بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

مادەنيەت جۇرەكتەردى نارلەندىردى، رۋح ءتىپتى دە نۇرلاندى

− جاڭا جاعداي اشۋ، وزگەرىسكە نازار سالۋ جەلىلەس شولۋى (3)

انار بۇلت / شينجياڭ گازەتىنىڭ تىلشىلەرى يىن لۋ، جاڭ حايفىڭ، رىن جياڭ

2022.03.23 16:32     كەلۋ قاينارى : شينجياڭ گازەتى

  3 - ايدىڭ 18 - كۇنى اۆتونوميالى رايوندىق پارتكومنىڭ ۇگىت ءبولىمى ۇيىمداستىرىپ جوبالاعان، تيانشان كينو ستۋدياسى جاساپ تۇسىرگەن ”گۇل نەگە سونشاما قىزىل“ اتتى كينو بۇكىل ەلىمىزدە اشىق قويىلدى. ”ءداۋىر ونەگەسى“ لاچين بايەكەنىڭ وتباسىنداعى ءۇش ۇرپاقتىڭ 70 نەشە جىل شەكارانى كۇزەتىپ، وتاندى قورعاعان اڭىزعا تولى حيكاياسىن جاندى بەينەلەگەن كينونى كورگەن كورەرمەندەر قىزۋ قول شاپالاق سوعىپ، كوزدەرىنەن جاس پارلاتتى.

  وسى كوكتەمدە ءبىر - بىرلەگەن شينجياڭ حيكايالارىن ويداعىداي بايانداپ، مادەنيەت استارىن ايگىلەگەن، وسى زامان رايى قويۋ ادەبيەت - كوركەمونەر سارا تۋىندىلارى ۇزدىكسىز جارىققا شىقتى؛ مۇراجايلار، كىتاپحانالار الەۋمەتتىك مادەنيەت قىزمەت وتەۋى ورەسىن ۇزدىكسىز جوعارىلاتتى، مادەنيەت - كوركەمونەر اۋىل - قىستاقتىڭ بايتاق دالاسىن سان الۋان تۇسكە بولەدى؛ بۇكىل شينجياڭنىڭ جەر - جەرىندە ءبىر توپ ارحەولوگيالىق بايقاۋلار جاريالانىپ، تاريحي سەنىمدىلىكتى نىعايتىپ، تاريحي كورىنىستەرگە جان ءبىتىردى؛ اناعۇرلىم باي دا الۋان ءتۇرلى، حالىق قۋانا قابىلدايتىن مادەني تۇرمىس كوكتەمنىڭ قۇتتى جاڭبىرى ىسپەتتى شينجياڭداعى ءار ۇلت حالقىنىڭ رۋحاني تۇرمىسىن بايىتىپ، جۇڭحۋا ۇلتى ورتاق تۇلعا تانىمىن بەرىك ورناتۋعا يدەيالىق، مادەنيەت نەگىزىن بەكەمدەدى.ادەبيەت - كوركەمونەر سارا تۋىندىلارىن جاراتىپ، شينجياڭ حيكاياسىن ويداعىداي باياندادى

  3 - ايدىڭ 17 - كۇنى شينجياڭ كوركەمونەر تەاترحاناسىنىڭ ءان - ءبي ۇيىرمەسىنىڭ نەشە ونداعان ارتيسى جاتتىعۋ زالىندا ءار ارەكەتتى، ميميكانى مۇقيات تاپتەشتەپ جاتتى. كولەمدى تۋىندى ءبي تەاترى «جاڭ چيان» بىلتىر 10 - ايدا تۇڭعىش قويىلعاننان بەرى مامانداردىڭ پىكىرى مەن كورەرمەندەردىڭ اڭىسى بويىنشا، ارتيست قىزمەتكەرلەر ويىن قويۋ شەبەرلىگى، بەينە - ءپىشىن، ساحنا ءسانى سياقتىلاردى ۇزدىكسىز وڭدەپ، كەمەلدەندىرىپ، كوركەمدەي ءتۇسىپ، ءبىر ايدان كەيىنگى اشىق قويىلىمدا تابىسقا جەتۋگە قۇلشىندى. ”جۇڭگو حيكاياسىن سۇيىسپەنشىلىكپەن ويداعىداي بايانداۋ − ادەبيەت - كوركەمونەر تۋىندىلارىنىڭ بورىشى. تۋىندى جاساۋ، جاتتىعۋ بارىسىندا ءبىز باستان - اياق جاڭ چياننىڭ ەلشىلىككە بارۋ جولىنداعى ۇلتتاردىڭ ارالاسۋىن، ىشتەسۋىن، توعىسۋىن كورنەكتىلەندىرە بەينەلەپ، وتباسى - وتان سۇيىسپەنشىلىگىن، ىنتىماق رۋحىن ايگىلەدىك“، - دەدى شينجياڭ كوركەمونەر تەاترحاناسى ءان - ءبي ۇيىرمەسى پارتكومىنىڭ شۋجيى حۋاڭ شىيۋان.

