ورتالىقتىڭ قارجى جۇيەسى
تولىق قامتۋدى جۇزەگە اسىرىپ، تولىق قاتىناسۋعا كەپىلدىك ەتتى (پارتيا 20 - قۇرىلتايىنىڭ ۋاكىلدەرىن سايلاۋ)
«حالىق گازەتىنىڭ» تىلشىلەرى ۋ چيۋيۇي، جاۋ جانحۇي
2022.03.25 16:14 كەلۋ قاينارى : حالىق تورابى
جۇڭگو حالىق بانكەسى تيجارات باسقارۋ ءبولىمىنىڭ جيىن زالىندا پارتيا مۇشەلەرى پارتيانىڭ 20 – قۇرىلتايىنا ۋاكىل كانديداتىن كورسەتۋدە. بۇل − قارتتاردان قۇرام تاپقان پارتيا ياچەيكاسى، 80 جاستان اسقان ساقا پارتيا مۇشەلەرىنەن 12 ادام بار، 20 قارت جولداس دەنساۋلىق سياقتى سەبەپتەردەن ناق مايدانعا كەلە الماعان.
قايتكەندە بارلىق پارتيا مۇشەسىنىڭ ات سالىسۋىنا كەپىلدىك ەتۋگە بولادى؟ ياچەيكا شۋجيى جوۋ ليانحاي ياچەيكا مۇشەلەرىمەن بىرگە جيىنعا قاتىناسا المايتىن ساقا جولداستارمەن ءبىر – بىردەن اڭگىمەلەسىپ، ساياساتتى ۇعىندىرىپ، پىكىر تىڭدادى. قالىڭ تەلەفون ەستەلىگى سايلاۋ قىزمەتىنىڭ پارتيا مۇشەلەرىن تولىق قامتىعانىنا كۋا بولدى، ياچەيكاداعى 48 پارتيا مۇشەسىنىڭ كانديدات كورسەتۋگە قاتىناسۋ شاماسى %100 كە جەتتى.
ۇيلەرىنە بارىپ جاعداي ۇعىسپ، حال سۇرادى، الىس ارالىقتان كەسكىن ارقىلى حابارلاستى، ينفورماتسيا جۇيەسىنەن يكەمدى پايدالاندى... پارتيا 20 - قۇرىلتايىنىڭ ۋاكىل كانديداتتارىن كورسەتۋ، ۇسىنۋ قىزمەتىندە ورتالىقتىڭ فينانس جۇيەسىندەگى ءارقايسى ورىن بەلسەنە ۇيىمداستىرىپ، جۇمىلدىرىپ، نەگىزگى ساتى پارتيا ۇيىمدارى مەن قالىڭ پارتيا مۇشەلەرى بەلسەنە قاتىناسىپ، تولىق قاتىناسۋعا كەپىلدىك ەتتى.
دەموكراتيانى تولىق ساۋلەلەندىرىپ، ۇقىقتى دۇرىس جۇرگىزدى، مەملەكەتتىك وركەندەتۋ بانكەسى ءتيىمدى شارت - جاعداي جاراتىپ، پارتيا مۇشەلەرىن تارتىپپەن ات سالىسۋعا جەتەكتەپ، تىزىمدىك فورماسىمەن باسقارىپ، بىردە - ءبىر ادامنىڭ قاعىس قالماۋىنا كەپىلدىك ەتتى، اسىرەسە، زەينەتكە، دەمالىسقا شىققان كادرلارعا، اۋىس – كۇيىس جاساۋ ءۇشى كەلگەن پارتيالى كادرلارعا قاراتا ءتۇرلى تاسىلدەرمەن جۇمىلدىرىپ، قاتىستى رۋحتاردى جەتكىزىپ، ۇيرەتىپ، پىكىر الىپ، جاپپاي قامتۋدى جۇزەگە اسىردى.
