتاجىن شەشتىك؛ ءۇشىنشى، باقىلاۋدى تەرەڭدەتىپ، پروكۋراتۋرالىق مىندەت اتقارۋ ارقىلى ادىلدىك پەن ادىلەتتىلىكتى قورعادىق؛ ءتورتىنشى، ارىز - شاعىم قاينارىن جونگە سالۋ، پروكۋراتۋرالىق مىندەت وتەۋ ارقىلى جوعارى دەڭگەيدەگى حاۋىپسىزدىكتى قامتاماسىز ەتتىك؛ بەسىنشى، پروكۋراتۋرالىق تەكسەرۋدى قاتاڭ جۇرگىزىپ، پروكۋراتۋرا مىندەتىن اتقارۋ ارقىلى پروكۋراتۋرا قۇرىش قوسىنىن سومدادىق.
جاڭ جۇن باياندامادا بىلاي دەپ اتاپ كورسەتتى: 2022 - جىلى پروكۋراتۋرا ورگاندارى ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، «ورنىقتى ىلگەرىلەتۋ، تياناقتاندىرۋ، جوعارىلاتۋدى» مىقتى يگەرىپ، زاڭ بويىنشا فۋنكتسيانى اتقارىپ، اناعۇرلىم جوعارى دەڭگەيدەگى تىنىش جۇڭگو، زاڭمەن جونگە سالىناتىن جۇڭگو قۇرۋدى ىلگەرىلەتەدى. ورنىقتىلىق بارىسىندا ىلگەرىلەۋدە تاباندى بولىپ، ساپالى دامۋعا قىزمەت وتەۋ، قامتاماسىز ەتۋ ساياسي جاۋاپكەرلىگىن شىنايى ارقالايدى؛ تياناقتاندىرۋدى مىقتى يگەرىپ، مەملەكەتتى جاپپاي زاڭمەن جونگە سالۋدىڭ جاڭا جورىعىنداعى زاڭمەن جونگە سالۋ جاۋاپكەرلىگىن شىنايى ارقالايدى جانە وعان دەم بەرەدى؛ ۇزدىكسىز جوعارىلاتىپ، پروكۋراتۋرا قىزمەتىنىڭ ساپالى دامۋىن جۇزەگە اسىرۋداعى پروكۋراتۋرانىڭ جاۋاپكەرلىگىن شىنايى ارقالايدى. ساياسيدى دارىپتەپ، جالپى جاعدايمەن ساناسىپ، دامۋدى كوزدەپ، ءوزىن الۋەتتەندىرۋگە ءمان بەرىپ، زاڭدىق باقىلاۋ فۋنكتسياسىن ادالدىقپەن اتقارىپ، جاپپاي سوتسياليستىك وسىزاماندانعان مەملەكەت قۇرۋعا تىڭ ۇلەس قوسادى.
جيىنعا قاتىناسۋعا ءتيىستى ۋاكىل 2 مىڭ 951 ادام، قاتىناسقانى 2 مىڭ 761 ادام، قاتىناسا الماعانى 190 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
جيىندى ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى ۋاڭ چىن باسقاردى.
بۇگىن − «8 - ناۋرىز» حالىقارالىق ەڭبەكشى ايەلدەر مەرەكەسى، جيىن ءماجىلىس ءتوراعالار القاسى اتىنان بارلىق ايەل ۋاكىلدەردى، ايەل مۇشەلەردى، ايەل قىزمەتكەرلەردى، بۇكىل ەلدەگى ءار ۇلت، ءار سالاداعى ايەلدەردى، دۇنيە جۇزىندەگى ءار ەل ايەلدەرىن مەرەكەلەرىمەن قۇتتىقتادى جانە ىزگى تىلەك ءبىلدىردى.
ءماجىلىستىڭ اتقارۋشى ءتوراعالارى ۋاڭ جۇنجىڭ، يىن حۇڭ، ليۋ نيڭ، شۇي چيلياڭ، شۇي چين، لي فەي، ۋ جىڭلۇڭ، حى ي - تيڭ، جاڭ يەسۇي، جاڭ چيڭۋەي، جاڭ شۋان، جاڭ گوچيڭ، چىن رۇن - ىر، لين ۋ، ي ليانحۇڭ، جىڭ شانجيە، دۋان چۇنحۋا، شۇي شاۋشى، گاۋ حۋچىڭ، چىن ي - چين، لوۋ ياڭشىڭ ءتوراعالار مىنبەسىندەگى اتقارۋشى ءتوراعالار ورنىنا جايعاستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