  حالىقتىڭ تاماشا تۇرمىسقا دەگەن قاجەتىنىڭ كۇن سايىن ارتۋىنا ىلەسە، تيانشان الابىنداعى ءار ۇلت بۇقاراسىنىڭ مادەنيەت ونىمدەرىنىڭ ساپاسى، سىنى، ۇلگىسى سياقتىلارعا تالابى بارعان سايىن جوعارىلادى. رايونىمىزداعى ادەبيەت - كوركەمونەر ۇيىرمەلەرى ادەبيەت - كوركەمونەر قىزمەتكەرلەرىنىڭ كاسىپتىك قابىلەتىن ۇزدىكسىز جوعارىلاتىپ، تۋىندى جاراتۋشىلاردى، ونەرپازداردى كوبىرەك جاڭالىق اشىپ، سارا تۋىندىلار شىعارىپ، بۇقارانىڭ مادەنيەت قاجەتىن قاناعاتتاندىرۋعا شابىتتاندىردى.

  2 - ايدىڭ 28 - كۇنى شينجياڭ كوركەمونەر تەاترحاناسى كوركەمونەر ۇلكەن ساباقحاناسى ۆوكالدىق ءان ۇستازدارى مەن ءبولىسۋ ساباعىن ارنايى اشىپ، دۇنيە جۇزىلىك ايگىلى سازدى قۇيقىلجىمالى داۋىس يەسى، جوعارى داۋىستى ايەل ءانشى ءدىلبار قاتارلى 3 ۇستازدى ۇسىنىس ەتىپ، ءانشى ارتيستەردىڭ ونەرىن جوعارىلاتۋىنا جەتەكشىلىك ەتتى. ”بۇل ارتيستەردىڭ ونەردە ىلگەرىلەۋ كەڭىستىگىن بايقايتىن، جاقسارتۋ بەتالىسىن تاباتىن تۇعىرى، كوپشىلىكتىڭ ونەر دەڭگەيى مەن تۋىندى جاراتۋ، ارتيستىك جالپىلىق قۋاتىن جوعارىلاتۋىنا وتە جاقسى كومەك بەرەدى“، - دەدى شينجياڭ كوركەمونەر تەاترحاناسى پارتكومىنىڭ شۋجيى ساي شياۋرۇڭ.

  شينجياڭ كوركەمونەر تەاترحاناسى تۇتىكتى - ىشەكتى اسپاپتار مۋزيكا ۇيىرمەسى (شينجياڭ اييۋە مۋزيكا ۇيىرمەسى) مەن ۇلتتىق مۋزيكا ۇيىرمەسىنىڭ جاتتىعۋ زالىندا 4 ايگىلى شىعارمانى ارقاۋ ەتكەن كينو - تەلە فيلم اسەم اۋەندەرى نەگىزگى تاقىرىپتىق سيمفونيالىق وركەستر مەن ۇلتتىق اسپاپتار مۋزيكا تەاترى «ءوزىڭدى شينجياڭدا كۇتەمىنگە» جاتتىعۋ ءوتىپ جاتتى. ”جۇڭحۋانىڭ ەستەتيكالىق رۋحى مەن قازىرگى زامانعى ەستەتيكالىق تالپىنىسىن بىرلەستىرىپ، يدەياسى تەرەڭ، سونى دا ۇعىنىقتى، تاماشا دا مىعىم تاڭداۋلى مۋزيكالىق تۋىندىلار ارقىلى بۇقارانىڭ ەستەتيكالىق تالعامىن نارلەندىرەمىز“، - دەدى شينجياڭ كوركەمونەر تەاترحاناسى تۇتىكتى - ىشەكتى اسپاپتار مۋزيكا ۇيىرمەسىنىڭ باستىعى ۋاڭ شياۋلياڭ.