ۇگىتتەۋ، جۇمىلدىرۋ قىزمەتىندە ءاربىر پارتيا مۇشەسىن قامتۋ ءۇشىن، جۇڭگو حالىق بانكەسى مەكەمەنىڭ ىشكى تورابىنىڭ ءبىرىنشى بەتىندە «پارتيا 20 - قۇرىلتايىنىڭ ۋاكىلدەرىن سايلاۋ» ارناۋلى تاقىرىبىن اشىپ، «ورتالىقتىڭ رۋحى» جانە «قىزمەت اۋقىمى» سىندى ەكى بولەك مازمۇندى ورنالاستىرىپ، ورتالىقتىڭ رۋحىن ۇيرەنۋ، ۇگىتتەۋ جانە جۇيە ىشىندەگى ورىنداردىڭ سايلاۋ قىزمەتى جونىندەگى تاجىريبە اۋىس - كۇيىسىن كورنەكتى تۇردە كۇشەيتتى.
جۇڭگو حالىق بانكەسى پارتكومى ۇيىمداستىرۋ ءبولىمى ۇيىمداستىرۋ باسقارماسىنىڭ باستىعى لي جۋمەي تانىستىرىپ بىلاي دەدى: جۇڭگو حالىق بانكەسى پارتكومى 11 مىڭنان استام ءار دارەجەلى پارتيا ۇيىمى مەن 135 مىڭنان استام پارتيا مۇشەسىن ءبىر تۇتاس جوسپارلاپ، ۋاكىلدەردى سايلاۋ قىزمەتى جونىندەگى ۇيرەنۋ پىسىقتاۋ تەزيسىن ۇيىمداستىرىپ قۇراستىرىپ تاراتىپ، سايلاۋ قىزمەتىنىڭ 30 ءتۇرلى ناقتى مازمۇنىن جاپپاي قامتىپ، ءار دارەجەلى پارتيا ۇيىمدارىنىڭ سايلاۋ قىزمەتىنىڭ جالپى جاعدايىن ويلاستىرۋىنا، يدەياسىنىڭ بىرلىككە كەلۋىنە، اياق الىسىنىڭ بىركەلكى بولۋىنا كەپىلدىك ەتتى.
تاياۋ جىلداردان بەرى فينانس ورىندارىنىڭ ينفورماتسيالاندىرۋ قۇرىلىسى جاپپاي كۇشەيدى، ورتالىقتىڭ فينانس جۇيەسى سيفرلاندىرۋ تاسىلىنەن تولىق پايدالانىپ، پارتيا قۇرىلىسى قىزمەتىنىڭ ينفورماتسيالانۋ دەڭگەيىن جوعارىلاتىپ، جاپپاي قامتۋدى جۇزەگە اسىرۋعا، تولىق قاتىناسۋعا كەپىلدىك ەتۋگە بەرىك نەگىز قالادى.
«قۇرىلىس بانكەسىنىڭ زەردەلى پارتيا قۇرىلىسى جۇيەسى جەلىگە شىعارىلعاننان كەيىن ءبىز جۇيەدەن ناقتى ساندى مالىمەتتەردى تىكەلەي كورە الامىز، بۇل سايلاۋ قىزمەتىنىڭ ونىمدىلىگىن بارىنشا جوعارىلاتتى» دەدى ۇيىمداستىرۋ قىزمەتىمەن 4 جىلدان استام ۋاقىت شۇعىلدانعان جۇڭگو قۇرىلىس بانكەسى گۋاڭشي بەيحاي بولىمشە بانكەسىنىڭ قىزمەتكەرى جۋ حۋانمەي. ول تاعى بىلاي دەدى: جۇڭگو قۇرىلىس بانكەسى گۋاڭشي بولىمشە بانكەسىنىڭ ءار دارەجەلى پارتيا ۇيىمدارى زەردەلى پارتيا قۇرىلىسى جۇيەسىنەن ويداعىداي پايدالانىپ، كورسەتۋ، ۇسىنۋ بەلەت سانىن مۇقيات جيناقتاپ، ساندى مالىمەت، بارىس، ناتيجە سىندى 3 ولشەمدى مىقتى يگەرىپ، پارتيا ۇيىمى مەن پارتيا مۇشەلەرىنىڭ نەگىزگى سانىن قايتا تەكسەرىپ، پارتيا ۇيىمدارى مەن پارتيا مۇشەلەرىنىڭ ات سالىسۋىنىڭ شىنايى، قاتاڭ بولۋىنا كەپىلدىك ەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