  5 - كەزەكتى حانزۋءتىلى تەاتر سالتاناتىندا ”پارتيا قۇرىلعاندىعىنىڭ 100 جىلدىعى نەگىزگى تاقىرىبىنداعى جاسامپازدىق بويىنشا 10 تاڭداۋلى تۋىندىنىڭ“ ءبىرى بولعان پيەسا «لين جيلۋ» قازىر ءالى دە ۇزدىكسىز قويىلۋدا. شينجياڭ كوركەمونەر تەاترحاناسى پيەسا ۇيىرمەسىنىڭ ورىنباسار باستىعى تيە تيڭتيڭ: ”بىلتىر جىل سوڭىنان بەرى ءبىز نەگىزگى ساتىعا ىشكەرىلەي بارىپ، حالىق اندەرىن جيناۋ قىزمەتىن تىڭعىلىقتى ورىنداپ، مول شىعارماشىلىق ماتەريالىنا يە بولدىق. ءبىز باي ادەبيەت - كوركەمونەر فورماسى ارقىلى ءداۋىر مەن حالىق ءۇشىن اسقاق ءان سالامىز“، - دەدى. بيىل 2 - ايدا پيەسا ۇيىرمەسى اۋىل - قىستاقتى گۇلدەندىرۋ تاقىرىبىنداعى «باقىت كەلىپ ەسىك قاققاندا» اتتى پيەسانىڭ العاشقى نۇسقاسىن اياقتاتىپ، كومەديا فورماسىمەن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى مەن قىستاق تۇرعىندارىنىڭ قول ۇستاسا كورىكتى اۋىل - قىستاق قۇرىپ، تاماشا تۇرمىسقا تالپىنعان حيكاياسىن كورسەتتى.مادەنيەت كەڭىستىگىن كەڭەيتىپ، قىزمەت وتەۋ فۋنكتسياسىن كۇشەيتتى

  ادەبيەت - كوركەمونەر جاسامپازدىعىندا بارلىق گۇل شەشەك اتۋمەن بىرگە، الەۋمەتتىك مادەنيەت قىزمەت وتەۋ جۇيەسىن كەمەلدەندىرۋ دە بىرتىندەپ بيىككە كوتەرىلدى. بيىل جىل باسىنان بەرى بۇكىل شينجياڭدا 107 كىتاپحانا، 116 مادەنيەت سارايى، 57 اسەمونەر سارايى فۋنكتسياسىن تولىق ساۋلەلەندىرۋمەن بىرگە، ءار ۇلت بۇقاراسىنىڭ مادەنيەت قاجەتىن قاناعاتتاندىرعان ءبىر قىدىرۋ قيمىلدار ورىستەتىپ، ەل ىشىندەگى ءارقايسى قالالارمەن بايلىقتان بىرگە يگىلىكتەنۋدى جۇزەگە اسىردى.

  شينجياڭ كىتاپحاناسى جۇڭگو مەملەكەتتىك كىتاپحاناسىمەن بىرلەسىپ ”ساۋىت - سۇيەك جازۋى ەستەمەسى“ نەگىزگى تاقىرىبىنداعى تۇراقتى كورمەنى اشىپ، ساۋىت - سۇيەك جازۋلارىن، قولا ىدىستاردى، سيرەك كەزدەسەتىن قىمبات باعالى بايىرعى شىعارمالاردى كورمەگە قويدى. سونداي - اق شاندۇڭ ولكەلىك كىتاپحانامەن بىرلەسىپ قۇرىلعان كۇنلۇن نيشان كىتاپحاناسىنا سۇيەنىپ، ءداستۇرلى مەرەكە - مەيرام، امالدار، حالىقتىق سالت - سانامەن قاتىستى مازمۇندا 100 رەتكە جۋىق مادەنيەت لەكسياسى، ءوزارا ىقپالداسىپ سەزىنۋ، زەرتتەۋ - ۇيرەنۋ قيمىلدارىن ورىستەتتى.

  شينجياڭ اسەمونەر سارايى كوكتەم مەرەكەسى كەزىندە حۋاڭ جوۋدىڭ «مول ءونىم شاتتىعى» جەلىلەس تۋىندىلارى، «ۆولگا وزەنىنىڭ داۋىسى»، «جومارت جاندارعا قۇرمەت» قاتارلى جوعارى دەڭگەيلى اسەمونەر تۋىندىلار كورمەسى ارقىلى كورەرمەندەرگە دۇنيە جۇزىلىك دەڭگەيدەگى ادەبيەت - كوركەمونەر تۋىندىلارىمەن تانىسۋ جانە ودان ءلاززاتتانۋ تۇعىرىن ازىرلەدى. بىلتىر 5 - ايدىڭ 21 - كۇنى ساراي اشىلعاننان بەرى شينجياڭ اسەمونەر سارايى قابىلداعان كورەرمەن جيىنى 650 مىڭ ادام - رەتتەن استى.

  ”شينجياڭ جاقسى جەر − 9 - كەزەكتى تيانشان الابى كوكتەم مەرەكەسىن قۇتتىقتاۋ بەيزاتتىق مادەنيەت مۇرالار كوكتەم مەرەكەسى سالت - سانا كورمەسى“ بۇكىل شينجياڭنىڭ جەر - جەرىندە 200 رەتتەن استام قيمىل وتكىزىپ، ءار ۇلت بۇقاراسىنا بەيزاتتىق مادەنيەت مۇرالاردىڭ تاريحي قۇنىن، مادەنيەت قۇنىن، جالعاستىرۋ قۇنىن ايگىلەدى، ادامدار ونىڭ تاماشالاۋ سيپاتىن، قولدانۋ سيپاتىن، كوركەمونەرلىك سيپاتىن شىنايى سەزىندى.

  بىلتىر 12 - ايدان قازىرگە دەيىن شينجياڭ ادەبيەت - كوركەمونەرشىلەر بىرلەستىگى شينجياڭ جاس ءحۇسنيحاتشىلار قوعامى، شينجياڭ جاس فوتوشىلار قوعامى، شينجياڭ اسەمونەرشىلەر قوعامىنىڭ جاس كوركەمونەرشىلەر كوميتەتى ىركەس - تىركەس قۇرىلىپ، وت الاۋدى قولىنا العان ءبىر ۇرپاق جاستار ”ءبىزدىڭ جۇڭگو ارمانىمىز − مادەنيەتتى قالىڭ وتباسىلارىنا جەتكىزۋ“ ادەبيەت - كوركەمونەر شاعىن بولىمشە اترەتتەرى قاتارلىلاردىڭ مادەنيەتتى نەگىزگى ساتىعا جەتكىزۋ قيمىلدارىمەن بىرگە، بۇكىل شينجياڭنىڭ جەر - جەرىنە بارىپ نەگىزگى ساتىعا قىزمەت وتەپ، جاڭا كوز ايا، جاڭا وي جەلىسى ارقىلى بۇقارانىڭ رۋحاني، مادەني تۇرمىسىن بايىتتى.تاريحتى سويلەتىپ، مادەني ەسكەرتكىشتەرگە ءۇن قاتتىردى

  2 - ايدىڭ 26 - كۇنى 2021 - جىلعى مەملەكەت بويىنشا 10 ۇلكەن ارحەولوگيالىق جاڭا بايقاۋدى العاشقى باعالاۋ ناتيجەسى جاريالاندى، شينجياڭ لوپنۇر قياققۇدىق بەلگى وتى ەسكى جۇرتى سوڭعى باعالاۋ تۇرلەرىنىڭ تىزىمدىگىنە ەنگىزىلدى.

  بيىل 1 - ايدىڭ ورتا شەنىندە رايونىمىز ءبىر توپ ارحەولوگيالىق جەتىستىكتەردى شوعىرلى جاريالادى: ”ارحەولوگيالىق جۇڭگو“ كەلەلى نىسانىن ارقاۋ ەتىپ، 15 ءتۇرلى ىرىقتى ارحەولوگيالىق قازۋ جۇرگىزىپ، سونىمەن بىرگە، 18 ءتۇرلى نەگىزگى قۇرىلىس ارحەولوگيالىق نىسانىن ورىنداپ، كوپ پاندەر زەرتتەۋىندە ماڭىزدى جەتىستىكتەرگە قول جەتكىزدى. مەملەكەتتىك مادەني ەسكەرتكىش مەكەمەسىنىڭ ورىنباسار باستىعى سۇڭ شينچاۋ بىلاي دەپ قارادى: وسى ارحەولوگيالىق بايقاۋلار تاريحتان بەرگى ورتالىق بيلىكتەردىڭ شينجياڭ ءوڭىرىن ءونىمدى باسقارعاندىعىن شىنايى دالەلدەپ، ۇلتتاردىڭ ارالاسقان، ىشتەسكەن، توعىسقان تاريحي شىندىقتى جاندى ءتۇسىندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋعا عىلمي ۇلەس قوستى.

  قايتكەندە ارحەولوگيالىق جەتىستىكتەردى ءار ۇلت بۇقاراسىنىڭ رۋحاني نارىنە اينالدىرۋعا بولادى؟ شينجياڭنىڭ مادەني ەسكەرتكىش قىزمەتكەرلەرى ءبىرسىپىرا فورمالى، سەزىمدى، ءونىمدى بولۋ قىزمەتتەرى ارقىلى تاريحتى سويلەتىپ، مادەني ەسكەرتكىشتەرگە ءۇن قاتتىرىپ، ”ىجداعاتتىلىقپەن نارلەندىرىپ“، جۇڭحۋا ۇلتى ورتاق تۇلعا تانىمىن ءار ۇلت بۇقاراسىنىڭ جۇرەك تۇكپىرىنە تەرەڭ تامىر تارتقىزدى.

  جۋىقتا تۇرپان مۇراجايى ”كوكتەم حابارى − مۇراجايدىڭ تاڭعاجايىپ ءتۇنى“ تۇڭعىش ورتاعا قويۋ قيمىلىن وتكىزىپ، جۇرتتى مۇراجايداعى مادەني ەسكەرتكىشتەر دۇنيەسىنەن ءلاززاتتانۋعا، تاريحتىڭ ۇنىنە قۇلاق تۇرۋگە باۋرادى.

  شينجياڭ مۇراجايى ورتا، باستاۋىش مەكتەپ وقۋشىلارىنا باعىتتالعان ”ساباقتان كەيىنگى قىزمەت وتەۋدى“ العا قويىپ، بالالاردىڭ مادەني ەسكەرتكىشتەرمەن تىعىز جاناسۋ بارىسىندا شينجياڭ تاريحىن ءبىلىپ، ۇزاق تاريحقا يە جۇڭحۋانىڭ تاڭداۋلى ءداستۇرلى مادەنيەتىن سەزىنۋىنە مۇمكىندىك جاسادى.

  سيفرلى تەحنيكانىڭ جالپىلاسۋى بۇكىل شينجياڭداعى مۇراجايلاردىڭ دىر - دۋمانىن ەرەكشە اسىردى: بايىرعى مادەني ەسكەرتكىشتەرگە ”جان ءبىتىپ“، سۇيكىمدى بەينەسىن جۇرت ۇناتتى، كورەرمەندەر ارحەولوگيا جۇمىس باسىنا ”بارىپ“، ارعى زامان مەن بۇگىنگى زاماندى كەسىپ ءوتىپ، مەملەكەتتىڭ اسىل قازىناسىمەن ”تىلدەسىپ“، مادەني ەسكەرتكىشتەردى قالپىنا كەلتىرۋدى سەزىندى... بۇرىنعى جىم - جىرت مۇراجايلار ”ينتەرنەتتە تانىمال، ءسوزسىز، باراتىن جەرگە“ اينالىپ، جاستار مەن ءوسپىرىم كورەرمەندەردىڭ القاۋىنا يە بولدى.”’90 - جىلداردىڭ تۇلەگى‘،’2000 - جىلداردىڭ تۇلەگى‘ بولعان جاستار مەن وسپىرىمدەردىڭ تاماشالاۋشىلار اراسىندا يەلەگەن سالىستىرماسى %60تەن استى“، - دەدى شينجياڭ مۇراجايى قوعامدىق تاربيە ءبولىمىنىڭ ورىنباسار مەڭگەرۋشىسى جاڭ لەي.

  تيانشان الابىنداعى ءىرى ەسكى جۇرتتار تاريحتىڭ كۋاسى ءارى جۇڭحۋا وركەنيەت بەلگىسى جۇيەسىنىڭ قۇرامداس بولىگى. بىلتىر جىل سوڭىندا مەملەكەتتىك مادەني ەسكەرتكىش مەكەمەسى جاريالاعان «ءىرى ەسكى جۇرتتاردى قورعاۋدىڭ، ودان پايدالانۋدىڭ ”14 - بەسجىلدىق“ ارناۋلى جوباسىنا» شينجياڭنان 9 ءىرى ەسكى جۇرت ەنگىزىلدى. بەيتيڭ بايىرعى قالاسى ەسكى جۇرتىندا بۇكىل شينجياڭ بويىنشا تۇڭعىش مەملەكەتتىك ارحەولوگيالىق ەسكى جۇرت باقشاسى سالىنىپ، ەل ىشىندەگى ەڭ وزىق تەحنيكالىق تاسىلدەردەن جانە كورسەتۋ جابدىقتارىنان پايدالانىپ، بايىرعى مادەني ەسكەرتكىشتەردىڭ جاستىعىن الاۋلاتتى.

  كوكتەم كەلىسىمەن ۇلى قورعان مەملەكەتتىك مادەنيەت باقشاسى (شينجياڭ بولىگى) نىسانى باستالدى. چارقىلىق ۇلى قورعان مەملەكەتتىك مادەنيەت باقشاسىنىڭ وزەكتى كورىنىس ءتۇيىنى بولعان ميران بايىرعى قالاسى ەسكى جۇرتىن قالپىنا كەلتىرۋ جۇمىسى اياقتادى ءارى سىرتقا اشىق ۇستالدى.

  اۆتونوميالى رايوندىق مادەنيەت جانە ساياحات مەڭگەرمەسى بايلىق اشۋ باسقارماسىنىڭ باستىعى جاڭ چۇنميڭ بىلاي دەدى: ”ۇلى قورعان مەملەكەتتىك مادەنيەت باقشاسى (شينجياڭ بولىگى) نىسانى قۇرىلىسىنىڭ بىرتىندەپ ىلگەرىلەۋىنە بايلانىستى وڭتۇستىك شينجياڭ مەن سولتۇستىك شينجياڭعا تارالعان ۇلى قورعان بايلىعى ساياحات كورىنىس تۇيىندەرىنىڭ، كورىنىس وڭىرلەرىنىڭ ءپىشىنىن ءار ۇلت بۇقاراسىمەن تىعىز جاناستىرادى“.

  شينجياڭدى مادەنيەتپەن نارلەندىرۋدىڭ ءتۇيىنى نارلەندىرۋدە. جەر - جەر ”فورمالى، سەزىمدى، ءونىمدى بولۋدى“ تالاپ ەتىپ، قىزمەتتەردى ناقتى يگەرىپ، ەگجەي - تەگجەيلى ىستەپ، ءار ۇلت بۇقاراسىنىڭ رۋحاني دۇنيەسىن بايىتىپ جانە كەمەلدەندىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ يدەيالىق نەگىزىن بەكەمدەۋدە.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار